Valeria Marini është dekurajuar dhe lodhur pas akuzave për tradhti nga ish-burri i saj. Divorci me sipërmarrësin Giovanni Cottone, vazhdon të përflitet ende kudo. Por e famshmja Marini ka mohuar të gjitha thashethemet gjatë një emisioni italian. “Kam përjetuar ‘ferrin’. Ajo çfarë thuhet për mua nuk korrespondon aspak me të vërtetën. Nuk është e vërtetë që u dashurova me një burrë tjetër, jam monogame. Dua vetëm të them se gjithçka që Giovanni po thotë është gënjeshtër. Martesa jonë as nuk filloi. Unë nuk e kam në natyrë që të flas për jetën time private, por tani është momenti të rrëfehem. Nuk është e vërtetë që e kam tradhtuar. Përkundrazi unë isha ajo që u mashtrova në të gjithë këtë”, ka deklaruar Marini.