Home » » “Vriten gabimisht 10 forca të sigurisë afgane” plus 17 more Radio Evropa e Lirë

“Vriten gabimisht 10 forca të sigurisë afgane” plus 17 more Radio Evropa e Lirë

“Vriten gabimisht 10 forca të sigurisë afgane” plus 17 more Radio Evropa e Lirë

Vriten gabimisht 10 forca të sigurisë afgane

Posted: 01 Oct 2017 09:44 AM PDT

Zyrtarët afganë thonë se 10 forca të sigurisë afgane janë vrarë pasi forcat ajërore afgane gabimisht kishin lëshuar një bombë në provincën jugore të Helmandit. Guvernatori i provincës, Hayatullah Hayat, ka thënë se së paku nëntë policë janë lënduar në sulmet ajërore. Hayat bëri të ditur se hetimet po vazhdojnë. "Sulmet ajërore nga forcat afgane po luftonin të thyenin vijën kufitare talebane në zonën strategjike" tha guvernatori. Gul Agha Muslim, një anëtar i këshillit lokal të qarkut, ka thënë se viktimat e sulmit ajërore ishin nga policia afgane dhe agjencia e inteligjencës. Zëdhënësi i minisrit të mbrojtjes, Dawlat Waziri ka konfirmuar sulmin, por nuk ka ofruar më shumë detaje. Në korrik, sulmet ajërore të SHBA-së, gabimisht kishin vrarë 16 policë afganë, dhe kishin lënduar dy të tjerë. 

This posting includes an audio/video/photo media file: Download Now

Vritet një person nga një sulm me thikë në Francë

Posted: 01 Oct 2017 09:02 AM PDT

Një person i armatosur me thikë ka vrarë së paku një person në stacionin e trenit në jug të Francës, në qytetin e Marseilles, thonë zyrtarët. Prokurori, Xvier Tarabeux ka thënë se sulmuesi ishte qelluar nga ushtarët në stacionin Shën Çarls. Disa raportime thonë se dy persona ishin vrarë përpara se të vritej sulmuesi. Ministri i brendshëm, Gerard Colombo, ka thënë në tëitter se ai ishte nisur për në Marseilles pasi këtij sulmi. Franca është në gjendje emergjente që nga viti 2015, kur një sulm në Paris la të vdekur 130 persona. Qeveria ka vendosur në qytet rreth 7000 trupa për të kontrolluar zonat e rrezikuara, vendet turistike dhe objekte fetare. 

This posting includes an audio/video/photo media file: Download Now

Mbi 300 persona të lënduar në Kataloni

Posted: 01 Oct 2017 08:18 AM PDT

Qindra persona janë lënduar nga përleshjet e policisë spanjolle me votuesit në Kataloni, pasi ata sekuestruan kutitë e votimit dhe provuan të ndalnonin referendumin. Zëdhënësi i qeverisë së Katalonisë, Jordi Turull, ka thënë se 337 persona janë lënduar nga " shteti i dhunshëm spanjoll",gjatë përballjes me policinë. Policia kishte thyer xhamat e një lokacioni të votimit dhe kishte hedhur plumba prej gome në disa lokacione qendrore në Barcelonë. 

This posting includes an audio/video/photo media file: Download Now

Gjermania legalizoi sot martesën e homoseksualëve

Posted: 01 Oct 2017 07:34 AM PDT

Dy burra gjermanë janë bërë çifti i parë i gjinisë së njejtë që janë martuar, duke shkëmbyer premtimet e tyre në ditën e parë të hyrjes në fuqi të ligjit të ri të martesës në vend. Mende dhe Kreile, të cilët kanë qenë së bashku që nga viti 1979, ishin bërë fushta të gjatë për të drejta të plota për martesën e homoseksualëve. Në vitin 2002, ata ishin ndër çiftet e para që kishin hyrë në një partneritet civil, pasi Gjermania lejoi dicka të tillë, një vit më parë. Shumë çifte priten që sot të kurorëzohen, pasi zyret e gjendjes civile u hapën të dielën për të shënuar ditën e parë të martesës së ligjshme të homoseksualëve në vend. Partneritetet e regjistruara, megjithatë, nuk i dhanë 94.000 çifteve të gjinisë së njejtë, statusin e martesës. Gjermania është vendi i 15 evropian që legalizoi martesën e homoseksualëve

