Home » » “AAK në përfundim të listës së kandidatëve për këshilltarë komunal” plus 7 more Ferizaj Press

“AAK në përfundim të listës së kandidatëve për këshilltarë komunal” plus 7 more Ferizaj Press

“AAK në përfundim të listës së kandidatëve për këshilltarë komunal” plus 7 more Ferizaj Press

AAK në përfundim të listës së kandidatëve për këshilltarë komunal

Posted: 09 Aug 2017 07:55 AM PDT

AAK në përfundim të listës së kandidatëve për këshilltarë komunal. Zgjedhjet lokale po afrohen dhe partitë politike kanë filluar të caktojnë kandidatët që do të garojnë për kryetar komune dhe të përgatisin listat e kandidatëve për këshilltarë komunal.
Ashtu si partitë tjera, njejtë po vepron edhe Aleanca për Ardhmërinë e Kosovës në Ferizaj. Kryetari i këtij subjekti, Xhavit Zariqi, duke konfirmuar se do të jetë kandidat i kësaj partie për kryetar komune tha se lista me emrat e kandidatëve për Asamble komunale është kompletuar 90%.
"Sikur çdo subjekt politik që merr pjesë në zgjedhje edhe Aleanca për Ardhmërinë e Kosovës, dega në Ferizaj, është në vlugun më të madh të përgatitjeve për fillimin e një fushate të mbarë, jemi në përfundimin e listave për kandidatë për Asamblenë komunale dhe besoj që në fund të kësaj jave do të përmbyllet ajo listë dhe dihet saktësisht se kush do të garoj edhe pse dihen mbi 90% e emrave që do të jenë në garë për Asamble komunale nga Aleanca",tha Zariqi.
E, ata që kanë shprehur ambicie për të qenë pjesë e listës së kandidatëve për këshilltarë komunal nga AAK-ja kanë pasur një kusht për ta përmbushur.
"Ka qenë një kriter jashtëzakonisht rigoroz, është kërkuar nga secili kandidat mashkull, që pretendon të garoj, të plotësoj një listë me 250 nënshkrime me emër, mbiemër, me të dhëna personale të secilit person që i premton atij se do t'ia jep votën dhe nga ana e femrave kandidate 200 emra të plotësohen me të dhëna personale të secilit dhe me nënshkrimin e atij personi që i premton se do ta votoj. Ky kriter ka qenë vendim i kryesisë së degës, është miratuar unanimisht, është pranu nga ata që ka qenë pretendent për të kandiduar dhe nga pjesa dërmuese është pranu", theksoi Zariqi.
Në degën e AAK-së në Ferizaj thanë se ende nuk kanë filluar të punojnë në dizajnimin e fushatës zgjedhore, por njoftuan se do të hartojnë një strategji, e cila sipas tyre, do të bëj që të ketë ndryshime në Ferizaj, transmeton Televizioni Tema.

11 serbët dhe rusët e arrestuar ishin pjesëtarë të grupit ‘gueril’ që kryente stërvitje në Kosovë?

Posted: 09 Aug 2017 06:15 AM PDT

Organet e sigurisë ishin alarmuar në janar të këtij viti, kur televizioni publik transmetoi pamje të stërvitjeve ushtarake që një grup i një klubi stërvitorë po kryente në territorin e Kosovës. Ndonëse, stërvitjet pretendohej se ishin të improvizuara, ajo që shihej qartë ishte se pjesëmarrësit kishin të veshura uniforma të paramilitarëve serbë. 

Megjithëse pas raportimit, siguria në Kosovë ngriti nivelet e vigjilencës, të njëjtën gjë se kishte bërë Ministria e Administratës Publike, e cila një vit para raportimeve i kishte dhënë vetë leje këtij klubi të operonte në Kosovë, shkruan Gazeta Express. 

MAP e kishte licencuar si OJQ këtë organizatë në dhjetor të 2015'ës, me çka i mundësoi kryerjen e stërvitjeve të këtij grupi serb që ngjanin si guerilë, ndonëse pretendohej se vetëm po stërvitnin. 

Por, 'Airsoft Club Vukovi' u pezullua së operuari në Kosovë, një muaj pas raportimeve në media për dyshimet rreth operacioneve që zhvillonin brenda territorit kosovar, në zonat kufitare me Serbinë.

Klubi ishte regjistruar me emrin e Momčillo Arllov dhe Vuk Mitrovic. I pari, ka qenë pjesë e strukturave paramilitare serbe, në luftimet e Kroacisë, Bosnjës e Kosovës dhe nxënës i stërvitur në kampet e Arkanit. 

