Kryeministri britanik, David Cameron, u ka kërkuar liderëve të G8, që të mos marrin gratë me vete në samitin e radhës, që do zhvillohet në Britaninë e Madhe.Burimet thonë se kryeministri ka inkurajuar presidentin amerikan, Barack Obama, që të lërë gruan në shtëpi kur të niset për në samit.
Burimet shtojnë se qëllimi i kryeministrit britanik është që të inkurajohen liderët që të fokusohen në çështje si lufta ndaj evazionit fiskal, pa humbur mendjen pas grave.
Procesi është delikat dhe diplomatët kanë nisur punën, që të bindin drejtuesit e vendeve më të fuqishme në botë.
Por zyrtarët e pranojnë se do jenë të pafuqishëm që të rezistojnë nëse liderët insistojnë që të marrin me vete gratë e tyre.
