Home » » INSAJDERI: “Erdogan merr vendim, tregon nëse dëshiron që Turqia të futet në BE” plus 19 more

INSAJDERI: “Erdogan merr vendim, tregon nëse dëshiron që Turqia të futet në BE” plus 19 more

INSAJDERI: “Erdogan merr vendim, tregon nëse dëshiron që Turqia të futet në BE” plus 19 more

Erdogan merr vendim, tregon nëse dëshiron që Turqia të futet në BE

Posted: 01 Oct 2017 09:28 AM PDT

Turqia nuk ka nevojë më për t'iu bashkuar Bashkimit Evropian por nuk do t'i braktisë në mënyrë njëanshme bisedimet e ngecura për hyrje në bllok, ka thënë sot presidenti i Turqisë, Recep Tayyip Erdogan në parlament.

"Ne nuk do të jemi pala që dorëzohet. Ta them të vërtetën, ne nuk kemi nevojë më për anëtarësim në BE", ka thënë Erdogan.

Bisedimet 12 vjet të gjata për anëtarësim në bllok të Turqisë kanë ngecur, me BE-në që në veçanti është kritike ndaj luftës së Ankarasë pas puçit të dështuar të vitit të kaluar. Dhjetëra mijëra njerëz, përfshirë mësimdhënës dhe gazetarë, janë arrestuar.

Qeveria e Erdoganit thotë se shtetet e BE-së kanë dështuar ta vlerësojnë gravitetin e kërcënimit me të cilin u përballë Turqia, dhe se nuk iu përgjigjen kërkesave për t'i ekstraduar të dyshuarit.

"BE-ja na la në baltë në luftë kundër terrorizmit", ka thënë Erdogan.

Ai ka sugjeruar po ashtu se BE, megjithatë, ka nevojë për Turqinë.

The post Erdogan merr vendim, tregon nëse dëshiron që Turqia të futet në BE appeared first on INSAJDERI.

Messi shkëlqen në fitoren e Barcelonës

Posted: 01 Oct 2017 09:12 AM PDT

Skuadra e Barcelonës ka shënuar fitoren e shtatë me radhë në shtatë ndeshjet ep ara të këtij sezoni në La Liga, duke mposhtur Las Palmas 3:0.

Golat për Barcelonën në këtë ndeshje i shënuan Sergio Busquets deh Leo Messi dy, duke arritur në kuotën e 11 golave në shtatë javët e para.

Pas kësaj fitoreje Barcelona vazhdon të mbaj pozitën e partë me 21 pikë, 10 më shumë se sa Real Madrid, që ka një ndeshje më pak të zhvilluar.

The post Messi shkëlqen në fitoren e Barcelonës appeared first on INSAJDERI.

Prokuroria heton Milaim Zekën për kanosjen e Frashër Krasniqit

Posted: 01 Oct 2017 09:10 AM PDT

Prokuroria e Shtetit ka nisur hetimet edhe ndaj deputetit Milaim Zeka për kanosjen e Frashër Krasniqit. Vendimi i Prokurorisë është marrë pasi kanë nisur hetimet edhe ndaj deputetit të Vetëvendosjes për lëndimin e lehtë trupor të Zekës.

Dy deputetët e Kuvendit, Frashër Krasniqi e Milaim Zeka, janë nën hetime të Prokurorisë së Shtetit. I pari për lëndim të lehtë trupor kurse Zeka për kanosje.

Të dy përfaqësuesit e popullit janë në liri.

Nisjen e hetimeve kundër Zekës e ka bërë të ditur avokati i Frashër Krasniqit, Tomë Gashi. Pas vendimit të Gjykatës për ta lënë të lirë Krasniqin, Gashi ka thënë se Prokuroria po zhvillon hetime ndaj Zekës.

"Prokurori i shtetit po ashtu ka nxjerr vendim per zhvillim te hetimeve kunder z. Milaim Zeka per veper penale te Kanosjes ndaj Deputetit te Levizjes Vetëvendosje Frasher Krasniqi , kanosjen ndaj Frasherit sipas prokurorit e ka kryer z. Zeka në po të njëjtin emision, keshtu qe te dy deputetet jan ne hetime per incidentin ku edhe njeri edhe tjetri jan edhe te dyshuar edhe te demtuar ne raport me njeri tjetrin", ka thënë Gashi.

