Home » » “Zjarret djegin tri banesa në Çorrush të Mallakstrës. Evakuohen banorët” plus 9 more Lajmi i Fundit

“Zjarret djegin tri banesa në Çorrush të Mallakstrës. Evakuohen banorët” plus 9 more Lajmi i Fundit

“Zjarret djegin tri banesa në Çorrush të Mallakstrës. Evakuohen banorët” plus 9 more Lajmi i Fundit

Zjarret djegin tri banesa në Çorrush të Mallakstrës. Evakuohen banorët

Posted: 11 Aug 2017 08:13 AM PDT

Flakët që kanë shpërthyer në fshatin Çorrush të Mallakastrës kanë djegur deri tani 3 banesa. Informacionet që na vijnë nga ky fshat ngrenë alarmin se flakët kanë dalë jashtë kontrollit dhe se po evakuohen banorët e fshatit Çorrush. Era e fortë po ndihmon në përhapjen e shpejtë të flakëve.

Tre zjarrfikëse ndodhen në vendngjarje ndërsa për ta parë nga afër dhe monitoruar situatën ndodhet dhe vetë kreu i bashkisë së Mallakastrës.

Në një prononcim për median Agron Kapllanaj kryetar i bashkisë së Mallakastrës tha se rrezikohet dhe një banesë tjetër, dhe se dëmet janë të mëdha për banorët pasi janë shkrumuar pemë të tëra me ullinj dhe pemë frutorë.

Një banor i këtij fshati është i dyshuar për zjarrin dhe është shpallur në kërkim. Nuk dimë nëse është e qëllimshme apo aksidentale por ai ka dashur të djegë pjesën e mbetur të grurit pas korrjes dhe zjarri më pas është përhapur"

‘’Topless’’, vajza nga ballkoni alarmon Durrësin: Askush nuk më do mua (Foto)

Posted: 11 Aug 2017 07:40 AM PDT

Një ngjarje e rëndë është raportuar në Durrës ditën e sotme, ku një vajzë italiane ka tentuar të hidhet nga ballkoni i apartamentit ku banonte.

Ngjarja ka ndodhur mëngjesin e ditës së sotme rreth orës 05:00, ndërsa e gjithë skena është fotografuar nga një banor në pallatin përballë.

Në fotografitë e fiksuara vajza duket gjysmë lakuriq nga mesi e sipër, ndërsa ka hipur në tavolinën e ballkonit duke kërcënuar se do të hidhej.
Për fat të mirë mësohet se policia ka ndërhyrë në kohë për të parandaluar tragjedinë.
Sipas asaj që ka thënë personi që ka publikuar fotografitë, vajza italiane kishte qenë në shoqërinë e të dashurit më parë dhe ndër të tjera fliste edhe ndonjë fjalë shqip.
Por kur e ka kuptuar se askush nuk po reagonte me kërkesat e saj, atëherë ka tentuar të hidhet duke bërtitur me fjalët: "Askush s'më do mua".
Ka qenë ndërhyrja në kohë e policisë që e ka shpëtuar vajzën që nga fotografitë duket rreth të 25-tave.
Deri më tani policia e Durrësit nuk ka dhënë një deklaratë për atë që ka ndodhur. /Blitz.al/

Shpërthen bombola e gazit në Tepelenë, në dhomë ndodhej një vajzë e mitur

Posted: 11 Aug 2017 07:33 AM PDT

Një bombol gazi ka shpërthyer në Tepelenë, ku i pasojë një vajzë e mitur 7 vjece është plagosur.

Ngjarja e rëndë ka ndodhur në fshatin fshatin Zhapokike te Tepelenes. Fatmirësisht, nuk ka viktima. Njoftimi nga Komisariati i Policisë Tepelenë:

Më datë 10.08.2017, në fshatin Zhapokikë, në banesën e shtetasit A.C, vjeç 35, ka rënë zjarr si pasojë e shpërthimit të një bombole gazi nga ku ka marrë djegie të lehta në trup një e mitur, vjeç 7, e cila ndodhet në spital jashtë rrezikut për jetën, si dhe janë djegur disa pajisje shtëpiake. Materialet i kaluan Prokurorisë Rrethit Gjyqësor Gjirokastër, për ngjarje aksidentale.

