Tirana Observer: “Do udhëtoni në zonën Shengen? Ministria e Brendshme: Zbatoni këto rregulla” plus 9 more |
- Do udhëtoni në zonën Shengen? Ministria e Brendshme: Zbatoni këto rregulla
- Sekretari amerikan i Shtetit i telefon Edi Ramës, zbardhet biseda 20 minutëshe
- Trendi i fotove të verës…nga vajzat e njohura shqiptare
- Shokon ish-miss Albania: Djalin do ta quaj Lucifer
- Kostumet e banjës sipas shenjës zodiakale
- Mediu mesazh të fortë për Bashën: Tërhiq ministrat teknikë, shkëput lidhjet që ke me Ramën
- Kuvendi i ri, 70% e deputetëve jetojnë në Tiranë
- CIA “skanon” ekonominë shqiptare
- I dehuri terrorizon Pukën, rrëmben kallashin dhe qëllon në ajër gjithë natën
- Facebook-u, kjo agjenci gjigante për shpallje dasmash, vdekjesh e aheng synetllëku
| Do udhëtoni në zonën Shengen? Ministria e Brendshme: Zbatoni këto rregulla Posted: 09 Aug 2017 08:00 AM PDT Ministria e Punëve të Brendshme shqiptare ka publikuar disa informacione me rëndësi lidhur me çfarë duhet të keni parasysh kur udhëtoni në zonën Shengen. 1-Duhet të keni pasaportë të vlefshme biometrike Sipas rregullave të reja, qytetarët shqiptarë me pasaportë biometrike mund të qëndrojnë në zonën Shengen, (që përfshin Islandën, Norvegjinë, Zvicrën, si edhe të gjitha shtetet anëtare të BE-së, përveç Mbretërisë së Bashkuar dhe Irlandës) maksimumi 90 ditë që nga dita e hyrjes brenda një periudhë kohore prej gjashtë muajsh (180 ditë). Periudha fillon që nga momenti kur ju hyni për herë të parë në këtë zonë, brenda periudhës gjashtë mujore. Për shembull, nëse më datë 1 janar ju hyni për herë të parë në zonën Shengen, periudha e ardhshme gjashtë mujore fillon më datë 1 korrik. Nëse udhëtoni shpesh në zonën Shengen, duhet të numëroni ditët e mbetura nga periudha gjashtë mujore. Pra, ju mund të bëni disa udhëtime afatshkurtra, me kusht që kohëzgjatja e tyre të mos kalojë 90 ditët brenda periudhës gjashtë mujore (180 ditë). 2 – Duhet të justifikoni qëllimin e udhëtimit nëpërmjet dokumentesh Për vizitë familjare Kur deklarohet në kufi se po udhëtohet për vizitë tek një i afërm, duhet të jepet informacion mbi të dhënat e personit pritës, adresa e tij, numër telefoni etj. Për turizëm Kur deklarohet në kufi se po udhëtohet për turizëm, për pushime, i pavarur nga pritja apo shoqërimi i një personi tjetër etj., duhet të paraqitet një rezervim hoteli, bileta e kthimit (nëse udhëtohet me avion apo mjete të transportit ujor), si dhe të ardhurat financiare që keni me vete. Për kontroll mjekësor Kur deklarohet në kufi se po udhëtohet për arsye shëndetësore, paraqitet rekomandimi i institucionit shëndetësor shqiptar, si dhe konfirmimi i institucionit shëndetësor ku do shkohet. Për aktivitete Kur deklarohet në kufi se po udhëtohet për aktivitete të ndryshme, paraqitet dokumentacioni mbi aktivitetin për të cilin personi është ftuar. Udhëtimi me makinë Kur udhëtohet me makinë, duhet të keni dokumentacionin e nevojshëm, leje ndërkombëtare drejtimi automjeti, patentë ndërkombëtare dhe karton të gjelbër sigurimi ndërkombëtar të makinës. Sigurimi shëndetësor Në të gjitha rastet duhet të keni siguracionin shëndetësor për periudhën e qëndrimit. 