Home » » “Në stadium për ndeshjen me Shqipërinë, kryeministri Maqedonas tregon se për kë bën tifo” plus 9 more Lajmi i Fundit

“Në stadium për ndeshjen me Shqipërinë, kryeministri Maqedonas tregon se për kë bën tifo” plus 9 more Lajmi i Fundit

“Në stadium për ndeshjen me Shqipërinë, kryeministri Maqedonas tregon se për kë bën tifo” plus 9 more Lajmi i Fundit

Në stadium për ndeshjen me Shqipërinë, kryeministri Maqedonas tregon se për kë bën tifo

Posted: 04 Sep 2017 07:31 AM PDT

Zoran Zaev, Kryeministër i Maqedonisë, është një dashamirës i sportit dhe futbollit në veçanti.

Ai do të jetë nesër në stadiumin e Strumicës, vendlindjes së tij, për të ndjekur ndeshjen mes Maqedonisë dhe Shipërisë. Në fakt, numri 1 i qeverisë maqedonase dëshiron së pari që ndeshja të shkojë pa asnjë incident. Ai njihet si një bashkëpunëtor i mirë me shqiptarët, pas aelancës që ka bërë me partitë shqiptare në zgjedhjet e fundit.

Nesër ai kërkon që në stadiumin e Strumicës të luhet futboll, siç duan të gjithë shqiptarët, shkruan “Vipsport.al”.
Zaev nuk e ka fshehur asnjëherë simpatinë për futbollin dhe kjo foto tregon se ai është në stadiumin e Shkupit, duke bërë tifo për kuqezinjtë e Shkëndijës së Tetovës, kur ajo luante në Europë ndaj Gentit të Belgjikës.
Sigurisht që ai dëshiron fitoren e Maqedonisë, por kurrë nuk do nxitë rritjen e presionit ndaj ekipit shqiptar në fushë dhe në shkallët e stadiumit.

The post Në stadium për ndeshjen me Shqipërinë, kryeministri Maqedonas tregon se për kë bën tifo appeared first on Lajme | Lajmi i Fundit | Lajmet | informacion shqip, gazeta online.

E shihni dot ariun polar në këtë foto? (FOTO)

Posted: 04 Sep 2017 07:28 AM PDT

Foto të mrekullueshme tregojnë një ari të madh polar që vrapon mes ishujve të akullt shumë në veri të Kanadasë.

Kafsha fantastike duket tek loz mbi akull në kërkim të vaktit të ardhshëm, teksa duket se ngrohja globale po bën punën e vet.

Temperaturat në rritje e kanë transformuar këtë zonë në një lagunë dhe shkëputja masive e akujve kanë krijuar arqipelage.

Fotot mahnitëse janë bërë nga Florian Ledoux, një fotograf 28-vjeçar. Ai ishte duke fluturuar mbi ishujt Baffin në territorin e Nunavut, i cili është në ekstremin verior të Kandasë, brenda qarkut arktik. Ledoux ishte pjesë e një ekspedite përreth Arktikut kur i ra në sy ariu i madh.

The post E shihni dot ariun polar në këtë foto? (FOTO) appeared first on Lajme | Lajmi i Fundit | Lajmet | informacion shqip, gazeta online.

Ata po hanin sanduiçë para ndeshjes, maqedonasit tallen me djemtë e kombëtares

Posted: 04 Sep 2017 07:25 AM PDT

Kur duhen edhe pak orë nga ndeshja e shumëpritur, kanë filluar ngacmimet dhe thumbat mes Maqedonisë dhe Shqipërisë, shkruan “Panorama Sport”.

Në fakt, ishte portali "ekipa.mk" që ditën e djeshme ka publikuar lajmin e udhëtimit të Shqipërisë drejt Shkupit dhe e ka shoqëruar me përshkrimin: "Shqiptarët kanë bërë ndalesë edhe në një 'fast food' për të ngrënë sanduiçë".

Në fakt lojtarët dhe stafi ndaluan për të pirë ndonjë kafe gjatë rrugës, por ishin ulur në një 'fast food".
Kjo bëri që mediat menjëherë të thumbonin kuqezinjtë, të cilët ditën e djeshme mbërritën në Shkup të shoqëruar edhe me roje private për të shmangur incidentet e mundshme që mund të ndodhnin gjatë rrugës dhe gjatë qëndrimit në Shkup.

