Separatistët prorusë në lindje të Ukrainës rrëzuan një helikopter të ushtrisë ukrainase pranë bastionit të tyre në Slaviansk duke vrarë 14 ushtare, njoftoi sot presidenti i përkohshëm ukrainas Oleksandre Turçinov.
“Sapo më informuan se terroristët rrëzuan, pranë Slavianskut, një helikopter që transportonte ushtarakë për të mundësuar ndërrimin e tyre, me ndihmën e një raketahedhësi tokë-ajër, model rus”, deklaroi Turçinov para parlamentit.
“Të paktën 14 ushtarë kanë vdekur, mes të cilëve edhe gjenerali Kulçitski”, shtoi ai.
Kjo ngjarje vjen pas përplasjeve në aeroportin e Donetskut mes ushtrisë ukrainase dhe kryengritësve prorusë ku humbën jetën të paktën 40 persona, 38 prej të cilëve luftëtarë dhe dy civilë.