Home » » “Rini e harruar nga gjithçka. Sot është dita e jonë” plus 9 more Ferizaj Press

“Rini e harruar nga gjithçka. Sot është dita e jonë” plus 9 more Ferizaj Press

“Rini e harruar nga gjithçka. Sot është dita e jonë” plus 9 more Ferizaj Press

Rini e harruar nga gjithçka. Sot është dita e jonë

Posted: 12 Aug 2017 09:40 AM PDT

Rinia e Kosovës është e harruar nga klasa politike, procesi në vendimmarrje, nga praktika profesional dhe nga të gjitha gjërat. E dimë që Kosova ka një rini shumë të pasur ndoshta një thesar për Kosovën që çdo shtet ëndërron ta ketë por është pothuajse e vështirë e që sipas statistikave 2/3 e popullsisë së Kosovës i përket gjeneratës së re kosovare.

Rininë e Kosovës e pret një sfidë shumë e madhe para vetes e që është e tashmja dhe e ardhmja e këtij vendi është një shpresë për vendin tonë për të vazhduar tutje. Njëra ndër gjërat më brengosëse është niveli i papunësisë tek të rinjtë e Kosovës e pastaj deri te liberalizimi i vizave. Rinia kosovare nuk është e barabartë me atë evropiane është mbetur shumë mbrapa në çdo hap, por njëra ndër shkaqet është politikëbërësit e dobët që i ka vendi ynë dhe që nuk kanë aftësi të mjaftueshme për të ju mundësuar rinisë një jetë më të mirë dhe më të dinjitetshme.

Presidenti i Leadership Development Association Albania-Regional Ferizaj Lulzim Hasani u shpreh se sot është një ditë shumë e veçantë për të rinjtë e Republikës së Kosovës, sot më 12 gusht 2017 shënohet 18 vjetori i ditës së rinisë.

Lëndohen 7 persona në aksident trafiku në Prelez

Posted: 12 Aug 2017 07:12 AM PDT

Ferizaj.12.08.2017. 7 persona janë lënduar, 3 prej të cilëve janë në gjendje  të rëndë shëndetësore, në një aksident trafiku në fshatin Prelez të Ferizajt.

Zëdhënësi i Policisë për Rajonin e Ferizajt, Agim Gashi, ka thënë se njëra nga automjetet ka humbur kontrollin me ç'rast ka goditur veturën tjetër.

Në Bibaj të Ferizajt, asfaltohen me standardet moderne mbi 3 kilometra e gjysmë rrugë

Posted: 12 Aug 2017 06:36 AM PDT

Asfaltohen me standardet më moderne mbi 3 kilometra e gjysmë rrugë, brenda fshatit Bibaj që kanë një kosto prej 350 mijë eurove
Në vazhdën e projektve infrastrukutorore të cilat po finalizohen çdo ditë e më shumë në Ferizaj, sot edhe fshati Bibaj ka përfituar disa rrugë të asfaltuara e të rregulluara me të gjitha standardet moderne.
Me këtë rast kryetari i komunë së Ferizajt Muharrem Svarqa ka uruar banorët e këtij lokaliteti duke u zotuar se nevojat e kërkesat e tyre do t'i ketë gjithmonë parasysh qeveria komunale
"Ne po përmbyllim me sukses edhe një projekt mjaft të nevojshëm për banorët e fshatit Bibaj, ku po shtrohen mbi 3 kilometra e gjysmë me asfalt, po rregullohen mbi 2 kilometra shtigje për këmëbësor e ndriqim ndërsa ka pasur edhe disa vende ku është rregulluar kanalizimi si pjesë përcjellëse e proejktit në gjatësi rreth 200 metra.
Edhe këtu po e shohim se rrugët po asfaltohen me standardet më mirë se çdo kund në Kosovë ndërsa po i përmabhemi synimt për rrugë të gjera deri në 6 metra e që do të jetë mjaft lëvizje e lirë për automjete e për këmbësorë" ka thënë kryetari Svarqa.
Në fillimin e punimeve në fshatin Bibaj banorët bashkë kryetrin dhe qeverinë komunale ndjenjën e madhe të gëzimit e treguan edhe duke hapur një shampanjë duke uruar njëri tjetrin për projektin e ri.
Një pjesë e të pranishmëve në ngjarjen e sotme në fshatin Bibaj ishin mërgimtarë që po kalojnë pushimet në vendilndje. Ata shprehën gëzimin dhe admirimin e tyre për punët që po shohin , kurse edhe kryetari Svarqa i njoftoi me të gjitha zhvillmet në komunën e Ferizjat dhe projektet e shumta anembanë qytetit e fshatrave dhe përvojat e mira që ka bartur këtu pasi që një kohë edhe ai vet ka kaluar bashkë me familjen jashtë atdheut .
I pari i komunës së Ferizajt me kënaqësi ndau tregimet pozitive për të cilat po punon qeveria komunale dhe falënderoi edhe mërgimtarët për kontributin që japin gjithmonë në vendilindje.

