Sipas një studimi që u krye në Danimarkë, meshkujt e ekspozuar ndaj ngacmimeve të partnereve të tyre vdesin më të rinj. Në studimin që u publikua në “Journal of Epidemiology & Community Health”, ekspertët kanë intervistuar 10 mijë burra dhe femra të moshave 36-52 vjeç. Nga studimi rezulton se 315 persona kanë vdekur nga stresi që u kanë shkaktuar partneret. Një mjeke siguron se meshkujt kanë më pak njerëz, me të cilët mund t’i qajnë hallet. Partnerja është personi që i besojnë dhe kur ajo bëhet shkaktare e problemeve, meshkujt bëhen të ndjeshëm. Stresi ka ndikim në shëndetin e tyre, shton rrezikun e sëmundjeve të zemrës dhe të sulmit në tru. Po për shkak të stresit, meshkujt hanë ushqim të keq që po ashtu shkakton sëmundje të rënda. Në anën tjetër, sipas studimit del se femrat janë imune ndaj kërkesave të partnerëve.