“Ismaili: Në Ferizaj do ta ndërtojmë patjetër spitalin e ri” plus 9 more Ferizaj Press |
- Ismaili: Në Ferizaj do ta ndërtojmë patjetër spitalin e ri
- Abazi: Nëse nuk mund të fitosh, sigurohu të mos humbasësh
- Posta e Kosovës shpërblehet për pullën më të bukur në botë
- Mjekët paralajmërojnë: ”Shmangni këto katër kombinime ushqimore, janë të rrezikshme për shëndetin”
- Valdrini publikon fotografi nga dasma
- Besniku i “NRG Band” martohet me Lolitën, ja surpriza mbreslënëse që i bëri
- Haradinaj fton simpatizantët e AAK-së në Ferizaj të besojnë në fitoren e kandidatit Xhavit Zariqi
- AKV ‘’Kastriotët’’ shënoi 50 vjetorin e themelimit
- Rifillon qarkullimi i trenave në Kosovë
- KK Ferizaj udhëheq në Ligën Institucionale pas javës së dytë
| Ismaili: Në Ferizaj do ta ndërtojmë patjetër spitalin e ri Posted: 01 Oct 2017 07:25 AM PDT Ferizaj. 01.10.2017. Në repartin e Gjinekologjisë në Spitalin e Ferizajt, Ministri i Shendetsisë Uran Ismaili i shoqëruar nga kryetari Muharrem Svarqa, përfaqësues të Organizatës “Save the children” ,Unicef dhe perfaqëues të 13 organizatave të tjera joqeveritare kanë filluar javën e gjidhënies, duke inkurajuar nënat e reja që femijët e tyre t'i rrisin me qumësht gjiri. Ministri i Shëndetësisë Uran Ismaili tha sot se nënat e reja kanë nevojë për një përkrahje më të madhe institucionale, me qëllim që për fëmijët e tyre të ketë një fillim të shëndetshëm të jetës. Ai tha se Ministria e Shëndetësisë ka arritur që ta miratojë Ligjin për të ushqyerit me qumësht të gjirit, por i njëjti ka nevojë për një zbatim më të fuqishëm, që mund të bëhet me përkrahjen e institucioneve politikëbërëse, institucioneve shëndetësore dhe profesionistëve shëndetësor. Ministri Ismaili tha kështu sot gjatë vizitës në maternitetin e Spitalit të Ferizajt, ku bashkë me përfaqësuesit e Zyrës së UNICEF-it në Kosovë, të SHSKUK-së dhe autoritetet lokale, morën pjesë në shënimin e fillimit të Javës së të ushqyerit me qumësht të gjirit (1-7 tetor 2017) në Kosovë, që sivjet shënohet me moton: "Ta mbështesim gjidhënien së bashku". Ministri Ismaili theksoi edhe rëndësinë e madhe që kë informimi i nënave të reja dhe popullatës për rëndësinë e të ushqyerit më qumësht të gjirit, ndërkohë që në një bashkëbisedim me zyrtarë të Spitalit, autoritetet lokale të Ferizajt dhe profesionistët aty, shprehu përkushtimin e tij që kjo komunë, ta ndërtojë Spitalin e ri, që do të ishte një përgjigje në nevojat që i ka popullata e Ferizajt për shërbime shëndetësore më të mira. "E pamë nga vizita këtu që stafi mjekësor janë shumë të përkushtuar, por mungon infrastruktura pasi kjo që është mjaft e vjetruar dhe nuk i përmbush nevojat. Për këtë zgjidhje do të jetë spitali i ri i qytetit që do të bëhet patjetër, sepse i duhet qytetit të Ferizajt dhe popullatës këtu. Këtë spital do ta bëjmë patjetër, dhe kjo është e sigurt, ashtu siç është e sigurt se del dielli", u zotua Ministri Ismaili. Ndërsa premtoi se Ferizaj shumë shpejt do ta ketë Spitalin e ri ku kushtet do të jeneë shumë të mira. Me këtë rast edhe kryetari i komunës së Ferizajt Muharrem Svarqa është shprehur se gjidhënia ka rëndësi tejet të madhe për shëndetin e fëmijes. “Dëshiroj t'u bashkohem të gjithë atyre që këto ditë i inkurajojnë nënat e reja që ta praktikojnë gjidhënien, si një veprim dhe praktikë