Home » » “SHBA pajis ushtrinë shqiptare me gjashtë autoblinda” plus 9 more Lajmi i Fundit

“SHBA pajis ushtrinë shqiptare me gjashtë autoblinda” plus 9 more Lajmi i Fundit

“SHBA pajis ushtrinë shqiptare me gjashtë autoblinda” plus 9 more Lajmi i Fundit

SHBA pajis ushtrinë shqiptare me gjashtë autoblinda

Posted: 05 Sep 2017 07:47 AM PDT

Forcat e Armatosura morën në dorëzim 6 mjetet e para të blinduara të dhuruara nga qeveria e SHBA-së, me vlerë 300 mijë dollarë.

Pjesë e paketës në total janë 248 mjete të blinduara me vlerë 12 milionë dollarë, ku Shqipëria do të paguajë vetëm shpenzimet për transportin dhe mirëmbajtjen. Në ceremoninë e zhvilluar më këtë rast, ambasadori amerikan Donald Lu theksoi rolin e Shqipërisë si një aleat i veçantë i Shteteve të Bashkuara në kontinentin tonë dhe përmendi avantazhet që përfaqësojnë këto mjete.

"Kjo aftësi e re do të jetë një hap vendimtar që FA të Shqipërisë të arrijnë objektivin parësor të NATO-s, që të kenë një grup këmbësorie të modernizuar plotësisht operacional dhe autonom deri në 2019", tha Lu.

Edhe ministrja në largim Mimi Kodheli vlerësoi rolin e rritur të batalionit të dytë të këmbësorisë në angazhimet në kuadër të NATO-s: "Kjo ndihmë vjen absolutisht në kohën e duhur, në momentin kur Batalioni i Dytë i Këmbësorisë po rrit ndjeshëm angazhimet në kuadër të Aleancës dhe kjo do të ndikojë cilësisht në përmbushjen e detyrimeve dhe objektivave e kapaciteteve".

Mjetet e blinduara janë të pajisura me sistem të mbajtjes së armëve mitraloz të rëndë, mitraloz të lehtë si dhe granatëhedhës.

The post SHBA pajis ushtrinë shqiptare me gjashtë autoblinda appeared first on Lajme | Lajmi i Fundit | Lajmet | informacion shqip, gazeta online.

Digjet makina në Vlorë, policia flet për ngjarjen

Posted: 05 Sep 2017 07:43 AM PDT

Nje makine eshte djegur diten e sotme ne Vlore. Policia tha se më datë 05.09.2017, rreth orës 14:10, në Sallën Operative Vlorë ka ardhur një telefonatë se në aksin rrugor Novoselë – Vlorë, tek mbikalimi në Panaja , ka marrë flakë një mjet.

Policia sëbashku me shërbimin zjarrfikës kanë shkuar në vendngjarje duke bërë të mundur fikjen e zjarrit.
Nga verifikimi paraprak i policisë ka rezultuar se ka qënë mjeti tip ”Ford Focus”, me targë AA 875 NV, i djegur pothuajse pjesërisht, me drejtues mjeti shtetasin E.A., 22 vjeç, banues në Risili, Vlorë.

“Nga zjarri në automjet nuk ka persona të dëmtuar. Grupi hetimor po punon për zbardhjen e plotë të shkakut të rënies së zjarrit në automjet”, beri me dije policia.

The post Digjet makina në Vlorë, policia flet për ngjarjen appeared first on Lajme | Lajmi i Fundit | Lajmet | informacion shqip, gazeta online.

Tre shqiptarë arrestohen në Greqi me 23 kilogramë kokainë

Posted: 05 Sep 2017 07:17 AM PDT

Policia greke ka zhvilluar një operacion anti-drogë, në përfundim të të cilit janë sekuestruar 23 kilogramë heroinë dhe janë arrestuar 10 persona, të etnive të ndryshme.

Autoritetet lokale bëjnë me dije se operacioni është kryer gjatë orëve të natës, në një prej zonave me kriminalitet të lartë të kryeqytetit helen, në atë që njihet si getoja e ciganëve të Athinës, Menidhi.

Për të shmangur përballjen me banorët, forcat e rendit kanë përdorur autoblinda dhe janë mbështetur nga forcat speciale. Sipas burimeve, personat e arrestuar janë 5 vetë nga pakica rome, 3 shtetas shqiptarë dhe 2 shtetas grekë.

Ndër të tjera, policia u ka sekuestruar atyre 16.5 lëndë për përzierjen e drogës, një armë zjarri dhe sisteme komunikimi përmes të cilave përgjonin frekuencat e policisë.