3 – Duhet të paraqisni garanci financiare për kohën e qëndrimit Sipas Kodit Shengen (neni 6/4) "Mjetet e jetesës do të vlerësohen në përputhje me kohëzgjatjen dhe qëllimin e qëndrimit dhe duke iu referuar çmimeve mesatare në shtetin ose shtetet anëtare shumëzuar me numrin e ditëve të qëndrimit. Vlerësimi i mjeteve të mjaftueshme të jetesës mund të bazohet në paratë, kontrollet e udhëtarëve dhe kartat e kreditit. Deklaratat e sponsorizimit dhe letrat e garancisë nga pritësit, gjithashtu mund të përbëjnë dëshmi të mjeteve të mjaftueshme të jetesës. Sipas Kodit Shengen Dokumentet mbështetëse që vërtetojnë plotësimin e kushteve të hyrjes janë: (A) për udhëtimet e biznesit: (I) një ftesë nga një firmë ose një autoritet për të marrë pjesë në takime, konferenca apo ngjarje që lidhen me tregtinë, industrinë ose punën; (Ii) dokumente të tjera që tregojnë ekzistencën e marrëdhënieve tregtare ose marrëdhënieve për qëllime pune; (Iii) biletat e hyrjes për panaire dhe kongrese; (B) për udhëtimet e ndërmarra për qëllime studimi ose llojet e tjera të trajnimit: (I) certifikatën e regjistrimit në një institut mësimor për qëllime të ndjekjes së kurseve profesionale ose teorike në kuadër të trajnimit bazë dhe të mëtejshëm; (Ii) kartat e studentit ose certifikatat për kurset e ndjekura; (C) për udhëtimet e ndërmarra për qëllime turizmi ose për arsye private: (I) dokumentet mbështetëse në lidhje me strehimin: – një ftesë nga pritësi nëse qëndron te një i tillë; – një dokument mbështetës nga institucioni që ofron strehim ose ndonjë dokument tjetër të përshtatshëm që tregon vendndodhjen e parashikuar; (Ii) dokumentet mbështetëse në lidhje me itinerarin: – konfirmimin e rezervimit të një udhëtimi të organizuar ose ndonjë dokumenti tjetër të përshtatshëm që tregon planet e parashikuara të udhëtimit; (Iii) dokumentet mbështetëse në lidhje me kthimin: – një biletë të kthimit ose vajtje-ardhje; (D) për udhëtime të kryera për ngjarje politike, shkencore, kulturore, sportive ose fetare ose për arsye të tjera: ftesat, biletë e hyrjes, regjistrimet ose programet ku thuhet ku është e mundur emri i organizatës pritëse dhe kohëzgjatja e qëndrimit ose ndonjë dokument tjetër përkatës që tregon qëllimin e vizitës. 4 – Duhet t'u përmbaheni rregullave të qëndrimit (ndalohet punësimi i paligjshëm) Sipas rregullave të reja, nuk mund të punohet në shtetet e zonës në kundërshtim me ligjin. Rregullat që aplikohen vetëm për qëllime udhëtimi, nuk u japin të drejtë qytetarëve shqiptarë për të qëndruar më shumë se 3 muaj dhe as të drejtën për t'u punësuar, apo për të kërkuar azil, në këto shtete. Ata shtetas që kanë ndërmend të punësohen apo të studiojnë për një periudhë që tejkalon 90 ditët, më parë duhet të aplikojnë për vizë afatgjatë ose për leje qëndrimi, pranë ambasadës apo konsullatës së shtetit ku dëshirojnë të shkojnë. Është e ndaluar të punohet në zonën Shengen pa leje pune apo të jetohet aty pa lejen përkatëse të qëndrimit. Punësimi i ligjshëm i shtetasve shqiptarë në një prej këtyre vendeve, do të mundësohet vetëm nëpërmjet lejeve të punës. Lejet e punës mund të merren vetëm në bazë të kontratave të punës dhe vizave të tipit D të cilat merren në ambasadën e atij vendi në të cilin është marrë kontrata e punës. Nëse një qytetar shqiptar ka siguruar një kontratë të vlefshme pune, atëherë ai do të mund të pajiset në Shqipëri me një vizë të tipi D dhe më pas, këtë vizë do ta kthejë, në vendin përkatës, në leje qëndrimi, me një afat deri në një vit. 5 – Masat që merren ndaj shtetasve që shkelin rregullat e qëndrimit. Qytetarëve shqiptarë do t'u kërkohet që të zbatojnë disa kërkesa dhe rregulla, jo vetëm gjatë hyrjes në vendet e BE-së por edhe gjatë qëndrimit të tyre në këto vende. Nëse qytetarët shqiptarë