me të mira të shumëfishta. Unë nuk jam mjek që t'ju shpjegoj rëndësinë shëndetësore të gjidhënies, por do t'ju përkujtoj një aspekt të traditës popullore, e cila duket se nuk është vetëm tek shqiptarët, por shumë më e përhapur.Janë të njohura në traditën tonë formulimet: "Hallall gjinin e nanës", ose përgjërimet e llojit "Pashë gjinin që ta kam dhanë"! Këto formulime, tregojnë se që nga kohët më të vjetra, gjidhënia është çmuar nga njerëzit gati si diçka e shenjtë. Unë nuk jam i sigurt se në ato kohët njerëzit kanë qenë të vetëdijshëm për rëndësinë shëndetësore të gjidhënies, por jam i sigurt se e kanë ditur që përmes kësaj praktike, bëhet një lidhje e ngushtë në mes fëmijës dhe personit që i jep gji, qoftë ajo nënë, apo vetëm ushqyese. Historia thotë se edhe perandorët më mizorë, janë sjellë me shumë respekt ndaj gruas që i kanë ushqyer ata me qumështin e gjirit, kur kanë qenë të vegjël. Sot, ndërkaq, moderniteti, sikur e ka tëhuajsuar njeriun. Për arsye estetike, gjithnjë e më shumë gra, nuk u japin gji fëmijëve të tyre. Pa dyshim që kjo nuk është një sjellje e pëlqyer, pasi shkakton dëme të pariparueshme në raportin e saj me fëmijën, sidomos në aspektin emocional, sepse gjidhënia, duhet të jetë pjesë shumë e rëndësishme e të qenit nënë.Një nënë që e rrit me qumësht gjiri fëmijën e vet, me të drejtë do të presë më shumë respekt kur fëmija të rritet. Prandaj, edhe një herë dëshiroj t'u jap zemër nënave të reja që t'i rrisin fëmijët e tyre me qumësht gjiri, sepse kështu do të jetë më mirë edhe për to, por sidomos për fëmijët” ka thënë kryetari Svarqa, duke potencuar faktin se Ferizaj aktualiasht nuk ka Spital qe duhet te ketë pavarsisht numrit te madh te lindjeve që bëhen në repartin e Gjinekoogjisë. Edhe drejtori i spitalit të Ferizajt Bejtush Jaha ka falënderur të gjitha këto struktura që morën pjesë në Spitalin e Ferizajt, duke shtuar se mjekët dhe infermierët ferizajas po bëjnë të pamundurën që të inkurajojnë nënat e reja që fëmijet e tyre t'i ushqejnë me qumësht gjiri. Nënat ferizajase janë inkurajur per gjidhëine edhe nga perfaqësues të tjerë shëndestor, por edhe drejtues te organziates "Save the children" por ata nga "UNICEF" të cilët me këtë rast edhe u dhuruan nënave të reja nga një dhuartë simbolike dhe fletushka me udhëzimet për gjidhënie. U bë e ditur se në Spitalin e Ferizajt gjatë një viti kryhen rreth 1600 lindje.     |
| Abazi: Nëse nuk mund të fitosh, sigurohu të mos humbasësh Posted: 01 Oct 2017 04:47 AM PDT Nëse nuk mund të fitosh, sigurohu të mos humbasësh, kjo thënje e famshme që do të duhej të hynte në punë gjatë këtyre 4 viteve që e degraduan sportin ferizajas. Gjatë qeverisjeve të kaluara sporti në Ferizaj me të gjithat klubet sportive të qytetit, kanë pasur një mbështetje të madhe financiare dhe lobuese për tërheqjen e donatorëve dhe investitorëve nga komuna. Klubet sportive të qytetit kanë qenë shembull kombëtar I organizimit te klubit si dhe me paraqitjet në gara ndërkombëtare në koordinimin e trekëndëshit të suksesit Komunë, biznese dhe klube sportive. Gjatë 10 viteve sa isha në menagjim të klubit të handbollit ne kemi arritur që të ngrisim nivelin e performancës sportive në nivel nacional dhe ndërkombëtarë me parqitje në arenën sportive të garave të hendbollit europian për 6 vite rradhazi.