Përfitimet e organizatës kriminale llogariten në qindra mijëra euro. Ndërkohë, të arrestuarit janë dërguar në Gjykatën e Athines, e cila ka vendosur t'i lërë në burg deri në përfundimin e hetimeve, citon top channel.

The post Tre shqiptarë arrestohen në Greqi me 23 kilogramë kokainë appeared first on Lajme | Lajmi i Fundit | Lajmet | informacion shqip, gazeta online.

Masat shtrënguese të shengen, ndalen 177 azilkërkues shqiptarë në Rinas

Posted: 05 Sep 2017 06:38 AM PDT

Vetëm gjatë muajit gusht 177 shtetasve u është refuzuar kalimi jashtë territorit të Shqipërisë përmes Aeroportit të Rinasit, pasi nuk kanë përmbushur kriteret e përcaktuara për frenimin e fenomenit të azilkërkimit. 17 persona të tjerë, 9 prej të cilëve të arrestuar kanë tentuar të kalojnë me dokumenta të falsifikuara.

“Nga analizat tona na rezulton se shumica e personave që i është refuzuar kalimi janë i njëjti kontigjent që janë deportuar njëherë, por që tentojnë sërish të dalin jashtë vendit me qëllim azilkërkimin. Do të vijojmë me këto masa dhe nuk do ketë tolerime në këtë drejtim”, thotë Përparim Dema, Shefi i Policisë Kufitare në Rinas.

Por edhe 4 prindër janë proceduar për braktisje të fëmijëve.

“Kemi edhe raste që udhëtojnë familje dhe më pas braktisin fëmijët në zonën Shengen me qëllim azilin dhe kthehen pa ta. Për çdo rast kemi referuar materialet në prokurori”, shton Dema.

Ndërkohë, në Drejtorinë e Përgjithshme të Policisë së Shtetit është ngritur baza e të dhënave për fenomenin e gjakmarrjes në vend e cila pritet të parandalojë abuzimin me kërkesat për azil.

Nga kjo bazë do të bëhet shkëmbimi i informacionit policor me partnerët e atyre vendeve ku shtetas të ndryshëm shqiptarë përdorin këtë motiv për të kërkuar azil.

Gjatë viteve të fundit fenomeni i gjakmarrjes është keqpërdorur nga shtetas të ndryshëm shqiptarë për të përfituar statusin e azilantit në vendet e Bashkimit Europian dhe Mbretërinë e Bashkuar. Vazhdimisht Policia e Shtetit merr kërkesa nga homologët e tyre për verifikimin e deklaratave të shtetasve shqiptarë që pretendojnë se janë në gjakmarrje.top channel

The post Masat shtrënguese të shengen, ndalen 177 azilkërkues shqiptarë në Rinas appeared first on Lajme | Lajmi i Fundit | Lajmet | informacion shqip, gazeta online.

Në pikë të hallit, studentja vë në shitje virgjërinë

Posted: 05 Sep 2017 06:19 AM PDT

Një studente nga Ukrahina ka marrë një vendim shokues për jetën e saj.

18 vjeçarja po ofron virgjinitetin e saj në shitje për një 'mashkull të vërtetë' pasi i duhen urgjentisht para. Vajza e quajtur Yulia e ka publikuar ofertën e saj në një gazetë locale duke bërë me dije se kërkon 1500 funta në këmbim.

Ajo i ka thënë gazetës Melitopol të vendit të saj se "Herët ose vonë ajo do të duhet t'i thotë lamtumirë virgjinitetin të saj kështu që ka vendosur që më mirë ta bëjë në këtë mënyrë se sa në ndonjë ndejë, e dehur".
Oferta e saj reklamuese 'Virgjiniteti në shitje' është bërë në gazetë krahas shumë ofertave të tjera të ndryshme.

The post Në pikë të hallit, studentja vë në shitje virgjërinë appeared first on Lajme | Lajmi i Fundit | Lajmet | informacion shqip, gazeta online.

Qytetarët ankohen, Berisha e publikon: Ja ndëshkimin që iu bëhet gjimnazistëve me librat e shkollës

Posted: 05 Sep 2017 06:09 AM PDT

Një tjetër denoncim ka ardhur nga ish- kryeministri Sali Berisha në FB, referuar një gjimnazisteje dixhitale.

Berisha pohon se nxënësit ndëshkohen ume librat e shkollës, shqetësim që ai e ka ngritur edhe më herët. Ndërkohë, në mesazhin e gjimnazistes në vit të parë thuhet se ata që duan të blejnë libra për vitin e parë, duhet me patjetër që të marrin dhe ata të vitit të dytë.