This posting includes an audio/video/photo media file: Download Now

Fushata për zgjedhjet lokale e vë në gjumë Kuvendin

Posted: 01 Oct 2017 07:10 AM PDT

Fushata parazgjedhore për zgjedhjet lokale, të cilat do të mbahen më 22 tetor, vlerësohet se është duke ndikuar negativisht në funksionimin dhe punën e Kuvendit të Kosovës. Kështu vlerësojnë analistët politikë dhe përfaqësues të organizatave që monitorojnë punën e Kuvendit. Që kur është konstituuar Kuvendi i Kosovës, atë po e përcjellin zvarritje të shumta që kanë ndikuar në nisjen e rregullt të punës në këtë institucion. Artan Murati nga Instituti Demokratik i Kosovës, institut ky që monitoron punën e Kuvendit, thotë se që nga konstituimi, nuk është parë punë e rregullt në Kuvend. Sipas tij, deputetët janë duke humbur kohë dhe se veprimet e tyre janë përqendruar në fushatën zgjedhore për zgjedhjet lokale që do të mbahen më 22 tetor. Këto sjellje, nënvizon ai, janë të pajustifikueshme. "Kuvendi po vazhdon me jo-funksionalitet dhe nga subjektet politike fokusi i tyre po shihet qartë që është i drejtuar në fushatën zgjedhore për zgjedhjet lokale. Shumica e subjekteve politike parlamentare kanë strukturat e veta në komunat e Kosovës. Po vërehet se ka shumë individë, si nga Qendra, ashtu edhe deputetë nga rajonet e ndryshme që vazhdimisht janë përkrah kandidatëve për kryetarë nëpër komuna të caktuara", thotë Murati. Po ashtu, thekson Murati, një numër i konsiderueshëm i deputetëve aktual të Kuvendit të Kosovës, janë duke kandiduar edhe për kryetarë të komunave dhe kjo, sipas tij, po ndikon drejtpërdrejt në pasivitetin e tyre sa i përket nivelit qendror dhe punës së tyre si deputetë. "Si liderët e partive apo edhe deputetët tanimë të legjislaturës së gjashtë, vazhdimisht janë duke u marrë me fushatë. Fushata po ndikon direkt edhe në mosefikasitetin dhe mospunën e Kuvendit. Për më tepër, duhet të përmendim që agjenda legjislative e legjislaturës së pestë nuk është përmbushur asnjëherë më tepër se 36 për qind. Ka shumë projektligje të mbetura në procedurë, plus e kemi një plan legjislativ të miratuar nga Qeveria, e i cili ende nuk është proceduar në Kuvend", thekson Murati. Nga ana tjetër, analisti politik, Imer Mushkolaj thotë për Radion Evropa e Lirë se Kuvendi nuk është në nivelin e duhur të përgjegjësisë. Ai thotë se mosfunksionimi i Kuvendit, qoftë me mosthirrjen e seancave apo zhvillimin e punëve nëpër komisione parlamentare, nuk mund të arsyetohet. "Ne fatkeqësisht ende nuk e kemi të miratuar programin qeveritar në Kuvendin e Kosovës. Madje, as që është diskutuar për programin qeveritar të Qeverisë Haradinaj, ndërkohë që deputetët i shohim duke bërë fushatë për zgjedhjet lokale. Ky është një keqpërdorim i besimit të dhënë nga ana e qytetarëve dhe po ashtu keqpërdorim i parasë publike për shkak se deputetët paguhen për mospunën që po i karakterizon", vlerëson Mushkolaj. Mushkolaj thotë se Kuvendi do të duhej të mblidhej dhe çfarëdo arsyetimi i çfarëdo llojim nuk është bindës. Andaj, sipas tij, vazhdimi i këtij trendi duke arsyetuar se fushata zgjedhore po i pengon, është i papranueshëm. "Përndryshe nëse vazhdohet në ketë formë, atëherë deputetët duhet që thjesht të marrin përgjegjësi për mospunën që po i karakterizon dhe normal që duhet kërkuar llogari nga ta, sepse po ndodh që ata kanë bllokuar punën e Kuvendit duke mos i miratuar ligjet që kanë mbetur ende pa u miratuar", thotë Mushkolaj. Kuvendi i Kosovës konsiderohet si jofunksional që nga maji i këtij viti, kur ishte shpërndarë, kurse legjislatura e re, përveç seancës konstituive, nuk ka arritur të mbajë asnjë seancë të rregullt plenare.

