Home » » ““Shqiptarët ikin për të shpëtuar nga droga e krimi, por Ramën s’e bren ndërgjegjja”” plus 9 more Lajmi i Fundit

““Shqiptarët ikin për të shpëtuar nga droga e krimi, por Ramën s’e bren ndërgjegjja”” plus 9 more Lajmi i Fundit

““Shqiptarët ikin për të shpëtuar nga droga e krimi, por Ramën s’e bren ndërgjegjja”” plus 9 more Lajmi i Fundit

“Shqiptarët ikin për të shpëtuar nga droga e krimi, por Ramën s’e bren ndërgjegjja”

Posted: 26 Aug 2017 07:56 AM PDT

Kreu i Partisë Demokratike përmes një deklarate në "Facebook" deklaron se kryeministrin Rama nuk e bren ndërgjegjja asnjë sekondë për faktin se braktisja e vendit është veprim i dëshpëruar nga mungesa e mundësive dhe e shpresës.

Basha thekson se shqiptarët ikin për të shpëtuar veten dhe fëmijët e tyre nga varfëria dhe injoranca; ikin për të shpëtuar nga droga dhe krimi që pasi pushtoi politikën.

Statusi i plotë
Pse ikin shqiptarët; për këtë Rama nuk gjen kohë as të pyesë, dhe as të dëgjojë.
Ky është një kryeministër që nuk e bren ndërgjegjja asnjë sekondë për faktin se braktisja e vendit është veprim i dëshpëruar nga mungesa e mundësive dhe e shpresës.
Shqiptarët ikin për të shpëtuar veten dhe fëmijët e tyre nga varfëria dhe injoranca; ikin për të shpëtuar nga droga dhe krimi që pasi pushtoi politikën, tani po pushton ekonominë duke u bërë kërcënim për pronën dhe jetën e çdokujt. Shqiptarët ikin nga vendi ku qeveria dhunon në mënyrë sistematike të pamundurit dhe të pambrojturit dhe favorizon e mbështet vetëm kriminelët dhe grabitqarët.

Rama vetë nuk është komentator, ai është në fakt përgjegjësi kryesor për eksodin masiv te shqiptarëve, për krimin e veshur me pushtet dhe për Shqipërinë e mbushur me drogë. Ndaj dita ditës po shtohen raportet dhe vendet europiane që tregojnë atë dhe qeverinë e tij me gisht për kanabizimin dhe kriminalizimin e vendit.

Vetëm të bashkuar dhe të vendosur për tu përballur me të keqen mund ta ndryshojmë qeverisjen dhe jetën tonë. Shqipëria ka mundësi të mëdha për të gjithë, nëse qeveriset mirë.

The post "Shqiptarët ikin për të shpëtuar nga droga e krimi, por Ramën s'e bren ndërgjegjja" appeared first on Lajme | Lajmi i Fundit | Lajmet | informacion shqip, gazeta online.

Mesazhi i fortë i Johanes Hahn: S’ka asnjë shans për azil!

Posted: 26 Aug 2017 07:44 AM PDT

Komisioneri Johanes Hahn kaq folur në konferencën për shtyp të mbajtur pas përfundimit të takimit të kryeministarve të Ballkanit.

Komisioneri tha se ende nuk ka një datë të caktuar se kur Shqipëria  do të anëtarësohet në Bashkimin Evropian edhe pse u shpreh se është optimist për të ardhmen e saj në rrugë evropiane.

"Sot ne diskutuam si të zbatojmë planet e përbashkëta ekonomike sepse zbatimi. Sot ky takim informal tregoi se ka një rritje të vëmendjes së krerëve dhe qeverive për procesin e Berlinit dhe unë e vlerësoj. Nuk kemi xheloz si komision europian përkundrazi jemi na pëlqen që ka iniciativa dhe ne e mbështesim. Kjo ndihmon vendet dhe qytetarët për një jetë më të mirë. Kjo kërkon reforma në drejtësi por ndonjëherë qytetarët tregohen nervoz se kur do përfundojnë gjithë këto reforma, por këto janë të mira për gjithë qytetarët ndryshe nga premtimet, por interesi ynë është që të gjithë këto vende të integrohen në BE. Cdo gjë bëhet në interes të qytetarëve, prandaj ne po fokusohemi tek zona ekonomike rajonale. Tregtia mes vendeve nuk është rritur dhe mund të themi se ka shumë potencial, por duhet investuar dhe ka një marrëveshje për të emëruar kordinator rajonalë.