The post Ata po hanin sanduiçë para ndeshjes, maqedonasit tallen me djemtë e kombëtares appeared first on Lajme | Lajmi i Fundit | Lajmet | informacion shqip, gazeta online.

Pornografja e pëson keq në punë, kafshohet nga peshkaqeni (Video)

Posted: 04 Sep 2017 07:13 AM PDT

Aktorja seksi Molly Cavalli, ka përfunduar me 20 qenje në këmbë pasi u kafshua nga një peshkaqen me dhëmbët e mprehtë.

Aktorja e filmave për të rritur e pëson keq teksa po filmonte një promo për një kompani. Sipas informacioneve, aktorja si fillim ishte e qeshur teksa u zhyt në një kafaz mbrojtës duke luajtur para kamerave.
Në momentin që është kafshuar ajo ka shpërthyer në britma dhe të qara.

Teksa është nxjerrë nga uji gjaku nga këmba e saj nuk pushonte së rrjedhuri.Për më tepër shihni videon.

{“videoid”: “1117424”, “sid”:”2″}

The post Pornografja e pëson keq në punë, kafshohet nga peshkaqeni (Video) appeared first on Lajme | Lajmi i Fundit | Lajmet | informacion shqip, gazeta online.

Punonin pa licencë, bllokohen 15 pika karburanti në Elbasan

Posted: 04 Sep 2017 07:04 AM PDT

Të paktën 15 pika të tregtimit të karburanteve janë bllokuar në Elbasan.

Aksioni i bashkisë së qytetit dhe i mbështetur edhe nga Policia e Shtetit ka sjellë mbylljen e këtyre bizneseve për shkak se nuk kishin rinovuar licencat për të ushtruar aktivitetin.
"Për këtë arsye, para një javë iu la një afat për shlyerjen e detyrimeve.

Nga ana e subjekteve nuk është bërë dhe jemi detyruar të bëjmë bllokimin derisa të shlyejnë detyrimet që kanë pranë institucioneve përkatëse", ka deklaruar Aurel Kaja, kryeinspektor pranë Bashkisë së Elbasanit.
Në territorin e Bashkisë së Elbasanit ushtrojnë aktivitetin 60 pika karburantesh.

The post Punonin pa licencë, bllokohen 15 pika karburanti në Elbasan appeared first on Lajme | Lajmi i Fundit | Lajmet | informacion shqip, gazeta online.

Mori borxh 50 mijë euro dhe nuk i ktheu, arrestohet biznesmeni në Tiranë

Posted: 04 Sep 2017 06:59 AM PDT

Policia e Tiranës ka vënë në pranga një biznesmen të shpallur në kërkim dhe dënuar me vendim të gjykatës së Tiranës për mashtrim.

Bëhet fjalë për shtetasin Xhelal Hoxha, 69 vjeç, i dënuar me 11 vite e 8 muaj burgim për mashtrim. Xhelal Hoxhi ka marrë në vitin 2006 një borxh prej 50 mijë eurosh të cilin nuk e ktheu kurrë. 69 vjeçari kishte lënë si paranci 5 apartamente në një pallat që po ndërtontë në atë kohë, në zonën e Golemit.

Fatmirësisht huadhënësi i 50 mijë eurove kishte verifikuar nga punonjësit e Hipotekës, se biznesmeni 69 vjeçar nuk kishte asnjë object, nga ato që kishte paraqitur si garanci për kthimin e parave.
Shtetasi me inicialet Sh.M pas dyshimeve se ishte mashtruar I ka kërkuar paratë që ndërtuesi i kishte borxh, por pavarësisht kërkesave, Xhelal Hoxha nuk ka pranuar t'I kthejë paratë. Sipas dëshmisë së kallëzuesit në gjykim, pas kallëzimit i pandehuri i ka dhënë dy apartamente në Durrës dhe e konsideron si të shlyer borxhin.
Ja çfarë thotë policia për arrestimin e Xhelal Hoxhës:
Ndalohet një shtetas i shpallur në kërkim për veprën penale të “Mashtrimit”.
Më datë 04.09.2017 seksioni i kërkimit pranë Sektorit të Forcës së Posaçme dhe Operacioneve speciale në D.V.P. Tiranë bënë të mundur kapjen dhe ndalimin e shtetasit :
– Xh. H, 69 vjeç, banues në Tiranë.
Ndalimi i këtij shtetasi është bërë i mundur pasi ky shtetas ka qënë i dënuar nga Gjykata e Rrethit Gjyqësorë Tiranë me 11 vite e 8 muaj burg për veprën penale të “Mashtrimit”, parashikuar nga neni 143 i Kodit Penal

The post Mori borxh 50 mijë euro dhe nuk i ktheu, arrestohet biznesmeni në Tiranë appeared first on Lajme | Lajmi i Fundit | Lajmet | informacion shqip, gazeta online.