This posting includes an audio/video/photo media file: Download Now

Gjykata Themelore e Prishtinës liron Frashër Krasniqin

Posted: 01 Oct 2017 06:44 AM PDT

Gjykata Themelore në Prishtinë në seancën gjyqësore nuk ka pranuar kërkesën e Prokurorit për caktimin e masës së paraburgimit për deputetin e Lëvizjes Vetëvendosje, Frashër Krasniqi, ka njoftuar përmes një shkrimi në rrjetin social Facebook, avokati i Krasniqit, Tomë Gashi. Krasniqi ishte ndaluar nga Policia e Kosovës pas përplasjes fizike me deputetin e Kuvendit të Kosovës nga Nisma për Kosovën, Milaim Zeka, gjatë një debati në një emision të drejtpërdrejtë, në një televizion vendor. Avokati Gashi ka theksuar se Krasniqit "i është caktuar masa e ndalimit të ofrimit fizik të z. Milaim Zeka në Kuvend në distancë prej 5 m dhe jashtë Kuvendit në distancë prej 100 metra. Frashëri është liruar nga masa e arrestit të caktuar dy ditë më parë". Gashi, gjithashtu, ka njoftuar se ndaj Krasniqit do të zhvillohen hetime për lëndim të lehët trupor ndaj z. Zeka, ndërkaq që ky i fundit, do të hetohet për veprën penale " të kanosjes ndaj deputetit të Lëvizjes Vetëvendosje, Frashër Krasniqi".

This posting includes an audio/video/photo media file: Download Now

Lajmet e rrejshme karakterizojnë fushatën për zgjedhjet lokale

Posted: 01 Oct 2017 06:26 AM PDT

Me fillimin e fushatës zgjedhore në Maqedoni partitë politike dhe kandidatët, të cilët garojnë për të fituar besimin e elektoratit në zgjedhjet e 15 tetorit, kanë denoncuar disa raste se janë bërë pre e lajmeve të rrejshme të aplikuara përmes rrjeteve sociale dhe ueb-faqeve të kamufluara si të vërteta. Ekspertë të medieve thonë se lajmet e rrejshme ka marrë hov të konsiderueshëm në këtë fushatë zgjedhore, plasimi i së cilave kryesisht bëhet përmes faqeve të rrejshme në rrjetet sociale, si dhe ueb-faqeve që në shikim të parë duken se i përkasin medieve të mëdha në vend, me pak detaje të padukshme që e bëjnë dallimin. Sefer Tahiri, nga Fakulteti i Medieve në Universitetin e Evropës Juglindore në Tetovë, thotë se problemi i shfaqjes së medieve të rrejshme, përkatësisht depërtimit të informacioneve të paverifikuara në mediet online, është te fakti se sfera e këtyre medieve nuk është e rregulluar në formë strikte me normat ligjore. Sipas tij, Ligji për shpifje nuk gjen zbatim. Tahiri thotë se struktura të caktuara, veçanërisht gjatë kohës së fushatave zgjedhore, duke shfrytëzuar mundësinë që mediet online nuk i nënshtrohen asnjë organi rregullator, keqpërdorin hapësirën mediatike duke plasuar informacione të paverifikuara, duke bërë propagandë për opsione të ndryshme politike. "Vlerësoj se keqpërdorimi i hapësirës nuk përkon me normat etike, nuk përkon me kodin e gazetarëve. Dhe, gjithashtu, vlerësoj se ka një keqpërdorim te ne se liria e medieve kuptohet si liri e pakufishme, si liri që nuk shkon bashkë me përgjegjësinë". "Këtu te ne ka njerëz të shumtë të papërgjegjshëm, të cilët e luajnë rolin e gazetarit, e në fakt ata s`janë të tillë, nuk janë të shkolluar për atë punë, nuk disponojnë me njohjen elementare të gazetarisë, se si shkruhet lajmi dhe si raportohet - kjo bën që të kemi një kaos të vërtetë informativ. Kemi një laramani të portaleve, të cilat dalin si kërpudha pas shiut, por në anën tjetër kjo dukuri në masë të madhe e dëmton gazetarinë objektive", thotë Tahiri. Ndërkaq, Biljana Petkoska nga Instituti i Medieve në Maqedoni për Radion Evropa e Lirë thotë se shtrirja e lajmeve të rrejshme kryesisht bëhet përmes rrjeteve sociale duke pasur si qëllim betejën e ndyrë politike. "Në vigjilje të zgjedhjeve lokale, jemi dëshmitarë se është intensifikuar përdorimi i termit 'lajme të rrejshme' edhe atëherë kur ky term ështëadekuat në raste të caktuara, por edhe në ato rate kur nuk është adekuat ky term. Megjithatë, e ritheksoj se problematika e lajmeve të rrejshme aktualizohet në kohën e zgjedhjeve pra në një farë forme politikanët në Maqedoni e kapin këtë trend që ka përmasa botërore", vlerëson Petkovska. Nga ana tjetër, Sefer Tahiri konsideron se përmes mekanizmit të vetë -rregullimit të medieve, mund të pastrohet eteri mediatik nga lajmet e rrejshme. Sipas tij, vetë politikanët janë ata, të cilët në forma të ndryshme krijojnë aleanca me media të caktuara online për të atakuar oponentët e tyre politikë. "Ne sot kemi një situatë kur vetë politikanët ankohen nga disa portale se ua prishin imazhin, se keqinformojnë, se propagandojnë, se nxjerrin deklarata nga konteksti se nuk e thonë të vërtetën, nuk raportojnë për ngjarjet ashtu siç janë. Por, në anën tjetër i kemi po të njëjtit politikanë, të cilët janë, thënë kushtimisht, në raporte miqësore me pronarët e portaleve apo gazetarët, që punojnë në media online të caktuara". "Prandaj, ne sot kemi një sistem të dualizmit edhe sa i përket qasjes politike ndaj medieve online, ngase politikanë të caktuar mendojnë se nëse portalet e ndryshme i kanë në anën e tyre, atëherë më mirë do të kalojnë te popullata përmes shigjetimit të oponentëve, përmes medieve dhe jo drejtpërdrejt nga ta", thekson Tahiri. Por, Zhaneta Trajkoska, ligjëruese e medieve, vlerëson se mediat konvencionale, organizatat joqeveritare po edhe vetë politikanët duhet të angazhohen për edukimin opinionit që të mund të dallojnë qytetarët se çka është informacion i drejtë dhe çka paraqet lajm të rremë dhe veçanërisht informacionet e rrejshme sa i dëmtojnë interesat e përgjithshme të shoqërisë. "Për fat të keq, një pjesë e madhe edhe e mediave konvencionale vetëm bëjnë transmetimin e lajmeve pa verifikuar burimin, pa dalë gazetarët në vendin e ngjarjes, duke humbur funksionin bazë për çka ata duhet të ekzistojnë. Përderisa kemi media jo-kualitative, krijohet një hapësirë shumë e volitshme për krijimin e lajmeve të rrejshme", shprehet Trajkovska. Ndryshe, vitin e kaluar, gjatë fushatës zgjedhore në SHBA qyteti i Velesit në Maqedoni u bë i njohur në përmasa botërore pasi disa të rinj nga ky qytet kishin hapur disa sajte me lajme të rrejshme në favor të njërit kandidat, nga të cilat informacione ata thoshin se arrijnë të sigurojnë mjete tëkonsiderueshme financiare.