Skifterët shqiptarë tmerri në Itali, në një vit 69 grabitje. Zbulohen pamjet (Foto/Video)

Posted: 11 Aug 2017 07:11 AM PDT

Një shtetas shqiptar, u cilësua si tmerri i policisë italiane në Bari.

Supermarkete, farmaci, tabako, pika karburanti, keto ishin shenjestra e nje bande italo-shqiptare
Gjashtëdhjetë e nëntë grabitje të kryera mes tetorit të vitit 2015 dhe nëntorit të vitit 2016. Policia italiane ka publikuar sot, pamjet e njërës prej grabitjeve të bandës së rrezikshme kriminale ku ndër grabitësit, dy janë shqiptarë.

Një ndër të arrestuarit shqiptar është Nazmi Buthi, 27 vjeç.
Për të shpëtuar pas grabitjes, ata përdornin makina Fiat Uno, të vjedhura, të cilat i digjnin.

Kanosi me thikë shitësen dhe e vodhi, zbardhet dëshmia prekëse e autorit: Isha i dëshpëruar se…

Posted: 11 Aug 2017 06:55 AM PDT

"Isha i dëshpëruar. Ditën e ngjarjes më pushuan nga puna si lavazhier dhe s' kisha lekë për ushqim".

Me këto fjalë është shfajësuar para oficerëve të Komisariatit nr.3 një 22-vjeçar, pak çaste pasi u vetëdorëzua si autori i vjedhjes me dhunë të shitëses së një kioske në kryeqytet, shkruan "Panorama". Rrëfimi i të riut Preng Luka është regjistruar pasditen e 15 janarit 2017, gati 24 orë pasi kishte kryer veprën penale, ku nën kërcënimin e një thike i kishte marrë shitëses një shumë prej 24 mijë lekësh.

Pak ditë më parë, Gjykata e Tiranës përfundoi gjykimin ndaj tij. Ai u shpall fajtor për akuzën e "vjedhjes me dhunë" dhe u dënua me 5 vjet burg. Për shkak të shqyrtimit të çështjes me procedurën e gjykimit të shkurtuar, dënimi i tij u ul në 3 vjet e 4 muaj burg.
Në të njëjtin vendim, gjykata urdhëroi lirimin e tij nga qelia, për shkak se përfundimisht vendosi pezullimin e ekzekutimit të dënimit me burg dhe lënien e tij në liri me kusht për një periudhë 4-vjeçare.
NGJARJA
Sipas vendimit të gjykatës, i pandehuri Preng Luka është dorëzuar në Komisariatin e Policisë nr.3 një ditë pas vjedhjes së kryer prej tij. Me vullnetin e tij të lirë, ai ka sqaruar para oficerëve të Policisë Gjyqësore se ai ishte autori i vjedhjes së një nate më parë. Në shpjegimet e tij, i pandehuri ka pretenduar se ishte në gjendje shumë të vështirë ekonomike dhe i dëshpëruar.
Ditë e ngjarjes, të pandehurin e kishin pushuar nga puna si lavazhier dhe nuk kishte para për ushqimin e tij. Në këtë gjendje, ai ka vënë re një kioskë me derën hapur, është futur brenda dhe me një biçak të vogël në dorë i ka thënë shitëses "ku janë lekët?".
Ajo është frikësuar dhe ka dalë nga kioska, ndërsa i pandehuri ka marrë lekët që ndodheshin në sirtar. Pasi është larguar, i pandehuri, një sasi të parave i ka konsumuar për ushqim dhe pjesën tjetër në një nga kazinotë në zonën e Laprakës.
Ai ka pretenduar se ishte penduar shumë për këtë veprim dhe për këtë shkak ka shkuar vetë me dëshirë në Polici. Pas deklarimeve të mësipërme, nga ana e punonjësve të Policisë është bërë ndalimi i të pandehurit dhe kanë vijuar procedurat e tjera hetimore.
FAJESIA
"Gjykata nuk ka asnjë dyshim se i pandehuri ka arritur të sigurojnë paratë e vjedhura duke përdorur presionin psikologjik, rrethanë pa të cilën ai nuk do të mund të hidhte në dorë sasinë e lekëve. Gjykata arrin në një konkluzion të tillë duke vlerësuar të gjithë dinamikën e ngjarjes.
Pavarësisht se nga hetimet nuk u gjet sendi me të cilin është kërcënuar e dëmtuara dhe faktit që ajo mund të ketë qenë jashtë kioskës në momentin e futjes së të pandehurit, Gjykata krijon bindjen se, nisur nga ora e vonë e natës, fakti se e dëmtuara është femër dhe e vetme në kioskë, ajo (e dëmtuara) është ndierë e kërcënuar dhe nën efektin e dhunës psikologjike të sjelljes së të pandehurit", arsyetonte gjykata në vendim.

