Home » » “Basha: Vendi buzë greminës. PD do nisë aksion politik kundër krimit” plus 9 more Lajmi i Fundit

“Basha: Vendi buzë greminës. PD do nisë aksion politik kundër krimit” plus 9 more Lajmi i Fundit

“Basha: Vendi buzë greminës. PD do nisë aksion politik kundër krimit” plus 9 more Lajmi i Fundit

Basha: Vendi buzë greminës. PD do nisë aksion politik kundër krimit

Posted: 02 Oct 2017 07:53 AM PDT

Kryetari i PD, Lulzim Basha, në përfundim të mbledhjes së grupit parlamentar demokrat ka përsëritur akuzat ndaj qeverisë për lidhje me krimin e organizuar.

"Blerja, dhunimi dhe tjetërsimi i votës nga Rama dhe PS u bë falë parave të pista të krimit dhe ndihmës së bandave", ka deklaruar Basha.

Edhe pse nuk ka cituar deklaratat e ambasadorit amerikan Donald Lu, që kritikoi strukturat e shtetit për dështim në luftën ndaj kriminalitetit, Basha ka theksuar se shqiptarët e kanë të qartë që qeveria është e blerë.

"Sepse kur përdoren lekët e kriminelëve për të ardhur në pushtet, shteti do të jetë krah kriminelëve dhe jo qytetarëve", ka thënë Basha.

Në këto kushte, "kur vendi ndodhet pranë greminës", Basha ka njoftuar përgatitjen e një plani nga PD, për të nisur një një luftë që sipas kreut të opozitës do të ketë një përfundim: "mposhtjen e krimit të organizuar".

"T’i kërkosh Edi Ramës të luftojë krimin e organizuar është njësoj si t’i thuash të luftojë vetëveten. T’i japim vendit zgjidhjen e kësaj gjendjeje duke larguar kartelin krim-politikë", ka shtuar Basha.

The post Basha: Vendi buzë greminës. PD do nisë aksion politik kundër krimit appeared first on Lajme | Lajmi i Fundit | Lajmet | informacion shqip, gazeta online.

Sulmohet me thikë në rrugë në Itali, shqiptari në gjendje të rëndë

Posted: 02 Oct 2017 07:31 AM PDT

Një ditë më parë, dy shtetas shqiptarë u sulmuan në rrugë me thikë, nga tre persona ende të paidentifikuar. Ngjarja ka ndodhur në Bolonjë.

Nga të dhënat e para autoritete italiane bëjnë të ditur se pas sulmit të tre autorët janë larguar nga vendi i ngjarjes. Të dy shqiptarët kanë marrë plagë të rënda. Por njëri prej tyre vetëm 25-vjeç ka marrë plagë të rëndë mëlçi dhe mushkëri, ndërsa tjetri është goditur në njërën këmbë.

Ata janë marrë me ambulancë dhe janë çuar urgjentisht në spital rreth orës 22.30 të mbrëmjes së djeshme.
Pacienti që ka marrë plagë të rënda nga frika për tu operuar ka ikur nga spitali gjatë natës duke humbur gjurmët. Jeta e tij është në rrezik për shkak të plagëve të rënda.
Identiteti i shqiptarëve nuk bëhet i ditur, ndërsa policia është në kërkim të autorëve dhe po heton lidhur me rrethanat e ngjarjes.

The post Sulmohet me thikë në rrugë në Itali, shqiptari në gjendje të rëndë appeared first on Lajme | Lajmi i Fundit | Lajmet | informacion shqip, gazeta online.

50 të vdekur në Las Vegas, ISIS merr përgjegjësinë

Posted: 02 Oct 2017 07:21 AM PDT

Grupi terrorist ISIS ka marrë përgjegjësinë për sulmin me armë që ka lënë 50 të vdekur në Las Vegas.

Në një deklaratë të publikuar nga media propagandistike e ISIS, Amaq, agjencia lajmëroi se agresori ishte "luftëtar i Shtetit Islamik". Lajmi është bërë i ditur nga media angleze "Independent" edhe pse autoritetet amerikane nuk e kanë hetuar si rast terrorist sulmin e djeshëm.

