Home » » Ora News: “PAN-i optimist për krijimin e institucioneve javën e ardhshme” plus 9 more

Ora News: “PAN-i optimist për krijimin e institucioneve javën e ardhshme” plus 9 more

Ora News: “PAN-i optimist për krijimin e institucioneve javën e ardhshme” plus 9 more

PAN-i optimist për krijimin e institucioneve javën e ardhshme

Posted: 03 Sep 2017 12:15 AM PDT

Nga koalicioni PDK-AAK-Nisma janë optimist se java e ardhshme mund të jetë me zhvillime pozitive për krijimin e institucioneve të reja.

Pal Lekaj, deputet i Aleancës për Ardhmërinë e Kosovës ka thënë për lajmi.net se kjo mund të ndodhë pasi ka pasur reflektim të një spektri politik parlamentar.

"Java që po vjen dhe reflektimi pozitiv i një pjese të spektrit politik parlamentar, besojmë që do të jetë me zhvillime pozitive në kuptim të bërjes së institucioneve të reja", ka thënë deputeti i AAK-së.

Lekaj ka deklaruar se disa parti duke aluduar në VV-në dhe LDK-në e kanë shfrytëzuar kandidatin për kryetar të Kuvendit, duke vonuar sipas tij qëllimshëm zgjedhjen e qeverisë.

"Ata kanë dashtë që duke shfrytëzuar një "pikë" të dobët në këtë drejtim atë të refuzimit të kandidaturës së koalicionit tonë për kryetar Kuvendi, kanë vonuar qëllimshëm zgjedhjen e qeverisë dhe vazhdimin e punëve të shumta që e presin Kosovën. Pra nuk e kanë pasur as më të voglën përgjegjësi që ta ndihmojnë procesin duke mos pranuar se kryetari i Kuvendit i takon PAN-it", ka thënë Pal Lekaj.

Deputeti i PAN-it ka thënë se këto parti kanë dashur që të përfitojnë në aspektin elektoral, por që e kanë dëmtuar të ardhmen e vendit.

Enver Hoxhaj ditë më parë në seancën e Kuvendit deklaroi se koalicionit PAN i duhen afro dy javë për t'i siguruar votat për kryetarin e Kuvendit.

Ndërsa kandidati për kryeministër, Ramush Haradinaj ka thënë vazhdimisht se votat për qeverinë i ka të siguruara.

 

Të parët për lajmin e fundit. Ndiqni Oranews.tv në Facebook dhe në Twitter

Shkodër, plagosje me armë zjarri në hyrje të qytetit

Posted: 03 Sep 2017 12:02 AM PDT

Një person është plagosur me armë zjarri në hyrje të qytetit të Shkodrës në orët e para të mëngjesit të së dielës. Policia raporton se ngjarja ka ndodhur pas një sherri në një lokal të fshatit Beltojë.

Shtetasi E.N 21 vjec është dërguar menjëherë me urgjencë në spitalin e qytetit. Forcat e policsë kanë identifikuar autorin e plagosjes ndërsa po punojnë për kapjen e tij.

“Më datë 03.09.2017, ora 03:35, ka ardhur një telefonatë në sallën operative se në një lokal në afërsi të fshatit Beltoj, është një person i plagosur.

 Menjëherë kanë shkuar shërbimet e Policisë ku kanë konstatuar se pas një konflikti të çastit me persona akoma të paidentifikuar, ka mbetur i  plagosur me armë zjarri shtetasi E. N, 21 vjeç, banues Vukel, Malësi e Madhe.

 Janë ngritur pika të shumta kontrolli dhe po punohet për identifikimin dhe kapjen e autorëve.

 Në vendgjarje ndodhen shërbimet e policisë dhe grupi hetimorë për sqarimin e rrethanave të ngjarjes.”

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Reshje shiu, bllokohet aksi rrugor Orikum-Llogara

Posted: 02 Sep 2017 11:55 PM PDT

Reshjet e dendura të shiut kanë shkaktuar rrëshqitje të dheut në Llogara.

Nga masivi i dheut është bllokuar aksi rrugor Orikum-Llogara.

Kalimi i mjeteve po bëhet me vështirësi në rrugë pranë fshatit Dukat.

