The Reds e filluan mbarë takimin, pasi kaluan në epërsi me anë të një autogoli të realizuar nga Ojala (4’). Vendasit barazuan shpejt, duke u kthyer në lojë me anë të Nuzzolos i cili realizoi për 1-1, para se Nuri Sahin të asistonte për Wisdom (40’), i cili shënoi për epërsinë e Liverpoolit pas pjesës së parë.
Në pjesën e dytë Young Boys shënuan edhe dy gola me anë të Ojalas (53’) dhe Zarates (63’), për të çuar rezultatin në 3-2 dhe epërsinë e parë dhe të fundit të zvicëranëve në këtë takim.
Kjo pasi Coates (67’) realizoi për 3-3 dhe më pas në skenë u shfaq Jonjo Shelvey, i cili nga pankina realizoi dy gola (76’) dhe (88’) për fitoren me rezultat 5-3.
Napoli nga ana tjetër shënoi me rezultat të lartë 4-0, ku hettrik realizoi kiliani Eduardo Vargas dhe në fund të takimit shënoi edhe shqiptari Blerim Xhemajli me asistimin e Lorenzo Insignes.
Edhe Atletico Madridi nuk pati telashe me Hapoelin në Tel-Aviv ku formacioni i dytë shkëlqeu dhe nuk e ndjeu mungesën e Radamel Falcaos për rezultatin 3-0.
Liverpooli, Atletico Madridi dhe Napoli janë liderë të grupeve të tyre pas ndeshjeve të para në Europa League.