Zyrtare: Modric lojtar i Realit

Real Madridi ka kompletuar transferimin e mesfushorit të Tottenhamit, Luka Modric, për një shumë prej 42 milionë eurosh, ka konfirmuar gjiganti spanjoll në faqen zyrtare. Ishte Tottenhami që në fillim konfirmoi marrëveshjen me Realin, ndërsa është edhe klubi madrilen që ka zbuluar detajet pasi kroati kaloi me sukses testet mjekësore.

Luka Modric ka nënshkruar kontratë pesëvjeçare me Real Madridin, ndërsa do të bart numrin 19 në Santiago Bernabeu, pasi numri 14 që e mbante te Tottenhami tashmë është i zënë nga Xabi Alonso.

Luka Modric mund të debutojë për Real Madridin menjëherë të mërkurën, në SuperClasicon kthyes ndaj Barcelonës që zhvillohet në Santiago Bernabeu.