Në cdo zyrë duhet të ketë koordinues për marrëveshjet ekonomike dhe ne po bëjnë ctë mundemi për të bërë që këto marrëveshje të zbatohen. Rezultatet e zgjedhjeve ishin një vendim i qartë politik dhe votuesit e kanë thënë qartë vendimin e tyre. Do të ishte jorealiste që dikush mund të marrë një vendim për një azil në europe. Ju lutem mos e bëni është e pamundur për ju. Cdo njeri që kërkon azil i bën keq edhe vendit të tij. Edhe lufta kundër kultivimit të drogës ka pasur një progres. Shikoj progres por duhet të gjejmë mënyrën e duhur për të hedhur një hap. E nëse doni që do të ketë progres për anëtarësimin në Be, do të jetë zgjuarësia politike që sjell vendimin e duhur. Është cilësia dhe jo shpejtësi dhe ne do të përpiqemi që të kemi një mbështetje nga të gjithë vendet e BE dhe nuk mund të flas për një datë të caktuar dhe ekipi ynë po mundohet për të cuar përpara integrimin. Ne kemi investuar shumë dhe rezultati do të jetë një anëtarësim në BE"

The post Mesazhi i fortë i Johanes Hahn: S’ka asnjë shans për azil! appeared first on Lajme | Lajmi i Fundit | Lajmet | informacion shqip, gazeta online.

Policia identifikon personin që postoi 3 pakot me kallashnikov në Rinas

Posted: 26 Aug 2017 07:23 AM PDT

Policia ka bërë të mundur të identifikojë personin i cili postoi pakot me armë që u kapën vetëm një ditë më parë në aeroportin e Rinasit. Emri i personit që ka çuar deri në Rinas pakot me armë të cilat mendohet se do të niseshin nga Shqipëria për në Greqi me destinacion final Anglinë nuk bëhet e ditur për arsye të hetimeve.

Autoritet ligj zbatuese shqiptare në bashkëpunim me ato britanike kanë arritur të dokumentojnë plotësisht të gjithë skemën e ndërtuar.

Sipas tyre në këtë rast kemi të bëjmë më një tentativë të trafikimit ndërkombëtar të municioneve. Burime zyrtare të policisë së shtetit thanë se brenda pak orësh, do të bëhen të ditura detaje të këtij operacioni.

Sipas policisë pjesët e armëve u gjetën gjatë skanimit të tre pakove , nga punonjësit e kompanisë "ICTS". Gjatë skanimit të tre pakove të kompanisë postare "DHL", tranzit kanë konstatuar pjesë armësh luftarake. Pjesët e armëve të gjetura në pako ishin të tipit kallashnikov.

Burime nga policia thanë se pakot ishin nisur nga Tirana, ndërsa udhëtimi do të kryhej tranzit Tiranë-Greqi-Londër. Ndërkohë prej ditësh policia shqiptare ka rritur masat e sigurisë në aeroporte dhe institucione të rëndësisë së veçantë, kjo pas sulmeve terroriste në disa vende të Evropës.

The post Policia identifikon personin që postoi 3 pakot me kallashnikov në Rinas appeared first on Lajme | Lajmi i Fundit | Lajmet | informacion shqip, gazeta online.

Bie sërish “Facebook”-u…!

Posted: 26 Aug 2017 07:12 AM PDT

Rrjeti social "Facebook" ka rënë sërish. Kjo është hera e dytë brenda një jave që rrjeti social më popullor ka probleme.

Mijëra përdorues të "Facebook"-ut e kanë pasur të pamundur të aksesojnë rrjetin social në kompjuter. Ndërkaq, përdoruesit e kanë pasur gjithashtu të pamundur të shpërndajnë linqe apo të postojnë artikuj në faqet e tyre.

Më herët këtë javë "Facebook"-u u godit nga një tjetër problem që ua bëri të pamundur përdoruesve qasjen në faqet e tyre personale. Mbetet ende e paqartë se cili është shkaku i problemeve të "Facebook"-ut, ndërkohë që përdoruesit e cilësojnë gjendjen si "katastrofike".

The post Bie sërish "Facebook"-u…! appeared first on Lajme | Lajmi i Fundit | Lajmet | informacion shqip, gazeta online.

Ja disa detaje të rëndësishme që femrat duhet të dinë për menopauzën

Posted: 26 Aug 2017 06:58 AM PDT

Menopauza është periudha që shënon fundin e menstruacioneve.