MESAZHI I BERISHËS
Gjimnazistja dixhitale denoncon:
Ndeshkimin qe ju behet atyre me librat e shkolles!
Lexoni mesazhin e saj! sb
"Pershendetje z..Berisha! Uroj te jeni mire! Dua te bej publik nje problem tjeter qe ka dale me librat e shkolles pervec atyre problemeve qe dihen. Shumica e librave(flas per vitin e pare te shkolles se mesme) shiten se bashku me ato te vitit te dyte. Pra, me detyrim une duhet te marre fiziken, matematiken, kimine etj.qe jane per vtin e dyte perndryshe une nuk mund te marre as ato libra qe jane per vitin e pare, kur mua me duhen vetem ato te vitit te pare! Nese mundeni ta beni publik kete problem…, ndoshta merr nje zgjidhje! Faleminderit, kalofshi mire!"

The post Qytetarët ankohen, Berisha e publikon: Ja ndëshkimin që iu bëhet gjimnazistëve me librat e shkollës appeared first on Lajme | Lajmi i Fundit | Lajmet | informacion shqip, gazeta online.

Studiuesit fajësojnë meshkujt, ata janë shkaku pse femrat janë beqare

Posted: 05 Sep 2017 05:59 AM PDT

Meshkujt janë fajtorët dhe jo femrat! Studimi i fundit i kryer nga Universiteti i Bristolit shpjegon se pse është rritur ndjeshëm numri i femrave të pa martura.

Ky studim shpjegon se sa më inteligjente të jetë një femër aq më shumë rriten kërkesat e saj për të gjetur partnerin ideal.
Sa më shumë vite të kalojnë dhe sa më shumë të ngjisë shkallët e karrierës një femër aq më shumë rriten kërkesat e saj. Por për këtë gjë studiuesit nuk fajësojnë femrat por meshkujt.

"Është bërë keq për burra" thuhet mes të tjerash në studim.
Statistikat tregojnë se numri i femrave të pa martuara është rritur me 35.7 %. Ndërsa mosha kur një femër sjell një fëmijë në jetë është rritur ndjeshëm. Shumica e femrave bëhen nëna pas moshën 25 ose 26 vjeç.
"Ndodh sepse një femër e shkolluar dhe e realizuar kërkon një partner në të njëjtin nivel. Dhe shumica e meshkujve u tremben femrave të tilla",- ka thënë një nga sociologet që ka qenë pjesë e këtij studimi.

 

The post Studiuesit fajësojnë meshkujt, ata janë shkaku pse femrat janë beqare appeared first on Lajme | Lajmi i Fundit | Lajmet | informacion shqip, gazeta online.

Shfrytëzuan të renë italiane si prostitutë në Shqipëri, arrestohet 46 vjeçari në Tiranë, dy të tjerë në kërkim

Posted: 05 Sep 2017 05:42 AM PDT

Policia e Tiranës ka arrestuar një 46 vjeçar, ndërsa janë shpallur në kërkim policor shtetasit me inicialet M.Gj., 46 vjeç, dhe M.B., 31 vjeç, të dy banues në Tiranë.

Mësohet se tek kto persona rëndojnë akuzat e trafikimit me qëllim shfrytëzimi për prostitucion. Sipas policisë, shtetasit, kanë trafikuar drejt Shqipërisë një vajzë 23 vjeçe, me banim në Itali. Ndalimi i një prej të akuzuarve u bë dje nga specialistët e Seksionit për Hetimin e Trafikut të paligjshëm pranë Sektorit për Krimin e Organizuar pranë D.V.P. Tiranë.

Sipas policisë, shtetasia e huaj 23 vjeçe ka bërë kallëzim në ambientet e D.V.P. Tiranë ndaj shtetasve Bardhok Prenga, 46 vjeç, M.B., 31 vjeç dhe M.Gj, 46 vjeç të cilët e kanë trafikuar nga Italia në Shqipëri me qëllim shfrytëzimi për prostitucion.
Materialet janë referuar pranë Prokurorisë së Rrethit Gjyqësorë Tiranë në ngarkim të shtetasve të lartpërmendur për veprën penale "Trafikim i personave të rritur", parashikuar nga neni 110/a i Kodit Penal.⁠⁠⁠⁠

The post Shfrytëzuan të renë italiane si prostitutë në Shqipëri, arrestohet 46 vjeçari në Tiranë, dy të tjerë në kërkim appeared first on Lajme | Lajmi i Fundit | Lajmet | informacion shqip, gazeta online.

