Sa zgjat pasioni në një lidhje?

Më së shumti një vit, thonë të gjitha studimet e fundit të publikuara nga revistat shkencore amerikane dhe kjo është vërtetuar edhe nga një eksperiment i kryer nga universiteti i Pavias. Ekziston një molekulë e quajtur NGF (Nerve Groëth Factor) që mund jetë e lidhur direkt me pasionin apo me fazën e parë të dashurisë. Shkencëtarët e kanë studiuar me kujdes nivelin e NGF-së te 70 çifte të dashuruara me atë të beqarëve apo të çifteve që kishin vite që jetonin bashkë. Te të dashuruarit niveli i saj ishte dyfish më i lartë se te të tjerët. Me kalimin e viteve, niveli i kësaj molekule kishte rënë. Dhe jo vetëm kaq, por nëse në dashurinë që zgjat shumë bëhet më intensive prodhimi i hormonit që nxit afërsinë, ndjenjën e të qenit i ngjitur pas dikujt, bie sasia e molekulës që prodhohet në fazën e eksitimit. Ndërkohë, testet shkencore dhe ato psikologjike tregojnë se faza e rënies në dashuri zgjat plot 18 muaj, koha e duhur për t”u lidhur dhe për të krijuar familje.