Krasniqi ishte ndalur nga Prokurori derisa sot Gjykata ka vendosur ta lë të lirë deputetin e Vetëvendosjes. Gjykata ia caktuar masa e sigurisë Frashër Krasniqit që i ndalon afrimin ndaj personit të caktuar, të dëmtuarit Milaim Zeka në Kuvend 5 m, ndërsa jashtë 100 m.

Frashër Krasniqi, të premten, ka grushtuar Milaim Zekën, gjatë një debati të drejtpërdrejtë televiziv. Deri te përleshja fizike ka ardhur pasi dy deputetët kanë fyer e akuzuar njëri-tjetrin, duke përmendur akuza si: kriminel, dhunues, përdhunues, lopë, lahper, hajn etj, shkruan Gazeta Express.

Milaim Zeka ka thënë se prapa sulmit të Krasniqit qëndron Albin Kurti i cili po financohet nga Turqia, Rusia e Serbia.

Për këtë rrahje ka reaguar Kryeministri Ramush Haradinaj, i cili ka kërkuar hetime dhe zbardhje të rastit. Asnjë fjalë deri tash për këtë rast nuk e kanë thënë Presidenti Hashim Thaçi e Kryetari i Kuvendit, Kadri Veseli.

Milaim Zeka ka hyrë në Parlament si pjesë e NISMA-a në një koalicion me PDK-në e AAK-në.

The post Prokuroria heton Milaim Zekën për kanosjen e Frashër Krasniqit appeared first on INSAJDERI.

Reagon kryetarja e Barcelonës: Policia t’i ndalë sulmet ndaj popullit të pambrojtur

Posted: 01 Oct 2017 08:52 AM PDT

Kryetarja e Barcelonës, Ada Colau, i ka bërë thirrje policisë spanjolle ta ndalë menjëherë dhunën ndaj, siç ka thënë ajo, popullatës së pambrojtur.

 

Autoritetet qendrore të Spanjës e kanë nisur një luftë masive ndaj referendumit të Katalonisë për pavarësi, për të cilin thonë se është i jashtëligjshëm, transmeton Express.

Në trazirat mes policisë dhe votuesve katalanë janë lënduar mbi 460 persona, ka thënë Ada.

Policia ka përdorur shkopinj policorë dhe ka shkrepur plumba të gomës ndaj votuesve.

The post Reagon kryetarja e Barcelonës: Policia t'i ndalë sulmet ndaj popullit të pambrojtur appeared first on INSAJDERI.

Një tjetër kandidat për kryetar komune nga LDK nuk e respekton vendimin e Mustafës

Posted: 01 Oct 2017 08:50 AM PDT

Kreu i Lidhjes Demokratike të Kosovës, ditë më parë ka vendosur që të mos përdoren posterët në fushatë për zgjedhjet lokale.

Këtë vendim ai thotë ta ketë marrë bashkë me Shtabin zgjedhor dhe me kryetarët e degëve.

Por kandidati për kryetar të Klinës, Besim Hoti, duket se nuk po i përmbahet këtij vendimi.

Në qytetin e Klinës janë parë të vendosur disa posterë të këtij kandidati, raporton sot portali Koha.net.

Image

Megjithatë, kreu i LDK-së gjatë ditës së djeshme ka thënë se do të publikohen të gjithë emrat e atyre që nuk e respektojnë këtë vendim e më pas do paguajnë dënimet.

“LDK do të publikojë emrat e atyre që nuk respektojnë heqjen dorë nga posterët, që dëmtojnë ambientin dhe buxhetin e partisë. Do të kërkojmë që dënimet t’i paguajnë ata që thejnë rregullat dhe se nuk do të kërkojmë votë për ata/ato nga qytetarët dhe anëtarësia e LDK-së”, kishte thënë Mustafa më 25 shtator.

The post Një tjetër kandidat për kryetar komune nga LDK nuk e respekton vendimin e Mustafës appeared first on INSAJDERI.

