E nxjerr cv në një tabelë reklamash në autostradë, gjen punë si drejtor

Në një periudhë krize, si në këto kohë, gjetja e një pune nuk është aspak e lehtë dhe njerëzit duket se bëjnë gjithçka për t’u vënë re nga agjencisë e punësimit. Për shembull francezi Laurent Lebret, 41 vjeç, kur qe i papunë prej 6 muajsh, mori me qira një billbord të vendosur në një nga rrugët kryesore jashtë Antibes. Kartoni përmbante foton e tij me kapele prej babagjyshi, duke u prezantuar si “drejtor operativ tregjuhësh”, si dhe kontaktet e telefonit e adresën e email-it që ai dispononte. Gjithashtu në tabelën reklamuese jo të zakontë ai shkruante: “Unë…për Vit të Ri, dua vetëm një punë!”. Ideja funksionoi dhe Lebret u “bombardua” nga shumë telefonata dhe propozime. Tashmë ai punon si drejtor operativ në një zinxhir fshatrash turistik të asaj zone.