“Thaci: Këta janë dy shqiptarët që punojnë në Shtëpinë e Bardhë” plus 9 more Lajmi i Fundit

“Thaci: Këta janë dy shqiptarët që punojnë në Shtëpinë e Bardhë” plus 9 more Lajmi i Fundit


Thaci: Këta janë dy shqiptarët që punojnë në Shtëpinë e Bardhë

Posted: 01 Oct 2017 07:37 AM PDT

Presidenti Hashim Thaçi, pas takimit me zëvendëspresidentin amerikan, Mike Pence, tregon se ky i fundit e ka njoftuar me dy shqiptarë, të cilët punojnë në Shtëpinë e Bardhë.

Thaçi, përmes një postimi në facebook, ka treguar se pas takimit ka takuar dy të rinj me origjinë nga Kosova, Yll dhe Ylber Bajraktarin.

Postimi i plotë i Thaçit:

"Pas takimit të ngrohtë dhe përmbajtësor, zv. Presidenti Pence, me shumë krenari, më
tha: 'zoti President, tani do të kem nderin që t'ju njoftoj me dy të rinj me origjinë nga Kosova, Yll dhe Ylber Bajraktarin. Ata punojnë me ne në Shtëpi të Bardhë'.

Sigurisht, m'u bë zemra mal me të arriturat e tyre.

Ylli dhe Ylberi, me punë dhe vetëmohim, pa të njofshëm e pa hile, arritën në majat e administratës amerikane.
Njëkohësisht, kjo flet edhe për zemrën e madhe dhe të hapur të popullit amerikan, e cila, mbi të gjitha, e çmon punën, guximin dhe besnikërinë.

Yll dhe Ylber, jam krenar me ju! Ju priftë e mbara gjithmonë! HTH", ka shkruar Thaçi.

The post Thaci: Këta janë dy shqiptarët që punojnë në Shtëpinë e Bardhë appeared first on Lajme | Lajmi i Fundit | Lajmet | informacion shqip, gazeta online.

Sherri me grushte në studio, Gjykata Prishtinës liron Frashër Krasniqin

Posted: 01 Oct 2017 07:34 AM PDT

Gjykata Themelore në Prishtinë në seancën gjyqësore nuk ka pranuar kërkesën e Prokurorit për caktimin e masës së paraburgimit për deputetin e Lëvizjes Vetëvendosje, Frashër Krasniqi, ka njoftuar përmes një shkrimi në rrjetin social Facebook, avokati i Krasniqit, Tomë Gashi.

Krasniqi ishte ndaluar nga Policia e Kosovës pas përplasjes fizike me deputetin e Kuvendit të Kosovës nga Nisma për Kosovën, Milaim Zeka, gjatë një debati në një emision të drejtpërdrejtë, në një televizion vendor.

Avokati Gashi ka theksuar se Krasniqit "i është caktuar masa e ndalimit të ofrimit fizik të z. Milaim Zeka në Kuvend në distancë prej 5 m dhe jashtë Kuvendit në distancë prej 100 metra. Frashëri është liruar nga masa e arrestit të caktuar dy ditë më parë".

Gashi, gjithashtu, ka njoftuar se ndaj Krasniqit do të zhvillohen hetime për lëndim të lehët trupor ndaj z. Zeka, ndërkaq që ky i fundit, do të hetohet për veprën penale " të kanosjes ndaj deputetit të Lëvizjes Vetëvendosje, Frashër Krasniqi".

The post Sherri me grushte në studio, Gjykata Prishtinës liron Frashër Krasniqin appeared first on Lajme | Lajmi i Fundit | Lajmet | informacion shqip, gazeta online.

Tronditet Franca, dy viktima nga sulmi me thikë në Marsejë

Posted: 01 Oct 2017 07:26 AM PDT

Një sulm me thikë rezultoi fatal për dy persona në stacionin e trenave "St Charles" në Marsejë.

Sipas mediave franceze, agresori është qëlluar për vdekje nga forcat e sigurisë të qytetit jugor të Francës. Ministri i Brendshëm francez, Gerard Collomb tha se ishte duke udhëtuar menjëherë drejt vendngjarjes.

Policia franceze njoftoi përmes rrjetit social "Twitter" se situata në stacionin në fjalë është kthyer në normalitet, pasi agresori ishte neutralizuar. Gjatë kësaj kohe, shërbimi hekurudhor ishte ndërprerë, ndërsa policia u kërkoi fillimisht njerëzve të shmangnin zonën.