"Vendimi është bazuar në informacionet e institucioneve kompetente të sigurisë se ekziston dyshimi i bazuar që veprimtaria e OJQ-së "Airsoft Club Vukovi" (AC Vukovi), bie ndesh me interesat e sigurisë, nuk përkon me rendin juridik dhe kushtetues të Republikës së Kosovës, rrjedhimisht ka bërë shkeljet të normave juridike të statutit në bazë te cilit është regjistruar", thuhet në arsyetimin e MAP'it për vendimin për pezullimin e kësaj OJQ'je të nxjerrë më 13 shkurt të këtij viti. 

Shtatë muaj pas këtij vendimi, të mërkurën mbrëma, Policia e Kosovës ka njoftuar se ka arrestuar 11 shtetas serbë dhe rusë për kalim të paautorizuar të vijës kufitare, në mesin e tyre edhe një e minorene ruse, 15 vjeçare, raporton Gazeta Express. 

Një ditë më vonë, kryeprokurori i Prokurorisë  Themelore të Prishtinës, Imer Beka, foli për dyshimet se 11 të arrestuarit në lagjen e quajtur Sekiraqa në fshatin Metergof të Podujevës, dyshohet se kanë lidhje pikërisht me grupin stërvitor "Airsoft Club Vukovi". 

"Kemi vetëm indicie të mëhershme se do grupe kanë dalë kanë bërë ushtrime, e po dyshojmë mos janë këta", citon Kallxo.com tu ketë deklaruar kryeprokurori Imeri.

Policia, kur bëri të ditur për aksionin e arrestimit në kufi të Kosovës me Serbinë, njoftoi se 11 shtetasit serbë dhe rusë të arrestuar, së bashku me automjetet me të cilat po udhëtonin të tipit 'Mercedes' kombi ngjyrë e bardhë janë dërguar në stacion të Policisë Kufitare për intervistim dhe procedim të mëtejmë, dhe sipas procedurave të parapara ligjore lidhur me rastin janë njoftuar prokurori kujdestar i shtetit, oda e avokatëve të Kosovës dhe zyra ndërlidhëse ruse në Republikën e Kosovës.

Personat e ndaluar janë; M. P. (1990) M-serb, Z. P. (1969) M-Serb, O. K. (1977) F-Ruse, E. P. (1974) F-Ruse, E. P. (1975) F-Ruse, A. K. (1974) M-Rus, G. P. (1966) M-Serb, M. M. (1980) F-Serbe, A. P. (1975) M-Rus,  V. P. (1991) F-Serbe dhe 15 vjeçarja ruse Y. P. (2002).

Klubi "Airsoft Club Vukovi", në gusht të 2016'ës kishte organizuar lojën 'airsoft' në malin "Koporiçev" të Leposaviqit që ishte emërtuar "Operation Fenix – Kosovo 2016". Në pamjet që rrodhen disa muaj pas, shiheshin disa nga pjesëmarrësit që mbanin uniforma ushtarake dhe flamurin e Serbisë në krah. Po kështu, edhe armë, për të cilat autoritetet e Kosovës kanë thënë të mos kenë qenë të vërteta. /M.Gj./GazetaExpress/. 

Hasan Shala zgjidhet kryetar i Gjykatës së Apelit

Posted: 09 Aug 2017 06:15 AM PDT

Këtë vendim KGJK-ja e mori në mbledhjen e 187-të të mbajtur të mërkurën, ku si pikë e rendit të ditës ishte edhe zgjedhja e Kryetarit të Gjykatës së Apelit të Republikës së Kosovës.Shala do ta ushtrojë këtë detyrë me mandat katër vjeçar, shkruan Betimi per Drejtesi.KGJK të mërkurën ka mbajtur për herë të dytë procesin e votimit për zgjedhjen e Kryetarit të Gjykatës së Apelit, pasi Gjykata Kushtetuese e Republikës së Kosovës, në bazë të ankesës së Tonka Berishës, ka anuluar vendimin e KGJK-së të datës 13 janar 2017, sipas të cilit kryetar i Gjykatës së Apelit ishte zgjedhur Hasan Shala."Betimi për Drejtësi" sot ka raportuar rreth historikut të procesit të zgjedhjes së Kryetarit të Gjykatës së Apelit të Republikës së Kosovës.

