Trupi i Hugo Çavez, presidentit të Venezuelës, do të balsamoset dhe do të ekspozohet në muze në një arkivol prej qelqi.Trupi i tij nuk do jetë shumë larg nga pallati presidencial, nga ku ai qeverisi për 14 vite.
Lajmin e bëri të ditur pasuesi i tij.
Në këtë mënyrë, Çavez do ketë të njëjtin trajtim si liderët revolucionarë komunistë Lenini, Mao dhe Ho Shi Min.
Zëvendëspresidenti Nikolas Maduro tha se trupi i Çavez do qëndrojë edhe për shtatë ditë në homazhe, pasi janë me mijëra njerëz që duan ta shohin.
Nuk dihet me saktësi se kur do të zhvendoset trupi nga Akademia Ushtarake ku edhe ndodhet aktualisht.
Ndërkohë, lideri i ri i këtij vendi vazhdon të këmbëngulë se Çavez është infektuar nga armiqtë imperialistë.
Analistët nga ana e tyre thonë se lideri majtist kishte një pasuri të jashtëzakonshme prej 2 miliard dollarësh.
Irani e ka shpallur ditë zie për të nderuar një aleat të luftës kundër imperializmit amerikan.