Sulmi me armë në koncertin country në Mandalay Bay Las Vegas është vepër e një 'ujku të vetmuar", që do të thotë individë të frymëzuar nga ideologjia ekstremiste, por që nuk kanë lidhje të drejtpërdrejta me grupe të njohura terroriste". Në këtë pikë në përjashtojnë që ka të bëjë me një akt terrorist edhe pse nuk dihet ende pse ky person ka hapur zjarri në koncert, duke vrarë 50 persona dhe plagosur mbi 200 të tjerë"- ka thënë policia e Las Vegas-it.
Gjithashtu policia konfirmoi se një person i dyshuar është qëllua. "Konfirmojmë se Stephen Paddock 64 vjec i dyshuar pë ngajrjen e tmerrshme është qëlluar për vdekje. Një hetim aktiv është duke u zhvilluar, ndërsa lutemi që njerëzit të shmangin këtë zonë", shkroi në "Tëitter" Departamenti i Policisë së Las Vegasit raporton Tg.com.

The post 50 të vdekur në Las Vegas, ISIS merr përgjegjësinë appeared first on Lajme | Lajmi i Fundit | Lajmet | informacion shqip, gazeta online.

Sekuestrohen 712 kg drogë në Otranto, arrestohen 3 skafistë

Posted: 02 Oct 2017 06:58 AM PDT

Një sasi e madhe është sekuestruar ditën e sotme në afërsi të Otrantos, ku sipas bluve janë 712 kg kanabis sativa.

Po ashtu, blutë tregojnë se kanë arrestuar 3 skafistët. Në aksion kanë marrë pjesë policia shqiptare, greke dhe italiane. Ka qenë Policia Kufitare e Vlorës, që ka shkëmbyer informacion menjëherë me kolegët e Policisë Italiane, Guardia di Finanza në Durrës dhe Vlorë, si dhe me Zyrën Ndërlidhëse të Policisë së Shtetit në Itali në një komunikim të vazhdueshëm me Guardia di Finanza në Bari dhe Puglia.

Ndërkohë, Policia e Shtetit ka aktivizuar në det dhe në terren të gjitha shërbimet e Policisë Kufitare, Delta Force, si dhe ka njoftuar QNOD dhe Rojen Bregdetare, e cila ka nxjerrë menjëherë në det shërbime në ndihmë të Policisë së Shtetit. Guardia di Finanza e Puglias ka bërë të mundur që në orët e para të mëngjesit në afërsi të Otrantos të ndalojë mjetin lundrues tip gomone me tre shtetas shqiptarë në bord konkretisht: L.B, 38 vjec, H.M, 23 vjeç dhe Xh.H 24 vjeç.
Gjithashtu, është sekuestruar lënda narkotike, ndërsa vijon shkëmbimi intensiv i informacionit mes tre policive për zbardhjen e plotë të këtij rasti, si dhe për identifikimin dhe kapjen e personave të tjerë të përfshirë në këtë trafik. Nga veprimet paraprake, dyshohet se gomonen e ka çuar në Greqi një shtetas Italian me qëllim trafiku të lëndëve narkotike nga Greqia për Itali me skafistë nga Shqipëria.

The post Sekuestrohen 712 kg drogë në Otranto, arrestohen 3 skafistë appeared first on Lajme | Lajmi i Fundit | Lajmet | informacion shqip, gazeta online.

E rëndë në Tiranë, digjen dy automjete, dyshohet për zjarrëvënie të qëllimshme

Posted: 02 Oct 2017 06:49 AM PDT

Ditën e sotme, të paktën dy automjete janë djegur në Tiranë. Makinat e përfshira nga flakët janë një “Ford” dhe “Toyota”.

“Fordi” në pronësi të K.D, 23-vjeç është djegur pjesërisht teksa ndodhej i parkuar.
Ndërsa automjeti tjetër që është përfshirë nga flakët është një automjet tip “Toyota” në rrugën "Vangjush Furxhi", pronë e shtetases A.Z, vjeç 30, banuese në Tiranë.

Në të dyja rastet policia dyshon se zjarrëvënia ka qenë e qëllimshme.

Vijojnë hetimet për identifikimin e autorëve.

The post E rëndë në Tiranë, digjen dy automjete, dyshohet për zjarrëvënie të qëllimshme appeared first on Lajme | Lajmi i Fundit | Lajmet | informacion shqip, gazeta online.

Bie nga parashuta, plagoset qytetari nga Kosova në Tiranë

Posted: 02 Oct 2017 06:28 AM PDT

Parashuta me të cilën po fluturonte mbi Tiranë ka pësuar defekt dhe një qytetar nga Kosova është rrëzuar duke u plagosur. Policia thotë 36-vjeçari F.SH ka pësuar frakturë në kyçin e dorës në momentin që po ulej.