Një burim i paidentifikuar i ka thënë gazetës "Le Monde" se agresori kishte thirrur "Allahu Akbar".

The post Tronditet Franca, dy viktima nga sulmi me thikë në Marsejë appeared first on Lajme | Lajmi i Fundit | Lajmet | informacion shqip, gazeta online.

FIFA penalizoi Spanjën, rritet shanset e Shqipërisë për në Botëror

Posted: 01 Oct 2017 06:06 AM PDT

FIFA mund të ketë fuqinë për të pezulluar Spanjën, fituesit e Botërorit të vitit 2010, nga kompeticioni ndërkombëtar, kur mbetet më pak se një vit nga fillimi i turneut në Rusi, ka bërë të ditur e përditshmja britanike "The Sun".

Në rast të këtij vendimi, Shqipëria do të ngjitej një vend më sipër në renditjen e Grupit G (ku aktualisht ndodhet Italia). E përkthyer: Spanja jashtë Botërorit dhe Shqipëria luan shanset për në "Rusi 2018" me fazën "play-off".

TENSION NË KATALUNJË – Tensioni rreth referendumit për pavarësi në Katalonjë mund të pasqyrohet në fushën e lojës në shtetin iberik, pas paralajmërimeve se një nga klubet kryesore të kampionatit spanjoll, Barcelona, mund të përjashtohet nga liga në rast se zbatohet vendimi dhe kjo vetëm: Girona dhe Espanjol do përballeshin gjithashtu me përjashtimin nga futbolli spanjoll.

Katalunja është njohur për mentalitetin separatist, çka e ka shfaqur edhe në stadiumin "Camp Nou" shpeshherë gjatë ndeshjeve të kampionatit, por klubi gjithmonë është përpjekur të mos e mbështesë haptas pavarësinë.
HESHT FIFA – Ndërkaq, FIFA nuk ka dhënë asnjë koment në lidhje me shpalljen e pavarësisë së Barcelonës dhe klubeve e tjera të Katalunjës pas votimit, qëndrim të cilin Spanja e cilëson do e cilësonte antikushtetues: "Duke ndjekur rregullin e përgjithshëm të FIFA-s, nuk do të ketë komente apo hamendësime për rrjedhën e ngjarjeve", u shpreh një zëdhënës i FIFA-s për "Reuters".

LA LIGA – Përjashtimi i Barçës, megjithatë, do të ishte një vendim i ndërlikuar për t'u marrë nga FIFA. Nëse La Liga nuk do e lejojë pjesëmarrjen e Barcelonës si pasojë e pavarësisë së Katalunjës, një lëvizje të cilën Havier Tebas e ka cilësuar si masë të nevojshme që duhet të marrë shteti spanjoll në përmbajtje të ligjit, FIFA do duhet të vendosë nëse do lejojë që futbolli të shkelë rregulloren.

SHANSE PËR SHQIPËRINË – Efekti domino nuk do të prekte vetëm Katalunjën dhe Spanjën: përjashtimi nga Botërori i përfaqësueses së drejtuar nga Lopetegui do të lironte një vend në Grupin G, ku do të renditej automatikisht Shqipëria. Aktualisht, kuqezinjtë ndodhen në vendin e tretë, me 13 pikë, katër më shumë se Izraeli.

Dy ndeshjet e radhës Shqipëria do t'i luajë kundër Spanjës dhe Italisë dhe motivimi pas këtij lajmi duhet të jetë maksimal, të paktën për të siguruar vendin e tretë në grup, që nëse do të skualifikohej Spanja do të na çonte automatikisht në fazën "play off". Në mënyrë direkte, do të kualifikohej Italia.

 

The post FIFA penalizoi Spanjën, rritet shanset e Shqipërisë për në Botëror appeared first on Lajme | Lajmi i Fundit | Lajmet | informacion shqip, gazeta online.

Aksident tragjik në Maliq, makina përplas dy gra, ndërron jetë njëra

Posted: 01 Oct 2017 05:44 AM PDT

Një aksident tragjik është shënuar në Maliq, ku një makinë ka plagosur dy këmbësorë dhe fatkeqësish ka ndërruar jetë një 65-vjecare.

Ngjarja ka ndodhur në fshatin Podgorie, dhe policia ka bërë të mundur shoqërimin e shoferit.
Nga aksidenti janë plagosur rëndë S.Ç dhe B.Xh, 65 e 70 vjeç. E plagosura S.Ç ka ndërrua jetë pas mbërritjes në spital.