do të shkelin këto rregulla, ata do të bëhen subjekt i largimit apo deportimit me forcë, veprim i cili shoqërohet gjithmonë me ndalim hyrje nga 1-5 vjet. Për një kategori shkeljesh të rregullave të qëndrimit, shtetet anëtarë të BE-së aplikojnë masa administrative gjobe, të cilat shkojnë deri në 3000 euro. Në rast se këto shuma nuk paguhen, atëherë personi i gjobitur nuk do lejohet të hyjë në atë vend, që i ka vendosur gjobën, deri sa ta paguajë atë me gjithë kamatë vonesën. Me rëndësi është të dihet se cilat janë këto rregulla që shtetasit shqiptarë nuk duhet të shkelin: – së pari, nuk duhet të shkelin afatin e lejuar të qëndrimit që është 90 ditë për 180 ditë. -së dyti, nuk duhet të shkelin legjislacionin vendas, kryesisht atë mbi punësimin. Pra, nëse kapen duke punuar, ata bëhen subjekt i largimit dhe ndalimit të hyrjes. – së treti, nuk duhet të bëhen problem për sigurinë publike, apo të përfshihen në aktivitete kriminale. – së katërti, nuk duhet të bëhen barrë publike. Barrë publike janë personat të cilët nuk kanë të siguruar strehimin, ushqimin apo nevojat e tjera jetësore. E thënë në mënyrë të përmbledhur, nëse shtetasit shqiptarë do të shkelin kushtet e lejuara për hyrjen dhe qëndrimin në një nga vendet e BE-së, atëherë ata do të penalizohen individualisht, – do t'u ndalohet hyrja në të gjitha vendet e BE-së për një periudhë deri në 5 vjet. |
| Sekretari amerikan i Shtetit i telefon Edi Ramës, zbardhet biseda 20 minutëshe Posted: 09 Aug 2017 07:42 AM PDT Kryeministri Edi Rama ka marre sot një telefonatë nga Sekretari i Shtetit, Rex Tillerson. Sekretari Tillerson e ka uruar Kryeministrin për fitoren kuptimplotë në zgjedhje. Ai ka shprehur bindjen se mandati i fortë që ka marrë për të qeverisur e vetme, e obligon Partine Socialiste të thellojë shpejtësinë e reformave, pastrojë administratën nga të korruptuarit dhe shënojë rezultate domethënëse në luftën kundër krimit. Duke i shprehur Kryeministrit të gjithë mbështetjen e qeverisë amerikane në mandatin e ri qeverisës, Sekretari i Shtetit i ka përcjellë Edi Ramës përshtypjet shumë pozitive të Zëvendës Presidentit Pence nga takimi i javës së shkuar në Malin e Zi dhe ka rikonfirmuar vullnetin amerikan për një vëmendje të përqendruar në zhvillimet në rajon. Kryeministri Rama e ka falënderuar bashkëbiseduesin për telefonatën dhe i ka bërë një pasqyrë të plotë të situatës rajonale nga këndvështrimi i vendit tonë, duke u përqendruar kryesisht tek dialogu Kosovë–Serbi dhe nevoja për zhbllokimin e ngërçit të emrit të Maqedonisë. Në pjesën e fundit biseda është shtrire tek roli i Shqipërisë në NATO, kontributi i saj në luftën kundër ekstremizmit të dhunshëm, ku Sekretari Tillerson është shprehur me konsideratat më të larta. Ndërsa Kryeministri Rama ka kërkuar intensifikimin e bashkëpunimit me SHBA në sektorin e energjisë dhe posaçërisht të naftës e të gazit, çka është pritur me shumë interes nga bashkëbiseduesi. Biseda telefonike mes të dyve ka zgjatur më shumë se njëzetë minuta, sipas Kryeministrisë. |
