Home » » “Kuçi i reagon ministrit serb: Mos i thuaj ‘Mitrovica e Jugut’” plus 1 more Gazeta Tribuna

“Kuçi i reagon ministrit serb: Mos i thuaj ‘Mitrovica e Jugut’” plus 1 more Gazeta Tribuna

“Kuçi i reagon ministrit serb: Mos i thuaj ‘Mitrovica e Jugut’” plus 1 more Gazeta Tribuna

Kuçi i reagon ministrit serb: Mos i thuaj ‘Mitrovica e Jugut’

Posted: 04 May 2017 03:03 AM PDT

Në mbledhjen e qeverisë, Hajredin Kuçi, i ka thënë ministrit të ri serb, Ivan Todosijeviq, që nuk ka nevojë ta përdor termin Mitrovica e Jugut, kur flet për Mitrovicën.

Kuçi i tha Todosijeviqit se është krejt në rregull që kur flet për veriun e këtij qyteti ta quajë atë Mitrovica Veriore.

Me Planin e Ahtisaarit të bërë pjesë e Kushtetutës së Kosovës Mitrovica përbëhet nga dy komuna-Mitrovica e Jugut dhe Mitrovica e Veriut.

Hajredin Kuçi foli për emrin e Mitrovicës kur në mbledhjen e qeverisë u diskutua rreth mandatit të Komisionit për Verifikimin e Diplomave të lëshuara nga universiteti në Mitrovicën Veriore.

Ministri i Arsimit Arsim Bajrami duke raportuar për punën e këtij komisioni, kërkoi që atij t'i vazhdohet mandati. Qeveria pas kësaj kërkese, miratoi vazhdimin e mandatit të komisionit.

The post Kuçi i reagon ministrit serb: Mos i thuaj 'Mitrovica e Jugut' appeared first on Gazeta Tribuna.

Kryeministri Mustafa paraqitet sot në interpelancë

Posted: 03 May 2017 11:46 PM PDT

Kuvendi i Republikës së Kosovës do të vazhdojë sot seancën me pika të mbetura nga seancat e kaluara.
Në seancën e sotme Kuvendi do të votojë Projektligjin për ndryshimin dhe plotësimin e Ligjit për minierat dhe mineralet, Propozim-rezolutën në lidhje me arrestimet e aktivistëve të Lëvizjes Vetëvendosje, rekomandimet në lidhje me mos zbatimin e rekomandimeve të Avokatit të Popullit nga ana e Qeverisë së Republikës së Kosovës, si dhe rekomandimet në lidhje me shkeljen e të drejtave të punëtorëve në Kosovë.

Më pas, në interpelancë do të paraqitet kryeministri Isa Mustafa, sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen e shfrytëzimit e thëngjillit dhe minierën e Sibovcit.

Më pas, para deputetëve, në një interpelancë tjetër lidhje me Kontratën e privatizimit të Kompanisë së Distribuimit të Energjisë Elektrike, do të jetë ministri Blerand Stavileci, sipas kërkesës së deputetit Visar Ymeri, i mbështetur edhe nga 15 deputetë nënshkrues.

Dy pikat e fundit të rendit të ditës, do të jenë shqyrtimi i parë i Projektligjit për aftësimin, riaftësimin profesional dhe punësimin e personave nga pjesët veriore të Kosovës, si dhe shqyrtimi i Raportit të Komisionit për Arsim, Shkencë, Teknologji, Kulturë, Rini e Sport lidhur me Mbikëqyrjen e zbatimit të Ligjit për fuqizim dhe pjesëmarrje të rinisë

The post Kryeministri Mustafa paraqitet sot në interpelancë appeared first on Gazeta Tribuna.