Këngëtarit britanik i shkaktoi probleme serioze ndarja nga Rita Ora

Posted: 01 Oct 2017 08:45 AM PDT

James Arthur ka diskutuar në lidhje me atë se sa ka ndikuar te ai ndarja nga këngëtarja e njohur me origjinë shqiptare, Rita Ora.

Fituesi i "X Factor" në vitin 2012, këngëtari britanik 29 vjeç ka folur për The Sun në lidhje me varësinë e tij e cila e çoi te qindra femra pasi ai është lënë me "zemër të thyer" nga këngëtarja, transmeton Koha.net.

James Arthur dhe Rita Ora romancën e tyre për herë të parë e shfaqën në vitin 2013 dhe vitin e kaluar zbuloi se me Ritën ka qenë i lidhur vetëm disa muaj. Po ashtu, ai pranoi edhe se fundi i marrëdhënies së tij me këngëtaren arriti kulmin kur kishte disa probleme personale.

Ai pranon se është duke luftuar me varësi të ndryshme, duke përfshirë drogën dhe lojërat e fatit. Po ashtu, ai tregoi me sinqeritet se romanca me Ritën e ka bërë atë të kryejë marrëdhënie seksuale me qindra femra, pasi pranoi se ka angazhuar një kompani që t'ia sigurojë nga tre femra në ditë.

The post Këngëtarit britanik i shkaktoi probleme serioze ndarja nga Rita Ora appeared first on INSAJDERI.

Gjykata jep detaje për rastin e Frashër Krasniqit

Posted: 01 Oct 2017 08:23 AM PDT

Gjykata Themelore në Prishtinë – Departamenti i Përgjithshëm-Divizioni për Çështje Penale, sot ka mbajtur seancën dëgjimore sipas kërkesës së Prokurorisë për caktimin e masës së paraburgimit kundër të pandehurit Frashër Krasniqi për veprën penale "Lëndim i lehtë trupor nga neni 188 parë.1, pika 1.4" të KPRK-së, thuhet në njoftimin nga Gjykata.

Pas kësaj Gjykata Themelore ka refuzuar kërkesën e Prokurorisë për caktimin e paraburgimit, ndërsa të pandehurit Frashër Krasniqi, i është caktuar masa e sigurisë që i ndalon afrimin ndaj personit të caktuar, të dëmtuarit Milaim Zeka në kuvend 5 m, ndërsa jashtë 100 m.

Kujtojmë se avokati i Frashër Krasniqit, Tomë Gashi, prokurori i shtetit po ashtu ka marrë vendim për zhvillim të hetimeve kundër Milaim Zekës. Për veprën penale, Kanosjes ndaj Frashër Krasniqit në po të njëjtin emision.

The post Gjykata jep detaje për rastin e Frashër Krasniqit appeared first on INSAJDERI.

Pacolli: Rilokimi i punonjësve të qeverisë, do të lironte hapësirat e qytetit

Posted: 01 Oct 2017 08:16 AM PDT

Sot kandidati për Kryetar të Komunës së Prishtinës, Selim Pacolli bashkoi rininë kosovare në një ambient të përshtatshëm ku bërën grill së bashku. Ai në këtë tubim theksoi se investimi më i madh do të bëhet në rininë e Kosovës, ku do të ofrohen mundësi të reja që ata të kenë ku t'i zhvillojnë aktivitetet e tyre.

"Sot jemi mbledhur në periferi të Prishtinës në një ambient relaksues për të kaluar kohë së bashku. Një fenomen që mund të vërejmë çdo fundjavë në Prishtinë – të dielen Prishtina frymon shumë më lirshëm. Kjo konfirmon atë që themi ne se punonjësit e qeverisë ngarkojnë mjaftë shumë qytetin e Prishtinës", u shpreh Pacolli.

Sa i përket çështjes së krijimit të hapësirave të përshtatshme për rininë e Kosovës, zt. Pacolli ritheksoi edhe njëherë se zgjidhja qëndron në distancimin e qeverisë së Kosovës në periferi të kryeqytetit.

