Skuadra e Mançesterit ka arritur të bindë plotësisht në javën e 23-të me fitoren e thellë 5-0 në transfertën e Uest Bromit. Me këtë fitore skuadra e drejtuar nga Sir Aleks Ferguson e sheh veten përkohësisht të vetme në krye me 50 pikë. Mançesteri shpreson në ndonjë hap fals të Liverpulit në ndeshjen e kësaj mbrëmjeje që do të luajë me Uiganin në transfertë.
Aston Vila arriti një fitore minimale 1-0 me Portsmuthin në transfertë. Përkohësisht ajo kalon Çelsin në vendin e tretë, duke pritur ndonjë hap fals të tyre në përballjen me Midellsbroun. Aston Vila ka 47 pikë, aq sa ka aktualisht edhe Liverpuli.
Sandelendi fitoi mbrëmë 1-0 me Fulhamin, ndërsa Totenhemi mundi 3-1 Stok Sitin. Java e 23-të e Premier Ligës angleze do të plotësohet sonte me gjashtë takimet e tjera që do të luhen në orën 20:45 dhe 21:00.