Ndërkaq Faton Haxhisalihu kryetar fshatit Bibaj tregoi se pushteti komunal po u plotëson kërkesat që kanë bërë prandaj komuniteti është mjaft falënderues. U tha se popullatës së këtushme në të ardhmen i duhen edhe disa projekte të tjera të cilat do të mund të realizohen me buxhetet e viteve të ardhshme.
Asfaltimi i rrugëve në fshatin Bibaj komunës së Ferizajt i kushton rreth 350 mijë euro.

Hasan Prishtina, uragan i qështjes shqiptare

Posted: 12 Aug 2017 06:22 AM PDT

Me rastin e 84 vjetorit të vrasjes së patriotit e atdhetarit të madh shqiptar Hasan Prishtina

I ndershëm, burrë i ditur e i zgjuar, njeri që e shkriu jetën për të mbjell farën e diturisë, me zemër të përvëluar për kombin, atdhetar i spikatur dhe mbrojtës i lirisë, atdhetari që dha gjithçka për pengimin e projekteve sllave për shprënguljen e shqiptarëve nga trojet etnike, deputet në Parlamentin Osman, poltikan e burrështetas, janë vetëm disa nga epitetet që i gëzonte patrioti i madh shqiptar Hasan Prishtina në shtypin shqiptar të kohës.
Mëmëdhetari i shquar, siq e quante gazeta “Bashkimi i Kombit” që botohej në Manastir, me prejardhje të familjes nga Polaci i Drenicës, cilësohet si një ndër figurat më pozitive historike shqiptare.
Trim, i ndershëm, që "ka marrë burrërisht Flamurin në dorë….", që "besnikërinë dhe dashurinë për atdhe e ka provuar jo me fjalë, por me vepra dhe sakrifica…", " i cili trimërisht i mbronte të drejtat shqiptare në Parlament të Turqisë…, një nga më të mëdhenjtë atdhetar…", dhe mjaft vlerësime të tjera që rrallëher i bëheshin dikujt tjetër.
Çështjen shqiptare Hasan Prishtina e kishte marrë si qështje jetësore, ai nuk kishte dhe nuk bënte asnjë kompromis në këtë pikë. Padyshim që ishte njëri ndër zërat më aktiv në Parlamentin e madh Osman në mbrotje të qështjes shqiptare, për respektimin e të drejtave sovrane të kombit dhe trojeve etnike shqiptare, për shkollimin dhe arsimimin e popullsisë shqiptare, për shtetin shqiptar, ai përdorte diplomacinë dhe mjetet diplomatike, por edhe këto kishin kufirin e tyre, prandaj Hasan Prishtinën e gjeje edhe në qetat e kryengritjeve të mëdha anti osmane për lirinë e kombit, bashkë me Isa Boletinin e luftëtar tjerë shqiptar.