Kapen me marijuanë në makinë, arrestohen dy shqiptarët në Greqi

Posted: 04 Sep 2017 06:48 AM PDT

Policia greke ka arrestuar 2 shqiptarë e 1 shtetas grek, pasi iu gjetën në mhjet 41 kg marijuanë.

Mësohet se gjatë kontrollit në mjetin ku ndodheshin shqiptari 32-vjecar dhe greku 58-vjecar, u gjetën të fshehura në një vend të posacëm, 40 pako me 41 kg 920 gram marijuanë. Sipas informacioneve, më vonë u arrestua dhe një bashkëpunëtor i tyre, shqiptar 34-vjec.

U sekuestruan 2 automjete, 9 celulare dhe 350 euro.

The post Kapen me marijuanë në makinë, arrestohen dy shqiptarët në Greqi appeared first on Lajme | Lajmi i Fundit | Lajmet | informacion shqip, gazeta online.

Ishte shpallur në kërkim për mashtrim, arrestohet 69 vjeçari në Tiranë

Posted: 04 Sep 2017 06:36 AM PDT

Policia e Tiranës ka arrestuar një shtetas pasi ishte shpallur në kërkim për veprën penale të “Mashtrimit”.

Mësohet se në pranga ka rënë shtetasi – Xhelal Hoxha, 69 vjeç, banues në Tiranë.

Ndalimi i këtij shtetasi është bërë i mundur pasi ky shtetas ka qënë i dënuar nga Gjykata e Rrethit Gjyqësorë Tiranë me 11 vite e 8 muaj burg për veprën penale të “Mashtrimit”, parashikuar nga neni 143 i Kodit Penal.

The post Ishte shpallur në kërkim për mashtrim, arrestohet 69 vjeçari në Tiranë appeared first on Lajme | Lajmi i Fundit | Lajmet | informacion shqip, gazeta online.

Psikologët e tregojnë, ju keni rënë në depresion

Posted: 04 Sep 2017 06:23 AM PDT

Keni rënë në depresion? Këto shenja e tregojnë më së miri. Nëse që jeni nervozë, të lodhur, ankth.

Po ashtu, dhimbjet e muskujve, problemet me stomakun apo zgjimin herët në mëngjes. Sipas psikologëve, këto shenja tregojnë që ju keni rënë në depresion. Për më tej, hidhini një sy listës:
Dhimbje të muskujve
Sigurisht, nëse bëni shumë stërvitje, mund të keni edhe dhimbje muskujsh. Por, nëse keni dhimbje që nuk mund t'u jepni shpjegim, shkaktari mund të jetë edhe depresioni. Dhimbjet kronike të muskujve mund të jenë simptoma të fshehta të kësaj gjendje mendore.
Dhimbja ndryshon sipas gjendjes emocionale dhe e anasjella. Dikush që është i lumtur mund të mos ndiejë dhimbje sa ai që vuan nga depresioni.

Rënie ose shtim në peshë
Depresioni ndikon tek hormonet që rregullojnë oreksin, që do të thotë se mund të vëreni ndryshime në peshore. Hormonet na tregojnë kur jemi të uritur apo kur kemi ngrënë mjaftueshëm. Nëse kemi çrregullim hormonal për shkak të depresionit, çrregullohet edhe mënyra e ngrënies, mund të hash më shumë ose më pak seç duhet. Problemet me gjumin të lidhura me depresionin gjithashtu mund të ndikojnë për keq si tek hormonet e urisë ashtu edhe ngopjes.

