Home » » Mesazhi.com: “Cilët persona e kanë të ndaluar konsumimin e hudhrës…” plus 9 more

Mesazhi.com: “Cilët persona e kanë të ndaluar konsumimin e hudhrës…” plus 9 more

Mesazhi.com: “Cilët persona e kanë të ndaluar konsumimin e hudhrës…” plus 9 more

Cilët persona e kanë të ndaluar konsumimin e hudhrës…

Posted: 30 Sep 2017 02:00 PM PDT

Për shumë vite, hudhra, përdoret si mjet terapeutik për shumë sëmundje, dhe së fundmi janë zbuluar dhe vetitë e saj mbrojtëse ndaj sëmundjeve të zemrës, tumoreve si dhe efekte antibakteriale të fuqishme.

Lidhjet e sulfurit dhe, konkretisht, substance alisinë, duket se janë përgjegjëse për vetitë e saj.

Por kush nuk duhet ta përdor hudhrën?

Gratë shtatzëna dhe ato që ushqejnë fëmijën me gji: Hudhra është e sigurt për t'u përdorur gjatë shtatzënisë kur merret në sasitë që normalisht gjenden në ushqim.

Hudhra është e paqëndrueshme kur përdoret në sasi medicinale gjatë shtatzënisë dhe gjatë ushqyerjes së foshnjës me gji.

Nuk ka mjaftueshëm informacione të besueshme për sigurinë e aplikimit të hudhrës në lëkurë nëse jeni shtatzënë ose gjatë ushqyerjes me gji. Prandaj, për të qenë më të sigurta, mos e përdorni.

Fëmijët: Hudhra është disi e sigurt kur merret me anë të gojës dhe në mënyrë të përshtatshme për një afat të shkurtër tek fëmijët. Sidoqoftë, hudhra mund të jetë e dëmshme kur merret me gojë në doza të larta.

Disa të dhëna sugjerojnë se doza të larta të hudhrave mund të jenë të rrezikshme apo edhe fatale për fëmijët. Arsyeja për këtë paralajmërim nuk dihet.

Të paktën deri tani nuk është raportuar ndonjë rast fatal tek fëmijët nga konsumimi i hudhrës. Kur aplikohet në lëkurë, hudhra mund të shkaktojë plagë të ngjashme me djegien.

Çrregullime të gjakderdhjes: Hudhra, veçanërisht ajo e freskët, mund të rrisë rrezikun e gjakderdhjes.

Probleme të stomakut ose tretjes: Hudhra mund të irritojë traktin gastrointestinal (GI). Përdoreni me kujdes nëse keni probleme me stomakun ose tretjen.

Tensioni i ulët i gjakut: Hudhra mund të ulë tensionin e gjakut. Në teori, konsumimi i hudhrave mund të bëjë që tensioni i gjakut të bëhet shumë i ulët tek njerëzit me tension të ulët të gjakut.

Kirurgjia: Hudhra mund të zgjasë gjakderdhjen dhe të ndërhyjë në presionin e gjakut. Ndaloni marrjen e hudhrave të paktën dy javë para një operacioni të planifikuar./Mesazhi/

The post Cilët persona e kanë të ndaluar konsumimin e hudhrës… appeared first on Mesazhi.com.

Dieta mrekullibërëse me grejpfrut dhe vezë

Posted: 30 Sep 2017 01:00 PM PDT

Dieta për humbjen e kilogramëve të tepërt që ju sjellim në vazhdim mund të duket e çuditshme dhe aspak e ngjashme me ato që jemi mësuar të dëgjojmë.
Por, dieta e fundit që është parë të ketë rezultate të mrekullueshme në humbjen e peshës në mënyrë natyrale dhe të shëndetshme si dhe pa efekte anësore është ajo e grejpfrutit dhe vezëve.

 

Si grejpfruti ashtu edhe vezët janë të njohura për efektin e shkrirjes së dhjamit.Kur ju të shtoni vezë, ju do të shtoni proteina në dietën tuaj.

Vezët përmbajnë kalori që ju duhet për të mbajtur nivelet e energjisë të mjaftueshme për të vazhduar në lidhje me detyrat tuaja të përditshme, ndërsa grejpfruti është gjithashtu efektiv për shkak se në përgjithësi është i shëndetshëm.