| Trendi i fotove të verës…nga vajzat e njohura shqiptare Posted: 09 Aug 2017 06:56 AM PDT Gjatë stinës së verës, me plot gojë mund të themi se rrjetet sociale tejmbushen me foto të ndryshme nga pushimet e gjithsecilit prej nesh. Sapo mbërrijmë në nje vend nxitojmë ta postojmë foton nga vendi ku po qëndrojmë. Një pozë provokuese ose jo nga bregu i detit nuk mund të mungojë. Pra me pak fjalë ekspozohemi më shumë. Njësoj në fakt veprojnë edhe vajzat e njohura të ekranit, të cilat kanë filluar pushimet dhe postojnë vazhdimisht foto në Instagram. Por ne nuk do flasim për pushimet e tyre, por për trendin e fotove që ato kanë sjellë. Ka qenë fillimisht Luana Vjollca ajo që postoi një foto në ujë teksa notonte dhe tregonte format e saj të lakmueshme nga gjinia femërore. Me të njejtën ide vazhdoi edhe Suada Sherifi dhe Era Istrefi të cilat postuan foto nga pishina teksa njëra qëndronte mbi ndërsa tjetra preferonte të qëndronte në një dyshek, duke ekspozuar pjesën e të pasmeve të dyja. Pra vajza tani që e dini se cili është trendi më i fotove, mos nguroni por realizojeni edhe ju një të tillë. (Luana Vjollca) (Suada Sherifi) Era Istrefi |
| Shokon ish-miss Albania: Djalin do ta quaj Lucifer Posted: 09 Aug 2017 06:19 AM PDT  Marrëdhënia e saj me një femër dhe me një mashkull e vuri në qendër të vëmendjes ish-missin shqiptar Egla Harxhi, jo vetëm se ata jetojnë të tre, por edhe pse së bashku kanë vendosur të rrisin një fëmijë. Këtë deklaratë Egla Harxhi, ish-Miss Albania e ka bërë për "INterview" së bashku me dy personat e saj të zemrës, Ale dhe Alesia, që plotësojnë trekëndëshin e saj të dashurisë. Fëmija që po pret Harxhi do të quhet Lucifer dhe sipas saj, emri ka qenë një zgjedhje e nënës së Ales, partneres femër. Po ashtu tre personazhet kanë rrëfyer jetën e tyre së bashku, dhe sesi ata gjejnë harmoninë treshe.
|
| Kostumet e banjës sipas shenjës zodiakale Posted: 09 Aug 2017 05:49 AM PDT Ashtu si çdo gjë tjetër edhe rrobat e banjos duhet të kenë përputhshmëri me shenjën tuaj zodiakale. Për tu dukur sa më seksi gjatë pushimeve, zgjidhni këto rroba banjo: Dashi. E kuqja Baywatch është gjithmonë një ngjyrë perfekte për dashin.
Binjakët. Përdorni rroba banjot me slogane, ato janë perfekte për ju. Gaforrja. Vishni një kaftan sipër rrobave të banjos, do të dukeni gjithmonë bukur. Luani. Flutura dhe pika, do të dukeni të mrekullueshme. Virgjëresha. Sa më thjeshtë aq më mirë. Vijat dhe pamja e pastër janë pikërisht për ju. Peshorja. Rroba banjo me printe gjethesh apo lulesh, tipike për ju, sepse jeta juaj është art. Akrepi. Seksi dhe e sofistikuar. Moda më e fundit me shpatulla jashtë, tek akrepi duket super. Shigjetari. Ju keni shpirt aventurier, ashtu duhet të jenë edhe rrobat e banjos. Luani me modelin dhe strukturën. Bricjapi. Njihet si shenja më sensitive zodiakale. Ngjyrat bardh e zi janë të thjeshta dhe me stil. Ujori. Ju pëlqen të jeni sa më individual në stil. Provojini këto trupore, do dukeni shumë bukur. Peshqit. Plazhi është padyshim i preferuari yt. Peshqit duan të mbahen mend si në det ashtu edhe jashtë tij. |
| Mediu mesazh të fortë për Bashën: Tërhiq ministrat teknikë, shkëput lidhjet që ke me Ramën Posted: 09 Aug 2017 05:35 AM PDT TIRANË- Ndërsa në media qarkullojnë lajme se disa ministra teknikë të PD-së do vijojnë të jenë pjesë e kabinetit qeverisës Rama 2, aleati i tij kryesor, kreu i PR-së, Fatmir Mediu i çon një mesazh të qartë. Ai i kërkon të tërheqë urgjentisht ministrat teknikë dhe të shkëpusë në këtë mënyrë të gjitha lidhjet me Edi Ramën. Sipas Mediut, nëse kjo nuk ndodh vetëm dëmtohet e bëhet qesharake, opozita. Postimi i Mediut Te dashur miq Opozita duhet te kete ne vleresimin e saj jo vetem ata qytetare qe votuan per te, por ata qe nuk u binden prej saj per ta mbeshtetur ate duke bere qe ne te marim me pak vota se 2013 dhe ne duhet te analizojme te gjitha arsyet pse? Opozita