Milani, që në histori të klubit ka qenë dy herë në Serie B, ka një koeficient prej 22 për rënie në Serie B, që është një koeficient relativisht i ulët, marrë parasysh që Lazio ka një kuotë prej 41 që të fitojë titullin e kampionit, edhe pse klubi romak ka qenë në krye të tabelës në fillim të kampionatit.
Sipas këtyre kompanive, kriza e Milanit do të vazhdojë dhe është më shumë e mundshme që kuq e zinjt të shohin veten në Serie B se sa Lazio ta fitojë titullin.
Ky ndryshim drastik koeficientësh vjen pasi Milani ishte kuotuar me 3.85 që ta fitojë titullin, i dyti para Juventusit që kishte kuotë prej 2.35 për ta fituar titullin e kampionit.
Nga katër ndeshjet e zhvilluara në Serie A, Milani ka tri humbje dhe vetëm një fitore. Rossonerët gjenden në vendin e 15-të me vetëm tri pikë të tubuara.