"Zgjedhja që ne kemi propozuar do të zgjidhte dy probleme të rëndësishme për qytetin: rilokimi i punonjësve të qeverisë në Prishtinën e re, në ambiente pune të reja e më moderne, në të njëjtën kohë do të lironte hapësirat e tanishme për rininë e qytetit. Rinia jonë ka nevojë për më shumë hapësirë e mundësi të reja për të zhvilluar aktivitetet e tyre Rinia jonë ka potencial për t'i ofruar shërbime vendeve më të zhvilluara evropiane", ka thënë Pacolli.

The post Pacolli: Rilokimi i punonjësve të qeverisë, do të lironte hapësirat e qytetit appeared first on INSAJDERI.

Barcelona njofton zhvillimin e ndeshjes ndaj Las Palmas, në kushte të pazakonshme

Posted: 01 Oct 2017 08:01 AM PDT

Klubi i futbolli Barcelona ka njoftuar përmes një komunikate zyrtare se ndeshja mes Barcelonës dhe Las Palmas në kuadër të xhiros së shtatë të La Ligës do të luhet pas dyerve të mbyllura.

Barcelona i ka dënuar ngjarjet të cilat kanë ndodhur në shumë pjesë të Katalonisë sot, për siç thotë, “parandalimin e qytetarëve nga ushtrimi i të drejtës së tyre demokratike për liri të shprehjes”.

"Duke marrë parasysh natyrën e jashtëzakonshme të ngjarjeve, Bordi i Drejtorëve ka vendosur se ndeshja e ekipit të parë të Barcelonës kundër Las Palmas do të luhet prapa dyerve të mbyllura pas refuzimit të Ligës së Futbollit Profesionist për shtyrjen e ndeshjes", ka thënë skuadra katalane përmes komunikatës zyrtare.

 

 

 

The post Barcelona njofton zhvillimin e ndeshjes ndaj Las Palmas, në kushte të pazakonshme appeared first on INSAJDERI.

Haradinaj premton ndërtimin e shtatë stadiumeve olimpike në Kosovë

Posted: 01 Oct 2017 07:54 AM PDT

Qeveria e Kosovës do t'i ndërtojë 7 stadiume në tërë vendin. Këtë lajm e ka bërë të ditur kryeministri Ramush Haradinaj, gjatë prezantimit të programit të AAK-së, për sportin nga kandidati për kryetar të Pejës, Fatmir Gashi.

"Kemi nënshkruar disa marrëveshje disa kredi të tilla shumë të lehta të IPA. Në këtë frymë unë e kam dizajnuar në kokën time 7 stadiume të tjera olimpike po që janë edhe për atletikë. Pra stadiumet nuk janë vetëm për futboll po janë të kompletuara edhe për sporte të tjera. Kuptohet një do ta ketë Peja. Shifra e ndërtimit të tyre është bukur e lartë. Po nuk është shumë e lartë qoftë edhe hiq pa para të huaja, është e mundshme edhe prej Kosovës të sigurohen", tha Haradinaj.

Ndërsa, kandidati për kryetar të Pejës, Fatmir Gashi, ka premtuar investime në infrastrukturën sportive duke thënë se Peja gjithnjë ka qenë qytet i sportit por që sot nuk e ka asnjërën.

"Unë si kryetar për katër vjet të ardhshëm do të shkoj në ndërtimin e infrastrukturës sportive e cila për katër vjet edhe më parë është degraduar. Ne nuk kemi një palestër sportive në të cilën nuk mund të garojnë garat ndërkombëtare. Do të kemi investime në palestrën Karagaç në parket, elektronikë dhe do të harmonizohet me standardet të cilat i kërkojnë organizatat ndërkombëtare të sportit… Stadiumi i qytetit 'Shahin Haxhislami', disa herë është tentuar të rinovohet, së fundmi e keni parë një gërmadhë janë rrënuar tribuna dhe nuk është ndërtuar. Stadiumi do të ndërtohet sipas standardeve që kërkon UEFA", tha Gashi.

The post Haradinaj premton ndërtimin e shtatë stadiumeve olimpike në Kosovë appeared first on INSAJDERI.

Avokati Tomë Gashi dyshohet se grushtoi bashkëshorten e tij

Posted: 01 Oct 2017 07:51 AM PDT

B. Gashi pretendon se bashkëshorti i saj, Tomë Gashi, e ka sulmuar atë fizikisht të enjtën e 28 shtatorit, teksa ka raportuar në polici se bashkëshorti i saj avokat e ka goditur atë me boks në kokë .