Grejpfrut ndihmon për të ulur kolesterolin nëse hahet rregullisht dhe gjithashtu do të ndihmojë për të eliminuar çdo yndyrë të tepruar si dhe ulë dëshirën për gjëra të ëmbla.

Si ta zbatoni këtë dietë:

Së bashku me grejpfrutat ju duhet të hani 5-9 çdo ditë. Nëse ju zgjidhni të konsumoni vetëm të  bardhën e vezës, kjo do të thotë që ju do të digjni më pak kolesterol, por vezët e plota kanë përfitime të tjera shëndetësore.

Në qoftë se ju mund të përballoni, mos hani vezë të skuqura ose të fërguara. Në vend të skuqjes, ju zieni ato.

Ndërsa në këtë dietë, ju jeni të lirë për të pirë ujë sa ju të dëshironi. Gjithashtu preferohet që të pini  2 filxhan çaj jeshil çdo ditë. Duke pirë çaj jeshil një herë në mëngjes dhe një herë në mbrëmje, ju i ndihmoni metablizimit tuaj.

Rezultatet:

Varësisht sa strikt tregoheni, kjo dietë e tregon edhe suksesin e saj. Gjithashtu zgjedhja juaj sa ditë vendosni të mbani këtë dietë, është një faktor tjetër I rëndësishëm në suksesin e saj.

Dieta nuk preferohet të mbahet më gjatë se një javë. /Mesazhi/

The post Dieta mrekullibërëse me grejpfrut dhe vezë appeared first on Mesazhi.com.

Shkup, ja si u shenua sot tradita e “Ashures”

Posted: 30 Sep 2017 12:36 PM PDT

Në Çarshinë e vjetër të Shkupit, me rastin e muajit Muharrem, sot u bë shpërndarja e ashures për qytetarët, raporton Anadolu Agency (AA).

Në aktivitetin e shpërndarjes së ashures që organizohet në mënyrë tradicionale për 12 vite me radhë nën kryesimin e Komunës së Bursa-s në Turqi dhe të Komunës së Çairit, nga Organizata humanitare El Hilal dhe Shoqata Kulturore Ensar, morën pjesë Ambasadorja e Republikës së Turqisë në Shkup, Tülin Erkal Kara, Drejtori i Çështjeve Sociale dhe të Shërbimeve Edukative të Komunës së Bursa-s, Ibrahim Kahraman dhe delegacioni shoqërues, kryetari i organizatës El Hilal Behixhuddin Shehabi, kryetari i Shoqatës Ensar Sulejman Baki si dhe qytetarë nga Shkupi.

Gjatë fjalimit të tij nga komuna e Bursa-s, Kahraman duke i përcjellur përshëndetjet e kryetarit të komunës së Bursa-s, Recep Altepe, tha se aktiviteti i shpërndarjes së ashures në Shkup organizohet për të 12 vit me radhë.

Duke vënë në dukje se aktivitetet e tilla do t'i vazhdojnë në shtetet e Ballkanit si në Bosnjë e Hercegovinë, Hungari, Mal të Zi dhe Shqipëri, Kahraman tha se "Ne ndjejmë lumturi për të qenë këtu me vëllezërit tanë. Në këtë muaj të bekuar, në muajin Muharrem, ndjejmë kënaqësinë e të qënit së bashku dhe të ndarjes së ndihmës. Nga këtu dua të shpreh se edhe pas kësaj, përsëri në vitet e ardhshme do t'i vazhdojmë aktivitetet tona të ashures".

Kryetari i organizatës humanitare El Hilal, Shehabi tha se me rastin e muajit Muharrem do të shpërndajnë për 4 mijë persona nga 10 kazanë me ashure.

Duke falënderuar Komunën e Bursa-s për mbështetjen e dhënë për organizimin e këtij aktivitetim Shehabi tha se "Është obligim i ynë mbrojtja e vlerave të historisë sonë të lavdishme, në kuadër të fesë së shenjtë Islame e cila ka ardhur me sundimin e civilizimit Osman me vite të tëra, ose me qindra vite, në këto toka multikulturore dhe multifetare ku jetojmë".

Ndërsa kryetari i Shoqatës Ensar, Baki tha se dita e dhjetë e muajit Muharrem ka rëndësi të madhe për historinë Islame dhe të njerëzimit.

