Sipas një studimi të fundit, sorrat janë në gjendje që të arsyetojnë si një fëmijë shtatë vjeç. Shkencëtarët kanë marrë nën testim shtatë sorra të egra nga Colidonia e Re për të përcaktuar aftësitë e tyre intelektuale. Me sa duket ato janë më inteligjente se sa miqtë tanë me katër këmbë. Këto lloj sorrash janë të famshme përderisa shkencëtarët thonë se ato janë të vetmet specie që nuk i përkasin primatëve dhe se janë në gjendje të përdorin mjete për të mbajtur diçka. Ky zbulim shkencor i cili është publikuar në një revistë të njohur angleze, tregon se për shpendët në veçanti ka ende shumë për të zbuluar.