Makina e përfshirë në aksident tip "Nissan", drejtohej nga J.K. Policia po punon për zbardhjen e plotë të shkaqeve të ngjarjes

The post Aksident tragjik në Maliq, makina përplas dy gra, ndërron jetë njëra appeared first on Lajme | Lajmi i Fundit | Lajmet | informacion shqip, gazeta online.

‘’Viktimë’’ e Botox-it ishte dhe Agron Llakaj, rrëfimi i aktorit: ‘’Nuk e njoha veten’’ (Video)

Posted: 01 Oct 2017 05:31 AM PDT

Agron Llakaj, ndryshe nga një pjesë e mirë e personazheve publike, ka pranuar se disa kohë më parë i është nënshtruar ndërhyrjes me botox, por nuk ka qenë gjithçka siç e priste.

I ftuar mbrëmjen e së shtunës në Xing me Ermalin, Llakaj ka rrëfyer edhe për këtë eksperiencë, pas së cilës ai nuk e njohu më veten para pasqyrës.

Pas pyetjes së Ermalit për pse e tregoi botox-in në publik dhe si e pa veten pas kësaj, Llakaj rrëfeu se nuk e ka njohur veten në pasqyrë pas botoksit, pasi vetullat i ishin ngritur shumë lart.
"Unë një botoks provova i varfri dhe kur dola në pasqyrë nuk njoha veten, ia bëra uauuuuu. Më kishin ikur vetullat lart dhe s'kisha nevojë të lodhesha për t'i ngritur për të bërë Sali Berishën se ishin gati",- tha Llakaj duke e ndarë natyrshëm me publikun edhe këtë eksperiencë të provuar në shumë personazhe të njohur, por jo me rezultatin e duhur për Agronin.

The post ''Viktimë'' e Botox-it ishte dhe Agron Llakaj, rrëfimi i aktorit: ''Nuk e njoha veten'' (Video) appeared first on Lajme | Lajmi i Fundit | Lajmet | informacion shqip, gazeta online.

E rëndë në Spanjë, policia qëllon plumba gome qytetarët e Katalonjës(Foto)

Posted: 01 Oct 2017 05:10 AM PDT

Policia spanjolle ka përdorur sot plumba gome kundër demonstruesve përpara qendrave të votimit në Barcelonë, me ç'rast disa njerëz janë të plagosur, transmeton AP.

Policia shtiu me plumba gome në përpjekje për të ndarë protestuesit që donin të pengonin automjetet e policisë me material të votimit të konfiskuar që të largohen larg qendrës së votimit. Gazeta spanjolle Periodiko gjithashtu raporton se policia ka përdorur plumba gome kundër disa njerëzve në një kryqëzim në Barcelonë. Në vend të ngjarjes janë policia spanjolle, si dhe Garda Civile, ndërkohë që qyteti i Barcelonës vëzhgohet nga helikopterë të cilët po fluturojnë mbi qiellin e qytetit.

Në Katalonjë, sot po zhvillohet një referendum mbi pavarësinë, me incidente të shumta dhe përleshje midis qytetarëve dhe policisë. Nga njëra anë, shteti po përpiqet të parandalojë mbajtjen e një referendumi, ndërsa, nga ana tjetër, katalanasit nuk heqin dorë nga referendumi i planifikuar.

VIDEO/Tensione në Katalonia: Kundërshtarët e referendumit djegin flamujt e rajonit Orët e fundit përpara mbajtjes së referendumit për pavarësinë e Katalonias duket se kanë sjellë tensionime në rajon që kërkon shkëputjen nga Spanja.
Tëitter Ads info and privacy
Pas ndërhyrjes së forcave kombëtare të sigurisë në marrjen e objekteve shkollore në kontroll, të cilat ishin projektuar si vendet ku do të vendoseshin qendrat e votimit, demostrues që kundërshtojnë referendumin kanë djegur flamujt e Katalonias. Qeveria qendrore ka dërguar mijëra forca sigurie në rajon, qëllimi i të cilave është të pengojnë mbajtjen e referendumit.
Tëitter Ads info and privacy
Ndërkohë në Madrid, mijëra persona, me flamujt spanjollë në duar, manifestuan për të mbrojtur unitetin e Spanjës
"Manifestuesit ndodhen në sheshin 'Cibeles', me kërkesë të Fondacionit për Mbrojtjen e kombit spanjoll (Denaes)", raportuan mediat, shkruan tesheshi.
Me flamujt kombëtarë në duar ata brohoritin "Katalonia është pjesë e Spanjës".
Disa thërrisnin "Puigdemont në burg". Carles Puigdemont drejton qeverinë rajonale të Katalonias, që po sfidon qeverinë dhe drejtësinë, duke organizuar referendumin.