Nga hetimet paraprake dyshohet se parashuta ka pësuar defekt. Një grup parashutistësh kanë fluturuar mbi qiellin Tiranës dje duke dhënë spektakël në ajër.

Organizimi ka qenë nga Federata shqiptare e Aeronautikës në vijim të aktiviteve për promovimin e këtij sporti në vendin tonë./shqiptarja.com

The post Bie nga parashuta, plagoset qytetari nga Kosova në Tiranë appeared first on Lajme | Lajmi i Fundit | Lajmet | informacion shqip, gazeta online.

U kritikua për aktrim në Kuvend, flet Rigerta: Unë nuk mjel dhitë

Posted: 02 Oct 2017 06:04 AM PDT

Një intervistë ekskluzive ka ardhur nga Rigerta Loku, fermerja nga Mirdita, e cila foli dy ditë më parë në Parlamentin e parë Rural për gjendjen e fshatit.

Ajo e konsideron të çuditshëm reagimin e kreut të PDsë, Basha, ndaj saj, ndërkohë që priste që opozita ta përkrahte për problemet e fshatit që ajo ngriti. Rigerta tregon edhe arsyet që u përfshi në politikë në 2013, duke kandiduar në Lezhë për FRD-në, ndërsa shprehet se nuk ka asnjë lidhje as me Rilindjen dhe as me ndonjë parti politike.

Fjala juaj nxiti reagime të natyrave të ndryshme, veçanërisht nga ana e opozitës. Si i shikoni komentet e bëra pas sesionit të Parlamentit të parë Rural?
Sot jam ndjerë, me thënë të vërtetën, nën një ortek mediatik mbi shpinë, por unë as e kam kërkuar një gjë të tillë dhe as jam mësuar me gjëra të tilla. Më kanë telefonuar shumë gazetarë, por dhe njerëz të thjeshtë, që unë nuk i njoh. Për mua nuk kanë rëndësi reagimet negative, sepse unë thashë ato që jetoj, ndiej dhe kërkoj që situata të përmirësohet në fshat sepse mundësitë janë shumë të mëdha. Fjalët dhe komentet ua le atyre që janë mësuar të flasin dhe jo të punojnë.
Edhe kryetari i opozitës, Lulzim Basha, ka komentuar fjalimin tuaj në Parlamentin Rural, duke e cilësuar si inskenim teatral të Edi Ramës. Keni një koment për këtë interpretim?
Nuk kam absolutisht asnjë përgjigje. Ata po merren më shumë me njëri-tjetrin, se sa me problemet tona. Nuk kam përgjigje për askënd, sepse pashë që u morën të gjithë me mua, pse fola në atë mënyrë, dhe askush nuk u skuq dhe nuk u turpërua pse gjendja në fshat është kjo. Unë fola për një të vërtetë të prekshme, të përditshme, që në fund të fundit, nuk ka asnjë vlerë politike. Paradoksi i komenteve të opozitës sot është fakti që në vend të bëheshin krah meje për problemet që ngrita dhe kërkesat e fermerëve, bujqve dhe blegtorëve, ngrihen dhe me akuzojnë mua, sikur unë thashë që qeveria e ka bërë fshatin parajsë. Këtë unë nuk e kuptoj!!
Si u përgatitët për këtë takim?
Mua më ftuan dhe më thanë, a do vish të marrësh pjesë në një forum ku do të flitet për problemet e fshatit? Dhe unë thashë, pse jo! Me atë rast, do të shoh nga brenda parlamentin. Isha përgatitur me letër, por nuk lexova asgjë nga ato, sepse më thanë do flasësh vetëm 4 minuta dhe u mundova që t'i shprehja thjesht dhe me sa më shumë realizëm problemet. Unë e lashë letrën dhe fola ato që përjetoj çdo ditë. Për asnjë moment, nuk fola për Rigertën, por për Kristinën dhe çdo Kristinë, që ndodhet në çdo fshat të Shqipërisë. Nuk më intereson asnjë parti politike, le të thonë ç'të duan, mua më intereson puna ime. Ajo që është e rëndësishme është se si me njërën parti apo si me tjetrën, situata në fshat është alarmante.
A keni qenë e angazhuar së fundmi me Lëvizjen Socialiste për Integrim?
Jo, jo. Unë jam kthyer nga Italia pas mbarimit të shkollës dhe si çdo i diplomuar jashtë, vjen me një entuziazëm që të bëjë diçka për familjen tënde dhe vendin. Për pak kohë u përfshiva me FRD-në, në 2013.
Keni qenë dhe kandidate për deputete?
Po, kam qenë, kam qenë e treta e listës së Lezhës, por jo sepse unë isha më e mira, por isha e treta për çështje kuote gjinore, por asnjëherë nuk pretendoja se do bëhesha deputete me një parti të vogël si FRD.
Aktualisht po menaxhoni fermën me dhi dhe keca apo punoni në një biznes privat?
Unë, tani që po flasim, jam para stallës së dhive, po e lyejmë dhe po e bëjmë gati sepse këto ditë ato kthehen nga bjeshkët ku ne i kemi çuar për verim. Por, kam katër muaj që punoj në një firmë private, në administrim. Më kërkuan dhe unë pranova që të bëja këtë punë. Ndërkohë që fermën ne e kemi ngritur me bashkëshortin dhe familjarët tanë dhe ka kush merret gjatë kohës që unë punoj te kjo firma. Unë nuk mjel dhitë, që shkruajnë disa, unë merrem me procese të tjera të punës.
Pas fjalës suaj, të kanë takuar dhe ambasadorë e përfaqë- sues të organizatave ndërkombëtare. Çfarë ju thanë?
Pas takimit, më erdhën shumë të huaj dhe shqiptarë që më takonin. Ministri Niko Peleshi më takoi, më tha, a mund të bëjmë një foto dhe unë pranova. Më përgëzoi për transmetimin e problemeve të fshatit. Nuk kam asnjë lidhje me Rilindjen, me pushtetin. Nuk kam asnjë lidhje me partitë politike.
Pas fjalës që mbajtët në Parlamentin e parë Rural, çfarë prisni të ndodhë, besoj se janë mbajtur shënim fjalët tuaja?
Nuk di të them. Unë thashë atë që jetojmë çdo ditë në fshat. Do shohim më tej se çfarë do të ndodhë.