This posting includes an audio/video/photo media file: Download Now

SHBA: Irani ne listen e vendeve që nuk po lufton trafikimin e qenieve njerëzore

Posted: 01 Oct 2017 05:59 AM PDT

SHBA-ja ka thënë se po shton Iranin në listën e vendeve që akuzon, për mos luftimin e trafikimit me qenie njerëzore, dhe se ka rritur kurfizimet ndaj Rusisë, e cila ishte tashmë në listë. Shtëpia e Bardhë ka thënë se bashkë me Iranin, Venezuelën, edhe katër vende të Afrikës do të shtohen në listë, Republika Demokratike e Kongos, Guinea, Sudani Jugor dhe Sudani. Bashkë me Rusinë, vendet në listë që do të përballen me sanksione shtesë janë, Korea e Veriut, Eritrea dhe Siria. Këto vende do të privohen nga pjesmarrja në programet kulturore dhe të shkëmbimit me SHBA-në. Administrata e Presidentit Trump, gjithashtu urdhërori Drejtorin Ekzekutiv të Fondit Monetar Ndërkombëtar (FMN) dhe drejtorët ekzekutiv të SHBA-së në bankat e tjera të zhvillimit multilateral, për të votuar kundër dhënies së kredive ose fondeve në Rusi, Iran ose Kore të Veriut për vitin 2018. Sipas një ligji në vitin 2000, SHBA-ja nuk siguron asistencë jo humanitare, për vendet që nuk përmbushin standardet minimale dhe nuk marrin masa për luftimin e trafikimit me qenie njerëzore.

