Home » » Tirana Observer: “Vajza e arrestuar heq prangat dhe vjedh makinën e policisë (VIDEO)” plus 9 more

Tirana Observer: “Vajza e arrestuar heq prangat dhe vjedh makinën e policisë (VIDEO)” plus 9 more

Tirana Observer: “Vajza e arrestuar heq prangat dhe vjedh makinën e policisë (VIDEO)” plus 9 more

Vajza e arrestuar heq prangat dhe vjedh makinën e policisë (VIDEO)

Posted: 06 Sep 2017 09:30 AM PDT

Një vajzë që po mbahej nën arrest në pjesën e mbrapme të makinës së policisë ka arritur të heqë prangat dhe të vjedhë makinën e tyre.

33-vjecarja ishte kapur me canta mallrash të vjedhura dhe oficerët po kontrollonin cfarë kishte brenda.

Pamjet e publikuara tregojnë guximin e Toscha Sponsler për t'ia mbathur. Ajo i jepte makinës me 160 km/h derisa policët e kapën pasi e ndoqën për 23 minutash.

Forcat arritën ta kapnin përsëri duke përdorur një manovër PIT që të humbiste kontrollin e makinës.

A e dini sa ka pritur George Clooney për tu bërë burri i Amal?

Posted: 06 Sep 2017 09:15 AM PDT

Aktori i njohur George Clooney ka dhënë një intervistë ku ka folur për jetën e tij si baba dhe bashkëshort.

Dihet se 56-vjeçari u njoh me Amal në 2014, por nuk kishte treguar asnjëherë se si i ka propozuar.

"Mendova sa e bukur, e qeshur dhe e zgjuar është. Ajo më dërgonte disa fotografi kur ishte këtu dhe flinim me njëri-tjetrin, më së shumti duke treguar për jetën që bënim. Pas një kohe u kuptua qartë se ishim më shumë se miq,"  -tha ai për Hollywood Reporter.

George tregoi se takimi i tyre i parë ishte në Londër ku ai e ftoi për të vizituar disa monumente historike. Shkuam për darkë në një vend dhe kur dolëm kishte 50 paparacë jashtë, por ajo ia doli si kampione e vërtetë.

Kur erdhi koha e propozimit, ai planifikoi një natë të magjishme në prill të 2014.

"Gatova darkën për të, por asgjë impresionuese. Pasi zbulurova gjithçka, vura disa këngë të Rosemary dhe po prisja për pjesën 'Why shouldn't I? Why shouldn't I take a chance when romance passes by? Why shouldn't I know of love? It's a really good song about why can't I be in love? Dhe më pas u ula në gjunjë me unazën në dorë. Qëndrova 20 minuta në gjunjë pasi ajo u shokua dhe më në fund pranoi," – tha ai.

Patozi: Mund të jetë hera e fundit që këta burra dhe gra t’i shikoni ministra

Posted: 06 Sep 2017 09:01 AM PDT

Astrit Patozi vijon të mbetet gjithnjë e më shumë i pranishëm në publikun shqiptar me anë të statuseve të tij në rrjetin social Facebook.

Kësaj here Patozi ka pohuar për ministrat se mund të jetë hera e fundit që i shohim si ministra.

"Mbajini mend mirë këto pamje, se mund të jetë hera e fundit që i shikoni ato burra dhe gra si ministra, pavarësisht se me veshje jozyrtare, duke hyrë e dalë, jo nga zyrat e shtetit, por prej hoteleve turistike", shkruan ndër të tjera Patozi.

Rama tregon rekordin e Guinness që ka thyer Shqipëria

Posted: 06 Sep 2017 08:53 AM PDT

Nëpërmjet një statusi në rrjetet sociale kreu i Qeverise Edi Rama ka treguar se burokracia shqiptare ka thyer rekord Guinness, për numrin e  aplikimeve për çertifikata.

Më nota të forta ironie Rama, e konsideron këtë gjendje si për çmim Guinness dhe që është një konsimim i madh nervash për të gjithë shqiptarët.

Kryeministri bën me dije se kjo gjendje skandaloze sipas tij, do të marr fund me krijimin e kabinetit të ri.