Shkruan: Lulzim Abazi
|
| Posta e Kosovës shpërblehet për pullën më të bukur në botë Posted: 01 Oct 2017 04:43 AM PDT Verona, 1 tetor 2017 – Në Verona të Italisë, të dielën, është mbajtur një ceremoni e veçantë për t'i ndarë këtë shpërblim Postës së Kosovës. Kjo pullë postare është lëshuar në qarkullim nga Posta e Kosovës vitin e kaluar, në prag të shenjtërimit të Nënës Terezë nga Papa Françesku. Në prani të përfaqësuesve ndërkombëtar nga vende të ndryshme çmimi për pullën më të bukur i është dorëzuar Kryeshefit Ekzekutiv Sejdi Hoxha. Ai ka falënderuar jurinë ndërkombëtare dhe të gjithë të pranishmit duke theksuar se ky çmim është një lajm i mirë jo vetëm për Postën e Kosovës por edhe për të gjithë qytetarët e vendit tonë. "Ne jemi shumë krenar për këtë shpërblim ashtu siç jemi krenar me Shën Terezën", ka thënë ai. Hoxha ka theksuar se Filatelia e Postës së Kosovës ka emetuar pulla postare për trashëgiminë religjioze në Kosovës e këtë do ta bëjë edhe në të ardhmen. Së bashku me drejtorin e Shitjes dhe Marketingut, Bashkim Mustafa, kryeshefi Hoxha ka takuar zyrtarë të ndryshëm përfshirë përfaqësues të Postës Italiane dhe Postës së Vatikanit. Në ceremoni kanë marrë pjesë edhe Danilo Bogoni, president i Filatelisë së organizatës International Philatelic Prize “Saint Gabriel”, kryetarja e qytetit Legnango, Clara Scapin, e të tjerë. Autore e pullës postare për Nënën Terezë është producentja Diana Toska, ndërkaq dizejnatore Hilminjeta Apuk. Është hera e dytë brenda këtij viti që pullat postare të Postës së Kosovës shpërblehen me çmime ndërkombëtare. |
| Mjekët paralajmërojnë: ”Shmangni këto katër kombinime ushqimore, janë të rrezikshme për shëndetin” Posted: 01 Oct 2017 03:58 AM PDT Edhe një fëmijë i vogël e di se ngrënia e fasuleve dhe një pije gazuar nga pas mund të shndërrohet në një mini-Hiroshima për organizmin, por ndodh që të rritur të bëjnë disa gabime të mëdha kur bëhet fjalë për kombiminin e ushqimeve. Sipas mjekëve nutricionistë, përzierjet që kemi konsideruar më të mirat rezultojnë më të dëmshmet për shëndetin. Hapini sytë mirë dhe zbuloni cilat janë katër kombinimet më të pashnëndetshme për organizmin: Me siguri keni fërkuar sytë sepse kombinimi domate+kastravec është kombinimi klasik i sallatës së fshatit që e pëlqeni aq shumë. Por, mjekët nutricionistë janë të mendimit se këta dy përbërës nuk duhen kombinuar së bashku në sallatë pasi kanë kohë të ndryshme tretjeje. Kur përzihet një ushqim që shpërbëhet më shpejt me një tjetër që kërkon shumë kohë për t'u tretur do të thotë që ky i fundit do të fermentohet. Gjatë kësaj kohe për shkak të procesit të fermentimit trupi juaj do të përjetojë gazra dhe fryrje dhe mund të keni probleme intestinale. Pasi fërkuat sytë kur patë domate dhe kastravec, mendoj se duhet t'i hidhni ujë fytyrës pasi kombinimi mish-patate është ai që na gëzon të gjitha shqisat në çdo kohë, por mjekët thonë të kundërtën. Sipas tyre niseshteja që gjendet tek patatja lëshon lëngje alkaline, kurse proteinat e mishit sekretojnë lëngje acidike. Si rrjedhojë përzierja e këtyre dy ushqimeve shkakton fryrje, gromësima, gazra dhe probleme me tretjen.