Ai tha se qëllimi këtu është të përjetësohet bashkimi, vëllazëria, dashuria dhe paqja.

Pas fjalimeve u bë shpërndarja e ashures për të pranishmit ndërsa pati edhe program kulturo-artistik.

The post Shkup, ja si u shenua sot tradita e “Ashures” appeared first on Mesazhi.com.

Horror në Britani, 5 agresione me thikë brenda pak orësh

Posted: 30 Sep 2017 12:04 PM PDT

Britania ka përjetuar një natë tmerri për shkak të 5 sulmeve me thikë të verifikuara brenda pak orëve në qytete të ndryshme, të cilat kanë lënë 2 persona të vdekur dhe shumë të plagosur.

Një nga viktimat, 21 vjeç, humbi jetën në Mançester, ku dy gra mbetën të plagosura. Në lindje të Londrës, një hetim kriminal është hapur pasi një tjetër djalë 21-vjeçar mbeti i vrarë në një sulm me thikë.

Në Shefilld 5 persona u sulmuan me thikë në dy ngjarje të ndryshme por të lidhura me njëra-tjetrën në qendër të qytetit.

Ndërsa në Birmingam, një 14-vjeçar po lufton për jetën në spital, ku u transportua pasi u gjet i plagosur me thikë jashtë një xhamie në orët e para të mëngjesit të së shtunës.

Disa nga agresionet kanë ndodhur pas sherresh të nisura në klube nate, me autorët që kanë sulmuar edhe forcat e policisë kur këto të fundit kanë mbërritur në vendngjarje.

Lidhur me sulmet janë arrestuar 4 persona, të moshave nga 19 në 24 vjeç, të akuzuar për plagosje, prishje të rendit publik dhe mbajtje të armëve të ftohta.

The post Horror në Britani, 5 agresione me thikë brenda pak orësh appeared first on Mesazhi.com.

Ja disa gjëra që nuk duhet t’ia ndaloni fëmijës

Posted: 30 Sep 2017 11:00 AM PDT

Psikologët mendojnë se kufizimet e bëjnë një fëmijë të ndihet më i sigurt dhe më i qetë. Sidoqoftë, kufizime të caktuara mund të bëjnë pikërisht të kundërtën, duke ngadalësuar zhvillimin e tyre.

Disa gjëra që duhet t'i lejoni fëmijës suaj të bëjë. Ne premtojmë se do të jetë dhurata më e mirë për ta.

Të bëjë pyetje

Një fëmijë rritet dhe mëson për botën, duke bërë shumë pyetje. Mund të jetë e vështirë për prindërit t'u përgjigjet të gjithave në mbrëmje kur janë të lodhur, por koha cilësore me fëmijët tuaj, jo vetëm që i ndihmon ata të zhvillohen, por krijon një lidhje të fortë midis jush dhe fëmijës.

Të qajë

Fëmijët e vegjël ndiejnë gjithçka shumë më gjallërisht se të rriturit. Mos e ndaloni  të voglin tuaj tuaj të qajë! Është më mirë t'i ndihmosh ata të kuptojnë pse po qajnë dhe të gjejnë një mënyrë për të ndaluar.

Të jenë lakmitarë

Fëmija juaj ka të drejtë të ketë gjërat e tij, ashtu si të rriturit. Asnjëherë mos i bëni të turpërohen pse tregohen "të babëzitur".

Jo për çdo gjë duhet t'i thoni jo

Është e vërtetë që fëmijët kërkojnë shumë gjëra. Por kjo nuk do të thotë që për çdo kërkesë të tyre t'i thoni jo. Në vend të kësaj, përpiquni të gjeni një marrëveshje ose një mënyrë për të shpjeguar pse ata nganjëherë duhet të bëjnë atë që nuk duan.

Të jenë të zhurmshëm

Mos ua prishni fëmijërinë. Lërini të këndojnë këngë dhe të bëjnë zhurmë. Kjo është periudha e vetme e jetës së tyre, kur ata janë të lirë të sillen kështu.

Të kenë frikë

Fëmijët e vegjël mund të frikësohen nga një mjek ose nga një i afërm i çuditshëm, dhe kjo është mirë. Mos u turpëroni që kanë frikë, por i bëni të kuptojnë se nuk ka asgjë të keqe të jenë të frikësuar.