Ajo mund të trajtohet në mënyra të ndryshme, por më të zakonshmet janë HRT (terapi zëvendësuese hormonesh). Por ka shumë paqartësi në lidhje me sigurinë e tyre.
Femrat në këtë periudhë duhet të qëndrojnë në kontakt me mjekun sidomos në qoftë se kanë efekte negative. Ato duhet të marrin këshilla dhe të marrin trajtimin dhe diagnozën e duhur.

Terapia HRT
HRT nuk është e sigurt. Sipas disa studimeve, kjo terapi ndihmon në periudhën e menopauzës, por mund të shkaktojë kancer gjiri më pas. Kjo është një arsye që shumë femra nuk po i nënshtrohen kësaj terapie.
Mosha mesatare për menopauzën
Menopauza ndodh gjithmonë pas moshës 50 vjeç. Mosha mesatare për gratë për fillimin e menopauzës është 51 vjeç. Shumica e femrave përjetojnë menopauzën e hershme, e cila ndodh në moshën 45-55 vjeç dhe ato duhet të jenë të vetëdijshme që menopauza e hershme mund të ndodhë në çdo kohë pas të 40-ave.
Femrat duhet të vizitohen në fillimet e menopauzës për të marrë ndihmën mjekësore, sepse mungesa e estrogjenit mund të çojë në kushte më të rënda si osteoporoza.
Unhappy female having problems in bed ëith husband
Simptomat e menopauzës
Femrat duhet të jenë të vetëdijshme se menopauza ka simptoma të ndryshme. Shumica e femrave ndiejnë afshe të nxehta dhe djersijnë gjatë natës, mund të kenë imunitet të dobët, thatësi vagjinale dhe dhimbje koke. Simptomat ndryshojnë në varësi të ndryshimit të humorit. Madje shumë femra përjetojnë ankth dhe depresion.
Humbja e dëshirës seksuale
Humb dëshira për seks sepse ulet numri i hormoneve. Shumë femra gjatë menopauzës përjetojnë humbjen e dëshirës seksuale dhe kjo shkaktohet nga mungesa e hormoneve seksuale. Por sipas studimeve, mungesa e dëshirës për seks vjen edhe për shkak të thatësisë vagjinale.
Ndalimi i periodave dhe perimenopauza
Në fillimet e menopauzës disa femrave mund t'u vijnë periodat gradualisht deri në momentin që nuk do t'u vijnë më, kurse për disa të tjera është më e dhimbshme sepse periodat nuk vijnë dhe kjo quhet periudha e perimenopauzës.
Menopauza zgjat disa vite
Për disa femra periodat ndalen menjëherë pa pasur asnjë simptomë, kurse kohëzgjatja mesatare e menopauzës mund të jetë deri në 4 vjet. Menopauza ka përfunduar kur femrës nuk i kanë ardhur periodat për 12 muaj. /Telegrafi

The post Ja disa detaje të rëndësishme që femrat duhet të dinë për menopauzën appeared first on Lajme | Lajmi i Fundit | Lajmet | informacion shqip, gazeta online.

Mjekët flasin: Nëse sperma juaj ka këtë ngjyrë, keni nevojë për një vizitë

Posted: 26 Aug 2017 06:52 AM PDT

Meshkuj, kujdesuni për veten. Kushtojini vëmëndje spermës të cilin e keni nxjerrë jashtë, sepse ajo mund t'ju tregojë shumë për shëndetin tuaj.

Nuk është krejt njësoj çfarë është ngjyra e spermës, dendësia, aroma dhe sasia, sepse pikërisht këta parametra mund të tregojnë ndonjë sëmundje. Për fillim, ta keni të qartë nëse rastësisht në lëngun e spermës vëreni gjak, menjëherë caktoni kontroll te urologu, sepse mbase keni kancer apo ndonjë sëmundje të rrezikshme, e cila mund t'ju kushtojë si me maskulitet ashtu edhe me jetë!