|
| Valdrini publikon fotografi nga dasma Posted: 01 Oct 2017 03:49 AM PDT Çifti duken për mrekulli Valdrin Sahiti, dizajner i njohur në mbarë trojet shqiptare u martua me Edita Ramadanin në një ceremoni shumë private të mbajtur në Las Vegas. Në dasmën e tij të pranishëm ishin vetëm vëllezvrit e tij me bashkëshortet dhe miku tij, Alaudin Hamiti. Nga fotografitë e publikuara në rrjete sociale u pa që Valdrini, por edhe Edita dukeshin për mrekulli. E në fotografitë e fundit që ka ndarë vetë dizajneri, shihet edhe më mirë dukja e çiftit në natën e tyre të veçantë, shkruan rtv21.tv Si çifti i ri e po ashtu edhe të ftuarit me bashkëshortet e tyre dukeshin mjaft bukur që nga këpucët e deri te koka. Në imazhet e fundit të ndara për publikun nga nata e tij speciale, Valdrin Sahiti ka marrë komente dhe pëlqime të shumta |
| Besniku i “NRG Band” martohet me Lolitën, ja surpriza mbreslënëse që i bëri Posted: 01 Oct 2017 03:39 AM PDT Një tjetër këngëtar sapo i dha fund beqarisë më një dasëm madhështore. Nusja fatlume është një bjonde bukuroshe e quajtur Lolita Begolli e cila vetëm pas një muaji fejesë "ia mblodhi" në martesë Besnikut. Ajo që ka mrekulluar të ftuarit ka qenë surpriza romantike e Besnikut, i cili kushtoi të dashurës së tij të zemrës një këngë. Kjo periudhë ka qënë e mbushur me dasma vipash të cilat dashje pa dashje hynë në konkurrencë me njera –tjetrën për cermoninë më madhështore.
|
| Haradinaj fton simpatizantët e AAK-së në Ferizaj të besojnë në fitoren e kandidatit Xhavit Zariqi Posted: 01 Oct 2017 02:05 AM PDT Ferizaj. 01.10.2017. Në takim me strukturat e AAK-së dega në Ferizaj, Kryeministri i Republikës së Kosovës z.Ramush Haradinaj, u ka premtuar atyre se dinamika e shpejtë e punës në Qeverinë e Kosovës, do të bartet edhe në këtë komunë. "Kjo nuk është vetëm një qeveri që i dëgjon hallet, por është një qeveri që vepron. Një qeverisje e tillë me këtë dinamikë, jo vetëm që merret me temat që janë akumuluar me kohë, por edhe të avancojë tutje," është shprehur Haradinaj. Haradinaj i ka ftuar qytetarët e Ferizajt që të besojnë në fitoren e kandidatit Xhavit Zariqi, pas kalimit në raundin e dytë zgjedhor. "Ju ftoj në këto zgjedhje ta shtoni vetëbesimin dhe të besoni në fitore. Nuk e keni të pamundur që të hyni në raund dytë, kësaj radhe," ka vlerësuar Haradinaj. Në anën tjetër, kandidati për kryetar të Komunës së Ferizajt, z.Xhavit Zariqi, u ka premtuar të pranishmëve në këtë takim se qeveria e udhëhequr nga kryeministri Haradinaj, do të jetë shumë pranë tyre. Ai është shprehur se Ferizaj nën udhëheqjen e tij do të përfitojë në zhvillim ekonomik dhe në përmirësim e jetës së qytetarëve. |
| AKV ‘’Kastriotët’’ shënoi 50 vjetorin e themelimit Posted: 30 Sep 2017 03:19 PM PDT Ferizaj.30.09.2017. Ansambli i këngëve dhe i valleve "Kastriotët" nga Ferizaj, me dy aktivitete masive shënoi sonte 50 vjetorin e themelimit. Për të shënuar gjysmë shekulli veprimtarie u desh një punë e gjatë dhe mundimshme, por artdashësit ferizajas kaluan të gjitha pengesat dhe shënuan këtë jubile në mënyrë madhështore. Sot, pesëdhjetë vite më vonë, jemi në një gjendje krejtësisht tjetër të zhvillimeve shoqërore e kulturore. Por, ashtu si atëherë, edhe sot ansambli i këngëve dhe valleve "Kastriotët", vazhdon të jetë pjesë shumë e rëndësishme e identitetit kulturor e shoqëror të Ferizajt. Është një vlerë, si ajo e verës: sa më e vjetër, aq më e