Të mbajnë sekrete

Sa më shumë të rritet fëmija, aq më shumë ka nevojë për privatësinë e tij. Ju duhet të dini se çfarë po ndodh në jetën e tyre, por sigurohuni që mos ta tejkaloni.

Të ndjejnë zemërim apo xhelozi

Një fëmijë është gjithashtu një person dhe ka të drejtë të ketë ndjenja negative. Mos harroni se fuqia e tyre e vullnetit nuk është ende e fortë dhe ata kanë probleme në kontrollin e tyre.

Të bëjnë gabime

Askujt nuk i pëlqen të bëjë gabime, dhe është edhe më keq kur një i rritur ju qorton për ta. Nuk është çudi që një fëmijë nuk do të dëshirojë të bëjë asgjë më vete pas kësaj./Mesazhi/

The post Ja disa gjëra që nuk duhet t'ia ndaloni fëmijës appeared first on Mesazhi.com.

Tomë Gashi: Nuk e kam rrahur gruan

Posted: 30 Sep 2017 09:54 AM PDT

Avokati Tomë Gashi ka mohuar një lajm se e ka rrahur gruan. Ka thënë se është rren dhe shpifje.

"Është rren. Është gënjeshtër", ka thënë Gashi. Gashi ka thënë se s'ka pasur kurrfarë problemesh me bashkëshorten.

Ndërkohë, sipas Klan Kosovës, avokati Tomë Gashi dyshohet se ka sulmuar fizikisht bashkëshorten e tij të enjten në mbrëmje.

Burime të Klan Kosova marrin vesh se gruaja e avokatit Gashi, B.G. është paraqitur në polici për ta paraqitur rastin e ushtrimit të dhunës ndaj saj. Rastin e dhunës e ka konfirmuar edhe Policia e Kosovës në raportin e fundit 24 orësh.

"Ankuesja femër shqiptare ka raportuar se është sulmuar fizikisht nga bashkëshorti  i saj. Në lidhje me rastin është intervistuar i dyshuari mashkull shqiptar dhe është njoftuar prokurori kompetent. Nuk raportohet për të arrestuar", thuhet në raport duke iu referuar rastit në fjalë.

The post Tomë Gashi: Nuk e kam rrahur gruan appeared first on Mesazhi.com.

Përloti deputetët, kush është vajza me dy diploma, që krijoi fermën e dhive

Posted: 30 Sep 2017 09:36 AM PDT

Rigerta Loku mbajti një fjalim të pazakontë nga foltorja e Kuvendit. Ajo tregoi problematikat e zonave malore dhe fshatrave shqiptarë, teksa kërkoi nga politika të mos i neglizhojnë, e t'u kushtojnë më tepër vëmendje. Por, vajza nga Mirdita nuk është e panjohur. Ajo ka një histori interesante. E diplomuar në Itali, nënë e dy fëmijëve, u rikthye në fshat dhe krijoi në fermë dhish. Më poshtë, po sjellim shkrimin e plotë, botuar nga BIRN.

Pasi studioi shkenca politike në Romë, Rigerta Loku u kthye të bëjë një ndryshim në vendlindjen e saj, por dyert e mbyllura prej politikës e shtynë drejt një "karriere" të re si fermere.

Kur vendosi të kthehej në Shqipëri, me një diplomë të "La Sapienza-s" në duar, Rigerta Loku nuk e çoi ndërmend, se vendlindja do ta sfidonte me një të ardhme si fermere. Vajza nga Rubiku u kthye nga Italia gjashtë vjet më parë, pasi studioi shkenca politike në universitetin prestigjoz të "La Sapienza-s" në Romë dhe u specializua për marrëdhënie ndërkombëtare; dy diploma që i jepnin sigurinë se mund të ndërtonte një karrierë në qytetin e saj të lindjes në Veri të Shqipërisë.

"Besoja se nuk do e kisha të vështirë të gjeja një punë, veçanërisht në Rubik, kur të gjithë synonin të vinin në Tiranë," – kujton 34-vjeçarja, Rigerta Loku.

