Mesfushori i Barcelonës, Xavi, është i bindur se katalanasit kanë gjithçka që u nevojitet për të mos ndjerë mungesën e mbrojtësve Gerard Pique dhe Carles Puyol.
“Të gjithë lojtarët të cilët kanë marrë lëndime janë të rëndësishëm. Puyol dhe Pique, pa kurrfarë dyshimi janë shumë të rëndësishëm, por ekipi është mjaft i madh për t’ia dalur me mungesat”.
“Është e qartë që do të ishte mirë që ata të kthehen para El Clasicos, por ne kemi ekip të mirë. Busquets, Song luajtën mirë, Mascherano... të gjithë mund të luajnë në mbrojtje. Ne jemi të fokusuar për të shtunën. Para El Clasicos kemi dy ndeshje në La Liga dhe një tjetër sfidë në Ligën e Kampionëve, kështu që ka kohë”, ka thënë Xavi.