The post U kritikua për aktrim në Kuvend, flet Rigerta: Unë nuk mjel dhitë appeared first on Lajme | Lajmi i Fundit | Lajmet | informacion shqip, gazeta online.

Ishte shpallur në kërkim, arrestohet 30 vjeçari i akuzuar për plagosje

Posted: 02 Oct 2017 05:54 AM PDT

Policia kufitare në Kapshticë ka arrestuar një 30 vjeçar nga Laçi, në hyrje të Shqipërisë, pasi rezultonte i shpallur në kërkim.

Ilir Xhepaj (Lika), 30 vjeç, banues në Gjorm-Laç është kthyer deportiv nga pala Greke.

Ndalimi i tij u bë pasi, dyshohet se ka konsumuar elementë të veprave penale : "Plagosja e lehtë me dashje" si edhe "Prodhimi dhe mbajtja pa leje e armëve luftarake dhe e municionit, lidhur me një ngjarje të ndodhur më datë 23.08.2017, në Tiranë.

Njoftimi i plotë i policisë:
Kapshticë
Shërbimet e Policisë Kufitare në Kapshticë, në hyrje të Republikës së Shqipërisë, kanë bërë ndalimin e shtetasit të shpallur në kërkim :
Ilir Xhepaj (Lika), 30 vjeç, banues në Gjorm-Laç.
Më datë 01.10.2017, ky shtetas është kthyer deportiv nga pala Greke. Ndalimi i tij u bë pasi, dyshohet se ka konsumuar elementë të veprave penale : "Plagosja e lehtë me dashje" si edhe "Prodhimi dhe mbajtja pa leje e armëve luftarake dhe e municionit" parashikuar nga nenet 89 e 278 të Kodit Penal, lidhur me një ngjarje të ndodhur më datë 23.08.2017, në Tiranë.
Veprimet e mëtejshme proceduriale të këtij rasti, i ndjek Komisariati i Policisë nr 3 në Tiranë.

The post Ishte shpallur në kërkim, arrestohet 30 vjeçari i akuzuar për plagosje appeared first on Lajme | Lajmi i Fundit | Lajmet | informacion shqip, gazeta online.

Iu sekuestruan 32 kg heroinë dhe armë ne banesë, arrestohet shqiptari në Itali

Posted: 02 Oct 2017 05:40 AM PDT

Policia italiane ka sekuestruar 32 kg heroinë e paketuar në 63 pako, 40 kg substancë që përdoret për përzierjen e përgatitjen e heroinës, instrumente për dozimin e konfeksionimin e drogës, dy pistoleta me numër serie të fshirë si dhe 108 fishekë të kalibrave të ndryshëm në banesën e një shqiptari.