Hasan Prishtina si deputet në Parlamentin Turk, e shtjelloi çështjen e shqiptare duke sugjeruar që jeta të ndërtohet mbi themelet e ligjeve, që gjuha shqipe të përdoret në sistemin shkollor deri në arsimin e mesëm, që nëpunësit e administratës të dinë gjuhën shqipe, që të ketë falje për ata që do të jenë në opozitë etj. etj. Ai thoshte se natyra e fuqisë dhe disiplinës qëndronte në cilësitë e intelektit shqiptar.
“Jam i bindur sot që shqiptarët përbëjnë popullin më të zgjuar të Ballkanit. Munden me meritue një të ardhme të shkëlqyeshme!".
Duke e parë se diplomacia me qeverinë osmane ishte e kotë, Hasan Prishtina iu bashkua kryengritjes së madhe mbarëpopullore për çlirimin e trojeve shqiptare. Një moment historik e i kthesës së madhe.
Kjo luftë zhvillohej për t'i dhënë fund sundimit barbar të Turqve të Rinj, të cilët po kryenin shumë mizorira në kurriz të popullit tonë. Kjo është një luftë mbarëpopullore sepse edhe kishte të bënte me një problem mjaft të rëndësishëm mbarëkombëtar, prandaj edhe pati përkrahjen aktive të patriotëve të tjerë shqiptar nga të gjitha trevat shqiptare.
Si mbrojtës i lirisë së kombit, Hasan Prishtina gjithnjë shprehej pa rezerva dhe pa nënkuptime. Për këtë çështje ai është krejt i qartë në formulime dhe transparent në veprime duke u shprehur se, nëse edhe xhonturqit nuk do të ndërrojnë qëndrimet politike kundrejt Çështjes Shqiptare, nëse shqiptarëve nuk do t'u garantohen të drejtat e tyre politike, atëherë do të ndodhin ngjarje të përgjakshme dhe të hidhëta.
Pas fitores së madhe të Shpalljes së Pavarësisë, 28 nëntor 1912, në plan të parë doli çështja e mbrojtjes së tërësisë territoriale nga synimet shoviniste të fqinjëve veriorë, lindorë e jugorë.
Në këto kushte atdhetari i pamposhtur arrin në pamëdyshje në përfundimin: "… jemi detyruar të luftojmë të dëshpëruar kundër armiqve tanë për të mbrojtur të drejtat më legjitime të vendit tonë dhe vatrat tona".
Një nga shtyllat kryesore që formon personalitetin e plotë të Hasan Prishtinës është edhe kuptimi që ka si dhe qëndrimi që mban kundrejt problemit të gjuhës shqipe e të arsimit shqip. Ai me të drejtë ruan mendimin se, gjuha është një nga elementët kryesorë të një kombi, prandaj edhe e trajton këtë çështje jo vetëm me forcën e logjikës por edhe me vrullin e atdhetarit e patriotit duke dhënë edhe shembuj konkret në të mirë të kësaj kauze.
Hasan Prishtina ishte pjesëmarrës aktiv dhe autoritar në Kongresin e Manastirit më 1909, që u mbajt për përcaktimin e alfabetit shqip. Këmbënguli që të vendoset Alfabetit shqip.
Në përgjithësi ai gjykonte se dituria e poshtëron padijen, se ajo është një tregues i qytetërimit të një kombi, por edhe kusht për zhvillimin e tij.
Hasan Prishina dëshironte një arsim masiv, prandaj një nga kërkesat e tij dhe të bashkëshokëve të vet të përhershëm ka qenë që, gjuha të mësohet deri në nivelin e shkollës së mesme. Vetë jep shembullin duke mbuluar shpenzimet për arsimimin e 50 të rinjve kosovarë në Shkollën Normale të Elbasanit, ashtu si tregohet fisnik e human kur pohon që, të ardhurat nga botimi i një libri për Kryengritjen e Përgjithshme të vitit 1912, do t'i përdorte për arsimimin e fëmijëve jetimë të Kosovës, të Dibrës e të Çamërisë që gjenden në Shqipëri. Shum herë ka dhënë të holla për zhvillimin e arsimit shqip duke e konsideruar atë si faktor "… për përparim të diturisë në Shqipëri…", dhe kërkonte me këmbëngulje që në Kosovë të dërgohen mësues për të përhapur mësimin shqip duke iu kundërvënë kështu intrigave, që thureshin kundër gjuhës së bukur shqipe.
Hasan Prishtina mbetet një atdhetar i spikatur; se ai, si rrallëkush dallohet si mbrojtës i zjarrtë i lirisë, tërësisë territoriale dhe arsimit e gjuhës shqipe.
Atdhetari Hasan Prishtina, me tërë qenien e tij propagandonte dhe punonte kundër shprënguljes së shqiptarëve nga territoret e tyre të pushtuara, ai e dinte mirë se shprëngulja e shqiptarëve do të thoshte humbje e territoreve, prandaj pavarësisht dhunës së shfrenuar të pushtuesve ai bënte thirrje pa nda për qëndrim të popullatës shqiptare në trojet e veta stërgjyshore.
“Dy duar për kokën, koka për atdheun” thoshte Hasan Prishtina, duke e qartësuar në këtë formë që atdheu, vendlindja jam mbi gjithçka. Kjo thënie në ditët e sotme ka një domethënie të jashtëzakonshme, duke pasur parasysh ikjen e rinisë shqiptare, shprënguljen nga atdheu, kjo na jep të kuptojn atë që duhet, dashurinë dhe sakrificën që duhët të bëjmë për atdheun.
Hasan Prishtina kishte parime të larta morale duke shprehur thelbin e formimit shpirtëror e moral të popullit shqiptar. Ishte i tillë, mbeti i tillë dhe emri e vepra e tij do të ngelen të tilla deri në fund të kohës.
Duke çmuar veprën e madhe të Hasan Prishtinës, shumë shkolla e institucione sot mbartin emrin e tij, në respekt të atdhedashurisë, punës e kontributit të këtij vigani kombëtar, në fillim të viteve 1990, në Polac të Drenicës, u krijua edhe Lëvizja “Hasan Prishtina” e cila si synim kishte parandalimin e shpërnguljes së shaiptarëve nga dhuna e shfrenuar e sistematike e pushtuesve serb në vitet e 90.
Kurse për merita të veqanta në pengimin e pastrimit etnik të Kosovës dhe krijimin e kushteve për kthim, kjo shoqatë që nga 1997 ka themelur edhe çmimin “Hasan Prishtina” , çmim ky që ju është ndarë personaliteteve të spikatura me motivacione kryesisht për mbrojtjen e të drejtave shqiptare siq janë Familja Jashari, Familja Haradinaj, Nënës Shqiptare ( një nëne që ka lindur 16 fëmijë dhe i ka rritur të gjithë në Kosovë), pastaj ish sekretares Madeline Albright, Gjeneralit amerikan Ëesley Clark, politikanit amerikan Franck Uisner, Sekretares Clinton, Kombtares Shqiptare të Futbollit e personaliteteve tjera me ndikim të cilët ndihmuan ndihmuan qështjen shqiptare.