This posting includes an audio/video/photo media file: Download Now

Dhunë e përleshje në Kataloni

Posted: 01 Oct 2017 05:35 AM PDT

Zyrtarët e shërbimeve të emergjencës në rajon kanë thënë se qindra persona u lënduan gjatë përleshjeve me policinë. Gazeta "El Periodico", njoftoi se policia gjuajti me plumba gome në një lokacion në qendër të Barcelonës, pasi kishte shpërthyer dhuna.(Video: Reuters)

This posting includes an audio/video/photo media file: Download Now

Rezistenca e Katalonisë, përpjekjet për pavarësi

Posted: 01 Oct 2017 05:33 AM PDT

Policia spanjolle po përballet me votuesit në Kataloni dhe ka sekuestruar kutitë e fletëvotimeve në qendra, për të penguar referendumin për pavarësi, që autoritetet në Madrid e quajtën "të paligjshëm" dhe u zotuan se do ta bllokojnë. Zyrtarët e shërbimeve të emergjencës në rajon kanë thënë se 337 persona u lënduan gjatë përleshjeve me policinë. Gazeta "El Periodico", njoftoi se policia gjuajti me plumba gome në një lokacion qendror të Barcelonës, pasi kishte shpërthyer dhuna. Zyrtarët kanë njoftuar se nuk kishte lëndime serioze. Një zëdhënës në Qeverinë e Katalonisë, tha se rreth ¾ e rreth 2.300 qendrave të votimin ishin të hapura, ndonëse një zyrtar i Qeverisë spanjolle tha se më shumë se gjysma ishin mbyllur nga policia. Në përpjekje për të lehtësuar procesin e votimit, zyrtarët e Qeverisë thanë se votuesit mund të shtypin fletëvotimet e tyre në shtëpi dhe t'i hedhin ato në çdo vendvotim që policia nuk ka arritur të mbyllë. Zëdhënësi i Qeverisë së Katalonisë, Jordi Turull, u kërkoi njerëzve të vazhdojnë të votojnë "edhe pse ata janë dëshmitarë të pamjeve që kanë mundur t'i shohin vetëm në epokën e televizorit bardh e zi". "Mbrojtja e demokracisë gjithmonë do të jetë e vlefshme, dorëzimi i shtetit nuk ia vlen", deklaroi Turull. Mbështetësit e referendumit kanë mbërritur në shkolla, duke luajtur lojëra me fëmijët e tyre, disa duke fjetur aty, në përpjekje për t'i mbajtur vendet e votimit të hapura derisa të fillonin zgjedhjet. Ata u udhëzuan që në mënyrë paqësore t'i rezistojnë çdo përpjekjeje të policisë për të ndaluar votimin. Referendumi i propozuar ka ngritur tensionet në rajonin e Katalonisë dhe në të gjithë pjesën tjetër të Spanjës, që kur presidenti i Katalonisë, Carles Puigdemont, kishte deklaruar se "gjithçka ishte gati" për votim. Puigdemont hodhi votën e tij në Cornella del Terri në provincën e Gironas, vend ky tjetër ku ai kishte planifikuar të votonte. Policia kishte hyrë ne vendvotim duke thyer xhamat, në kohën kur ai kishte njoftuar se do të votonte. Në kundërshtim me autoritetet qendrore, qeveria rajonale përgatiti fshehurazi vendvotime, organizoi qendrat e votimit dhe bëri përgatitjet për referendum. Puigdemont kishte thënë se Qeveria mund të shpallte brenda 48 orëve pavarësinë, nëse Katalonia fiton shumicën e votave për "po". Ministri i Jashtëm spanjoll, Alfonso Dastis, të shtunën tha se referendumi ishte jokushtetues dhe se referendumet janë bërë " instrument i zgjedhjes së diktatorëve" dhe janë në kundërshtim me "qëllimet dhe idealet" e Bashkimit Evropian". "Ajo që ata po shtyjnë para, nuk është demokraci. Është tallje me demokracinë", tha Dastis për "Associated Press". Rreth 5.3 milionë njerëz kanë të drejtë vote, por shumë prej tyre kundërshtojnë pavarësinë duke thënë se nuk do të marrin pjesë në referendum. Sondazhet tregojnë se një pakicë prej rreth 40 për qind e numrit të përgjithshëm prej 7.5 milionë banorëve në Katalon, e mbështesin pavarësinë. Përgatiti: Linda Gjokaj

This posting includes an audio/video/photo media file: Download Now

Nasrallah: Vota kurde mund të çojë në “luftëra të brendshme”

Posted: 01 Oct 2017 04:53 AM PDT

Udhëheqësi i lëvizjes shiite, Hizballah, të mështetur nga Irani, e ka quajtur referendumin për pavarësi kurde si hapin e parë drejt ndarjes së Lindjes së Mesme dhe paralajmëroi se kjo do të mund  të çonte në "luftëra të brendshme". "Kjo do i hapë derën ndarjes" ka thënë Hassan Nasrallah, në Beirut. " Ndarja do të thotë të marrësh rajonin me luftëra të brendshme, ku fundin dhe kohën e di veç Zoti". Kurdët e irakut votuan me 25 shtator për pavarësi.