duhet te vleresoje dhe perfaqesoje dhe ate pjese te elektoratit qe ka kohe qe nuk voton sepse ka humbur besimin ne lirine e votes dhe mundesine e ndryshimit nepermjet votes, apo qe politika perfaqeson interesat dhe I sherben njerezve. Opozita nuk eshte vetem proteste karshi se keqes, por dhe alternative zgjidhje e cila nuk mer forme dhe kuptohet ne nje muaj fushate. Opozita si ne parlament dhe jashte saj duhet te organizohet per te denoncuar keq qeverisjen dhe te angazhoje grupe te rinjsh per te hulumtuar dhe prezantuar idete e djathta. Opozita jone duhet te dale nga populizmi i pavlere dhe te demonstroje qarte se eshte e djathta dhe perfaqeson interesat me te mira te Shqiperise dhe shqiptarve. Opozita duhet te ngrihet fort kunder politikave alla Hugo Caves te Edi Rames" sic jane ato te demokracise popullore te shoqeruar me struktura te organizuara te krimit dhe trafiqeve ne cdo bashki te lidhura me pushtetin. Opozita ndertohet duke bindur shqiptaret se ndryshimi nuk vjen duke pritur qe te ndryshoje shoqeria si è tere, por duke ndryshuar sejcili prej nesh, me bindjen se ne jemi te paret dhe jo qeveria. Opozita duhet te gjeje rrugen per te zgjuar koshiencen qytetare dhe shpresen se ky vend ka te ardhme Basha duhet urgjentisht te shkepuse cdo lidhje qe ka me Ramen nepermjet presences se ministrave teknik, kjo e ben opoziten te papranueshme, qesharake dhe kompromentuese Sado i drejte te jete argumenti per te ndertuar nje raport per zgjedhjet, ata mund ta kryejne kete pune duke mos qene minstra ne bashkepunim strukturat qe u moren me zgjedhjet Ne 12 qarqet apo prane cdo kandidati. Cdo opozite qe krijon medyshje, paqartesi dhe mungese transparence ne opinionin publik eshte e prirur te deshtoje. |
| Kuvendi i ri, 70% e deputetëve jetojnë në Tiranë Posted: 09 Aug 2017 05:12 AM PDT Nga Afrim Krasniqi 70% e deputetëve banojnë në Tiranë, 64 deputetë të zgjedhur në qarqe të tjera banojnë në Tiranë. Pra, Tirana përfaqëson 70% të parlamentit, edhe pse në sistemin tonë të votimit Tirana si qytet (jo si qark) përfaqëson vetëm 14% të totalit të mandateve parlamentare në Kuvend. 140 deputetët banojnë në vetëm 17 nga 61 bashki, pra në vetëm 27% të njësive vendore të Republikës së Shqipërisë. A mund të ketë lidhje e llogaridhënie midis deputetëve turistë, që banojnë në Tiranë dhe që në rastin më të mirë kalojnë fundjavën në zonën e tyre elektorale, apo midis deputetëve që jetojnë në kushte, rrethana, mjedis e komoditet shumë më të lartë e më të mirë sesa banorët e zonës së tyre elektorale. /ISP |
| CIA “skanon” ekonominë shqiptare Posted: 09 Aug 2017 04:42 AM PDT "Shqipëria ka taksa komplekse dhe një mjedis të varfër për biznesin, po pengohen investimet e huaja" Agjencia Qendrore e Inteligjencës së SHBA-së, CIA, ka azhurnuar së fundmi të dhënat për Shqipërinë, ku sipas saj, ekonomia e Shqipërisë është përmirësuar në mënyrë të vazhdueshme dhe rritja ekonomike pritet të rritet në 3.8% në vitin 2017, shkruan Monitor. "Kodet e taksave komplekse dhe kërkesat e licencimit, sistemi i dobët gjyqësor, korrupsioni endemik, zbatimi i dobët i kontratave dhe çështjet e pronësisë, si dhe infrastruktura e vjetruar kontribuojnë në mjedisin e varfër të biznesit në Shqipëri, duke e bërë të vështirë tërheqjen e investimeve të huaja", vë në dukje Agjencia Amerikane e Inteligjencës CIA vë në dukje se, lidhjet e ngushta të tregtisë, remitancave dhe sektorit bankar me Greqinë dhe Italinë e bëjnë Shqipërinë