Jahja Lluka,
Kryetar i Shoqatës Për Kthimin e Shqiptarëve të Shprëngulur nga Trojet e Veta

Nënkryetari i AKR-së nuk ia jep votën PAN-it edhe nëse këtë e bën Pacolli

Posted: 12 Aug 2017 02:06 AM PDT

Sejdiu është kundër vlerësimeve publike që e prezantojnë AKR-në si partner të ardhshëm të koalicionit PAN, edhe pse kjo parti është pjesë e koalicionit LAA.Ai thotë të mos ketë indikacione se AKR-ja do t'i bashkohet subjektit që ka shënuar fitore relative në zgjedhjet e parakohshme, pavarësisht paralajmërimeve të fundit të Pacollit.Këmbëngulja e këtij deputeti është se do të votonte kundër një Qeverie ku është PAN-i, edhe sikur të gjithë ligjvënësit e tjerë të Kuvendit të ishin pro saj."Unë kam folur një herë dhe po e përsëris: pavarësisht kush është në anën tjetër, edhe nëse 119 deputetët votojnë për, vota ime do të jetë sikur ka qenë. Pra, kundër PAN-it. Pavarësisht kush i bashkohet në formatin aktual, PAN-i nuk e ka votën time", i ka thënë Kohës Ditore deputeti Sejdiu, i cili është nënkryetar në AKR."Unë jam konsistent në qëndrimin tim fillestar dhe nuk e ndërroj".