Më poshtë statusi i plotë i kryeministrit Edi Rama publikuar në facebook.

Edi Rama: Guinness: Në 1 vit burokracia shqiptare kërkon 4.5 milion çertifikata. Konsum skandaloz kohe lekësh nervash që do mbarojë me qeverinë e re. Në çdo rast kur i duhet çertifikata e qytetarit, për të dhënë një shërbim burokracia duhet ta sigurojë vetë. Kjo do të bëhet realitet, brenda 100 ditëve të para të mandatit të ri. #ShqipëriaqëDuam

Ja cilët do të jenë profesionet e së ardhmes

Posted: 06 Sep 2017 08:45 AM PDT

Dy të tretat e amerikanëve parashikojnë se brenda 50 viteve, robotët dhe kompjuterët do të bëjnë pjesën më të madhe të punës që tani e bëjnë njerëzit.

Sipas raportit të Forumit Ekonomik Botëror "Profesionet e së ardhmes", në më pak se pesë vjet nga tani, 5 milionë njerëz do të mbeten të papunë sepse vendet e tyre të punës do të automatizohen.

Por zhvillimet teknologjike, për shembull, në fushën e robotikës, do të krijojnë gjithashtu vende të reja pune dhe do të ndryshojnë aftësitë që punëdhënësit kërkojnë aktualisht nga punonjësit e tyre.

Për të konkurruar sa më mirë në tregun e ardhshëm të punës, punëtorët, madje edhe ata, profesionet e të cilëve janë më pak të prekur nga automatizimi, do të duhet të përditësojnë aftësitë, thuhet më tej në raport.

Sipas zyrës së Statistikave të Punës në SHBA dhe raportit të Forumit Ekonomik Botëror "Profesionet e së ardhmes", më poshtë do të njiheni me profesionet të cilat do të jenë më të suksesshme në të ardhmen:

Profesione të tilla si: zhvillues softuerik, analist i sistemeve kompjuterike, kërkues tregu dhe specialist marketingu parashikohen që të shënojnë një rritje pesëfish më të madhe në 2024, por për këto profesione, zhvillimi teknologjik do të jetë shumë i rëndësishëm.

Profesionet e mjekëve dhe fizioterapistët, gjithashtu pritet që të shënojnë rritje sidomos në një shoqëri në plakje.

Inteligjenca Sociale dhe Emocionale dhe të kuptuarit e platformave të reja të mediave dhe mbi të gjitha komunikimi në mënyrë efikase, do të vlerësohen shumë në një të ardhme, sidomos atëherë kur robotët të luftojnë për t'i zotëruar ato, këto aftësi do të jenë disa prej të cilave njerëzit mund të konkurrojnë fuqishëm me robotët.

Në një botë e cila po ndryshon me ritme shumë të shpejta, vendet e punës në fushën e arsimit dhe trajnimit pritet të shënojnë rritje. Rritje do të shënojnë edhe analistët e menaxhimit, kontabilistët dhe specialistët e auditit.

Deri në vitin 2020, më shumë se një e treta e aftësive të cilat janë shumë të rëndësishme sot për gjetjen e një pozicioni pune, nuk do të jenë më.

Kjo tabelë tregon se cilët sektorë të punës kanë gjasa të shohin lëvizjet më të mëdha "në paqëndrueshmërinë e aftësive".

Për shembull, 43% e aftësive që aktualisht nevojiten për të kryer me sa më efikasitet punën në industrinë e shërbimeve financiare dhe atë investuese, në të ardhmen do të dalin jashtë loje.

10 gjërat që duhet t’i mbani gjithmonë në makinë

Posted: 06 Sep 2017 08:30 AM PDT

Mirëmbajtja e zakonshme ose menaxhimi i emergjencave kur jemi në drejtimin e një mjeti është i nevojshëm. Nëse gjendeni gati, ju ndihmon për të larguar stresin. Ja pajisjet që duhen të mbahen në dorë. Një palë, të tilla në fakt janë të detyrueshme…

Jeleku reflektues

Vazhdojmë me ato që nuk janë të detyrueshme (pastaj shikojmë atë që është fakultative, por e nevojshme: jeleku reflektues).