Në raportin e policisë që e ka siguruar Gazeta Online Insajderi, bëhet e ditur se B. Gashi e ka raportuar rastin në policit të premtën, një ditë pas rastit të dyshuar se ndodhi të enjtën në mbrëmje.

B. Gashi i ka thënë policisë se bashkëshorti i saj e ka sulmuar atë të enjtën rreth orës 20:00. Siç ka thënë 51-vjeçarja për policinë, Tomë Gashi e ka goditur atë me boks në kokë dhe ndër brinj, raporton Insajderi.

“Ankuesja B. Gashi ka raportuar në Polici se pas një mosmarrëveshje me bashkëshortin e saj, të dyshuarin Tomë Gashi, i njëjti e ka sulmuar fizikisht duke e goditur me boks në kokë dhe ndër brinjë, në anën e majtë”, thuhet në raportin e policisë për rastin në fjalë.

Siç theksohet në raportin e Policisë së Kosovës, B. Gashi ka pranuar edhe ndihmë mjekësore pas incidentit. Ndërsa, avokati Gashi, i cili mbron deputetin e Lëvizjes Vetëvendosje, Frashër Krasniqi, është intervistuar nga policia, teksa ka mohuar të ketë sulmuar bashkëshortën e tij.

“Është intervistuar i dyshuari Tomë Gashi me profesion avokat, i cili ka mohuar të ketë sulmuar ankuesen dhe se nuk ka pasur asnjë mosmarrëveshje apo konflikt”, thuhet në raport.

Policia ka theksuar “lidhur me këtë rast janë njoftuar njësitë përkatëse QPS dhe njësia për Mbrojtjen e Viktimave, si dhe Prokurori kujdestar nga Departamenti i Përgjithshëm.”

Gashi është duke mbrojtur klientin e tij, deputetin Krasniqi, për një sulm fizik të ngjashëm që ka ndodhur në po të njëjtën ditë kur bashëshortja e avokatit e ka paraqitur rastin në polici. /Insajderi.com

The post Avokati Tomë Gashi dyshohet se grushtoi bashkëshorten e tij appeared first on INSAJDERI.

Sulm terrorist në Kanadë, pesë të plagosur

Posted: 01 Oct 2017 07:27 AM PDT

Policia kanadeze ka konfirmuar se është duke e hetuar një sulm të mundshëm terrorist në Edmonton, Alberta.

Një polic që po kontrollonte trafikun në një lojë të Ligës Kanadeze të Futbollit është goditur nga një makinë e shpejtësisë të lartë, ndërsa më pas është therrur me thikë.

Të njëjtën natë një kamion ka goditur të paktën 5 këmbësorë, ndërsa shoferi është arrestuar dy orë më vonë.

The post Sulm terrorist në Kanadë, pesë të plagosur appeared first on INSAJDERI.

Bëhuni pjesë e garës “këndo, garo, fito” [foto+video]

Posted: 01 Oct 2017 07:20 AM PDT

Keni talent për të kënduar, dhe nuk keni pasur asnjë mundësi për të shprehur talentin?

Keni gjetur vendin e duhur.

OnAir Media ua jep këtë mundësi, madje mund të fitoni edhe çmim.  Dëshira për të kënduar më nuk do të mbetet e parealizuar, sepse pjesë e garës mund të bëheni fare lehtë.

Rregullat e lojës janë këto:

Xhirioni veten  tuaj duke kënduar këngën e preferuar dhe kështu bëheni automatikisht pjesë e garës.

Ai që merr më shumë "Share" shpallet fitues

Kësaj radhe kjo garë nuk do të shpallë vetëm një fitues, por tre.

Vendi i tretë shpërblehet 100 euro, i dyti i merr 250 ndërsa i pari shpërblehet me 500 euro.

Konkursi është i hapur nga 1 deri me 20 tetor.

The post Bëhuni pjesë e garës “këndo, garo, fito” [foto+video] appeared first on INSAJDERI.

