Nuk ka çështje më të debatuar këto ditë në Britaninë e Madhe se ajo e Jimmy Savile.
Savile ka qenë një DJ dhe prezantues televiziv i nderuar dhe shumë i njohur në Britani e më gjerë.
Por një vit pasi ai u nda nga jeta, pikërisht në shtator të vitit 2012, u transmetua një emision ku tregohej se si prezantuesi i BBC kishte ngacmuar disa femra.
Skandali u përhap me një shpejtësi të pazakontë dhe brenda pak ditësh me dhjetëra femra e denonconin Savile se i kishte ngacmuar ose i kishte dhunuar seksualisht.
Deri më tani mendohet se janë plot 300 femra, me të cilat ai ka abuzuar për thuajse gjashtë dekada. Mes tyre natyrisht edhe shumë minorene.
Skandali ka përfshirë jo vetëm BBC-në, por edhe qeverinë britanike.
Tani atij po i hiqet çdo nderim që i ishte bërë dikur, kurse zyrtarët e BBC thonë se historia e tij ishte një ‘sekret i hapur’. Madje edhe pllakën e varrit ia kanë hequr, duke e çnderuar plotësisht.
Kjo video që ka nisur të qarkullojë tani, tregon se si perversi Savile ngacmon një femër ndërsa është live në TV duke prezantuar programin që e bëri të famshëm në botë “Top of the Pops”.