Zbulohet shakaku i temperaturave ekstreme që po djegin botën

Posted: 12 Aug 2017 01:20 AM PDT

Temperaturat e larta rekord, bënë që vitin e kaluar Alberta e Kanadasë të përfshihej nga flakët e ndërsa i nxehti vdekjeprurës ka shkaktuar thatësirë në Indi, duke e zhytur vendin në një krizë uji.Planeti ishte më i nxehtë se kurrë vitin e kaluar, sipas Raportit të vitit 2016 për Gjendjen e Klimës, të hartuar nga Administrata Kombëtare Oqeanike dhe Atmosferike. Bashkautori i raportit tha se "Raporti pohon edhe një herë diçka që ne e dimë. Ne e dimë se jetojmë në një planet që vazhdon të ngrohet. …Dhe e dimë që kjo ka për shkaktuar probleme në mbarë botën," – thotë studiuesi.Në raport thuhet se një cikël klimatik El Nino tepër i fuqishëm, ka kontribuar në rritjen e temperaturave ekstreme, thatësira dhe shira të rrëmbyer.Këto ndryshime nga vitit në vit po ndodhin njëkohësisht me rritjen e vazhdueshme të përqendrimit të gazeve që ngrohin planetin, në nivele të papara për të paktën 800,000 vjet.Në studimin vjetor të klimës së Tokës kanë kontribuar rreth 500 shkencëtarë nga 62 vende të botës. Studjuesi Deke Arndt thotë se tashmë janë të njohura shkaqet e ngrohjes së planetit:"Ne mund t'i rishikojmë gjithmonë shifrat, për të përcaktuar me saktësi ndryshimet që po ndodhin, por diçka është e qartë: ngrohja e planetit tonë po ndodh kryesisht nga aktiviteti njerëzor."Këta shkencëtarë i dhanë gazetës "The Neë York Times" një projekt-raport të 13 agjencive qeveritare, ku thuhet se aktiviteti njerëzor është arsyeja parësore për ndryshimet klimatike dhe se për këtë nuk ka shpjegime alternative. 

Vuçiq: Para fundit të vitit do ta them mendimin tim lidhur me Kosovën

Posted: 12 Aug 2017 01:19 AM PDT

"Para fundit të këtij viti, do ta jap mendimin tim", ka thënë Vuçiqi për Televizionin Publik Serb, kur është pyetur se  kur do të dalë me qëndrimin e  tij lidhur me Kosovën.

Ai ka thënë se për rregullimin e të ardhmes së Serbisë është e rëndësishme që të paktën të fillojë dialogu i brendshëm lidhur me Kosovën, përcjell Telegrafi.

"Nuk mund të flas për diçka që nuk është përfundimtare. Mund të flas për diçka që është e rëndësishme për të ardhmen e Serbisë. I njoh shqiptarët, i njoh serbët, por në qoftë se nuk do të provonim ta rregullojmë të ardhmen, atëherë nuk do të duhej të merremi me këtë punë", ka thënë Vuçiq.

Presidenti serb ka vlerësuar se është me rëndësi që të gjithë të fillojnë të mendojnë ndryshe, e jo të dëshirohet një Serbi e cila lëngon.

"Në qoftë se njëra palë është e kënaqur, kurse tjetra e pakënaqur, atëherë nuk ka kompromis", tha Vuçiqi.

Testimi i mangët i agjencive të sigurisë

Posted: 12 Aug 2017 01:18 AM PDT

Por, deri më tash, efektshmëria e mekanizmave për situata emergjente nuk është testuar asnjëherë, thonë ekspertë për çështje të sigurisë.

Burim Ramadani nga Qendra Kosovare për Studime të Sigurisë, për Radion e Evropa e Lirë, thotë se një testim i tillë është i domosdoshëm, në mënyrë që të dihen rolet dhe përgjegjësitë e secilës agjenci të sigurisë.

"Respektivisht, nuk ka pasur asnjëherë testim të plotë të të gjitha institucioneve të sigurisë, emergjencës, shëndetësisë… se si do të reagonin në mënyrë të plotë në ndonjë rast të, qoftë terrorizmit, ose të fatkeqësisë natyrore, apo edhe në rast të ndonjë sulmi nga jashtë Kosovës", thotë Ramadani.

Institucionet e Republikës së Kosovës kanë miratuar Ligjin për fatkeqësitë natyrore dhe kanë hartuar dokumentet bazë siç është Sistemi i Integruar i Menaxhimit të Emergjencave dhe Plani i Reagimit Kombëtar.

Hajriz Sejdiu nga Qendra për Menaxhimin e Emergjencave në Ministrinë e Punëve të Brendshme, thotë për Radion Evropa e Lirë, se një testim i kapaciteteve emergjente është realizuar nëvitin 2012.

"Ne kemi pasur një zjarr në vitin 2012, që ka ndodhur në komunën e Dragashit, kur nga zjarri qenë përfshirë 2800 hektarë pyje. Dhe, aty kemi testuar Planin e Reagimit Kombëtar, deri te ngritja e Qendrës së bashkuar fushore. Agjencia për Menaxhimin e Emergjencave, [AME],ka menaxhuar të gjitha asetet qeveritare që kanë ardhur nga Qeveria e Republikës së Kosovës në ndihmë nivelit lokal, gjegjësisht komunës së Dragashit për ta menaxhuar këtë zjarr, që kishte përfshirë një hapësirë të madhe", thotë Sejdiu.