This posting includes an audio/video/photo media file: Download Now

Këshilltari shqiptar i Erdoganit: Evropa na mësonte për demokracinë, ja dhuna në Kataloni

Posted: 01 Oct 2017 07:12 AM PDT

Basri Demiri është këshilltari i vetëm me prejardhje shqiptare në kabinetin e presidentit të Turqisë, Rexhep Erdogan.

Ai ka shpërndarë një video ku shfaqet dhuna e policisë spanjolle ndaj civilëve të cilët sot po votonin për referendumin për pavarësi të Katalonisë.

Videon e ka shoqëruar me një mbishkrim duke ironizuar se si Evropa jep mësim për demokraci.

Ditë më parë populli kur ka mbajtur një referendum për t'u shkëputur nga Iraku dhe Turqia, për të cilin kjo e fundit ka thënë se nuk e njeh atë.

Megjithatë, nuk ka pasur dhunë gjatë mbajtjes së referendumit të kurdëve./Insajderi.com

 

 

The post Këshilltari shqiptar i Erdoganit: Evropa na mësonte për demokracinë, ja dhuna në Kataloni appeared first on INSAJDERI.

Serbia në përkrahje të Spanjës kundër referendumit të Katalonisë

Posted: 01 Oct 2017 06:49 AM PDT

Ministri i Punëve të Jashtme të Serbisë Ivica Daçiq deklaroi sot se Beogradi e përkrah fuqishëm integritetin territorial dhe sovranitetin e Spanjës, si dhe unitetin e shtetit.

"Qëndrimi ynë është i qartë dhe parimor, Spanja është një nga miqtë më të mëdhenj të Serbisë", tha Daçiqi dhe shtoi se Madridi ka po të njëjtin qëndrim kur është në pyetje integriteti territorial i Serbisë.

Shefi i diplomacisë serbe i thirri "të gjithë faktorët politikë që të mos luajnë me këtë çështje" dhe theksoi se nuk e ka të qartë se si disa politikanë nga Serbia kanë shkuar në Barcelonë, ndërsa nuk kanë shkuar në Banja-Llukë.

Qëndrimin e Beogradit për referendumin e sotëm për pavarësimin e Katalonisë, Daçiqi e shprehu gjatë një eventi për shënimin e 70-vjetorit të UNICEF-it në Serbi./Express/

The post Serbia në përkrahje të Spanjës kundër referendumit të Katalonisë appeared first on INSAJDERI.

Avokati i Frashër Krasniqit: Prokuroria nis hetimet ndaj Milaim Zekës

Posted: 01 Oct 2017 06:39 AM PDT

Në njoftimin e tij për lirimin e klientit Frashër Krasniqi, avokati Tomë Gashi ka njoftuar se Prokurori i Shtetit ka nxjerrë vendim për zhvillim të hetimeve ndaj deputetit Milaim Zeka për kanosje ndaj deputetit të Vetëvendosjes, Frashër Krasniqi.

Sipas avokatit Gashi, kanosjen ndaj Krasniqit Zeka e ka bërë në të njëjtin emision ku është përleshur fizikisht me Krasniqin.

"Sot gjykata themelore në seancën gjyqësore nuk ka pranuar kërkesën e Prokurorit për caktimin e masës së paraburgimit për deputetin e lëvizjes Vetëvendosje. Atij i është caktuar masa e ndalimit të ofrimit fizik të z. Milaim Zeka në Kuvend në distancë prej 5 m dhe jashtë Kuvendit në distancë prej 100 m. Frasheri është liruar nga masa e arrestit të caktuar dy ditë më parë", ka shkruar avokati Gashi në Facebook.

Gjithashtu, Gashi ka njoftuar se në seancën e sotme prokurori i çështjes ka nxjerrë një vendim për zhvillimin e hetimeve ndaj deputetit Milaim Zeka, për kanosje ndaj deputetit tjetër Frashër Krasniqi, me të cilin i përleshën fizikisht gjatë një emisioni televiziv.

