Lideri i ka fituar sindikatat brenda partisë dhe pritej që ish-Sekretari i
Jashtëm britanik të jetë lideri më i ri i Partisë Laburiste. Por, Miliband njihet
edhe si përkrahës i kapitalizmit. Andaj, e ardhmja e tij është ende e paqartë
The Guardian
David Miliban, pretendenti
kryesor për lider të laburistëve,
ka hapur hendeqe në politikat
e privatizimit dhe globalizimit
vetëm që t’i shmanget ndarjes së
partisë, por duket që sindikatat
nuk pajtohen me të.
Dave Prentis, sekretar i Sindikatës,
tha se laburistët janë
në disa ujëra të këqija për momentin
që kanë të bëjnë me
marrëdhëniet e tyre dhe sindikalistëve
që kanë akuzuar Milibandin
e vjetër të jetë bërë pjesë
e elitave të reja të Laburistëve
të Rinj, të cilët kanë shkaktuar
“traumë” publike në sektorin e
punësimit dhe “shikuan” për të
mposhtur sindikatat. Komentet
erdhën në një intervistë me
Observerin, para disa javëve, që
kishte të bënte me sindikatat
tregtare, si pjesë e përpjekjeve të
tyre që të rimarrin influencën e
tyre pas disa viteve të lëna jashtë,
përderisa Partia Laburiste
po përgatitet që të zgjedhë liderin
e ri. Ata, po ashtu sugjeruan
se pasi të shpallet lideri i ri më
25 shtator, laburistët do të japin
një argument të nxehtë që ka të
bëjë me konferencën e tyre partiake
për të ardhmen. Prentis,
sindikata e të cilit mbështet politikat
majtiste të Ed Milibandit
në zgjedhje, tha se Ed Miliband
reflekton vlerën e anëtarëve të
Sindikatës që janë rreth 1.4 milion
njerëz.
Megjithatë, duke njohur garën
e ngushtë dhe mundësinë që
David Milband të fitojë, ai ka
theksuar se ata kanë kushte të
qarta për të cilat vëllai i tij më i
vjetër pajtohet nëse ai i bashkohet
lëvizjes së laburistëve.
Prentis tha se ai do të dëshironte
të punonte me David
Milibandin dhe ka refuzuar sugjerimet
që Sindikata kërcënon
largimin e fondeve nga laburistët.
Por ai shtoi: “Në të njëjtën
kohë, ai (David) është pjesë e
agjendës së Laburistëve të Rinj,
të cilët shikojnë që të mundin
Sindikatat Tregtare...që janë
pjesë e agjendës së Laburistëve
të Rinj, e cila gjë është në përputhshmëri
me anëtarët tonë
që nuk përkrahin privatizimin
e madh”.
Prentis është pajtuar që koalicioni
i tanishëm qeveritar, me
planet e tij për sektorin e gjerë
privat, shkollat dhe spitalet është
pak a shumë i njëjtë më atë të
Laburistëve të Rinj. “Çfarë kanë
bërë laburistët e rinj është se
kanë krijuar një rrugë të një koalicioni
që është tani dhe David
është pjesë e tij”, tha ai.
Sipas tij, kjo parti nuk do të
futet në stomakun e tyre për
t’u rikthyer në politika të tjera
që mund të shkaktojnë kriza të
reja. Sfida, thekson ai, është rinimi
i partisë në nivel lokal duke u
rikthyer “te vlerat tona, që janë
të njëjta me Partinë Laburiste”.
“Ne nuk do të kthehem në
agjendën e laburistëve të rinj
që e bazojnë ekonominë në privatizim
dhe në fragmentizëm
të globalizimit të cilën e patëm
këto vite”, shtoi ai. Komentet e tij
tregojnë se për fitoren e David
Milibandit ka ende paqartësi të
hapura që do t’i vështirësojnë
thyerjet partiake dhe politikat që
përcaktojnë të ardhmen e afërt.
Tony Blair insiston në ditarin
e tij që u botua javën e kaluar që
laburistët humbën në zgjedhjet
e fundit sepse Gordon Brown
refuzoi politikat e Laburistëve
të Rinj dhe u kthye nga e majta.
Prentis thotë se sindikatat janë
duke u rritur që të kenë një rol
të madh në politikëbërje. Ai tha
se ata do të bashkohen në vota
gjatë Kongresit të Partisë Laburiste
– ku ata kanë 50 për qind të
votave – për të votuar për politika
që kanë rekomandimet e tyre.
Ai po ashtu bëri thirrje për
reformë në forumet e partisë,
një trupi ky që tani duket pa
dhëmbë për sindikatat. “Ne nuk
kërkojmë një parti dominuese.
Ne nuk kërkojmë pjesëmarrje në
Qeveri. Por, ne presim të luajmë
një rol konstruktiv brenda partisë
dhe të ngremë vlerat tona,
vlera të njëjta që i ka edhe Partia
Laburiste”.
“Ne (sindikatat) mund të
bëjmë organizime. Ne jemi zëri
i së mirës dhe zhvillimit të politikave
të laburistëve dhe do
vazhdojmë kështu”, tha ai.
David Miliband, ish-sekretar
i Jashtëm i Britanisë dhe një pasues
i Tony Blairit, insiston se Laburistët
e Rinj do të mbesin dhe
beson se politikat dhe programi
partiak ka nevojë për përmirësime.
Ai insiston, megjithatë, që
era e Blairit dhe Brownit në parti
ka përfunduar dhe tani duhen
politika të reja.
Ed Miliband mendon ndryshe
dhe thotë se Laburistët e Rinj
kanë vdekur dhe ata duhet të
tërhiqen nga partia për shkak se
proklamojnë kapitalizmin brutal
amerikan.