Në parlamentin grek janë dëgjuar thirrjet “Heil Hitler” të paktën tre herë, ndërkohë që ende nuk është saktësuar se kush ka thirrur sloganin nazist.
Ngjarja ndodhi pasi një deputet i Agimit të Artë, Panajotis Iliopulos u përjashtua nga seanca pasi shkeli rregulloren, duke dhunuar verbalisht një anëtar të partisë SYRIZA.
Ndërkohë që rojet po e nxirrnin nga salla, u dëgjuan thirrjet naziste.
Dyshohet se thirrjet u lëshuan nga Kristos Papas, por Agimi i Artë pretendon se rritjet erdhën nga deputetët e partisë opozitare SYRIZA.
Incidenti erdhi pasi deputeti i Agimit të Artë, Panajotis Iliopulos injoroi paralajmërimit e kryetarit të parlamentit për të ndalur fyerjet ndaj liderit të SYRIZA-s, Aleksis Cipras dhe ndaj deputetit të kësaj partie, Janis Dragasakis.
Deputetët e Agimit të Artë, duke përfituar nga fakti se kanë imunitet, shkelin shpesh rregulloren dhe përfshihen në sulme personale ndaj ligjvënësve të tjerë./ep