Sipas mediave italiane apartamenti i shqiptarit, i cili u arrestua, i ngjante një laboratori të vërtët droge.

Shqiptari, identiteti i të cilit nuk bëhet i ditur, ishte i njohur për drejtësine italiane pasi kishte pasur edhe më parë probleme.

Ai u arrestua gajtë një kontrolli në rrugë nga policia, kur ishte duke lëvizur me makinënë etij, brenda së cilës u gjet edhe një armë e cila rezultonte e vjedhur në vitin 2010 në Itali.

The post Iu sekuestruan 32 kg heroinë dhe armë ne banesë, arrestohet shqiptari në Itali appeared first on Lajme | Lajmi i Fundit | Lajmet | informacion shqip, gazeta online.

Atentati me tre të plagosur në Vlorë, Ferdinand Llanaj në spital: Duan të më eliminojnë

Posted: 02 Oct 2017 05:31 AM PDT

Një ditë pas atentatit në Vlorë, ku u plagosën 3 persona, i arrestuari, Ferdinand Llanaj ka deklaruar para hetuesve se nuk ka mundur të shikojë asnjë prej atentatorëve të tij.

Burime nga organi i akuzës thonë për tvklan.al se 39-vjeçari ka deklaruar para hetuesve se dyshon që ngjarja të ketë ndodhur për hakmarrje. "Duan të më eliminojnë. Nuk kam parë asnjë. Dyshoj se ndodhi për hakmarrje", mësohet të ketë deklaruar Ferdinand Llanaj.

Plagosja e trefishtë në Vlorë, arrestohet në spital i plagosuri, ajo që u gjet në vendngjarje e 'groposi'
Arrestohet F. Llanaj, njëri nga të plagosurit e plagosjes së trefishtë në Vlorë të dielën në mëngjes. Ai është vënë në pranga në spitalin e qytetit bregdetar, me akuzën e prodhimit dhe mbajtjes pa leje të armëve luftarake. Mësohet se arma e gjetur në vendin e krimit e ka 'fundosur' Llanajn.
Në vijim të informacionit paraprak lidhur me ngjarjen e ndodhur më datë 01.10.2017, në rrugën Transballkanike, në lagjen "Pavarsia", Policia ka bërë me dije se:

Policia lidhur me ngjarjen e ndodhur ditën e djeshme në rrugën Transballkanike në lagjen "Pavarsia", ku mbetën të plagosur me armë zjarri tre shtetas, ka mbledhur dhe siguruar prova nga vendi i ngjarjes me qëllim për të bërë të mundur një dokumentim sa më të plotë të rrethanave të ngjarjes.
Janë siguruar prej bizneseve pranë kësaj zone, të gjitha kamerat të cilat mund të ndihmojnë në zbardhjen e fakteve dhe sqarimin e dokumentimin e plotë të ngjarjes.
Në vendngjarje policia ka sekuestruar gjithashtu një armë zjarri tip Pistoletë, një predhë arme zjarri model 56-kalibër 7.62mm, automjetin tip "Mercedes Benz", dhe një tjetër mjet "Renault Klio", disa aparate celular dhe një shumë prej 1.600.000 lëkësh.
Policia po punon lidhur edhe me automjetin e djegur tip "BMË" të gjetur ditën e djeshme në fshatin Kafaraj,Fier, ku brënda të cilit janë gjetur dy armë zjarri tip kallashnikov dhe 3 gëzhoja model 56-kalibër 7.62mm.
Gjithashtu në përfundim të hetimeve lidhur me armën e zjarrit Pistoletë të gjetur në vendngjarje, ka rezultuar ti përkasë shtetasit F. Llanaj, i cili është arrestuar në flagrancë nga policia për prodhim dhe mbajtje paleje të armëve luftarake.
Në lidhje me ngjarjen janë kryer edhe veprime të tjera proceduriale dhe po vazhdon puna për identifikimin, dokumentimin dhe kapjen e autorëve të plagosjes me armë zjarri të shtetasve F.Ll., B.Ll., dhe D.B..

The post Atentati me tre të plagosur në Vlorë, Ferdinand Llanaj në spital: Duan të më eliminojnë appeared first on Lajme | Lajmi i Fundit | Lajmet | informacion shqip, gazeta online.