Megjithatë, realiteti ishte larg përfytyrimit të saj. Rigerta Loku i tha BIRN, se e dërgoi CV-në në disa institucione të pushtetit vendor në Rubik dhe në Rrëshen, por iu kthye mbrapsht pa asnjë shpjegim. Ëndrrat e saj për të bërë një ndryshim në vendlindje u thyen në mes.

E papunë dhe me familje të sapokrijuar, Rigerta mësoi shpejt arsyen e refuzimit, edhe pse askush nuk ia tha hapur.

"Të zgjedhurit e partisë e dinin fort mirë, që unë dhe Nardi (bashkëshorti) nuk ishim militatë dhe nuk votonim për ta," – thotë Loku.

Para ofertës për t'u rreshtuar politikisht, Rigerta Loku dhe bashkëshorti i saj, Leonard Tusha zgjodhën rrugën më të vështirë. Me paratë e kursyera në Itali, ata vendosën të ndërtojnë fermën e tyre larg qytetit dhe politikës dhe gjashtë vite më pas, janë krenarë që ia kanë dalë.

Ferma e Rigerta Lokut dhe Leonard Tushës gjendet në fshatin Prosek, mes gjelbërimit dhe maleve të Mirditës. Fshati shtrihet 6.5 kilometra larg qytetit të Rrëshenit, por rruga mund të përshkohet vetëm me një automjet të lartë 4×4 në një urdhëtim të vështirë, që të merr më shumë se 40 minuta.

Mungesa e rrugës, e energjisë dhe e ujit kanë sjellë largime masive në fshatin, që dikur numëronte 1500 banorë. Shumica e shtëpive janë të braktisura, ndërsa të zotët nuk kanë mundur t'i shesin as për 100 mijë lekë.

Në Prosek, Rigerta Loku dhe bashkëshorti i saj kanë ndërtuar fillimisht një kasolle në pronat e babait, në vitin 2010 dhe blenë disa dhi rrace. Vendimi i tyre i habiti jo pak banorët e zonës, të cilët nuk ua kursyen të tallurat dhe paragjykimet.

"Ka dy diploma dhe tani po ruan dhitë – dëgjoja shpesh pas krahëve," – kujton Loku. "Por ne jemi të lumtur këtu. Arrijmë të sigurojmë një jetesë normale dhe mbi të gjitha jemi të pavarur," – shton ajo.

Ideja për zhvillimin e fermës u frymëzua nga tradita e zonës, e cila sot është lënë në harresë. Rigerta Loku thotë se e dinte që ndryshe nga e shkuara, zona kishte sot mungesë të djathit të dhisë.

Për këtë arsye vendosën që paratë e kursyera nga puna në Itali, t'i investonin në fermën e dhive, gjashtë vite të shkuara. Sot, burrë e grua e kanë shtuar tufën e tyre në 500 krerë, ndërsa kanë hapur edhe një dyqan të vogël në Rubik, ku tregtojnë mish të freskët keci dhe djathë dhie të përpunuar në fermën e tyre.

Për punët e shumta në fermë, Rigerta dhe Leonardi kanë punësuar disa banorë të zonës, ndërsa prindërit e Leonardit i ndihmojnë për rritjen e dy vajzave.

Zgjerimi i fermës deri në prodhimin e një produkti që do të mbajë emrin e tyre është ëndrra e re e dy bashkëshortëve. Për të realizuar këtë synim, Leonard Tusha ka nisur studimet në Universitetin Bujqësor të Kamzës.

Pas orëve të studimit, ai nxiton pasditeve drejt fermës për t'u kujdesur për bagëtitë. Leonardi tregon se zona është e vështirë dhe problemet nuk mungojnë, ndaj atij i duhet të përballet që nga vjedhjet e deri tek mbrojtja e bagëtive nga kafshët e egra.

"Duhet të jesh vetë këtu e t'u qëndrosh punëve mbi kokë, ndryshe atë, që e ke ngritur për një kohë të gjatë, të rrënohet brenda ditës," – thotë ai.

Gjashtë vjet pas rikthimit, Rigerta Loku është përshtatur si me jetën në fermë, ashtu edhe me kulturën e përgjithshme të pafuqisë për të ndryshuar rendin e gjërave në Shqipëri. Megjithatë, ajo dhe bashkëshorti i saj ndjehen krenarë për kurajon, që patën për të ndryshuar jetën e tyre.