Siç thotë Kodi Rrugor, duhet të vishen nga drejtuesit e automjeteve të stacionuara në rrugë, jashtë qendrave të banuara, gjatë natës ose nën shikim të dobët, kur trekëndëshi është ngritur pas një dështimi ose për të zëvendësuar një gomë ose raste të tjera. Detyrimi gjithashtu zbatohet edhe për udhëtarët, nëse dalin nga makina. Shoferi, i cili "harron" të veshë jelekun ndëshkohet me gjobë nga 41 në 169 euro dhe një prerje me 2 pikë në patentë. Nëse udhëtari mund të kapet, jashtë makinës, pa xhaketë, sanksioni është vetëm monetar. Jelekun është mirë ta mbash në ndarjen e pasagjerëve, kështu që mund të jetë i veshur para largimit nga makina.

Trekëndëshi

Në paketën e detyrueshme të sigurisë para ligjit, përvec jelekut reflektues, ekziston trekëndëshi. Duhet të ekspozohet (të paktën 50 metra nga vetura) qoftë ditë qoftë natë, në rastet kur duhet të ndalesh në karrierë, për një gabim. Mungesa e përdorimit të trekëndëshit përfshin një gjobë prej 36 deri 148 euro, përveç zbritjes me dy pikë nga patenta.

Kabllot e energjisë

Bateria e shkarkuar është një ndër problemet më të zakonshme në një makinë, kështu që kabllot e energjisë bëhen të domosdoshme sepse ato ndihmojnë për të "ringjallur" makinën dhe për ta vënë përsëri në lëvizje.

Rrota rezervë në gjendje të përsosur

Që makina të jetë e pajisur me "timon" ose me një rrotë të vërtetë rezervë, bën pak ndryshim: ato duhet të jenë në gjendje të përsosur. Në presionin e duhur. Të padëmtuara.

Të ndryshme – por deri në një farë mase – për makinat standarde, në vend të rrotave rezervë, kit riparimi, që përmbajnë një kompresor, kutinë e lëngshme të ngjitësit dhe gjithcka që nevojitet për të bërë një riparim të përkohshëm. Herë pas here duhen kontrolluar pajisjet për të verifikuar efikasitetin e komponentëve.

Një çantë e ndihmës së parë

Asnjëherë nuk mund të dihet se kur nevojitet një çantë e ndihmës së shpejtë, kështu që mbajtja në makinën tuaj është gjithmonë një lëvizje inteligjente. Sigurisht duke shpresuar që nuk do ta përdorim kurrë. Ata gjenden lehtësisht, duke nisur nga supermarketet tek të njëjtat stacione të shërbimit dhe mund të jenë pak a shumë " të pasura". Është e qartë se kjo çantë duhet të mbahet në kontroll: diçka mund të jetë e shkurtër, diçka mund të shkojë….

Një çantë mjetesh

Në rast se nevojiten riparime të vogla, duhet të keni ca mjete bazë-çelës anglez, pirgje, çelësa të hekurt, kaçavida, shina dhe pincë – do t'iu ndihmojnë të zgjidhni me lehtësi dhe shpejt situatën.

Një kruajtëse

Kruajtësja shërben vetëm në dimër, është e vërtetë: kur e gjeni makinën tuaj të mbuluar me borë dhe akull. Por është mirë ta mbash gjithmonë në makinë, që mos ndjesh keqardhje në qoftë se nuk e ke atë në rast nevoje. Mjerë kush përdor ujë të nxehtë ose alkool për të shkrirë gota: shoku termik mund të ketë pasoja serioze.

Një dorezë elektrike

Sot, të gjithë smartfonët kanë një aplikacion për dorezën elektrike, por sigurisht asnjëri prej tyre nuk mund t'i mposhtë efikasitetin dhe funksionet e një pishtari të vërtetë. Kjo mund të shërbejë në shumë raste, madje edhe në harta të lehta dhe dokumente në errësirë.