"Prokurori i çështjes ka nxjerrë vendim për zhvillimin e hetimeve për Frasher Krasniqi për lëndim të lehtë trupor shkaktuar në incidenti në debat televiziv ndaj z. Milaim Zeka , por Prokurori i shtetit po ashtu ka nxjerrë vendim për zhvillim të hetimeve kundër z. Milaim Zeka për vepër penale të Kanosjes ndaj Deputetit të Lëvizjes VV Frashër Krasniqi, kanosjen ndaj Frasherit sipas prokurorit e ka kryer z. Zeka në po të njëjtin emision, kështu që të dy deputetët janë në hetime për incidentin ku edhe njeri edhe tjetri janë edhe të dyshuar edhe të dëmtuar në raport me njëri tjetrin", ka përfunduar Gashi.

The post Avokati i Frashër Krasniqit: Prokuroria nis hetimet ndaj Milaim Zekës appeared first on INSAJDERI.

Presidenti Thaçi takoi dy shqiptarët që punojnë në Shtëpinë e Bardhë (Foto)

Posted: 01 Oct 2017 06:27 AM PDT

Gjatë vizitës së tij në Shtetet e Bashkuara të Amerikës, presidenti i Kosovës ka pasur rastin t'i takojë dy shqiptarë të cilët punojnë në Shtëpinë e Bardhë.

Nënpresidenti Mike Pence e kishte njoftuar atë me këta dy shqiptarë.

"Pas takimit të ngrohtë dhe përmbajtjesor, zv. Presidenti Pence, me shumë krenari, më tha: 'zoti President, tani do të kem nderin që t’ju njoftoj me dy të rinj me origjinë nga Kosova, Yll dhe Ylber Bajraktarin. Ata punojnë me ne në Shtëpi të Bardhë”, ka shkruar Thaçi në llogarinë e tij në Facebook.

"Sigurisht, m’u bë zemra mal me të arriturat e tyre", ka shkruar më tej ai.

"Ylli dhe Ylberi, me punë dhe vetëmohim, pa të njofshëm e pa hile, arritën në majat e administratës amerikane. Njëkohësisht, kjo flet edhe për zemrën e madhe dhe të hapur të popullit amerikan, e cila, mbi të gjitha, e çmon punën, guximin dhe besnikërinë", vazhdon Thaçi.

"Yll dhe Ylber, jam krenar me ju! Ju priftë e mbara gjithmonë!", ka përfunduar presidenti Thaçi./Insajderi.com

The post Presidenti Thaçi takoi dy shqiptarët që punojnë në Shtëpinë e Bardhë (Foto) appeared first on INSAJDERI.

Lirohet Frashër Krasniqi, duhet t’i qëndrojë pesë metra në distancë Milaim Zekës

Posted: 01 Oct 2017 06:21 AM PDT

Gjykata Themelore në Prishtinë e ka liruar Frashër Krasniqi, i cili grushtoi Milaim Zekën, gjatë një debati televiziv.

Deputetit të Vetëvendosjes i është kërkuar të mos rri afër Zekës.

Në Parlament, Krasniqi nuk guxon t'i ofrohet më afër se pese metra, kurse, jashtë Kuvendit duhet të rrijë në distancë.

Lajmin për Express e ka konfirmuar avokati i Krasniqit, Tomë Gashi.

The post Lirohet Frashër Krasniqi, duhet t'i qëndrojë pesë metra në distancë Milaim Zekës appeared first on INSAJDERI.

337 të plagosur në Kataloni

Posted: 01 Oct 2017 06:04 AM PDT

Zyrtarët katalanas thonë se të paktën 337 persona janë plagosur në përleshjen me policinë pasi përpjekjes për të parandaluar votimin në referendumin e pavarësisë së Katalonjës.

Qeveria spanjolle ka premtuar të ndalë një sondazh që u shpall i paligjshëm nga gjykata kushtetuese e vendit, shkruan BBC.

Oficerët e policisë po i pengojnë njerëzit të votojnë dhe të marrin fletëtvotimet dhe kutitë në qendrat e votimit.

Në kryeqytetin e Barcelonës, policia ka përdorur shkopinj dhe plumbat e gomës gjatë protestave pro-referendum.

Numri i të dëmtuarve u konfirmua nga një zëdhënës i qeverisë rajonale katalanase, si dhe në departamentin e shëndetësisë të rajonit.