Po ashtu, nëse sperma ju duket diçka më e zbehtë se zakonisht, madje edhe e tejdukshme, është koha për t'u brengosur. Mbase është fjala për ejakulimin retrograd gjendje kur një pjesë e spermës në vend që të nxirret jashtë nëpërmjet vrimës së uretres, e riorienton në traktin urinar.
Nëse e injoroni, pas një kohe mund të filloni të keni të ashtuquajturin "orgazëm në të thatë", që "të gjuani në të zbrazët", përkatësisht të ndieni kulmin seksual, mirëpo jashtë nuk mund të nxirrni asnjë pikë lëngu.
Fatkeqësisht, nëse nuk reagohet me kohë, implikimet e këtij çrregullimi janë impotenca dhe shterpësia.
Nga ngjyrat edhe më problematike janë sperma e verdhë dhe e gjelbër. Kjo me siguri është shenjë që jeni "prekur" me sëmundje seksualisht të transmetueshme apo me ndonjë infeksion tjetër.
Fatmirësisht, madje edhe kur është fjala për hlamidinë apo gonorrenë nëse reagohet shpejt do të shërohen tërësisht.
Me siguri as ju, si edhe as shumica e meshkujve nuk dëshironi të shikoni frytet e "punës tuaj të kaluar", e aq më pak që t'i nuhatni. Mirëpo, do të duhej kohë pas kohe që t'i merrni erë spermës suaj, dhe nëse vëreni çfarëdo qoftë ndryshimi të erës, duhet që të konsultoheni me ekspertin.

The post Mjekët flasin: Nëse sperma juaj ka këtë ngjyrë, keni nevojë për një vizitë appeared first on Lajme | Lajmi i Fundit | Lajmet | informacion shqip, gazeta online.

Studimet tregojnë, nishanet në këto vende të trupit kanë një domethënie

Posted: 26 Aug 2017 06:40 AM PDT

Të rrallë janë njerëzit të cilët nuk kanë nishane, ndërsa shumë prej tyre nuk i numërojnë dot.

Sipas disa gojëdhënave, nishanet disa më të vogla dhe gjenden në pjesë të ndryshme të trupit, por pozita e tyre ka domethënie të veçantë. P.sh., disa nishane lidhen me pasurin e personit, ndërsa disa tjera me familjen dhe shëndetin.

Nishani mes vetullave
Nishani në këtë zonë lidhet me zhvillimin e karrierës. Kjo do të thotë se së shpejti do të ketë ngritje në detyrë, rritje e rrogës ose diçka e kësaj natyre.
Nishani mes syrit dhe vetullave
Nishanet në këtë zonë kanë të bëjnë me shtëpinë. Nëse keni nishan në këtë zonë, do të thotë se jeni person i cili adaptohet lehtë. Jeni i mirë me njerëzit dhe supozoni të merrni një pozitë lideri.
Nishani në mollëz
Kjo do të thotë se do të keni një pozitë të fuqishme në punën tuaj dhe pasuria juaj do të rritet.
Nishani sipër buzëve
Nishani sipër buzës do të thotë se jeni të interesuar në ushqim dhe gardërobë. Keni aftësi të mira shoqërore dhe jeni i famshëm mes shoqërisë.
Nishani në këmbë
Nishani në këmbët tuaja do të thotë se preferoni të udhëtoni shpesh. Gjithashtu, jeni i famshëm në vendin e punës dhe paralajmëron se mund të jeni lider i mirë.

The post Studimet tregojnë, nishanet në këto vende të trupit kanë një domethënie appeared first on Lajme | Lajmi i Fundit | Lajmet | informacion shqip, gazeta online.

Plot 102 kg drogë në makinë, arrestohet ‘’bosi’’ vlonjat

Posted: 26 Aug 2017 06:31 AM PDT

Finalizohet me sukses operacioni antidrogë, i koduar "SHIGJETAT" nga policia e Vlorës, ku janë sekuestruar 102 kilogram e 500 gram lëndë narkotike kanabis sativa si dhe arrestohet në flagrancë poseduesi i lëndës narkotike.

Në vijim të goditjeve të njëpasnjëshme të realizuara nga Drejtoria Vendore e Policisë Vlorë të rasteve të prodhim shitjes dhe trafikimit të lëndëve narkotike, një tjetër rast operacioni i koduar "Shigjetat" është finalizuar me sukses ditën e sotme nga Sektori për Hetimin e Narkotikëve në bashkëpunim me shërbimet e patrullave të Shigjetave, në DVP Vlorë.

Operacioni u finalizua në aksin rrugor Vlorë-Orikum, në vendin e quajtur "Kalaja", ku shtetasit Eraldo Canaj, 26 vjeç, banues në Vlorë i janë sekustruar në automjetin tip " Polo" me targa AA 428 KC, një sasi lënde narkotike Cannabis Sattiva, me peshë totale 102 kg e 500 gram.
Policia ka arrestuar në flagrancë shtetasin e lartëpërmendur si posedues të lëndës narkotike si edhe ka sekuestruar, sasinë e lëndës sëbashku me mjetin në cilësinë e provës materiale.
Materilalet u referuan në Prokurori në ngarkim të shtetasit të lartëpërmendur për veprën penale "Prodhimi dhe shitja e narkotikëve", parashikuar nga neni 283/1 të Kodit Penal.