This posting includes an audio/video/photo media file: Download Now

Rusia mohon akuzat se ka lënë ushtarë në Bjellorusi

Posted: 01 Oct 2017 04:04 AM PDT

Rusia ka mohuar akuzat nga Ukraina, se ka lënë ushtarë në Bjellorusi, pasi ka bërë stërvitjet ushtarake atje, pavarësisht zotimit të Moskës për të mos bërë një gjë të tillë. "Derisa trupat ruse morën pjesë në stërvitjet Zapad 2017, ata të gjithë u kthyen në bazat e tyre të përhershme", ka thënë zëdhënësi i ministrisë së mbrojtjes, Igor Konashevko. Mohimi i kësaj deklarate, erdhi pasi Viktor Muzhenko, shefi i shtabit të ushtrisë ukrainase, në një intervistë për Reuters bëri një deklaratë që kërcënon të rrisë tensionet në mes të Moskës dhe Keivit. Manovrat në Bjellorusi, dhe një pjesë të Rusisë perëndimore, shkaktuan shqetësime në vendet fqinje të NATO-s, të cilat tashmë janë të vetëdijshme për veprimet e Rusisë, pas aneksimit të Kirmesë dhe ndërhyrjes ushtarake në Ukrainën lindore. Moska dhe Minsk kanë thënë se manovrat ushtarake kishin përfshirë 12.700 trupa ushtarake, por zyrtarët perëndimorë kanë thënë se numri i vërtetë i tyre ka qenë rreth 100 mijë.

This posting includes an audio/video/photo media file: Download Now

Mbrojtja e cilësisë së ajrit ‘nxjerr’ thëngjillin nga përdorimi

Posted: 01 Oct 2017 03:18 AM PDT

Krenare Cubolli Ishte dhjetori i vitit 2016 kur qytetarët e Prishtinës u alarmuan për shkallën e lartë të ndotjes së mjedisit në kryeqytet. Duke u bazuar fillimisht në të dhënat e monitoruesit të cilësisë së ajrit nga Ambasada Amerikane në Prishtinë, u konfirmua se gjendja e ajrit është në nivele të larta të ndotjes. Përveç kushteve atmosferike, termocentraleve të vjetra dhe gazrave që lëshojnë veturat e vjetra në qarkullim, një faktor tjetër i ndotjes ishte konstatuar të jetë edhe ngrohja me lëndë djegëse, siç është thëngjilli. Ministrja e Mjedisit dhe Planifikimit Hapësinor, Albena Reshitaj, ka deklaruar se një nga prioritetet në mandatin e saj, do të jetë ngritja e cilësisë së ajrit. Andaj, ndër masat e para në këtë drejtim, ajo ka përmendur ndalimin e përdorimit të thëngjillit për ngrohje nga bizneset dhe ekonomitë familjare.  Kryeshefi ekzekutiv i Agjencisë për Mbrojtjen e Mjedisit të Kosovës, Ilir Morina, i ka thënë Radios Evropa e Lirë, se një vendim i tillë do t'i kontribuonte shëndetit të njerëzve, duke e ruajtur mjedisin, sidomos gjatë stinës së dimrit kur kushtet atmosferike e rëndojnë gjendjen e ajrit. Sipas tij, gradualisht duhet të fillohet me alternativa të tjera për ngrohje. "Thëngjillin mund ta zëvendësojnë me dru, mund ta shfrytëzojnë më pak, mund ta shfrytëzojnë në ditët kur janë më të pastra, jo në momentet kur kemi javën e smogut. Do të pretendohet të arrihet një kontroll i shtuar, një inspektim i shtuar dhe një dënim i keqpërdoruesve", ka thënë ai. Bazuar në të dhënat e fundit nga rezultatet në terren, Morina ka konstatuar se për muajt, korrik dhe gusht, gjendja e ajrit ishte e qëndrueshme për kah cilësia. Ndërkaq, shqetësimet rreth cilësisë së ajrit rriten gjatë stinës së vjeshtës. Por, pavarësisht paralajmërimeve nga ministrja e Mjedisit dhe Planifikimit Hapësinor, Morina thotë se nuk ka ende ndonjë datë specifike se nga kur do të fillonte të zbatohej vendimi për ndalimin e thëngjillit për ngrohje. "Gjithçka është duke u bërë që të përgatitemi për nëntorin, dhjetorin, janarin, sepse ne e dimë se si do të jetë gjendja. Ne tanimë kemi përvojë 10 vjeçare. Çdo vit është përmirësuar gjendja e cilësisë së ajrit në Kosovë, falë vendosjes së filtrave të rinj, falë vendimeve që po merren për automjete dhe import. Por, fatkeqësisht disa nuk po implemetohen nga Ministria e Transportit siç është kontrolli teknik i lirimit të gazrave". "Mirëpo, do të ndikojë pozitivisht në ngritjen e cilësisë së ajrit dhe në marrjen e masave, por edhe në vetëdijesimin e shoferëve, vetëdijesimin e familjeve për lëndët djegëse, industrive, ekonomive e të gjitha këtyre", ka shtuar ai. Por, qytetarët e konsiderojnë si sfiduese një deklaratë të tillë të ministres Reshitaj, marrë parasysh buxhetin e ekonomive familjare. Luljeta Zymberi mendon që situata ekonomike e imponon një gjë të tillë:  "Ne duhet të vetëdijesohemi që ambientin ta kemi më të pastër dhe të kemi kujdes për shumë gjëra dhe jo vetëm për ngrohje, mirëpo situata ekonomike e imponon që njerëzit të zgjedhin rrugën më të lirë". Edhe qytetari Hamit Kasabaçi shprehet ngjashëm: "Përpos druve dhe thëngjillit, ne tjetër mundësi nuk kemi që të ngrohemi, andaj nuk e di se si ajo ka menduar që ta heqë drurin dhe thëngjillin. Me çka do të ngrohet ky popull?". Përveç tjerash, Kosova vazhdon të përballet me nivele të larta të ndotjes që vijnë nga termocentralet dhe veturat e vjetra. Bazuar në një hulumtim të mëparshëm të Institutit GAP, vjetërsia mesatare e automjeteve në Kosovë është 18 vjet. Më 27 qershor të këtij viti ka hyrë në fuqi Ligji i ri për automjete, i cili parasheh se në Kosovë nuk mund të importohen vetura më të vjetra se 10 vjet.