Probleme me gjumin
Edhe pse shumë njerëz që vuajnë nga depresioni shpesh përjetojnë lodhje ose mungesë energjie, ata mund ta kenë të vështirë edhe të bëjnë një gjumë të rehatshëm. Një nga simptomat klasike të depresionit është "pagjumësia" – zgjimi shumë herët dhe pamundësia për të fjetur në orarin e duhur. Duke qenë se mungesa e gjumit mund të ndikojë në humor dhe aftësinë për t'u përqendruar – që janë gjithashtu simptoma të zakonshme të depresionit – mund të nisë një cikël vicioz.

Probleme me lëkurën
Hormonet e stresit mund të bëjnë "kërdinë" në lëkurë. Depresioni lidhet me rritje të niveleve të hormonit kortizol të stresit, prandaj përkeqësohen edhe gjendje si ekzema, psoriaza apo aknet.

Probleme me stomakun
Të përzierat, të vjellar, kapsllëku dhe diarreja, të gjitha këto probleme me stomakun lidhen me depresionin, madje mund të përkeqësohen edhe më shumë tek personat që vuajnë nga çrregullime të ankthit. Zorra është përgjegjëse kryesore e gjendjes emocionale. Madje ka një lidhje të drejtpërdrejtë mes depresionit dhe problemeve të tilla shëndetësore si sindroma e zorrës së irrituar.

Prishje të dhëmbëve
Depresioni mund të ndikojë edhe tek shëndeti oral. Një studim i fundit australian ka zbuluar se depresioni çon në prishje të dhëmbëve, duke qenë se çrregullimet emocionale mund të vështirësojnë kryerjen e detyrave të përditshme. Depresioni shpesh i pengon njerëzit të kujdesen për veten, si për shembull, të ushqehen siç duhet, të menaxhojnë gjendjet kronike apo të kujdesen për higjienën ditore, si larja e dhëmbëve apo e gjithë trupit.

Migrena
Dhimbjet e kokës dhe migrena lidhen me depresionin në një mënyrë si e bëri pula vezën apo veza pulën. Jo vetëm depresioni mund të çojë në dhimbje të kokës, por ai vërehet shpesh tek pacientët që vuajnë nga migrena. Dhimbjet e kokës mund të jenë shenjë edhe e ndonjë gjendje mjekësore më të rëndë, kështu që mos fajësoni menjëherë depresionin. Ndryshimet menjëhershme në shikim, mpirja ose ngrirja e qafës paralajmërojnë se duhet të bëni menjëherë një vizitë mjekësore. /shendeti.al/

The post Psikologët e tregojnë, ju keni rënë në depresion appeared first on Lajme | Lajmi i Fundit | Lajmet | informacion shqip, gazeta online.

E rëndë në Zvicër, aksidentohen dy familje shqiptare

Posted: 04 Sep 2017 06:10 AM PDT

Një vajzë 8 vjeçare ka marrë plagë të rënda dhe u transportua me helikopter për në spital, pas një aksidenti që ndodhi të shtunën në autostradë, në Kantonin Aargau, Zvicër.

Një makinë ishte ndalur në anë të autostradës kur një tjetër tjetër që po vinte, e ka goditur atë, njofton Policia Kantonale e Aargaut, raporton telebasel.ch.

Në makinën e ndaluar ishte një shqiptare nga Kosova, 26 vjeçe.
Bashkë me të në makinë ishin edhe dy fëmijët e saj 8 dhe 9 vjeçarë, shkruan albinfo.ch. Makina tjetër që po shkonte në drejtim të Brugut ka përplasur me tërë fuqinë mjetin që ishte ndalur aty.
Makinën që shkaktoi aksidentin e drejtonte një 31 vjeçar, po ashtu shqiptar nga Kosova. Gruaja dhe burri që ishin shoferë dhe fëmija 9 vjeç kanë pësuar plagë të lehta ndërsa vajza 8-vjeçare është lënduar rëndë dhe është transportuar me helikopter për në spital.
Dëmet materiale të shkaktuara vlerësohen në disa mijëra franga.
Prokuroria Publike e Lenzburg-Aarau ka iniciuar hetimet për zbardhjen e shkaqeve që sollën te aksidenti.
Ndërsa policia i ka marrë patentën shkaktarit të aksidentit.

The post E rëndë në Zvicër, aksidentohen dy familje shqiptare appeared first on Lajme | Lajmi i Fundit | Lajmet | informacion shqip, gazeta online.