Keni qime në gjoks? Mjekët tregojnë se kjo nuk është gjë e mirë

Posted: 05 Sep 2017 05:24 AM PDT

Nëse e gjeni veten papritmas me qime në gjoks, nivelet e juaja të testosteronit mund të jenë të ngritura për shkak të kësaj sindrome, që nënkupton prodhimin e hormoneve mashkullore në gjendrrat e vezoreve dhe adrenale.

A mund të bëjmë diçka në lidhje me këtë…ë!! Pas një dushi të mirë, e lyeni trupin me losion dhe papritmas shihni diçka në gjoksin tuaj: një qime. Afër thithës së gjoksit. Nuk ka ndonjë arsye pse të tmerroheni.

"Trupi ynë ka folikule të qimeve dhe gjëndra yndyrore, duke përfshirë edhe rreth thithave, ku edhe ka më shumë potencial për rritje të qimeve", thekson Lance Broën, dermatologe. prej rreth 50 milion folikule qimesh që e mbulojnë trupin tuaj, vetëm 1/5 e tyre janë të vendosur në kokën tuaj, që lë hapësirë të dalin qime tjera rastësore në vende tjera të trupit.
Vendet më të zakonshme ku mund të paraqiten qimet
Përveç zonës së thithave, ekzistojnë edhe tri zona tjera shumë të zakonshme ku mund të dalin qimet, e ato janë: zona e veshit, mjekrrës dhe zona e kërthizës. Kur bëhet fjalë për thithat, qimet në përgjithësi dalin në anë të djathtë, jashtë areolës suaj. Tek veshët, mund të paraqiten fije qimesh përeth brendësië së veshit. Në kërthizë, mund të gjeni disa qime aty-këtu. Ndërsa, sa i përket mjekrrës, ky është vendi më i zakonshëm ku mund të paraqiten qimet.
Pse ndodh kjo
Nëse rastisni në ndonjë qime aty-këtu, me shuma gjasa kjo ndodhë për shkak të luhatjeve hormonale, siç është shtatzënia ose menopauza. Disa medikamente të caktuara mund të nxisin gjithashtu rritjen e tepërt të qimeve, të tilla si testosteroni, danazol, steroide anabolike, glukokortikoide, ciklosporin, minoksidil dhe fenytoin. Mirëpo, nëse hasni në më shumë qime rreth trupit tuaj, ju mund të keni 'hirsutizëm', një gjendje që shkakton rritjen e tepruar të qimeve tek femrat. Hirsutizmi mund të jetë gjenetik, oe mund të nënkuptojë se ju keni të bëni me një gjendje më të rëndë, si sindromi i vezorëve policistik. Megjithatë, ky sindrom është i rrallë, që përfshin 5-10% të femrave në mbarë botën.
Si t'ia dilni me këtë problematikë
Përderisa e dimë se paraqitja e qimeve në trup nuk sinjalizon ndonjë problem të rëndësishëm shëndetësor, megjithatë kjo nuk nënkupton se i mirëpresim qimet e rastësishme nëpër vende të pazakonshme në trup. Piskatoret apo pincetat janë opsioni më i mirë për heqjen e qimeve të rastësishme. Provoni ti hiqni këto qime pas dushit, atëherë kur qimet janë më të buta dhe lehtë mund të tërhiqen. Depilimi apo rruajtja mund të jetë një mënyrë tjetër për heqjen e më shumë qimeve njëkohësisht, si në zonën e barkut apo mjekrrës. Nëse ndiheni në siklet për qimet rreth thithave dhe nuk dëshironi që këtë problem tuajin ta dijë askush, madje as foshnja gjatë thithjes gji, Broën rekomandon heqjen e qimeve me laser. Kjo nuk është ndoshta heqje e përherhme, mirëpo siguron zgjidhje afatgjate, në krahasim me pincetën apo depilimin./gazetaekspres/

The post Keni qime në gjoks? Mjekët tregojnë se kjo nuk është gjë e mirë appeared first on Lajme | Lajmi i Fundit | Lajmet | informacion shqip, gazeta online.

Aksident i rëndë në aksin Lezhë-Laç, raportohen të plagosur

Posted: 05 Sep 2017 05:13 AM PDT

Një aksident është raportuar në aksin rrugor Lezhë-Lac thuhet se ka disa të plagosur.

Sipas të dhënave, personat që ndodhen në makinë kanë mbetur të bllokuar brenda. Po ashtu, policia dhe ambulanca janë nisur drejt vendit të ngjarjes.

Ndërkohë pritet njoftimi zyrtar
VIJON…

The post Aksident i rëndë në aksin Lezhë-Laç, raportohen të plagosur appeared first on Lajme | Lajmi i Fundit | Lajmet | informacion shqip, gazeta online.