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Prekëse, familja kërkon para për të marrë eshtrat e djalit

Posted: 02 Sep 2017 11:42 PM PDT

Një familje nga Anglia është në gjendje të dëshpëruar pasi po kërkon para për të mbledhur hirin e të birit që ka ndërruar jetë.

Lee McAuley ishte 28 vjec kur u gjet i rrëzuar nga krevati i tij. Pavarësisht se funerali i tij u bë muajin e kaluar, motra e tij ka deklaruar se nuk kanë akoma hirin e tij.

Ajo tha se për shkak të pamundësive ekonomike, familja nuk mund të paguajë për këtë gjë. Nëse nuk paguajnë faturën prej 1000 paund, nuk mund të marrin eshtrat e tij.

Ata nuk kanë mësuar akoma shkakun e vdekjes së 28-vjecarit ndërsa mendohet se një sëmundje stomaku ka qenë shkaktar. Nëpërmjet një faqe online, familja e tij arriti të mbledhë mbi 1 mijë paund duke arritur qëllimin që të marrë eshtrat apo hirin e Lee.

/oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter

Lewis Hamilton me rekord të ri botëror

Posted: 02 Sep 2017 11:34 PM PDT

Lewis Hamilton ka thyer rekordin e të gjitha kohërave duke kaluar gjithnjë i pari në vijën e fillimit të garës që nga fillimi i karrierës së tij.

Ai ka marrë cmimin italian Grand Prix dhe ishte 1.148 sekonda më i shpejtë se Max Verstappen. Ndërkohë titullin kryesor e mori Sebastian Vettel arriti të marrë vendin e parë me makinën e tij Ferrari, ndërsa të dytin e mori Hamilton me Mercedes.

"Jam shumë i lumtur që bëra këtë gjë kaq të bukur në një qytet historik dhe të bukur. Unë do ha makarona që të festoj," – tha ai për BBC.

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Protesta të dhunshme në kryeqytetin argjentinas

Posted: 02 Sep 2017 11:08 PM PDT

Kryeqyteti i Argjentinës është përfshirë nga protesta masive, ndërsa protestuesit u përleshën me policinë në Buenos Aires. Tubimi masiv erdhi në përkujtimit të zhdukjes njëmujore të aktivistit Santiago Maldonaldo, për të cilin protestuesit fajësojnë autoritetet.

Mijëra persona pushtuan Plaza de Mayo, shesh jashtë pallatit presidencial në kryeqytetin argjentinas, duke mbajtur pankarta “Ku është Santiago Maldonaldo?”, si dhe duke kënduar “Vrasës, vrasës, vrasës!”

Sergio Maldonaldo, vëllai i aktivistit të humbur 28 vjeç, akuzoi qeverinë e krahut të djathtë të Mauricio Macri se po mbulon me forcë zhdukjen e tij.

Protesta u thirr nga shoqatat e të drejtave të njeriut, duke kërkuar vendosjen e Maldonadon i cili u zhduk më 1 gusht gjatë një proteste në Mapuche në provincën Chubut, në Buenos Aires. Demonstrata u organizua nga grupe opozitare, sindikata dhe lëvizjet më radikale të rrugëve.

Ndërsa fjalimet u mbyllën, disa nga protestuesit filluan të lobojnë në polici dhe të ngrenë barrikada të cilat u vunë zjarr.

/Ora Newstv/

 

Të parët për lajmin e fundit. Ndiqni Oranews.tv në Facebook dhe në Twitter

Alarmi/ Koreja e Veriut shkakton tërmet prej 6.3 ballë

Posted: 02 Sep 2017 10:52 PM PDT

Një dridhje e madhe e tokës është regjistruar në Korenë e Veriut për shkak të kryerjes së testit të gjashtë bërthamor, thotë ministri i Jashtëm i Japonisë.

“Qeveria konfirmon se Koreja e Veriut kreu një test bërthamor pas shqyrtimit të informacionit nga agjencia e motit dhe informacione të tjera,” u tha gazetarëve Taro Kono.

Sizmologët amerikanë kishin thënë se tërmeti magnitudë 6.3  është regjistruar verilindje të vendit dhe ishte rezultat i një “shpërthimi të mundshëm”.

"Epiqendra" e tërmetit ndodhet në zonën ku janë kryer testet e mëparshme bërthamore.

Shpërthimi erdhi disa orë pasi kreu i Koresë së Veriut Kim Jong-un u paraqit me atë që media shtetërore tha se ishte një lloj i ri i bombës me hidrogjen.

Media shtetërore tha se pajisja mund të ngarkohej në një raketë balistike. Asnjë pretendim nuk mund të verifikohet në mënyrë të pavarur.

Zyrtarët e Koresë së Jugut thanë se tërmeti u zhvillua në Kilju County, ku ndodhet vendi i provës bërthamore Punggye-ri të Veriut.

Menjëherë pas kësaj, Presidenti i Koresë së Jugut, Hëna Jae-in thirri një mbledhje urgjente të këshillit të sigurisë kombëtare.

Administrimi i tërmeteve të Kinës e përshkroi dridhjen si një “shpërthim të dyshuar”. Ajo tha se kishte zbuluar një tronditje të dytë vetëm pas shkallës së parë, me madhësi 4.6, të cilën e quajti “kolaps”.

Fuqia e lëkundjes bën që Koreja e Veriut të realizojë provën më të fuqishme bërthamore deri më tani.

Koreja e Veriut zhvilloi testin e saj të fundit bërthamor në shtator 2016. Ajo ka sfiduar sanksionet e OKB-së dhe presionin ndërkombëtar për të zhvilluar armë bërthamore dhe për të testuar raketa të cilat potencialisht mund të arrijnë në SHBA.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Furnizonte me kokainën Varesen, arrestohet 35 vjeçari shqiptar

Posted: 02 Sep 2017 10:39 PM PDT

Një çift shqiptaro-italian përfundoi në prangat e policisë në Varese, pasi informacioneve të marra se në banesën e tyre kishte sasi të mëdha kokaine.

Në pranga ka përfunduar shqiptari me iniciale X.A, 35 vjeç dhe italiania M.G, 23 vjeçe.

Gjatë kontrolleve të zhvilluar në banesën e tyre, policia ka gjetur 332 gram kokainë, 143 gram hashash si dhe 4 gram marijuanë, si dhe një shumë prej 12 mijë eurosh.

Lënda narkotike ishte fshehur mjeshtërisht në bodrumin e banesës.

Organet e drejtësisë mbajtën në burg 35 vjeçarin shqiptar, ndërsa vajza u vendos në burgun e grave.

Organet e hetimit ka zbuluar rrjetin e furnizuesve të konsumatorëve në qytet.

Droga dhe eurot e kapura

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Tahiri: Ekipi i Unitetit, hap drejt përmbylljes së dialogut

Posted: 02 Sep 2017 10:26 PM PDT

Presidenti i Republikës së Kosovës, Hashim Thaçi ka paralajmëruar se do të bëjë një Ekip Uniteti me përfaqësues të partive politike për të zhvilluar dialogun mes Kosovës dhe Serbisë në Bruksel.

Sipas ministres në largim, Edita Tahiri, kjo iniciativë e Thaçit ngjason me bisedimet në Vienë të cilat atë kohë ishin zhvilluar mes presidentëve.

Tahiri në një intervistë për "Indeksonline" ka thënë se Bashkimi Evropian tashmë është bindur se dialogu duhet të hyjë në fazën finale, andaj edhe kanë filluar përgatitjet rreth kësaj çështje.

"Qëkur kemi kërkuar nga BE-ja të hyjmë në fazën përfundimtare të dialogut, ne veç kemi filluar këtë debat. Tani presidentit me Kushtetutë i takon të mbrojë unitetin dhe në delegacion në Vjenë, presidenti i ka udhëhequr bisedimet dhe këtë e kemi menduar edhe tash. Fjala është për një delegacion që do të përfshinte gjitha institucionet, por edhe spektrin politik të përfaqësuar në parlament, opozitën dhe pozitën", ka thënë ajo.
Sipas Tairit, në këtë kuadër kanë filluar përgatitjet sepse edhe BE është e bindur se dialogu duhet të hyjë ne fazën përfundimtare dhe të mos jetë i gjatë siç ka qenë 6 vite, por i shkurtë me afate kohore dhe të mbyllen armiqësitë mes dy shteteve dhe të nisë një kapitull paqeje.

"Ne e kemi bërë të qartë se paqja mund të arrihet me njohjen reciproke të dy shteteve", ka thënë ajo.

Brukseli në vitin 2015 kishte pranuar kërkesën e institucioneve të Kosovës për të kaluar në fazën përmbyllëse të dialogut me Serbinë. Takimet që kanë nisur në nivel presidentësh janë pikërisht hap drejt kësaj faze.
"Në vitin 2015 kemi dorëzuar në BE dokumentin e qëndrimeve tona lidhur me fazën përfundimtare. Që nga ajo kohë si Qeveri i kemi bërë të njohur Brukselit që ka ardhur koha për fazën finale. Këto takime që po mbahen në nivel të presidentëve po tregon që BE po bën përgatitjet që të fillojë kjo fazë dhe për të ndodhur kjo së pari duhet të përgatitet agjenda, cilat tema do të bisedohen. Kjo po ndodhë si një lloj diskutimi që më vonë do të finalizohet", ka thënë ajo.

Tahiri ka folur rreth çështjes se pse nuk është formuar më herët një Ekip i Unitetit, duke thënë se asnjë nga liderët e partive nuk i ishin përgjigjur ftesës së saj për të qenë pjesë e delegacionit në Bruksel.

"Prej kohës kur unë jam emëruar si kryenegociatore, gjithë spektrit politik në Parlament u pata dërguar ftesa liderëve, edhe atyre të opozitës. Por, nuk i janë përgjigjur ftesës që të jenë pjesë e delegacionit. Përveç LDK dhe AAK e kishin mbështetur në Parlament nisjen e dialogut", është shprehur ajo.

Tutje, Tahiri ka shtuar se përfundimi i dialogut pritet të vendose paqe dhe qetësi mes dy shteteve përmes njohjes reciproke si shtete, si nga ana e Kosovës, ashtu edhe e Serbisë.

 

Të parët për lajmin e fundit. Ndiqni Oranews.tv në Facebook dhe në Twitter

Financial Times sjell rrugëtimin në “Bjeshkët e Nemuna”

Posted: 02 Sep 2017 01:43 PM PDT

Bukuritë marramendëse dhe ajri i jashtëzakonshëm i të ashtuquajturave Bjeshkë të Nemuna që shtrihen mes Kosovës, Shqipërisë dhe Malit të Zi kanë marrë vëmendjen e revistës prestigjoze Financial Times.

Autori i këtij shkrimi ka shkelur vetë në çdo centimetër të vargmaleve misterioze të Kosovës. Martin Fletcher nder reshta duket i mrekulluar me natyrën dhe jetën e kësaj zone, ku ndër të tjera shkruan se edhe jeta baritore ka mbetur e pandryshuar, pavarësisht trazirave politike që kanë zgjatur me dekada e numrit të madh e gjithnjë në rritje të vizitorëve.

Në tregimin e tij narativm, ku pothuajse në çdo reshta e pamje  lexohet admirim dhe emocion Martin Fletcher shkruan se me dhimbje në këmbë dhe mushkëritë që po shpërthenin u ndalëm në majën e shkëmbit të malit Gjeravica, malit më të lartë të Kosovës. "Ishte një përpjekje që ia vlejti" thotë ai, nga pikëpamja jonë prej 8714 metrave ne pamë disa prej pejsazheve më të egra më mahnitëse dhe më së paku të paprekura që kanë mbetur në Europë. Nën qiellin e kaltër dhe me ajër të pastër ne admironim majat e maleve dhe luginat e gjelbëra dhe të pacënuara që shtriheshin në çdo drejtim.

Kjo distancë e largët dhe misterioze malore, shumica e saj e arritshme vetëm në këmbë ofron më shumë se bukurinë. Ajo strehon barinjtë dhe kopetë e traditat e lashta baritore që ende nuk janë shkatërruar nga mekanizmi.

"Në fshatrat e izoluar shkuran Martin Fletcher gjurmët vazhdojnë të mbijetojnë nga një kod i sjellës shekullore që kombinon ekstremet e dënimit dhe bujarisë", thuhet ndër të tjera në këtë artikull.  

Por vëmendjen e Fletcher gjatë gjithë këtij rrugëtimi e kishte marrë edhe emri i veçantë "Bjeshkët e Nemuna" që sipas kërkimit të tij në google i rezultonte që vetëm mallet shtriheshin në kufijtë e Kosovës, Shqipërisë dhe Malit të Zi.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter