Home » » Mesazhi.com: “Nevoja për të qenë në qendër të vëmendjes” plus 9 more

Mesazhi.com: “Nevoja për të qenë në qendër të vëmendjes” plus 9 more

Mesazhi.com: “Nevoja për të qenë në qendër të vëmendjes” plus 9 more

Nevoja për të qenë në qendër të vëmendjes

Posted: 07 Sep 2017 02:50 PM PDT

Njerëzit janë krijesa shoqërore dhe kanë nevojë për bashkëveprim shoqëror, për opinionin e dikujt tjerët dhe për vlerësuar e pranuar për atë që janë.

Këtë ata e përfitojnë gjatë jetës së përditshme, sidomos nga puna dhe nga marrëdhëniet dashurore. Daniel Goleman e quan pjekurinë emocionale “inteligjencë emocionale”, ose IE.

Ai beson  se IE është një tregues më i mirë i karakterit dhe vlerave të një personi sesa IQ (Intelligence quotient – koeficienti i inteligjencës).

Përkundrazi, një person i papjekur emocionalisht nuk ka vetëbesim dhe vetëvlerësim të lartë për veten, prandaj ai ndihet vazhdimisht i pasigurt.

Për t'iu kundërvënë këtyre ndjenjave të pasigurisë ai do të shpenzojë një pjesë të mirë të jetës së vet duke krijuar situata, në të cilat ai të jetë në qendër të vëmendjes.

Ka mundësi që nevoja për vëmendje të jetë në proporcion të zhdrejtë me pjekurinë emocionale.

Rrjedhimisht, cilido person që kërkon të tërheqë vëmendje po të tregon se sa i papjekur është emocionalisht.

Sjelljet që kërkojnë të tërheqin vëmendjen janë çuditërisht shumë të zakonshme. Të qenit në qendër të vëmendjes lehtëson ndjenjën e pasigurisë dhe të paaftësisë.

Mirëpo, lehtësimi është i përkohshëm, kështu që problemi mbetet i pazgjidhur. Vetëbesimi dhe vetëvlerësimi mbeten në nivele të ulëta./dhunapsikologjike/

Njerëzit e pasigurt dhe të papjekur emocionalisht shpesh shfaqin sjellje të dhunës psikologjike, veçanërisht manipulim dhe mashtrim.
Këto janë të nevojshme për të tërhequr vëmendjen, e cila nuk mund të fitohet ndryshe. Dhunuesit psikologjikë dhe ngacmuesit emocionalisht kanë moshën e një fëmije të vogël.
Ata mund të kenë shpërthime të menjëhershme inati, mashtrojnë, gënjejnë dhe manipulojnë, në mënyrë që të fshehin natyrën e tyre të vërtetë dhe t'i shmangen përgjegjësive.
Këtu tregohen disa nga taktikat më të përdorura nga dhunuesit psikologjikë dhe manipuluesit për të tërhequr vëmendjen.
Një person që kërkon të tërheqë vëmendjen mund të përdorë disa nga metodat e mëposhtme./Mesazhi/

The post Nevoja për të qenë në qendër të vëmendjes appeared first on Mesazhi.com.

Si të humbasësh peshë me limon të zier

Posted: 07 Sep 2017 02:00 PM PDT

Gjërat më të mira të përfshira në frutin e limonit janë antioksidantët dhe vitamina C. Ato mund të shkatërrojnë radikalët e lira të cilat janë të njohura  për të shkaktuar plakjen e parakohshme, si dhe kancerin.

Kur limoni është i kombinuar me përbërës të tjerë natyrorë, ju merrni një pije që do t’ju ndihmojë të heqni qafe metalet e rënda dhe toksinat dhe në këtë mënyrë, do të pastroni trupin tuaj.

Sistemi imunitar do të rritet, do të humbni disa kile shtesë dhe gjithashtu do të mbusheni me energji. Të gjithë përbërësit janë natyralë dhe sigurohuni që t’i bleni ato sa më organikë!

 

Përbërësit:

 

5 limon

2 litra ujë mineral

1 inç xhenxhefil

5 thelbinj hudhër

Përgatitja:

Fillimisht duhet të qëroni limonat dhe ti shtrydhni me çfarëdolloj  shtrydhësi mekanik që ju gjendet në kuzhinë.

Më pas hidheni lengun e përftuar bashkë me thelbinjt e hudhrës në një blender.Pastaj shtoni xhinxherin, por pasi ta keni pastruar dhe ta keni prerë në kubikë të vegjël.

Përzieni të gjithë përbërësit së bashku.Nga kjo duhet të përftoni një përzierje homogjene. Vendosni ujin mineral në një tenxhere dhe pastaj vendoseni në sobë në një nxehtësi mesatare.

Kur fillon të valoj, hidheni përzierjen homogjene në ujë. Lëreni të valojë edhe për disa minuta. Më pas lëreni atë të qetësohet në temperaturën e dhomës. Këshillohet të vendoset në një shishe xhami dhe pastaj vuloseni fort me një kapak.

Pini një gotë nga kjo recetë çdo ditë. Do të ishte më e mira ta pinit atë me stomak bosh çdo mëngjes.

Në këtë mënyrë, sistemi juaj i tretjes do të funksionojë më mirë. Ju do të parandaloni kapsllëkun dhe biliari do të prodhohet më mirë dhe do t’ju ndihmojë në tretjen e ushqimit.

Nivelet e energjisë tuaj do të rriten. Ju do të forconi imunitetin tuaj dhe do të jeni më të shëndetshëm se kurrë!/Mesazhi/

The post Si të humbasësh peshë me limon të zier appeared first on Mesazhi.com.

Tragjedia njerëzore në kufirin Mianmar-Bangladesh

Posted: 07 Sep 2017 01:23 PM PDT

Dhjetëra persona, pjesë e madhe e të cilëve fëmijë humbën jetën duke u mbytur, pasi që është hapur zjarr në gomonen që mbante muslimanë të Arakanit (Rohingya), të cilët ishin duke bërë përpjekje që të kalojnë në Bangladesh për të ikur nga sulmet e ushtrisë së Mianmarit dhe budistëve radikalë.

Në pamjet e publikuara në rrjetet sociale, mund të shihet dimensioni i brutalitetit të ndodhur në bregun e lumit Naf, që gjendet në kufirin Bangladesh-Mianmar.

Në këto pamje gjithashtu mund të shihet se si kufomat e foshnjave dhe fëmijëve muslimanë të Arakanit arrijnë në bregun e lumit, pasi që varka e tyre në përpjekje për të kaluar lumin përmbyset si pasojë e zjarrit të hapur nga forcat e sigurisë së Mianmarit.

Në bregun e lumit ku gjenden gra dhe fëmijë muslimanë të Arakanit, bëhen përpjekje për mbijetesë në kufirin me Bangladeshin.

Theksohet se shumë muslimanë të Arakanit kanë humbur jetën pasi që është hapur zjarr nga forcat e sigurisë së Mianmarit në gomonen me të cilën ishin duke bërë përpjekje që të kalojnë në Bangladesh mbi lumin Naf.

Ndërkohë në pamje të tjera të publikuara në rrjetet sociale gjenden muslimanët e Arakanit të cilët presin në zonat malore duke ikur nga ushtarët.

Ikja nga Mianmari në Bangladesh

Një pjesë e muslimanëve të Arakanit janë duke e përdorur lumin Naf i cili lidhet në gjirin e Bengalit dhe përbën kufirin mes dy shteteve duke përdorur varkë ose gomone.

Ato përpiqen që të arrijnë në Bangladesh pas një udhëtimi të rrezikshëm në gjirin e Bengalit. Varkat e muslimanëve të Arakanit shpesh herë janë duke u përmbysur. Ndërsa forcat e sigurisë së Mianmarit hapin "zjarr frikësues" gjatë kalimit në det dhe lumë.

Ndryshe, një numër i madh i muslimanëve të Arakanit kanë humbur jetën që nga 25 gushti si rezultat i sulmeve të ushtrisë së Mianmarit, e cila pohon se është duke luftuar militantë të armatosur.

Gjatë sulmeve të ushtrisë janë shënjestruar mbi 60 fshatra, ndërsa dhjetëra prej tyre janë djegur. Dhjetëra mijëra muslimanë të Arakanit përpiqen të ikin nga rajoni për shkak të sigurisë, duke shkuar në zona relativisht të sigurta ose duke u përpjekur ta kalojnë në Bangladesh nëpërmjet rrugëve ilegale.

OKB njofton se mbi 146 mijë muslimanë të Arakanit deri më tani kanë kaluar në Bangladesh, megjithëse dhjetëra mijëra vazhdojnë të presin në zonën kufitare.

Numri i saktë i viktimave ende nuk mund të verifikohet, për arsye se qeveria e Mianmarit nuk lejon hyrjen e organizatave ndërkombëtare. Organizatat e shoqërisë civile në Arakan bëjnë të ditur se numri i civilëve që kanë humbur jetën ka kaluar mbi një mijë, ndërsa disa të tjera pohojnë se bilanci është disa mijëra.

Po ashtu, qeveria e Mianmarit nuk është duke lejuar shpërndarjen e ndihmave humanitare për muslimanët e Arakanit që kanë marrë rrugën e migrimit ose kanë mbetur pa shtëpi.

The post Tragjedia njerëzore në kufirin Mianmar-Bangladesh appeared first on Mesazhi.com.

Top 10 fanellat më të shitura në Angli

Posted: 07 Sep 2017 01:03 PM PDT

Paul Pogba dhe Romelu Lukaku prijnë në vendin e parë, respektivisht të dytin, dhe ndiqen nga bashkëlojtari i tyre Marcus Rashford në vendin e pestë.

I treti është sulmuesi i Chelsea Eden Hazard ndërsa i katërti radhitet blerja e re e Arsenalit Alexandre Lacazette.

The post Top 10 fanellat më të shitura në Angli appeared first on Mesazhi.com.

Si ndikojnë dredhëzat në përmirësimin e memories

Posted: 07 Sep 2017 01:00 PM PDT

Shumica e njerëzve nuk e dinë se dredhëzat janë të mahnitshme për përmirësimin e funksionimit të trurit dhe memories.

Studime të ndryshme e kanë dëshmuar aftësinë e dredhëzave për të parandaluar dhe përmirësuar dobësimet mendore të cilat shfaqen me plakjen.

Dredhëza është barishtore e cila fillimisht është zbuluar në Kili. Ky frut i vogël me ngjyrë të kuqe është tejet i shëndetshëm, sepse përmban një përbërës të fuqishëm, i cili quhet fiestinë.

Çfarë është fisetina?

Fisetina është aromatizues, prezente te mollët, rrushi, qepët dhe kastravecët, por më së shumti te dredhëzat.

Ajo përmban veti antioksiduese, të cilat ndihmojnë në 'frenimin' e dëmtimit të qelizave që shkaktohen nga rrezet e lira.

Disa studime thonë se dredhëzat janë të afta në parandalimin e Alzejmerit dhe sëmundjeve tjera neurodegjeneruese  të cilat ndërlidhjen me plakjen./Mesazhi/

The post Si ndikojnë dredhëzat në përmirësimin e memories appeared first on Mesazhi.com.

WhatsApp me plane të mëdha, shërbime edhe për bizneset

Posted: 07 Sep 2017 12:00 PM PDT

Shërbimi popullor i mesazheve WhatsApp – që mburret me mbi 1 miliard përdorues aktivë të përditshëm – ka bërë zyrtar planet e tyre për biznesin e saj.

Kompania në pronësi të Facebook zbuloi se aktualisht po ndërtojnë dhe testojnë mjete të reja që synojnë të bëjnë ndërveprimin midis njerëzve dhe bizneseve të thjeshta dhe më të besueshme.

Në mënyrë të veçantë, kompania thotë se po punojnë për një aplikacion pa pagesë WhatsApp Business për kompani të vogla dhe një për kompanitë më të mëdha si kompanitë ajrore, tregjet e tregtisë elektronike dhe bankat.

"Këto biznese do të jenë në gjendje të përdorin zgjidhjet tona për t'u dhënë klientëve njoftime të dobishme si koha e fluturimit, konfirmimet e dorëzimit dhe përditësime të tjera", tha kompania në një blog.

Aktualisht nuk ka informacione se kur do të nisin këto vegla dhe zgjidhje të reja./Mesazhi/

The post WhatsApp me plane të mëdha, shërbime edhe për bizneset appeared first on Mesazhi.com.

Tetë ndeshjet që nuk duhet t’i humbisni gjatë shtatorit

Posted: 07 Sep 2017 11:31 AM PDT

Për tifozë e futbollit, shtatori është muaji kur sezoni fillon të marrë hapat e parë real.

 Lojtarët tashmë kanë filluar të kuptojnë lojën e njëri-tjetrit, tabela ka filluar me marr formë dhe tifozët tashmë dinë cilësitë e lojtarët të rinj që kanë transferuar.

Shtatori do jetë një muaj me takime interesante, ndërsa më poshtë keni tetë ndeshjet që nuk duhet të humbisni.

MANCHESTER UNITED KUNDËR EVERTONIT NË OLD TRAFFORD

LAZIO NDAJ MILANIT

HOFFENHEIM KUNDËR BAYERN MUNICUT

BARCELONA NDAJ ESPANYOLIT, NJË DERBI LOKAL MJAFT INTERESANT

NICE KUNDËR MONACOS

CELTIC VS PSG, DO JETË NJË NATË MAGJIKE NË CELTIC PARK NË KUADËR TË LIGËS SË KAMPIONËVE

TOTTENHAM VS BORUSSIA DORTMUND

WEST HAM VS TOTTENHAM

 

FJALË KRYESORE:

The post Tetë ndeshjet që nuk duhet t'i humbisni gjatë shtatorit appeared first on Mesazhi.com.

Dhjetë arsye se pse kosovarët mund të fitojnë azilin në Gjermani

Posted: 07 Sep 2017 11:30 AM PDT

Kushdo që ia mësyn Gjermanisë për të kërkuar azil ka disa argumente se pse në Kosovë e ka të rrezikuar mirëqenien…

Ai merr gjithë anëtarët e familjes dhe ia mësyn stacionit të autobusëve në Prishtinë. Pasi paguan biletat njëdrejtimëshe niset me autobus drejt Beogradit. Cak ka Gjermaninë. Aty do të kërkojë azil për vete dhe familjen.

Të njëjtin synim kanë edhe 65 persona tjerë në autobus. Duan të ikin nga Kosova për një jetë më të mirë.

Në ora 5 të mëngjesit arrin në stacionin e autobusëve në Beograd. Me autobusët tjerë nisën drejt Suboticës. Taksitë e drejtuara prej trafikantëve serbë e hungarezë janë të gatshëm t'i shpien përtej kufirit në Hungari.

Pasi paguan nga 180 euro për secilin anëtar të familjes, arrin në Hungari. Një pjesë të rrugës e ka bërë me veturën e një pjesë në këmbë. Kah mesnata zë një tren për të arritur në qytetin më të afërm të Gjermanisë.

Pa fije hezitimi i dorëzohet autoriteteve gjermane dhe kërkon azil.

Pas disa ditësh në një kamp refugjatësh, ai del para autoriteteve për t'i dhënë arsyet se pse duhet t'i pranohet azili.

"Jam i rrezikuar në Kosovë unë dhe fëmijët e mi. Jam i papunë. Nuk kam kurrfarë të ardhurash.

Fëmijët në shkollë kanë mësues disa njerëz të padijshëm që kanë blerë diploma. Kur sëmurën nuk kam ku t'i çojë te mjeku. Asnjë prej ilaçeve nuk mund t'i blejë", nis arsyetimin ai.

"Kjo nuk është ma e keqja. Më e keqja është se këto ditë u krijua Qeveria e re. Kryeparlamentar është rizgjedhur Kadri Veseli, i cili për nëntë vjet rresht ka drejtuar një shërbim sekret në mënyrë të paligjshme.

Raportet e ndryshme të publikuara në media thonë se shërbimi i tij ka kryer shumë krime, përfshirë vrasje" – vazhdon rrëfimin ai.

"Kryeministër i Kosovës është zgjedhur Ramush Haradinaj. Haradinaj ka luftuar për Kosovën dhe është njëri prej komandantëve më të zotë të luftës.

Por, pasluftës është raportuar se ka drejtuar një bandë të madhe që ka luftuar me banda tjera për ndarje të pasurisë dhe të mirave materiale" – vazhdon arsyetimin azilkërkuesi nga Kosova.

"Njerëzit e tij më të afërm kanë qenë në burg për vrasje. Të tjerë kanë kidnapuar njerëz për t'ju marrë para", – arsyetohet azilkërkuesi.

"Zëvendës i kryeministrit Haradinaj është Fatmir Limaj. Është i akuzuar për krim të organizuar, marrje ryshfeti, shpëlarje parash që lidhen me punën e tij si ministër i Transportit.

Kam lexuar në media se vetëm pagesat e avokatëve për t'u mbrojtur nga këto akuza kanë arritur mbi 2 milion euro" – arsyetohet më tej azilkërkuesi kosovar.Nga Vehbi Kajtazi-/Insajderi/

"Zëvendës tjetër i Haradinajt është Behgjet Pacolli, një biznesmen i suksesshëm në lindje. Kam lexuar në media se sa ishte zëvendëskryeministër disa vjet më parë, atij iu kërkuan 4 milion euro nga Ukë Rugova e Astrit Haraqija si haraç për të mos ia marrë një hotel në procesin e privatizimit. Tash, edhe Rugova edhe Haraqija janë pjesë e qeverisë bashkë me Pacollin", vazhdon tregimin azilkërkuesi.

"President e kemi Hashim Thaçin, i cili thuajse është i izoluar. Ai po hetohet nga Prokuroria Speciale dhe ka gjasa që të përfundojë në Hagë. Kam lexuar se prej ardhjes në pushtet, pasuria e tij dhe e familjes ka arritur në miliona euro" – vazhdon arsyetimin ai.

"A nuk janë këto arsye të mjaftueshme për të ma dhënë azilin? Unë nuk kthehem në Kosovë. Nuk kam kurrfarë sigurie për familjen. Jemi të rrezikuar" – arsyetohet ai.

Zyrtari gjerman dëgjon rrëfimin e azilkërkuesit.

"Pas një jave të japim përgjigje" – shton ai teksa përfundon intervistën me azilkërkuesin.

Një javë në jetë në kamp për azilkërkuesin nga Kosova është sa një vit. Jeton nën ethe se mos po i refuzohet azili dhe po riatdhesohet në Kosovë.

"Shteti gjerman ka vendosur që t'ju pranojë azilin… derisa në Kosovë të qeverisin njerëz që nuk ua rrezikojnë mirëqenien qytetarëve të vetë, por punojnë për ta" – thuhet në vendimin e autoriteteve gjermane. (Tregimi është fiksion i dalë prej zhvillimeve të fundit)-/Mesazhi/

The post Dhjetë arsye se pse kosovarët mund të fitojnë azilin në Gjermani appeared first on Mesazhi.com.

Disa këshilla për një jetë të lumtur

Posted: 07 Sep 2017 11:00 AM PDT

Do të ua paraqesim disa këshilla të cilat, me lejen e Allahut xh.sh, do të ua mundësojnë që të jetoni një jetë të qetë dhe të lumtur.

Andaj në mesin e shumë këshillave, kemi bërë përzgjedhjen e disa prej tyre, e që janë:

1-Suksese dhe shpëtim.

2- Vazhdo me kërkim falje derisa të e largoni djallin.

3- Mos pusho së luturi sepse lutja është litari i shpëtimit.

4- Bukuria e gishtërinjëve qëndron në shfrytëzimin e tyre për përkujtim(tesbih).

5- Mos harro se fjalët tuaja janë të shkruara nga Engjujtë.

6- Nëse të rëndohet jeta dhe të shtohen problemet atëherë mos harro të thuash"La ilahe ila Allah"(Nuk ka zot tjetër përveç Allahut xh.sh).

7- Bleje me lek lutjen e skamnorve dhe dashurinë e të varfërve.