 

Konflikti me armë në Fushë Arrëz, policia jep detajet e ngjarjes

Posted: 11 Aug 2017 06:51 AM PDT

Një ngjarje e rëndë është raportuar në Fushë Arrëz, por fatmirësisht nuk ka të lënduar.

Mësohet se shtetasit Bledar e Bardhok Gjinaj kanë qëlluar mbi Eduart Gjinaj.
Tre ditë më parë të rinjtë janë përplasur me mjete të forta.

Njoftimi zyrtar:
Pukë- Fushë Arrëz
Informacion Paraprak
Më datë 11.08.2017, rreth orës 11:15, kemi marrë njoftim se në dalje të qytetit Fushë Arrëz, në rrugë, ka të shtëna me armë zjarri.
Nga informacionet paraprake behet me dije se shtetasit B. Gj. dhe B. Gj. kanë kanosur me armë zjarri (duke qëlluar në ajër), shtetasit P. Gj. dhe E. Gj. të cilët kanë qënë duke lëvizur me makinë.
Të dy palët e përfshira në konflikt janë banues në qytet Fushë Arrëz dhe në lidhje fisnore, ku mesohet se konflikti ka ndodhur për motive të dobëta edhe me parë.
U bë shpallja në kërkim dhe po punohet për kapjen e autorëve dhe zbardhjen e rrethanave të ngjarjes.

Deklarata shokuese e sizmiologu: S’e thotë asnjë studim që vapa e thatësira kanë lidhje me dukuri sizmike

Posted: 11 Aug 2017 06:48 AM PDT

Sizmologët presin që në Shqipëri të ndodhë një ngjarje sizmike me magnitutë 6, raporton BalkanWeb.

Kjo referuar statistikave dhe probabilitetit duke marrë shkas vitin 1967, pasi një tërmet i madh përsëritet pas 50 vitesh.