Por, për Ramadanin, në disa raste të fatkeqësive natyre, në Kosovë është vërejtur një mos-koordinim i aktiviteteve të agjencive të sigurisë.

"Në letër ekziston [koordinimi], por në praktikë nuk është testuar në formë të plotë, se kush është udhëheqës i cilit element në rast të reagimit kombëtar emergjent. Në një farë forme i bie që nëse Kosova do të kishte ndonjë rast të rëndë emergjent në nivel kombëtar, atëherë secili do institucion do të vepronte në mënyrën e vet në parim, por që nuk do të ishte një koordinim i duhur për të shpëtuar jetët e qytetarëve", konsideron Ramadani.

Mirëpo, Hajriz Sejdiu thotë se sipas ligjit dhe dokumenteve bazë të miratuara nga Qeveria e Kosovës, detyrat dhe përgjegjësitë janë të ndara dhe zbatohen që nga niveli lokal e deri te niveli qendror.

"Niveli lokal është përgjegjës për menaxhimin e situatës. Në momentin kur niveli lokal i shtjerr resurset e veta, ato marrëveshjet e bashkëpunimit me komunat tjera dhe nuk ka më resurse, ajo e thërret Agjencinë për Menaxhimin e Emergjencave [AME]. DheAME – ja është e obliguar që të sigurojë ndihmë nga niveli qendror, sipas prioriteteve. Nëse nivelit lokal i duhet Forca e Sigurisë së Kosovës, [FSK] ne e dërgojmë atë, nëse i duhen shërbime mjekësore më të specializuara, ne i dërgojmë edhe ato", shprehet Sejdiu për Radion Evropa e Lirë.

Me Planin e Reagimit Kombëtar, Koordinator i menaxhimit të incidenteve me karakter kombëtar, deri në shpalljen e gjendjes së jashtëzakonshme nga presidenti, është Ministria e Punëve të Brendshme.

Në Kosovë funksionon edhe Këshilli i Sigurisë së Kosovës, i cili është organi më i lartë i sigurisë në vend dhe i cili ka rol këshillues në të gjitha çështjet që lidhen me sigurinë e Kosovës. Ai rekomandon politika dhe strategji për sigurinë.

Mobilizohet Ferizaj për shuarjen e zjarrit masiv në Lloshkobare dhe Dremjak

Posted: 11 Aug 2017 12:00 PM PDT

Mobilizohen organet komunale dhe ato emergjente për shuarjen e zjarrit masiv që ka shpërthyer sot mes fshatrave Dremjak e Lloshkobare

Një zjarr i furishëm që ka shpërthyer pasdite mbi sipërfaqet e parkut "Liria" në hapësirat mes fshtarave Dremjak e "Lloshobare" ka mobilizuar organet komunale dhe emergjencat e insitucione të tjera lokale për t'u përballuar sa më lehtë kjo situatë.
Kryetari i komunës së Ferizajt Muharrem Svarqa është angazhuar dhe po koordinon aktivitetet me të gjitha organet përgjegjëse për të intervenuar sa më shpejt në mënyrë që dëmet të jenë sa më të vogla dhe të ndalohet përhapja e mëmtutjeshme e zjarrit.
Bëhet e ditur se veq ekipeve për zjarrfikje nga Brigada e Ferizajt tashmë në ndihmë kanë ardhur edhe ekipe nga Vitia dhe Shtima dhe po shqyrtohen mundësi të bashkëpunohet edhe me komunat e tjera.
Po ashtu apelohet tek qytetarët e vendbanimeve rreth kësaj sipërfaqe të jenë sa më të kujdeshshëm në rast e zjarreve dhe të tregojnë maturi e vëmendje si dhe të ofrojnë ndihmën e nevojshme.

Zjarri ka kapluar sipërfaqe të mëdha mbrapa Parkut të Lirisë në Ferizaj

Posted: 11 Aug 2017 10:48 AM PDT

Në orët e pasditës zjarri ka kapluar një sipërfaqe të madhe me pyje dhe shkurre nga fshati Balaj duke përfshirë Lloshkobaren në drejtim të Dremjakut. Në shuarjen e zjarrit përpos zjarrfikësve të Ferizajt janë angazhuar edhe brigadat zjarfikëse nga Lipjani, Shtimja, Kaçaniku si dhe FSK.
Në rrezik nga zjarri janë tri shtëpi të fshatit Lloshkobare.