The post E rëndë në Spanjë, policia qëllon plumba gome qytetarët e Katalonjës(Foto) appeared first on Lajme | Lajmi i Fundit | Lajmet | informacion shqip, gazeta online.

Kamionit i çahet goma në autostradën Tiranë-Durrës, materialet bien të gjitha në rrugë

Posted: 01 Oct 2017 05:04 AM PDT

Ditën e sotme ka ndodhur një incident pa dëme në autostradën Tiranë-Durrës.

Mësohet se një kamioni të madh i është çarë goma dhe me pas mbulesa e rimorkios gjë që ka sjellë mbushjen e autostradës me materiale ndërtimi.

Rënia e materialeve në rrugë solli bllokimin për pak çaste qarkullimit të mjeteve, ndërsa u dëmtuan mbrojtëset metalike në anë të rrugës.

The post Kamionit i çahet goma në autostradën Tiranë-Durrës, materialet bien të gjitha në rrugë appeared first on Lajme | Lajmi i Fundit | Lajmet | informacion shqip, gazeta online.

Fundjavat me familjen nuk janë më private, Valbona Selimllari më aktive në Instagram (Foto)

Posted: 01 Oct 2017 04:40 AM PDT

Valbona Selimllari është shumë aktive në rrjetet sociale së fundmi.

Ajo ka publikuar në Instagram një foto në të cilën shfaqet duke u argëtuar pa masë me fëmijët e saj në pishinë.
Megjithatë si gjithnjë Valbona është përpjekur të mos i ekspozojë më shumë seç duhet.

Megjithatë nga buzëqeshja e saj ata janë duke kaluar një kohë mjaft të bukur së bashku.

The post Fundjavat me familjen nuk janë më private, Valbona Selimllari më aktive në Instagram (Foto) appeared first on Lajme | Lajmi i Fundit | Lajmet | informacion shqip, gazeta online.

Shqetësonte udhëtarët dhe i nxiste të merrnin atë si shofer, arrestohet taksisti në Rinas

Posted: 01 Oct 2017 04:15 AM PDT

Policia e Tiranës ka arrestuar një taksist i identifikuar me inicialet F.K. banues në Rinas, pasi është vërejtur nga dy oficerë policie duke bezdisur udhëtarët.

Sipas dëshmive të policëve, F.K. u kërkonte udhëtarëve që kishin mbërritur në Rinas që të zgjidhnin atë dhe mjetin e tij si taksi për të shkuar në destinacionet ku dëshironin.

Edhe pse policët i kërkuan të largohet nga aty, F.K. ka kundërshtuar urdhrin e tyre dhe madje u ka thënë që të largohen ata nga aty. Në sallën e gjyqit kur jepej vendimi, taksisti ka kërkuar një dënim sa më të butë, duke u shprehur se ishte thellësisht i penduar për veprimet e tij. Në këtë mënyrë, gjykata vendosi që ta reduktojë gjobën e vendosur, nga 500 mijë lekë në 330 mijë lekë.
NGJARJA
Në datë 26.06.2017 punonjësit e policisë kanë depozituar një kallëzim penal ndaj shtetasit F.K. duke shpjeguar se kane qenë planëzuar si patrullë në sektorin përpara
terminalit të Aeroportit Ndërkombëtar "Nënë Tereza". Rreth orës 16:25, dy policët, emrat e të cilëve nuk bëhen të ditur, kanë konstatuar se taksisti u kërkonte me ngulm udhëtarëve që kishin mbërritur në aeroport ta merrnin atë si taksi. Ngulmimet kanë qenë aq të forta deri në bezdisje të udhëtarëve. Punonjësit e policisë e kanë urdhëruar të pandehurin që të largohej dhe të mos i bezdiste më udhëtarët, mirëpo ai ka kundërshtuar duke iu përgjigjur: "Nuk keni shans të vini në Rinas, pasi jam banor i zonës". Pas kësaj ngjarjeje, punonjësit e Policisë e kanë urdhëruar shtetasin F.K. që të shkonte me ta në Komisariat, por ai ka vazhduar sërish me kundërshtime: Po më shoqëruat në Polici nuk do të shkelni më në Rinas. Më pas, policët e kanë shoqëruar me forcë në polici.

The post Shqetësonte udhëtarët dhe i nxiste të merrnin atë si shofer, arrestohet taksisti në Rinas appeared first on Lajme | Lajmi i Fundit | Lajmet | informacion shqip, gazeta online.