This posting includes an audio/video/photo media file: Download Now

HRW: Irani rekruton fëmijët afgan për të luftuar në Siri

Posted: 01 Oct 2017 02:32 AM PDT

Human Rights Watch thotë se Rojet e Revolucionit Islamik të Irakut (IRGC) kanë rekrutuar fëmijët afgan emigrantë, që jetojnë në Iran, për të luftuar në konfliktin në Siri. Avokati i të drejtave të njeriut në Nju Jork, tha në një deklaratë se fëmijët afgan, më të ri se 14 vjeç kanë luftuar në divizionin e Fatemiyun, grup i armatosur i mbështetur nga Irani që lufton bashkë me forcat qeveritare në konfliktin sirian. "Irani duhet të ndalojë menjëherë rekrutimin e fëmijëve dhe t'i kthejë fëmijët aftan që janë në Siri", tha Sarah Leah Whitson, drejtoreshë e Human Rights Watch në Lindjen e Mesme. HRW tha se një foto me varreza iraniane, identifikoi tetë fëmijë afgan të cilët me sa duket vdiqën duke luftuar në Siri. Raportet e medias iraniane vërtetuan disa nga këto raste dhe raportuan të paktën gjashtë raste të fëmijëve afganë që vdiqën duke luftuar. Sipas ligjin ndërkombëtarë, rekrutimi i fëmijëve nën moshën 15 vjeç për të marrë pjesë aktive në luftime, konsiderohet krim lufte. 

This posting includes an audio/video/photo media file: Download Now

Policia ka mbyllur qendrat e votimit në Kataloni

Posted: 01 Oct 2017 01:32 AM PDT

Mijëra qytetarë të Katalonisë u rreshtuan në qendrat e votimit në rajonin spanjoll, për referendumin e pavarësisë. Qyretarët u përballën me autoritetet e Madridit, të cilët e quajtën votimin "të paligjshëm", ata janë zotuar se do të bllokojnë votimin. Zyrtarët spanjoll urdhëruan policinë që të mbyllin shkollat në rajon, të cilat ishin të përgatitura si vendvotime, e që janë planifikuar të hapen në mëngjesin e ditës së sotme. Associated Press, njofton se pavarësisht kërcënimeve, kutitë e votimit janë parë duke arritur në qendrat e votimit, dhe qeveria e Katalonisë tha se do të lejojë që feltëvotimet të shtypen në shtëpi, që të përdoren nga votuesit. Shumë përkrahës të referendumit kanë fjetur dhe qëndruar në shkolla, për të mbajtur vendet e hapura deri në fillim të votimit. Ministri i Jashtëm spanjoll, Alfonso Dastis, ka thënë se referendumi ishte jokushtetues dhe se referendumet janë bërë "instrumet i zgjedhjes së diktatorëve", si dhe janë në kundërshtim me "qëllimet dhe idealet" e Bashkimit Evropian. 

