Trajneri i Real Madridit, Jose Mourinho, është ndarë më se i kënaqur me lojën e Cristiano Ronaldos.Ronaldo shënoi hat-trick në fitoren e mbrëmshme kundër Levantes, përfshirë edhe një gol të bukur nga largësia në pjesën e dytë, që ka impresionuar Mourinhon.
“Goli i Cristiano Ronaldos ishte i mrekullueshëm, fantastik, dhe besoj se do të qarkullojë nëpër botë gjatë disa javëve të ardhshme. E gjithë skuadra ndjehet kështu dhe ishte një gol i veçantë për Ronaldon. Ishte goli i katër mijtë në Bernabeu dhe e meritoi”, ka thënë Mourinho.