të prekshme ndaj pasojave të krizave të mundshme të borxhit dhe rritjes së dobët në Eurozonë. Remitancat, një katalizator i rëndësishëm për rritjen ekonomike, u ulën nga 12-15% të PBB-së para krizës financiare të vitit 2005 në 5.8% të PBB-së në vitin 2015, kryesisht nga shqiptarët që banojnë në Greqi dhe Itali. CIA analizon se sektori i bujqësisë, i cili kontribuon pothuajse në gjysmën e punësimit dhe në një të pestën e PBB-së, kufizohet kryesisht në operacionet e vogla familjare dhe në bujqësinë për ekzistencë, për shkak të mungesës së pajisjeve moderne, të drejtave të paqarta të pronësisë dhe përhapjes së vogël, parcelat e tokës. Furnizimi me energji elektrike i Shqipërisë është i pabarabartë, pavarësisht nga kapacitetet e transmetimit të përmirësuara me vendet fqinje. Megjithatë, qeveria kohët e fundit ka ndërmarrë hapa për të frenuar humbjet jo teknike dhe ka filluar të përmirësojë rrjetin e shpërndarjes. Zbatimi më i mirë i kontratave të energjisë elektrike ka përmirësuar qëndrueshmërinë financiare të sektorit, duke zvogëluar mbështetjen e tij në mbështetjen buxhetore. Gjithashtu, me ndihmën e donatorëve ndërkombëtarë, qeveria po ndërmerr hapa për të përmirësuar rrjetet e varfra të rrugëve dhe hekurudhave, një pengesë afatgjatë për një rritje të qëndrueshme ekonomike. Buxheti i Shqipërisë për 2017 synon të arrijë një tepricë të vogël primare, të cilën qeveria shqiptare ka në plan ta arrijë duke forcuar mbledhjen e taksave midis rritjes së moderuar të pagave publike dhe pensioneve. Vendi vazhdon të përballet me borxhin e lartë publik, duke tejkaluar kufirin ligjor të saj prej 60% të PBB-së në vitin 2013 dhe duke arritur në 71% në vitin 2016. |
| I dehuri terrorizon Pukën, rrëmben kallashin dhe qëllon në ajër gjithë natën Posted: 09 Aug 2017 04:10 AM PDT Një 66-vjeçar nga fshati Shkozë, në Pukë është vënë në pranga ditën e sotme, pasi akuzohet për "Prishje të qetësisë publike". Nikoll Prendi, në gjendje të dehur, ka marrë një armë zjarri kallashknikov mbrëmjem e djeshme, dhe gjatë gjithë natës ka qëlluar në ajër, duke terrorizuar banorët e zonës. Policia e Pukës njofton se rreth orës 00.35, në Sallën e Komandimit të Komisariatit të Policisë, ka mbritur një telefonatë se në fshatin Shkozë, Njësia Administrative Gjegjan, ka të shtëna me armë zjarri. Menjëherë në vendngjarje janë nisur forcat e Komisariatit Policisë Pukë, ku kanë konstatuar se në oborrin e banesës së tij shtetasi Nikoll Prendi po gjuante me armë zjarri në ajër. Shërbimet e Policisë Pukë pasi kanë vlerësuar situatën, kanë kërkuar ndihmën e forcave të Repartit FNSH Shkodër, për ndërhyrje, ku deri në mbërritjen e tyre është mbajtur në vëzhgim të pandërprerë banesa dhe personi. Forcat e Ndërhyrjes së Shpejtë kanë mbërritur menjëherë ku kanë bërë rrethimin në një perimetër më të ngushtë duke marrë masa sigurie për efektivët. Edhe pas thirrjeve të policisë, shtetasi Nikoll Prendi ka vijuar të qëllojë në ajër. Rreth orës 07:15, në kushtet e ndricimit të plotë është bërë e mundur arrestimi në flagrancë i shtetasit: Nikoll Prendi, 66 vjeç, banues në Shkozë, Pukë. Në vendngjarje janë gjetur dhe sekuestruar në cilësinë e provës materiale, gëzhoja, një armë zjarri kallashnikov dhe dy arka me rreth 1400 fishekë luftarakë. Materialet do ti kalojnë Prokurorisё Pranё Gjykatёs së Shkallёs së Parё Pukë për veprën penale "Prishja e qetësisë publike" dhe "Prodhimi dhe mbajtja pa leje e armëve luftarake dhe e municionit".
