Home » » “47 vjeçari i virgjër punonjës i administratës, kërkon grua tek ‘Aldo Morning Show’ (Video)” plus 9 more Lajmi i Fundit

“47 vjeçari i virgjër punonjës i administratës, kërkon grua tek ‘Aldo Morning Show’ (Video)” plus 9 more Lajmi i Fundit

“47 vjeçari i virgjër punonjës i administratës, kërkon grua tek ‘Aldo Morning Show’ (Video)” plus 9 more Lajmi i Fundit

47 vjeçari i virgjër punonjës i administratës, kërkon grua tek ‘Aldo Morning Show’ (Video)

Posted: 06 Sep 2017 07:33 AM PDT

Një kërkesë e çuditshme është dëgjuar në emisionin e mëngjesit nga një punonjës i administratës.

"Jam nga Tirana, jam i virgjër, jam i interesuar për një vajzë të mirë", kjo ishte kërkesa e Fatmirit në "Aldo Morning Shoë".
47-vjeçari tha gjatë telefonatës se nuk ka qenë i martuar më parë, punon në shtet, por nuk bëri të ditur vendin dhe profesionin.

Ai tha se nuk ka ndonjë preferencë nga ato që kanë telefonuar më parë dhe sqaroi se nuk është martuar për shkak se për një periudhë të gjatë ka jetur jashtë shqipërisë në emigracion./tvklan.al

The post 47 vjeçari i virgjër punonjës i administratës, kërkon grua tek ‘Aldo Morning Show’ (Video) appeared first on Lajme | Lajmi i Fundit | Lajmet | informacion shqip, gazeta online.

Vdekja e Enver Hoxhës një tragjedi në atë kohë, publikohet video sesi Shqipëria qau për të

Posted: 06 Sep 2017 07:27 AM PDT

Më 11 prill 1985 Shqipëria u fut në zi pasi lideri i komunist Enver Hoxha mbylli sytë përgjithmonë.

Por edhe pse Shqipëria për shkak të regjimit pothuajse gjysmë shekullor të Hoxhës u bë një nga shtetet më të varfra në botë, sërish për vdekjen e tij shqiptarët ishin gati të shkulnin edhe flokët.

Për shqiptarët vdekja e Enver Hoxhës, nuk nënkupton edhe ikje nga zemrat e tyre.
Duke premtuar besnikëri në rrugën e tij dhe partisë./gazetaekspres

Video e rrallë: Vdekja "e xhaxhit"; tragjikomedia shqiptare

Posted by Made in Albania on Montag, 4. September 2017

The post Vdekja e Enver Hoxhës një tragjedi në atë kohë, publikohet video sesi Shqipëria qau për të appeared first on Lajme | Lajmi i Fundit | Lajmet | informacion shqip, gazeta online.

Youtube po mbyll faqen që bënte konvertimin e videove

Posted: 06 Sep 2017 07:14 AM PDT

Faqja YouTube-MP3.org për konvertimin e incizimeve në formatin MP3, do të shuhet pas një viti të kontestit gjyqësor.

Ky shërbim iu mundësonte përdoruesve që të konvertojnë videot në audio mp3 dhe ishte plotësisht falas, dhe çdo konvertim kryhej për disa minuta, transmeton KosovaPress.

Por, vitin e kaluar YouTube-MP3.org doli në gjyq pas akuzave të kompanive Capitol Records, Warner Bros, Records dhe Sony Music Entertainment.

TorrentFreak transmeton se faqja do të shuhet.

The post Youtube po mbyll faqen që bënte konvertimin e videove appeared first on Lajme | Lajmi i Fundit | Lajmet | informacion shqip, gazeta online.

Artan Fuga reagon pas dorëheqjes së nënkryetarit të Akademinë së Shkencave

Posted: 06 Sep 2017 07:14 AM PDT

Nënkryetari i sapozgjedhur i Akademisë së Shkencave, akademiku Myzafer Korkuti ka dhënë sot dorëheqjen nga posti në të cilin u zgjodh vetëm së fundi me votën e anëtarëve.

Për këtë ka reaguar akademiku Artan Fuga, i cili në një shkrim për "Panorama", thotë:
"Unë i kërkoj ndjesë Profesorit që pa dashjen time, në kërkim të rrugëve për ta nxjerrë nga kriza dhe farsa Akademinë e Shkencave, unë e kam ndofta lënduar anashkalimthi edhe atë, duke bërë çfarë kam pasur në dorë të evitoj konfuzionin e njeriut me institucionin.

Por, duke theksuar gjithnjë se nuk kam pasur asgjë personale me të as me një njeri tjetër, dhe duke i shprehur respektin tim më të veçantë!"

 

 

REAGIMI I PLOTE PER "PANORAMA":
Lidhur me dorëheqjen e nënkryetarit të Akademisë të Shkencave!
Mësojmë se nënkryetari i Akademisë të Shkencave të Republikës të Shqipërisë sapo ka dhënë dorëheqjen!
Me këtë rast unë përulem me respekt për profesor Myzafer Korkutin duke e risiguruar atë sikurse kam bërë cdo ditë dhe çdo orë të këtyre ditëve me debate dhe tensione të mëdha për të ardhmen e Akademisë, pa e humbur kurrë torruan dhe respektin, se unë vlerësoj maksimalisht kontributin e tij prej disa dekadash si shkencëtar dhe edhe më shumë edhe si menaxher i agjencive kërkimore shkencore të vendit.
Në vitin 2008, në krye të një auditi shkencor në institutet e atëhershme akademike, ku gjetëm një gjendje katrahure e cila është pasqyruar me detaje në raportet e kohës, vetëm në Institutin e arkeologjisë të drejtuar nga Profesor Myzafer Korkuti gjeta ekselencën ku ndihej dora e tij.
Fondet e cmuara edhe në ditët më të këqia atje u ruajtën dhe u siguruan. Atje ndihej dora e Tij!
Unë përulem sinqerisht para atij brezi shkencëtarësh, duke shpresuar se shkenca shqiptare që prej kohësh lëngon dhe e ka humbur shkëlqimin e vet për një mijë arësye që nuk varen nga Profesori, do të dijë të ngrihet. Dhe shpejt madje!
Unë uroj që profesor Korkuti të ketë krijimtari të gjatë dhe kontribut energjik brenda një asambleje akademikësh, e cila ka mundësi t'i gjejë të gjitha rrugët për t'ja hequr vellon e dështimit institucionit!
Unë i kërkoj ndjesë Profesorit që pa dashjen time, në kërkim të rrugëve për ta nxjerrë nga kriza dhe farsa Akademinë e Shkencave, unë e kam ndofta lënduar anashkalimthi edhe atë, duke bërë çfarë kam pasur në dorë të evitoj konfuzionin e njeriut me institucionin. Por, duke theksuar gjithnjë se nuk kam pasur asgjë personale me të as me një njeri tjetër, dhe duke i shprehur respektin tim më të veçantë!
Akademia ka etikën e vet universale!
Mënçuria e profesor Korkutit duhet të ndricojë pjesën tjetër të kryesisë për të dhënë dorëheqjen dhe hapur rrugë për transformim dhe reformime të cilat këto vite fatkeqësisht nuk janë kuptuar, janë penguar dhe madje në raste të ndryshme të përsëritura janë censuruar.
Produkti i Akademisë të Shkencave sot është artificial, fiktiv dhe i padobishëm në një masë shumë të madhe, pa futur gjithçka në një kategori!
Asnjë institucion nuk mund të shpërblehet për një punë të pabërë dhe me rezultat gënjeshtar!
As loja me emrat e akademikë të mëdhenj, as politizimi i cështjes, as manipulimet me emrin e Agollit të madh nuk legjitimojnë gjë. Gabimet dhe vonesat janë të pafalshme!
Unë vazhdoj të them se as nuk mund të nisi një proces i vërtetë reformimi nëse paraprakisht nuk do të realizoheshin masat e menjëhershme:
1. Dorëheqje e të gjithë kryesisë të rizgjedhur.
2. Administrim i përkohshëm me kompetenca të kufizuara nga ana e sekretarit shkencor.
3. Transparenca e figurës të Akademikut sipas kërkesës të bërë nga kryesia e kaluar.
4. Auditim i përdorimit të burimeve njerëzore, materiale dhe financiare të Akademisë të Shkencave nga ana e oraganeve ministeriale dhe jo vetëm.
Vetëm atëhere mund të konsiderohet se pika e 5, pra
5. Ngritja e një komisioni të përkohshëm reformimi, mund të kishte vlerë dhe të niste një punë të pastër, të sinqertë, të thellë, dhe efikase!
Përndryshe farsa do të transformohej në një farsë të farsës!

 

 

The post Artan Fuga reagon pas dorëheqjes së nënkryetarit të Akademinë së Shkencave appeared first on Lajme | Lajmi i Fundit | Lajmet | informacion shqip, gazeta online.

Zbulohet super-cmimi i iPhone 8, ja sa do të kushtojë

Posted: 06 Sep 2017 07:11 AM PDT

Kompania Apple po përgatitet që më 12 shtator të prezantojë pajisjen e shumëpritur, por njëherësh edhe iPhone më të shtrenjtë deri më tash

Informacionet, të cilat deri më tash kanë rrjedhë në publik, kanë zbuluar se iPhone 8 do të kushtojë 999 dollarë. Kjo është e saktë, por sipas informacioneve më të reja ky do të jetë çmimi më i ulët.

Në fakt, sikur deri më tash, Apple do të prezantojë iPhone e ri në tri variante të ndryshme – me 64, 256 dhe 512 gigabajt.

Ja si duken çmimet përfundimtare: 64 GB: 999 dollarë 256 GB: 1099 dollarë 512 GB: 1199 dollarë.

The post Zbulohet super-cmimi i iPhone 8, ja sa do të kushtojë appeared first on Lajme | Lajmi i Fundit | Lajmet | informacion shqip, gazeta online.

Aksident automobilistik te Fresku, plagosen 3 persona, njëri prej tyre u bllokua në makinë

Posted: 06 Sep 2017 06:56 AM PDT

Një aksident automobilistik me pasojë plagosjen e tre personave është raportuar në zonën e Freskut ditën e sotme.

Mësohet se dy vajza dhe një djalë u lënduan, por fatmirësisht janë jashtë rrezikut për jetën. Sipas të dhënave, dy makina u përplasen rëndë me njëra- tjetrën.

Po ashtu, mësohet se u desh ndërhyrja e forcave zjarrëfikëse për të nxjerrë një prej të plagosurve, i cili kishte mbetur i bllokuar brenda mjetit.

 

Ndërkohë policia ndodhet në vendngjarje dhe po punon për sqarimin e rrethanave të ngjarjes.

The post Aksident automobilistik te Fresku, plagosen 3 persona, njëri prej tyre u bllokua në makinë appeared first on Lajme | Lajmi i Fundit | Lajmet | informacion shqip, gazeta online.

Jahti me 4 ton drogë, zbardhet detajet e para për organizimin e shqiptarëve

Posted: 06 Sep 2017 06:40 AM PDT

Rezultohet se tri shqiptarët që u kapën me gati 4 tonë hashash në një jaht në brigjet italiane, janë banues në Durrës dhe Tiranë.

Për shkak të sekretit hetimor, policia rezervohet të japë identitetin e tyre dhe moshën, por Top Channel ka mësuar se 3 personat në fjalë kanë hyrë në territorin malazez ditën e hënë. Pikërisht nga ky shtet dyshohet të jetë nisur edhe mjeti lundrues luksoz, i mbushur me drogë, i cili mendohet të jetë marrë më qira.

Jahti me flamurin amerikan është pikasur nga Guardia di Finanza italiane në ujërat territoriale në zonën e Viestes dhe pas ndjekjes dhe me suport ajror është bërë i mundur bllokimi i tij në det.
Paraprakisht, rezulton se jahti nuk ka shkelur ujëra shqiptare, ndërsa hetimet janë fokusuar mbi origjinën e drogës, vlera e së cilës përllogaritet mbi 20 milionë euro.
Pak ditë më parë, policia italiane sekustroi edhe 2.3 tonë kanabis që sapo ishte shkarkuar nga një gomone oqeanike e cila humbi gjurmët në ujrat malazeze dhe ato kroate. Pritësi i kësaj sasie ishte sërish një shqiptar që u arrestua ndërsa nga analizat e zhvilluara mes policisë italiane dhe asaj shqiptare rezulton se trafikantët janë duke shfytëzuar rrugë alternative, jo më nga territori dhe ujërat shqiptare drejt Puljas, por në pjesën e sipërme të Adriatikut.

 

The post Jahti me 4 ton drogë, zbardhet detajet e para për organizimin e shqiptarëve appeared first on Lajme | Lajmi i Fundit | Lajmet | informacion shqip, gazeta online.

Fotografi sjell pozat kur femrat arrijnë pikën më të lartë të kënaqësisë fizike (Foto)

Posted: 06 Sep 2017 06:32 AM PDT

Thonë se orgazma është pika më e lartë e kënaqësisë fizike tek një femër, ndërsa francezët e quajnë 'vdekja e vogël'.

Një fotograf ka vendosur të fiksojë këto momente dhe sjell këtë koleksion kaq të bukur.
Albert Pocej nga Lituania thotë se gjithmonë ka ëndërruar të realizojë një projekt të tillë.

Kjo ka qenë sfida e tij personale dhe projekti duket se po jep fryte.

 

 

The post Fotografi sjell pozat kur femrat arrijnë pikën më të lartë të kënaqësisë fizike (Foto) appeared first on Lajme | Lajmi i Fundit | Lajmet | informacion shqip, gazeta online.

E rëndë në Belgjikë/ Ekzekutohet i riu shqiptar, zbulohet identiteti i tij(Foto)

Posted: 06 Sep 2017 06:12 AM PDT

Një ngjarje e rëndë është raportuar në Belgjikë, ku një 31- vjeçar shqiptar është ekzekutuar me dy plumba nga persona të paidentikuar. Sipas mediave belge Niko K. 31- vjeç me origjinë shqiptarë punonte si kamerier në një kafene në në Saint-Denis në Forest.

31 vjeçari u qëllua për vdekje rreth orës 0:30 të natës të martën. Autoritetet belge kanë shpallur në kërkim dy persona, shkruan klan. Shqiptari ka qenë në kërkim të mjetit të parkuar në Forest Abbey që ndodhej pak metra larg kafes ku ai punonte si kamarier.

Sipas dëshmitarit, i cili ka deponuar në policie se dy autorët që qëlluan me armë ishin të maskuar dhe u larguan në drejtim të pyllit.

The post E rëndë në Belgjikë/ Ekzekutohet i riu shqiptar, zbulohet identiteti i tij(Foto) appeared first on Lajme | Lajmi i Fundit | Lajmet | informacion shqip, gazeta online.

Gjykata e dënoi, zbulohen arsyet pse iu lehtësua gjykimi Fadil Kasemit

Posted: 06 Sep 2017 06:03 AM PDT

Edhe pse kishte pretenduar se ishte i dehur në momentin e ngjarjes dhe nuk kujtonte çfarë kishte ndodhur, Fadil Kasemi kishte pranuar gjykimin e shkurtuar në vitin 2015, në Gjykatën e Kavajës.

"Në seancën e paraqitjes së kërkesave paraprake, i pandehuri Fadil Kasemi i kërkoi gjykatës që të procedohet me gjykim të shkurtuar, duke pranuar faktin si dhe akuzën për të dy veprat penale e duke u shprehur i penduar për veprimet e tij", thuhet në vendimin e Gjykatës së Kavajës, të shpallur në datën 28 prill 2016.

Vetë i pandehuri Fadil Kasemi, i pyetur rreth akuzës, e ka pranuar atë që në momentin e parë dhe ka shprehur pendim për veprimin e tij. "Të njëjtin qëndrim ai mbajti edhe para Gjykatës për të proceduar me gjykim të shkurtuar", thuhet në vendimin e Gjykatës.
Vendimi në fjalë ka vendosur dënimin e Fadil Kasemit me tri vite burg, edhe pse Prokuroria kishte kërkuar katër vjet heqje lirie. Elementi lehtësues që Gjykata e Kavajës ka përdorur, ka qenë fakti se i pandehuri kishte fëmijë të vegjël.
"I pandehuri Fadil Kasemi e ka kryer për herë të parë veprën penale, rezulton të jetë i padënuar më parë, është në moshë 52 vjeç, relativisht të thyer, kryefamiljar me disa anëtarë të familjes të papunë dhe të mitur", thuhet në vendim.

The post Gjykata e dënoi, zbulohen arsyet pse iu lehtësua gjykimi Fadil Kasemit appeared first on Lajme | Lajmi i Fundit | Lajmet | informacion shqip, gazeta online.