Thirrja e BE’së: Kuvendi të konstituohet sa më parë, partitë të jenë të përgjegjshme

Posted: 09 Aug 2017 06:15 AM PDT

Kuvendi i Kosovës vazhdon të mbetet i bllokuar për shkak se partitë politike ende nuk kanë arritur të gjejnë zgjidhje rreth vazhdimit të seancës konstituive.

Në një përgjigje për Gazetën Express Zyra e Bashkimit Europian në Kosovë, kanë thënë se Kuvendi duhet të konstituohet sa më shpejtë të jetë e mundur dhe se partitë duhet të veprojnë me përgjegjësi në mënyrë që të përmbushin detyrimet Kushtetuese dhe ligjore.

Rrëmbim në Ferizaj, arrestohen tre persona

Posted: 09 Aug 2017 04:06 AM PDT

Me datën 07.08.2017, rastin në polici e ka paraqitur babai i viktimës,  i cili ka njoftuar se  katër të dyshuar kanë hyrë në shtëpinë e tij dhe nën kërcënimin e armës e kanë kërkuar djalin e tij, (N.V. 24 vjeç),  i cili sipas të dyshuarve, ua kishte marrë një celular "Iphone 6".

Sipas dëshmitarëve dhe viktimës,  të dyshuarit, (B.A.  45 vjeç, L.A. 25 vjeç. dhe L.A. 24 vjeç), me dhunë dhe nën kërcënimin e armës, e kanë futur viktimën në bagazhin e veturës duke e dërguar në shtëpinë e tyre,  në një fshat të komunës së Vitisë. Pas premtimit se viktima do t'ua kthente telefonin, i njëjti është liruar.

Pas  arrestimit, të dyshuarit janë ndalur dhe intervistuar në prezencë të avokatit të tyre.

  1. Tre të dyshuarit, e kanë pranuar se viktimën e kanë marrë në rrugë pa dashjen e tij dhe e kanë dërguar në shtëpinë e tyre. Të njëjtit, nuk kanë kanë pranuar se kanë përdorur armë për ta detyruar viktimën që të futet në veturën e tyre, por sipas tyre, e kanë përdorur një shkrepëse në formë të revoles.

Me urdhër të prokurorit, të dyshuarit dërgohen në mbajtje për 48 orë. /Express/

Asfaltohen 7 rrugica në fshatin Doganaj

Posted: 09 Aug 2017 02:52 AM PDT

Asfaltohen 7 rrugica në fshatin DoganajFerizaj.09.08.2017.Banorët e fshatit Doganaj pas shumë kohësh sot kanë filluar të prekin rezultatet e projekteve infrastrukturore të cilat financohen nga komuna e Ferizajt.
Mëngjesin e sotëm aty kanë filluar të asfaltohen 7 rrugica në gjatësi mbi 1 mijë e 350 metra me standardet moderne të gjerësisë dhe trashësisë së asfaltit, të cilat do tu mundësojnë banorëve të këtushëm të lidhen me lagjet e fshatit por edhe me vet qytetin.
Kryetari i komunës së Ferizajt Muharrem Svarqa me këtë rast ka uruar banorët duke theksuar se investimet nëpër fshatra kanë përqëllim t'ua lehtësojnë jetën banorëve në secilin vendbanim.
"Në këtë lokalitet ka munguar infrastruktura rrugore pavarsisht se gjeografikisht gjendet krejt pranë qytetit. Fshati Doganaj dhe këta banorë e kanë merituar më herët ta kenë asfaltin. Realisht në fshatin Doganaj secili që investon duhet ta kosnideroj për nder edhe për shkak të njerzëve të suskesshëm të cilët kanë qenë bartës të zhvillimeve në shumë fusha në veçanti në atë të shëndetësisë pra pasurisë intelektuale që ka pasur prej kohësh.
Mjafton t'i përmendim Dr. Ramdan Jasharin i cili është njohur për profesionalizmin e tij në Blegjikë por edhe Dr. Imri Jashari i cili vazhdon të ushtrojë funksione me rëndësi në klinikën dhe fushën e kardiologjisë jashtë Kosovës dhe brenda saj.
Pastaj nga ky lokalitet ka pasur edhe deputetë , ekonomistë , juristë e sportisë shumë të zot të cilët kanë dhënë mjaft kontribut në ndërtimin e shtetit dhe janë figura eminente të historisë sonë më të re" deklaroi kryetari Svarqa gjatë vizitës që bëri me rastin e punimeve në fshatin Doganaj.
I pari komunës së Ferizajt u ka premtuar banorëve të fshatit Doganaj se angazhimet e ardhshme do të lidhen me zgjerimin e hapësirave shkollore në këtë fshat për arsye të nevojave që kanë parfaqitur familjet që vijnë për të jetuar këtu në vazhdimsi.
Ndërkaq banorët e fshatit Doganaj duke falënderuar strukturat komunale dhe kryetarin e Komunës Muharrem Svarqa për investimin e bërë pohuan se ka kohë që dora e pushetit nuk ka prekur vendbanimet e tyre. Ata thanë se këto plotësime infrastrukturore do të lehtësojnë veçanarisht qarkullimin e fëmijëve për në shkollë të cilët e kanë pasur të vështirë të ecin nëpër baltë.