8- Një sexhde me përkushtim, nënshtrim dhe sinqeritet është më e vlefshme se sarajet e kaltërta.

9- Mendo para se të nxjerrësh fjalën sepse disa prej tyre janë vrastare.

10- Ruaju dhe ki frikë nga lutja e atij që i është bërë padrejtësi dhe nga loti i atij që është privuar.

11- Para leximit të gazetave, revistave dhe librave lexoje Kuranin.

12- Bëju shkaktarë për udhëzimin e familjes tënde.

13- Luftoje vetën tënde, ballafaqoju me egon tënde për të qëndruar në rrugën e drejtë sepse egoja është udhëzues për të keq.

14- Puthu duart e prindërve tu që të fitosh kënaqësinë e tyre.

15- Rrobat tua të vjetëruara janë të reja për skamnorët.

16- Mos u hidhëro sepse jeta është më e shkurter sesa që e mendon ti.

17- Me ty është i Gjithëfuqishmi dhe Fuqiploti ( Allahu xh.sh ) andaj mos ia ke dronë askujtë përveç Tij.

18- Mos e mbyll derën e përgjigjës së lutjeve me mëkate.

19- Namazi është gjëja më e mirë që të ndihmon në tejkalimin e problemeve dhe sfidave.

20- Largojë mendimet negative që të qetësohesh dhe të ndjehesh mirë.

21- Shkak për çdo fatkeqësi, problem dhe sprovë është të larguarit nga Allahu xh.sh andaj afrohu drejt Tij.

22- Fal namaz sepse vetëm ai do të jetë shoqëruesi yt në varrë.

23- Nëse dëgjon dikë që po përgojon atëherë thuaj që ta ketë frikë Allahun xh.sh.

24- Vazhdo me leximin e Kaptinës Tebarek (El-Mulk )sepse ajo është shpëtimtare.

25- I privuar është ai që është privuar nga namazi me devotshmëri dhe loti nga frika ndaj Allahut xh.sh.

26- Mos u bëjë keq besimtarëve të pakujdesshëm.

27- Tërë dashurinë tënde bëjë për hir të Allahut xh.sh dhe Profetit të Tij s.a.v.s.

28- Fale atë që të ka përgojuar sepse ai të ka dhuruar mirësi.

29- Namazi, leximi i Kuranit dhe përkujtimi i Allahut xh.sh janë lule në gjoksin tënd.

30- Kush e kujton nxehtësinë e zjarrit do të jetë prej shuajësve të mëkateve.

31- Përderisa nata largohet atëherë edhe sprovat do të largohen, dhimbjet do të shuhen dhe brengat do të lehtësohen.

32- Largohu nga thashethemat sepse ke punë sa kodrat.

33- Falu me përkushtim sepse çdo gjë që është duke të pritur është më me pak vlerë sesa namazi.

34- Vëndose Kuranin afër kokës tënde sepse leximi i një citati prej tij është më e vlefshme se bota dhe çka ka në të.

35- Jeta është e  bukur por më e bukur në të është ti dhe besimi ytë.

Ndërsa më e mirë se krejtë këto që cekëm më lartë është fjala e Profetit s.a.v.s ku thotë"Thuaj: Kam besuar në Aallahun xh.sh, e pastaj vazhdo".Dr Aid El Karnij-Perktheu Artan Musliu-/Mesazhi/

The post Disa këshilla për një jetë të lumtur appeared first on Mesazhi.com.

Diego Costa afër huazimit te Fenerbahçe

Posted: 07 Sep 2017 10:29 AM PDT

Sulmuesi i Chelseat, Diego Costa, raportohet se është shumë afër huazimit te ekipi turk Fenerbahçe.

Gjatë tërë verës ishte raportuar se Costa pas mosmarrëveshjeve me Antonio Conten, po kërkonte transferimin te Atletico Madridi dhe pak para kalimit në Spanjë, ai do të huazohet te gjiganti turk.

Sipas gazetës turke Hurriyet, Costa do të fluturojë për në Turqi për të kompletuar huazimin një ditë para se të mbyllet afati kalimtar në ligën turke.

The post Diego Costa afër huazimit te Fenerbahçe appeared first on Mesazhi.com.