This posting includes an audio/video/photo media file: Download Now

Saakashvili bën thirrje për protesta në Kiev

Posted: 01 Oct 2017 01:10 AM PDT

Ish-presidenti gjeorgjian dhe ish-guvernatori i rajonit të Ukrainës, Odesa, Mikheil Saakashvili, u ka bërë thirrje përkrahësve të tij për protestë në Kiev me 17 tetor, për të "mundur të keqen". Saakashvilli i bëri këto komente në qytetin e Detit të Zi në një tubim në Odesa, pas kthimit në port për herë të parë që kur ai dha dorëheqje si guvernator në nëntor të 2016-tës. Ai u tha mbështetësve se protesta e Kievit do te bëjë thirrje për krijimin e gjykatave kundër korrupsionit, heqjen e imunitetit parlamentar dhe një rivendosje të legjislavionit zgjedhor në vend. Saakashvilli humbi shtetësinë gjeorgjiane në vitin 2015, kur ai pranoi shtetësinë ukrainase me postin e guvernatorit të Odesas. Në korrik, presidenti ukrainas, Petro Poroshenko e privoi nga shtetësia ukrainase, një urdhër që Saakashvilli planifikon ta sfidojë me gjykatë. Me 22 shtator, një gjykatë në Lviv, dënoi Saakashvillin për hyrje të paligjshme në vend dhe e gjobiti me rreth 130 dollarë. Në një tubim mbështetës në qytetin perëndimor të Chernivtsi, Saakashvilli tha se ai ishte kthyer në Ukrainë "për të zgjidhur çështjen kryesore: si të dalësh nga kriza politike që ekziston aktualisht në vend".

This posting includes an audio/video/photo media file: Download Now

SHBA-ja nuk pranon referendumin kurd

Posted: 01 Oct 2017 12:41 AM PDT

Shtetet e Bashkuara nuk i njohin rezultatet e referendumit për pavarësi, të mbajtura në rajonin autonom të Irakut, Kurdistan. Sekretari amerikan i Shtetit, Rex Tillerson, ka lëshuar një deklaratë ku ka thënë se rezultatet e referendumit kanë " mungesë legjitimiteti" dhe ka shprehur mbështetjen e SHBA-së për " Irakun e bashkuar, federal, demokratik dhe të begatë". Tillerson po ashtu u ka bërë thirrje " të gjitha palëve, përfshi fqinjëve të Irakut, për të hedhur poshtë veprimet e njëanshme dhe përdorimin e dhunës". Kurdët e Irakut votuan më shumicë në favor të pavarësisë në referendum. Bagdadi i është përgjigjur këtij veprimi duke ndaluar lidhjet direkte ajërore të rajonit me botën.

This posting includes an audio/video/photo media file: Download Now

Përpjekjet humanitare të aktivistëve serbë për rekord botëror

Posted: 30 Sep 2017 10:57 AM PDT

Më shumë se 300 aktivistë nga Serbia, janë mbledhur në qytetin e Novi Sad-it në përpjekje për të thyer rekord për mozaikun më të madh me kapakë të shisheve të plastikës. Kjo ngjarje u organizuar nga organizata humanitare jofitimprurëse " Nga kapakët te buzëqeshja", e cila për pesë vite ka grumbulluar kapakë të shisheve të plastikës dhe i ka përdorur për të mbledhur para për fëmijët me nevoja të veçanta. Organizatorët thanë se mozaiku në qendër të qytetit është 621 metra katrorë, me motive ekologjike si dhe simbole të Novi Sad-it. Qindra vullnetarë, shumica fëmije dhe të rinj, kanë punuar për të mbledhur afëro 800 mijë kapakë për projektin. Përgjatë pesë viteve, organizata ka grumbulluar 100 ton kapakë. Me 6 ton kapakë mund të blihet vetëm një karrocë për persona me nevoja të veçanta. 

This posting includes an audio/video/photo media file: Download Now