Por ajo që mbetet e panjohur për specialistët është koha e saktë dhe vendi konkret, e vetmja gjë që s'mund të parashikohet.
"Me një periodë përsëritje 50 vjet, tërmetet me magnitudë 6 kanë probabilitet 75% që të ndodhin. Pra në çdo 50 vjeçar ne presim me një probabilitet 75% një ngjarje me magnitudë 6. Me rritjen e magnitudës perioda e përsëritjes së tyre ndryshon, mund të kalojë edhe një shekull për tërmetet me magnitudë mbi 6.5. Kështu që në terma probabilitar dhe statistikorë këto terma janë të vlerësuara drejtë. Sa i përket parashikimeve, nëse do të ndodhin këtë vit, apo do të ndodhin në një kohë të afërt, kjo është shumë e vështirë të thuhet, se vetë kjo dukuri është një dukuri tepër komplekse. Kështu që nuk përjashtohet ndodhja e një tërmeti me magnitudë mbi 6 në territorin shqiptar, për vetë natyrën tektonike karakteristike që ka territori ynë. Por që të parashikohet ekzaktësisht në kohë se kur do të ndodhi dhe në vendin ku do të ndodhi, kjo është e pamundur",- shprehet Edmond Dushi, sizmolog pranë IGJEUM për BalkanËeb.
Frika shtohet edhe më shumë kur thatësira e zgjatura dhe përmbytjet janë bërë një fenomen natyror që është prezent gjithnjë e më shpesh në vendin tonë. Por, sizmologët përjashtojnë që ngjarjet sizmike që ndodhin thellë nën tokë të kenë lidhje me dukuri natyrore që ndodhin mbi sipërfaqen e saj.
"Nuk mendoj dhe nuk haset në asnjë lloj studimi apo literature që temperaturat e larta apo thatësira të kenë lidhje me dukuri sizmike. Nuk ka lidhje as logjike dhe as shkencore pasi tërmetet janë dukuri që ndodhin në thellësi të tokës, vatrat e tërmeteve ndodhin disa kilometra nën tokë ndërsa thatësira është një fenomen që ndodh në sipërfaqe",- sqaron ai.

E rëndë në Fushë Arrëz/ Konflikt i rëndë mes tre të rinjëve, dëgjohen të shtëna armësh

Posted: 11 Aug 2017 06:33 AM PDT

Një ngjarje e rëndë është raportuar në Fushë Arrëz, por fatmirësisht nuk ka të lënduar.

Mësohet se shtetasit Bledar e Bardhok Gjinaj kanë qëlluar mbi Eduart Gjinaj.
Tre ditë më parë të rinjtë janë përplasur me mjete të forta.

Mes këtyre personave mësohet se konflikti ka nisur prej një viti, nuk dihet ende motivi.
Policia ndodhet në vendngjarje dhe ka nisur hetimet.

26-vjeçari ndalohet nga policia, qeni antidrogë i zbulon kokainën. E pabesueshme ku e kishte fshehur

Posted: 11 Aug 2017 06:24 AM PDT

Një shtetas shqiptar është dënuar me 39 muaj burg në Gjykatën e Lewes, pasi merrej me trafik droge dhe akuzat mbi të ishin shitje e lëndëve narkotike dhe falsifikim dokumentesh.

Identiteti i tij u zbulua nga mediat britanike të cilat shkruajnë se bëhet fjalë për shtetastin Zan Cekaj i cili do duhet të paguajë edhe një gjobë 170 paund.

Zan Cekaj u ndalua nga policia në Brighton më 5 qershor, ndërsa ngiste një Peugeot 307, me dyshimin se ishte përfshirë në trafikun e drogës.
Pas kontrollit, me ndihmën e qenit antidrogë, në automjet u gjetën të fshehura disa doza kokaine brenda çorapeve.
Cekaj kishte fshehur edhe 1 mijë stërlina. Ai u pa se përdorte një patentë false rumune.

Skandali në Pogradec/ Shpërthejnë ujërat e zeza, fëmijët rezikohen nga infeksioni

Posted: 11 Aug 2017 06:17 AM PDT

Në Porgradec, njerëzit rrezikojnë nga infektimi.

Një pushues në plazhin e këtij qyteti ka denoncuar pranë JOQ.al me anë të një video çarjen e një tubacioni ujërash të zeza në breg të liqenit, në zonën më të populluar të plazhit. Ujërat e zeza kanë shperthyer me presion nga e çara duke u përhapur me shpejtësi në ujin e pastër përreth.

Në video duket një njollë e zezë që sa vjen e përhapet në breg, m'u pranë fëmijëve, të cilët janë të rrezikuar pasi janë ata që lahen kryesisht në breg. Situata është alarmante sepse incidenti po ndodh në një nga zonat më të populluara me pushues.