mirë. Janë disa breza të ferizajasve që janë rritur me këtë ansambël. Janë disa breza edhe të anëtarëve të këtij ansambli, që kanë zëvendësuar njëri-tjetrin, për të na e sjellë këtë trupë në ditët tona me identitet të theksuar. Ne u jemi mirënjohës të gjithë atyre këngëtarëve, valltarëve, udhëheqësve, pedagogëve, sponsorëve, mbështetësve dhe gjithë ferizajsve dhe të tjerëve, që mundësuan hapërimin me sukses të këtij ansambli në këto pesë dekada" tha kryetrai Svarqa. " Nuk ka asnjë dyshim se ato vlera të krijuara me aq shije e përkushtim gjatë gjithë kohës, do të jenë bazament i respektueshëm, për të vazhduar edhe më tej me krijimtari të një cilësie të tillë, sa të bëhet pjesë e pandashme e edukimit muzikor dhe estetik edhe në kohët e ardhme. Ne ferizajasit, e kemi për obligim mbështetjen e ansamblit të këngëve dhe valleve "Kastriotët", jo vetëm për historinë shumë të pasur të tij, por në radhë të parë për pritjet që ky ansambël edhe më tej të jetë në ballë të krijimtarisë artistike, në ballë të krijimit dhe masivizimit të vlerave muzikore, me taban të fortë kombëtar, në një kohë kur jemi dëshmitarë të çoroditjeve nga më të shëmtuarat në këtë lëmë. Presim edhe më tej që "Kastritotët" të jenë një zë i pastër i kultivimit të krijimtarisë popullore autoktone dhe i popullarizimit të kësaj krijimtarie. Besoj thellësisht se ne ferizajsit do të jemi në krah të këtij ansambli, duke e mbështetur dhe duke shijuar krijimtarinë e tij. Edhe një herë dua t'i falënderoj të gjithë ata krijues, artistë, pedagogë e punonjës kulture, që i dhanë kontribut rrugëtimit të suksesshëm të "Kastriotëve", ndërsa ansamblit i uroj ngritje të vazhdueshme në të gjitha aspektet" përfundoi ai. Gjatë spektaklit të sontëm veq solistëve e vallatarëve nga AKV "Kastriotët" me disa pika artistike u paraqitën Ansambli i këngëve e i valleve nga Shqipëria, Ansambli kombëtar ''Shota'' nga Prishtina, dhe Ansambli "Ibe Palikuqi" nga Shkupit. Pjesëmarrjen në këtë evenimet e kishte konfirmuar edhe Ansambli i Bursës nga Turqia, por për shkak të një aksidenti trafiku, ku ka humbur jetën një pjesëtar i këtij ansambIi, pjesëmarrja është anuluar.
|
| Rifillon qarkullimi i trenave në Kosovë Posted: 30 Sep 2017 02:34 PM PDT Një prej mjeteve më kryesore të transportit nuk ka qenë në dispozicion për qytetarët për rreth dy muaj.Nga 1 tetori pritet të rinisë qarkullimi në linjat e trenave në Kosovë, qoftë edhe pjesërisht, konfirmojnë zyrtarët në Ministrinë e Infrastrukturës. Ndërprerja e këtyre linjave është bërë për shkak të mungesës së mjeteve financiare, të cilat është dashur të sigurohen nga Qeveria e Kosovës. Ministri i Infrastrukturës, Pal Lekaj, ka konfirmuar për Gazetën Politike se nisja e qarkullimit të trenave do të fillojë nesër (e diele). "Po mund tu konfirmoj se nesr në ora 16:00 edhe zyrtarisht do të jemi bashkë për të rifilluar qarkullimi i trenit", ka thënë ministri Lekaj. Qarkullimi i trenave në linjat e rregullta ishte ndërprerë që nga 2 gushti.
|
| KK Ferizaj udhëheq në Ligën Institucionale pas javës së dytë Posted: 30 Sep 2017 02:07 PM PDT Ferizaj.30.09.2017 U zhvilluan ndeshjet e javës së dytë në Ligën Institucionale ku u dalluan disa ndeshje të bukura dhe derbi që u zhvilluan. Në anën tjetër ekipi i Fatlumave (Maloku dhe Hajrullahu), nuk arrinin të gjenin veten dhe të nxjerrin rezultat pozitiv.
|
| You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |