Skuadra e Chelseat është ndalur me barazim pa gola si mysafir i Queens Park Rangers.Përkundër barazimit, Blutë mbajnë kreun e tabelës me dhjetë pikë të grumbulluara, një më shumë se Manchester Unitedi që gjendet në pozitën e dytë.
Nga ana tjetër, kampioni në fuqi, Manchester City ka barazuar me rezultat 1-1 në udhëtim te Stoke City.
Peter Crouch kaloi vendasit në epërsi (15’), ndërsa Javi Garcia e barazoi rezultatin (35’). Në gjysmën e dytë nuk pati gola.
Pas katër xhirosh Manchester City ka tetë pikë të grumbulluara, po aq sa ka edhe Arsenali.