Ish-sulmuesi i Celticut, Barcelonës dhe Manchester Unitedit, ka folur për mesfushorët, Xavi dhe Iniesta, për të cilët mendon se janë po aq të mirë sa ‘jashtëtokësori’, Lionel Messi.“Unë kurrë nuk ndjej se mund të themi për një lojtar se është më i miri në botë, vetëm nëse është më i miri në pozitën e tij”.
“Lionel Messi është fantastik dhe tani për tani, unë do të thosha se ëshë më i miri në pozitën e tij. Për mua, Xavi dhe Iniesta janë po aq impresivë në pozitat e tyre”.
“Në pozitat e tyre, ata janë më të mirët. Unë vërtet i adhuroj ata dy, sepse ju dëgjoni aq shumë zëra kohëve të fundit se një futbollist duhet të jetë i gjatë dhe i fortë fizikisht”, deklaroi Larsson.