The post Plot 102 kg drogë në makinë, arrestohet ''bosi'' vlonjat appeared first on Lajme | Lajmi i Fundit | Lajmet | informacion shqip, gazeta online.

Biznesmeni grek nuk ka para për punonjësit, i paguan ata me hashash

Posted: 26 Aug 2017 06:15 AM PDT

Nuk është normale, por është një ngjarje e vërtetë. Një biznesmen grek, në një zonë të bashkisë së Ilidas të gadishullit të Peloponezit është arrestuar pasi ka paguar katër të punësuarit e tij me hashash.

Ngjarja është zbuluar kur autoritetet policore kanë arrestuar 4 pakistanezë të moshave nga 25 deri 29 vjeç që punonin në kultivimin e piperit dhe u kanë gjetur 215 gram hashash.

Të pyetur se ku e gjetën lëndën narkotike, ata janë përgjigjur se ishte pagesa për katër ditë pune dhe se ata kishin pranuar pasi edhe në të kaluarën kishin blerë te punëdhënësi i tyre sasi hashashi për përdorim vetjak.
Menjëherë organet policore kanë arrestuar 48-vjeçarin grek, i cili ka pohuar se u ka dhënë hashash katër pakistanezëve, jo si pagë për punën e tyre, por si dhuratë.
Sipas policisë së Ilidhas, 48-vjeçari ka një dosje të mbushur penale sidomos për sa i përket shkeljes së ligjit të trafikimit të lëndëve narkotike./Top Channel

The post Biznesmeni grek nuk ka para për punonjësit, i paguan ata me hashash appeared first on Lajme | Lajmi i Fundit | Lajmet | informacion shqip, gazeta online.

Kthimi i vizave, Rama i përgjigjet Holandës: Krimi nuk ka nacionalitet, propagandë si Brexit

Posted: 26 Aug 2017 06:09 AM PDT

Kryeministri Edi Rama i konsideroi të qëllimshme dhe me axhenda të caktuara raportet e mediave holandeze për kriminalitetin shqiptar, duke theksuar se kriminelët i përkasin të gjitha pasaportave dhe nuk kanë nacionalitet. Kreu i qeverise Edi Rama tha se propaganda bëhet për qëllime politike.

Rama theksoi me tej se e njëjta propagandë u bë edhe në Britani për daljen e vendit nga Bashkimin Evropian, duke theksuar se atje ka 700 polakë dhe vetëm 65 mijë shtetas nga Ballkani.

Deklarata e kryeministrit Edi Rama:
Ne nuk kemi asnjë problem as me Holandën dhe as me një shtet tjetër. Unë flas për mënyrën se si në media apo përmes zërave që kanë agjendën e tyre në vendet e Bashkimit Evropian, targetohen të ardhurit nga vendet e tjera dhe targetohen edhe shqiptarët.
Në momentin kur në një vend, një etni lidhet me kriminalitetin kjo për mua është e papranueshme. Nëse ka kriminelë në Evropë, ata kanë të gjitha pasaportat e mundshme, por identifikimi dhe propagandimi i etnisë së kriminelëve nuk ka lidhje me Evropën që kemi dhe Evropën që duam. Ka lidhje vetëm me agjenda politike në një Evropë që kalon turbullira në raport me të ardhmen e vet.
Janë 700 mijë polakë në Britani dhe janë vetëm 65 mijë njerëz nga gjithë Ballkani dhe për të propaganduar nevojën e daljes nga Evropa u përdorën shqiptarët dhe ballkanasit si propagandë. Kjo nuk ka lidhje me realitetin e gjërave.
Në realitetin e gjërave ka një problem shqetësues që lidhet me faktin që qytetarët e këtij rajoni dhe ata të Shqipërisë nuk kanë asnjë shans të marrin azil politik në Evropë. Është thjesht rënie në rrjetën kriminale të njerëzve që kërkojnë një jetë më të mirë.

The post Kthimi i vizave, Rama i përgjigjet Holandës: Krimi nuk ka nacionalitet, propagandë si Brexit appeared first on Lajme | Lajmi i Fundit | Lajmet | informacion shqip, gazeta online.