KIEV, 23 shkurt /ATSH-AFP/ – Opozitarja ukrainase Julia Timoshenko, që u lirua dje, pritet të takojë në ditët në vijim kancelaren gjermane, Angela Merkel, me të cilën ajo kreu një bisedë telefonike, njoftoi sot partia e saj në një komunikim për shtyp.
“Ato ranë dakort që të takohen së shpejti”, theksoi partia “Batkivshçina” (atdhe), një ditë pasi Julia Timoshenko u lirua.
Ish-kryeministre dhe një nga organizatoret e Revolucionit Portokalli e cila ishte burgosur në vitin 2011, dhe u çlirua vetëm pak çaste pasi presidenti Viktor Janukoviç u shkarkua nga detyra nëpërmjet parlamentit./
/G.S/