Më vete, ministria e brendshme spanjolle tha se 11 policë u plagosën. /Insajderi.com

The post 337 të plagosur në Kataloni appeared first on INSAJDERI.

“Mbrojtja e demokracisë gjithmonë do të jetë e vlefshme”

Posted: 01 Oct 2017 06:02 AM PDT

Policia spanjolle po përballet me votuesit në Kataloni dhe ka sekuestruar kutitë e fletëvotimeve në qendra, për të penguar referendumin për pavarësi, që autoritetet në Madrid e quajtën "të paligjshëm" dhe u zotuan se do ta bllokojnë.

Zyrtarët e shërbimeve të emergjencës në rajon kanë thënë se 38 persona u lënduan gjatë përleshjeve me policinë. Gazeta "El Periodico", njoftoi se policia gjuajti me plumba gome në një lokacion qendror të Barcelonës, pasi kishte shpërthyer dhuna.

Zyrtarët kanë njoftuar se nuk kishte lëndime serioze.

Një zëdhënës në Qeverinë e Katalonisë, tha se rreth ¾ e rreth 2.300 qendrave të votimin ishin të hapura, ndonëse një zyrtar i Qeverisë spanjolle tha se më shumë se gjysma ishin mbyllur nga policia.

Në përpjekje për të lehtësuar procesin e votimit, zyrtarët e Qeverisë thanë se votuesit mund të shtypin fletëvotimet e tyre në shtëpi dhe t'i hedhin ato në çdo vendvotim që policia nuk ka arritur të mbyllë.

Zëdhënësi i Qeverisë së Katalonisë, Jordi Turull, u kërkoi njerëzve të vazhdojnë të votojnë "edhe pse ata janë dëshmitarë të pamjeve që kanë mundur t'i shohin vetëm në epokën e televizorit bardh e zi".

"Mbrojtja e demokracisë gjithmonë do të jetë e vlefshme, dorëzimi i shtetit nuk ia vlen", deklaroi Turull.

Mbështetësit e referendumit kanë mbërritur në shkolla, duke luajtur lojëra me fëmijët e tyre, disa duke fjetur aty, në përpjekje për t'i mbajtur vendet e votimit të hapura derisa të fillonin zgjedhjet. Ata u udhëzuan që në mënyrë paqësore t'i rezistojnë çdo përpjekjeje të policisë për të ndaluar votimin.

Referendumi i propozuar ka ngritur tensionet në rajonin e Katalonisë dhe në të gjithë pjesën tjetër të Spanjës, që kur presidenti i Katalonisë, Carles Puigdemont, kishte deklaruar se "gjithçka ishte gati" për votim.

Puigdemont hodhi votën e tij në Cornella del Terri në provincën e Gironas, vend ky tjetër ku ai kishte planifikuar të votonte. Policia kishte hyrë ne vendvotim duke thyer xhamat, në kohën kur ai kishte njoftuar se do të votonte.

Në kundërshtim me autoritetet qendrore, qeveria rajonale përgatiti fshehurazi vendvotime, organizoi qendrat e votimit dhe bëri përgatitjet për referendum.

Puigdemont kishte thënë se Qeveria mund të shpallte brenda 48 orëve pavarësinë, nëse Katalonia fiton shumicën e votave për "po".

Ministri i Jashtëm spanjoll, Alfonso Dastis, të shtunën tha se referendumi ishte jokushtetues dhe se referendumet janë bërë " instrument i zgjedhjes së diktatorëve" dhe janë në kundërshtim me "qëllimet dhe idealet" e Bashkimit Evropian".

"Ajo që ata po shtyjnë para, nuk është demokraci. Është tallje me demokracinë", tha Dastis për "Associated Press".

Rreth 5.3 milionë njerëz kanë të drejtë vote, por shumë prej tyre kundërshtojnë pavarësinë duke thënë se nuk do të marrin pjesë në referendum.

Sondazhet tregojnë se një pakicë prej rreth 40 për qind e numrit të përgjithshëm prej 7.5 milionë banorëve në Katalon, e mbështesin pavarësinë.

The post "Mbrojtja e demokracisë gjithmonë do të jetë e vlefshme" appeared first on INSAJDERI.