Ferizaj: Vazhdojnë takimet konsultative për buxhetin 2018-2020

Posted: 09 Aug 2017 02:17 AM PDT

Vazhdojnë takimet konsultative për buxhetin 2018-2020Kanë vazhduar edhe sonte takimet konsulatative për hartimin e projekt buxhetin e vitit 2018-2020 në lokacione të ndryshme që përfshijnë një sërë fshatrash të komunë së Ferizajt.
Përfaqësuesit e qeverisë locale Gafurr Ilazi , drejtor për Inrfastrukturë dhe Lirie Syla drejtoreshë për Buxhet dhe Financa fillimisht janë takuar me banorët e fshatrave: Lloshkobare, Koshare, Dremjak dhe Slivovë në shkollën e fshatit Kosinë.
Në këtë takim janë dëgjuar kërkesat e brengat e banorëve ku edhe më tutje dominojnë këkresat për rregullime të ndryshme infrastrukturore që lehtësojnë jetën e tyre . ndërkaq përfaqësues të pushtetit lokal kanë marrë me seriozitet të gjitha këto kërkesa për t'i radhitur në projektet e viteve të ardhshme.
Këta dy drjetor më tutje kanë mbajtur edhe një takim me banorët Sazli,Talinoc i Muhaxherëve, Pojat, Rahovicë dhe Papaz në shkollën e fshatit Softaj ku ngjshëm është bahskëbiseduar për projektet të cilat i ka të nevojshme ky komunitet.

Takimet konsulattaive për projket-buxhetin e periudhës 2018-2020 do të vazhdojnë me 10.08.2018 duke filluar nga ora 18:00, takimi do të mbahet në Surqinë ku do të marrin pjesë në këtë diskutim publik edhe banorët e fshatrave: Cërnillë, Prelez i Muhaxherëve, Mirash dhe Terrn.
Ndërsa në ora 20.00 takimi do të mbahet në Muhovc ku do të marrin pjesë në këtë diskutim publik edhe banorët e fshatrave: Prelez i Jerlive, Saraisht dhe Talinovc i Jerlive.

Vetëm edhe tri javë deri në fund të afatit për faljen e borxheve

Posted: 09 Aug 2017 12:23 AM PDT

Kompania Regjioanele e Mbeturinave “Pastërtia” rikujton klientët se vazhdojnë me proceduarat e faljes së borxheve, bazuar në Ligjin për faljen e borxheve. KRM “Pastërtia”, fton të gjithë klientët përfitues që të paraqiten në zyrën për klientë dhe të përfitojnë nga falja, pasi kjo do të zgjasë vetëm deri në fund të muajit gusht, gjegjësisht vetëm edhe tri javë të këtij muaji. Gjithashtu njoftojmë  të gjithë ata klientë të cilët kanë lidhur marrëveshje për falje të borxhit me kompaninë, dhe nuk i janë përmbajtur marrëveshjes për pagesë të kësteve mujore, sipas Ligjit ne kemi filluar që të iu rikthejmë borxhin e mëparshëm, konsumatorëve që nuk i kanë paguar këstet mbi 2 muaj. Prandaj, luten klientët që ti përmbahen marrëveshjeve të lidhura me KRM “Pastërtia”.   KRM “Pastërtia” poashtu apelon tek klientët për për respektim të orarit të hudhjes së mbeturinave, sikurse edhe lokacionet ku janë dedikuar apo ku makineria e kompanisë vepron dhe I merr ato. Ndryshe, borxhet që klientët I kanë kësaj kompanie nga viti 2003 e sëkëndejmi arrijnë shifrën në mbi 5.5 milion euro, në të tri komunat ku vepron KRM "Pastërtia", si Ferizaj, Kaçanik dhe Shtime.