Bombol gazi zjarrfikës

Mund të duket e ekzagjeruar, por nuk është kështu. Në tregje ka fakte të vecanta për makinën, të vogla dhe të lehta për t'u kryer. Shkaku i zjarrit mund të jetë një aksident ose problem elektrik ose mbinxehje e konvertuesit kataliktik. Është mirë ta mbani në duar, nën sediljen e shoferit. Nëse nuk është e mundur, mund të mbahet në bagazh, por të fiksohet në mënyrë të sigurt, që të jetë lehtësisht i arritshëm kur kemi nevojë dhe të mos fluturojnë nga ta gjitha anët kur nuk shërbejnë.

Dorezat e punës

Nga zëvendësimi i një gome në montimin e zinxhirëve, në kontrollin e nivelit të vajit (i cili ju detyron të vendosni duart tuaja në motor për të arritur atë që doni). Mundësitë për të mbrojtur veten ( jo vetëm nga papastërtia) janë shumë. Ka shumë lloje dhe çmime të dorezave të punës.

Ngjela kërkon arrestimin e myftiut të Tiranës, ish-kreu i Kulteve: Këtë burrë e duartrokiti Parisi

Posted: 06 Sep 2017 08:00 AM PDT

Avokat Spartak Ngjela kërkoi sot arrestimin dhe dënimin e myftiut të Tiranës, Ylli Gurra, duke e akuzuar për nxitje të urrejtjes dhe dhunës fetare.

Por kësaj kërkese i është përgjigjur ish-kryetari i Komunitetit Shtetëror të Kulteve, Ilir Hoxholli, i cili e konsideron deklaratën e Ngjelës dhe të tjerë kritikëve si shenjë të kijametit.

Hoxholli e vlerëson Ylli Gurrën si një njeri patriot dhe atdhetar, që në festa ka valëvitur flamurin kombëtar nëpër minaret.

Hoxholli thekson se myftiu i Tiranës është simbol i harmonisë fetare në Shqipëri dhe i kujton Ngjelës pjesëmarrjen e Ylli Gurrës, në krah të krerëve të besimeve të tjera, në homazhet e viktimave të Parisit.

Reagimi:

Dy fjale për Myftiun e Tiranës

E njoh prej vitesh dhe ju them me bindje se nuk ka me patriot e atdhetar se ky njeri. Njeriu qe per festa ka valvitur flamujt kombetar neper minare, jo si disa qe flasin per heronj e flamujt kombetare jane te lene pertoke.

I ka prekur te varferit me duart e tij, i ka ndihmuar, jeton me dhimbjet e tyre. Mund ta quash simbol te harmonise fetare dhe faktet flasin.

Po pse sulmohet? Per çfare, kaq brutalisht shpifet per ta nxjerre nga konteksti, pse?

Flasin personat qe para 6 vitesh bene deklarata per ta djegur Shqiperine. Nuk i hyri asnje gjemb ne kembe, perkundrazi kane hapesire ne media dhe mund te thone çte duan. Eshte njelloj sikur te godasesh Vehbi Dibren, Ibrahim Dalliun, Sabri Koçin, sepse pikerisht kjo eshte feja qe ka ky njeri.

Flasin ata qe vendi lengon prej tyre prej 27 vjetesh, flasin maskarenjte qe strofkullen e fundin kane "patriotizmim".

Sa keq o vendi im qe kete burre qe e duartrokiti Parisi e perdhosin palacot qe nuk i besojne as vete ato qe thone…

E kur flasin per Skenderbeun flamujt i lene pertoke, e kur flasin per "destabilizimin" e myftiut, vete i vune flaken vendin para disa viteve, mos u merzitni shenja te Kijametit, fali Myfti se nuk dine cfare thone…

Dorëheqja e Myzafer Korkutit, Artan Fuga: Përulem me respekt para profesorit

Posted: 06 Sep 2017 07:55 AM PDT

Nënkryetari i sapozgjedhur i Akademisë së Shkencave, akademiku Myzafer Korkuti ka dhënë sot dorëheqjen nga posti në të cilin u zgjodh vetëm së fundi me votën e anëtarëve.

Për këtë ka reaguar akademiku Artan Fuga, i cili në një shënim në Facebook thotë: "Unë i kërkoj ndjesë Profesorit që pa dashjen time, në kërkim të rrugëve për ta nxjerrë nga kriza dhe farsa Akademinë e Shkencave, unë e kam ndofta lënduar anashkalimthi edhe atë, duke bërë çfarë kam pasur në dorë të evitoj konfuzionin e njeriut me institucionin. Por, duke theksuar gjithnjë se nuk kam pasur asgjë personale me të as me një njeri tjetër, dhe duke i shprehur respektin tim më të veçantë!"

REAGIMI I PLOTE 

Lidhur me dorëheqjen e nënkryetarit të Akademisë të Shkencave!

Mësojmë se nënkryetari i Akademisë të Shkencave të Republikës të Shqipërisë sapo ka dhënë dorëheqjen!

Me këtë rast unë përulem me respekt për profesor Myzafer Korkutin duke e risiguruar atë sikurse kam bërë çdo ditë dhe çdo orë të këtyre ditëve me debate dhe tensione të mëdha për të ardhmen e Akademisë, pa e humbur kurrë toruan dhe respektin, se unë vlerësoj maksimalisht kontributin e tij prej disa dekadash si shkencëtar dhe edhe më shumë edhe si menaxher i agjencive kërkimore shkencore të vendit.

Në vitin 2008, në krye të një auditi shkencor në institutet e atëhershme akademike, ku gjetëm një gjendje katrahure e cila është pasqyruar me detaje në raportet e kohës, vetëm në Institutin e arkeologjisë të drejtuar nga Profesor Myzafer Korkuti gjeta ekselencën ku ndihej dora e tij.

Fondet e çmuara edhe në ditët më të këqia atje u ruajtën dhe u siguruan. Atje ndihej dora e Tij!

Unë përulem sinqerisht para atij brezi shkencëtarësh, duke shpresuar se shkenca shqiptare që prej kohësh lëngon dhe e ka humbur shkëlqimin e vet për një mijë arsye që nuk varen nga Profesori, do të dijë të ngrihet. Dhe shpejt madje!

Unë uroj që profesor Korkuti të ketë krijimtari të gjatë dhe kontribut energjik brenda një asambleje akademikësh, e cila ka mundësi t'i gjejë të gjitha rrugët për t'ja hequr vellon e dështimit institucionit!

Unë i kërkoj ndjesë Profesorit që pa dashjen time, në kërkim të rrugëve për ta nxjerrë nga kriza dhe farsa Akademinë e Shkencave, unë e kam ndofta lënduar anashkalimthi edhe atë, duke bërë çfarë kam pasur në dorë të evitoj konfuzionin e njeriut me institucionin. Por, duke theksuar gjithnjë se nuk kam pasur asgjë personale me të as me një njeri tjetër, dhe duke i shprehur respektin tim më të veçantë!

Akademia ka etikën e vet universale!

Mënçuria e profesor Korkutit duhet të ndricojë pjesën tjetër të kryesisë për të dhënë dorëheqjen dhe hapur rrugë për transformim dhe reformime të cilat këto vite fatkeqësisht nuk janë kuptuar, janë penguar dhe madje në raste të ndryshme të përsëritura janë censuruar.

Produkti i Akademisë të Shkencave sot është artificial, fiktiv dhe i padobishëm në një masë shumë të madhe, pa futur gjithçka në një kategori!

Asnjë institucion nuk mund të shpërblehet për një punë të pabërë dhe me rezultat gënjeshtar!

​As loja me emrat e akademikë të mëdhenj, as politizimi i cështjes, as manipulimet me emrin e Agollit të madh nuk legjitimojnë gjë. Gabimet dhe vonesat janë të pafalshme!

Unë vazhdoj të them se as nuk mund të nisi një proces i vërtetë reformimi nëse paraprakisht nuk do të realizoheshin masat e menjëhershme:

1- Dorëheqje e të gjithë kryesisë të rizgjedhur.

2- Administrim i përkohshëm me kompetenca të kufizuara nga ana e sekretarit shkencor.

3- Transparenca e figurës të Akademikut sipas kërkesës të bërë nga kryesia e kaluar.

4- Auditim i përdorimit të burimeve njerëzore, materiale dhe financiare të Akademisë të Shkencave nga ana e oraganeve ministeriale dhe jo vetëm.

Vetëm atëherë mund të konsiderohet se pika e 5, pra

5- Ngritja e një komisioni të përkohshëm reformimi, mund të kishte vlerë dhe të niste një punë të pastër, të sinqertë, të thellë, dhe efikase!

Përndryshe farsa do të transformohej në një farsë të farsës!

Serbia e sigurtë: Kroacia do të ekstradojë Ismail Morinën

Posted: 06 Sep 2017 07:30 AM PDT

Pasi gjykatat i thanë "PO" ekstradimi ose jo i Ismail Morinës tashmë është në dorë të Ministrisë së Drejtësisë kroate.

Sot në Tiranë presidenti Iliri Meta thriri në një takim ambasadoren për të shprehur shqetësimin se  Ismail Morina  nuk është i sigurt në Serbi.

Ndërkohë në Beograd ministrja e Drejtësisë deklaron se Ballisti do të ketë një proces gjyqësor të drejtë dhe ligjor.

"Gjykatat serbe mund të sigurojnë një proces gjyqësor të drejtë dhe të ndershëm", tha ministrja e Drejtësisë, Nela Kuburovic, raporton Ora News.

"Sa i takon çështjes, duhet të presim vendimin e ministrit të Drejtësisë në Kroaci, por unë besoj se kolegu im do të veprojnë në përputhje me vendimin përfundimtar të gjykatës dhe se Morina do të ekstradohet në Serbi me qëllim që të gjykohet në një proces gjyqësor të hapur në Gjykatën e Lartë në Beograd", tha ministrja serbe sipas Tanjug.

Ismail Morina akuzohet për nxitje të urrejtjes etnike dhe racore.

Franca mund të kërkojë rivendosjen e vizave me Shqipërinë

Posted: 06 Sep 2017 07:24 AM PDT

Franca mund të kërkojë rivendosjen e vizave me Shqipërinë në rast se azilkërkuesit vijojnë të abuzojnë me mikpritjen e vendit.

Sipas të dhënave zyrtare të Ministrisë së Brendshme Franceze të publikuara në të përditshmen Le Figaro, Shqipëria mban vendin e parë të numrit të azilkërkuesve për vitin 2017.

Duke filluar nga janari i këtij viti, 7,256 shqiptarë kanë paraqitur kërkesë për azil në Francë, një shifër 178,9% më e lartë krahasuar me të njëjtën periudhë të vitit të kaluar.

Shqipëria renditet kështu përpara vendeve si Afganistani apo Siria, të cilat janë të përfshira nga luftërat civile.

"Për të kontrolluar situatën, Parisi është detyruar të kërkojë për Shqipërinë të njëjtat klauzola mbrojtëse që kërkoi për Gjeorgjinë dhe Ukrainën: një rivendosje të vizave në rast të abuzimit me mikpritjen," shkruhet në të përditshmen franceze.

Sipas Le Figaro, të paktën 3 avionë kanë mbërritur nga Franca në Tiranë këtë verë, me shqiptarë të cilëve u është refuzuar kërkesa për azil.

Situata paraqitet tepër shqetësuese dhe ministri i brendshëm francez Gerard Collomb është në kontakt të vazhdueshëm me autoritetet përkatëse ku azilkërkuesit shqiptarë paraqesin probleme.

Pas Holandës, edhe Franca sheh me shqetësim edhe aktivitetin kriminal në rritje të grupeve shqiptare.

Sipas të përditshmes Le Figaro, disa shqiptarë e kërkojnë azilin si pasojë e Kanunit.

Ky komunitet vulnerabël rrezikohet nga trafiku i qenieve njerëzore e prostitucioni, teksa shqiptarët që mbërrijnë masivisht në Francë mbështeten nga grupe të fuqishme mafioze.

Shkëmbimet diplomatike mes Parisit dhe Tiranës lidhur me këtë çështje po intensifikohen, mbyll artikullin Le Figaro.