"Unë nuk do të kem fuqinë të ndryshoj Shqipërinë, as pushtetarët tanë, por kam fuqinë të  ndërtoj mikrobotën time këtu, pa i shtrirë dorën kujt dhe me dinjitet," – përfundon Loku./Nga Lindita Çela

The post Përloti deputetët, kush është vajza me dy diploma, që krijoi fermën e dhive appeared first on Mesazhi.com.

Turqi, daja dhe nipi lindin në të njëjtën ditë, por e vecanta janë emrat e tyre

Posted: 30 Sep 2017 09:29 AM PDT

Nëna Siriane, 42 vjeç, dhe e bija, 21 vjeç, kanë lindur fëmijët e tyre në të njëjtën ditë në mëngjesin e djeshëm.

Fëmijët – dajë e nip lindën në orët e hershme në një spital në Turqi. Familja e tyre u largua nga Siria 3 vite më parë për shkak të luftës, dhe kur ishin në Turqu zbuluan se ishin shtatzënë, dhe në të njëjtën javë.

Dy djemtë e porsalindur quhen Recep dhe Tayyip, njëjtë si dy emrat e parë të presidentit të Turqisë, Recep Tayyip Erdogan.

Mjeku i cili është kujdesur për lindjen ka thënë se ishte një mrekulli që nënë e bijë kishin lindur në të njëjtën ditë dhe në gjithë karrierën e tij si mjek nuk kishte dëgjuar asnjëherë më parë të ndodhte kjo rastësi.

The post Turqi, daja dhe nipi lindin në të njëjtën ditë, por e vecanta janë emrat e tyre appeared first on Mesazhi.com.

Edhe CNN raporton për përleshjen në mes të Krasniqit e Zekës

Posted: 30 Sep 2017 09:08 AM PDT

Përleshja në mes të Frashër Krasniqit dhe Milaim Zekës, dy deputetëve kosovarë, ka bërë jehonë në gjithë botën.

Për duelin fizik që ndodhi në emisionin INFO LOKALE në Klan Kosova pos mediave ballkanike ka raportuar edhe CNN Turk, një ndër televizionet më të mëdha në botë.

Në shkrimin për këtë rast CNN Truk shkruan se si rrodhi ngjarja dhe se u desh të ndërhyjë stafi teknik i emisionit për ta ndërprerë përleshjen, njofton Klan Kosova.

Lajmin e kanë publikuar edhe shumë media të tjera në Turqi si Haber Turk, Dogan News Agency, e të tjera.

The post Edhe CNN raporton për përleshjen në mes të Krasniqit e Zekës appeared first on Mesazhi.com.

Si të kërkoni një favor?

Posted: 30 Sep 2017 09:00 AM PDT

Gjithsecili ofron favore në situata të ndryshme të jetës së tij, nëse dikush mban derën hapur dhe ju ndihmon, apo ju prezanton një klient të mundshëm në punë, do të thotë se po ju bën nder.

Por, të kërkosh favore të mëdha është disi e sikletshme. Nëse do t'ju duhet ndihma e dikujt në të tilla raste, atëherë ndiqni këto hapa.

1. Përgatisni terrenin

Tregohuni të qartë për natyrën e kërkesës tuaj. Fraza, "më duhet t'ju kërkoj një favor", nënkupton një kontratë në bazë të së cilës ju do t'ju duhet ta ktheni këtë favor.

2. Shpjegoni arsyet

Përgjithësisht njerëzve ju pëlqen të dinë arsyen përse po ju kërkohet të bëjnë një nder. Thënia "A mund të merresh ti me atë, apo këtë takim?" është më pak efektive se sa "A mund të merresh ti me këtë mbledhje, sepse unë kam një tjetër dhe nuk duhet të mungoj?".

3. Jepni rrugëdalje

Asnjëri nuk ndihet mirë nëse e detyrojnë të bëj diçka të padëshiruar. Bëjini të ditur personave që po i tregoni edhe një rrugëdalje duke i thënë. "në qoftë se nuk mundeni, e kuptoj shumë mirë", apo "e di që jeni i zënë"./Mesazhi/

The post Si të kërkoni një favor? appeared first on Mesazhi.com.