|
| Facebook-u, kjo agjenci gjigante për shpallje dasmash, vdekjesh e aheng synetllëku Posted: 09 Aug 2017 03:59 AM PDT Nga Leonard Veizi Ç'e do informacionin mbi politikën ndërkombëtare, çfarë masash do të marrë Tramp-i për Korenë e Veriut, cila është situata në Lindjen e Mesme, apo si u mbyll bursa e Nju Jorkut. Le të tronditet bota nga tërmetet dhe aktet terroriste, në fund të fundit ne kemi hallet tona. Po ato kush na i qan? Ndaj sot lajmet më të shpejta dhe që kanë më shumë efekt janë ato që kanë të bëjnë me kufijtë e fshatit tënd, elementët e thjeshtë të jetës njerëzore. -E more vesh, Conja i shkretë na la. -Mos more, çfarë më the kështu. Po kush ta tha? -Facebook-u. Sa e hapa në pikë të mëngjesit më doli lajmi i parë. Lajmëronte i biri, në faqen e Cones sigurisht. I kishin vendosur dhe një fjongo të zezë. -Pse kishte Conja facebook? -Edhe instagram po deshe. Varrimi bëhet në 11 në Tufinë, ndërsa dreka në lokalin "XY" andej nga 21-shi. -Fole gjë me ata të familjes? -Po të them çfarë lexova në facebook. Aty ishin shkruar të gjitha. Kishte dhe nja 200 ngushëllime te rubrika e komenteve. Vetëm unë e ti nuk kemi shkruar asnjë fjalë. Ndaj ngrehu të shkojmë te xhenazja për vizitë. Ja që facebooku na bën një shërbim të madh. Marrim vesh kur vdesin të njohurit, edhe pse kohë më parë, pa platforma digjitale e pa celularë android, lajmi i zi vinte me po të njëjtën shpejtësi. Por tanimë faceboku e bën më të lehtë komunikimin. Zija ka pllakosur në shtëpi e të afërmit po marrin masat e shpejta për të organizuar ceremoninë funebër, por kjo s'do të thotë që nuk ke aq kohë sa të bësh një esse mbi fatin e trishtë të një njeriu që jetoi e iku nga kjo botë pa kuptuar asgjë. Pak më vonë, si arkivoli ka pushtuar mesin e dhomës dhe gratë me të zeza e kanë futur në mes, i hedh një sy sërish faqes për të parë klikimet. Ca japin "like", ca të tjerë vendosin fytyra të mërzitura, ca me lot në sy dhe ca të tjerë të habitura. Mirë këta të fundit, por këta që klikojnë te "pëlqej" në rast vdekje, mos duan të thonë që: "më vjen mirë që iku nga kjo botë". Se shqiptari nuk e ka zakon që inatet t'i shprehë kur tjetri mbyll sytë e i lë të tjerët pas. Meqenëse nuk i kam dhënë dot shpjegim këtij elementi, i kam futur një mendje të lehtë: epo qejfe-qejfe kjo dynja. Por “facebook”-u është në rend të ditës. Mëngjes, drekë, darkë. Edhe unë e shfrytëzoj rëndshëm. Madje dhe në mesnatë. Lajme, sa më shumë lajme. E nisa me vdekjet, sepse kjo është më e dhimbshmja, për më tepër kur shoh facebookun të mbushur me fjongo të zeza e publikim të shpalljes së ceremonive mortore, që deri dje ishim mësuar t'i shihnim të ngjitura nëpër mure e shtylla telefoni. Por nuk duhet parë vetëm ana e errët. Në fakt facebooku është i mbushur edhe me lajmërime për dasma, fejesa e datëlindje. Publikime të videove kur dhëndri djeg shaminë e beqarit, e kur nusen sipër karriges e ngrenë përpjetë nja katër djem azganë. Por syri në këto post-video të zë dhe ndonjë djalosh 10-12 vjeçar me fustan që vërdalloset serbes nga dixhei me lap-top e bokse përpara e deri tek tavolina kryesore e ceremonisë, i pushtuar nga puthje e përqafime që më në fund ia arriti ditës e të bëhet një farë burri. Sepse qershia përmbi tortë si gjithmonë mbetet për të fund. Janë synetllëqet. |
Demi. Mos ju ndani stilit të viteve 50, mendoni si Marylin Monroe.
| You are subscribed to email updates from Tirana Observer. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |