Home » » Ora News: “Në Itali mbrëmë u sekuestruan 2 ton drogë, ja fotot” plus 9 more

Ora News: “Në Itali mbrëmë u sekuestruan 2 ton drogë, ja fotot” plus 9 more

Ora News: “Në Itali mbrëmë u sekuestruan 2 ton drogë, ja fotot” plus 9 more

Në Itali mbrëmë u sekuestruan 2 ton drogë, ja fotot

Posted: 04 Aug 2017 11:44 PM PDT

Dy skafistë shqiptarë janë arrestuar pas një ndjekje në det. Superoparacioni i cili ka zgjatur për rreth 5 orë për ndalimin e gomones është realizuar me pjesmarjen e tre shteteve Italia-Shqipëri dhe Mali i Zi me mbështetjen ajrore të Frontex.

Ndërsa bëhet e ditur se skafi është konstatuar nga rojet bregdetare të Malit të Zi, dhe pas alarimit ndjekja ka vijuar në ujrat bregdetare të Detit Adriatik.

Gjatë ndjekjes trafikantët e kanë hedhur në det ngarkesën, duke e bërë edhe më të vështirë ndjekjen e tyre.  por pavarësisht këtij veprimi nuk kanë mundur që të shpëtojë vetë, pasi u ndaluan në det të hapur nga Guardia di Finanza e Termolit dhe Barit të drejtuar nga avioni i Frontex.

 Ndjekja e gomones ka zgjatur 5 orë, më pas është bllokuar, ndërsa lënda narkotike e hedhur në det nga skafistët është rikuperuar dhe dorëzuar te autoritetet italiane.

Gomonia e fuqisë së lartë me tre motorë është sekuestruar, ndërsa vijon hetimi për të zbuluar rrjetin e trafikut të drogës. Trafikantët dhe gomonia i janë dorëzuar autoriteteve gjyqësore italiane.

Policia nuk bën të ditur emrat e trafikanëve për shkak të sekretit hetimor, ndërsa deklaron se ata janë duke eksperimentuar por pa sukses rrugë alternative për shkak të vështirësive të hasura

Manfredonia kapen 2 ton drogë 

Ndërkohë mediat e shtetit fqinje publikuan mbrëmë vonë foto të një ngarkese droge prej gati 2 tonësh kanabis sativa në portin e Manfredonias, komunë e Foggias.  Gjatë operacionit të Guardia do Financa statoquotidiano.it shkruan se janë arrestuar dhe 2 skafistë.

 

 

 

Të parët për lajmin e fundit. Ndiqni Oranews.tv në Facebook dhe në Twitter

BE-ja zgjeron sanksionet kundër rusëve

Posted: 04 Aug 2017 01:46 PM PDT

Bashkimi Evropian, i ka zgjeruar sanksionet kundër kompanive ruse dhe disa personave, duke përfshirë zëvendësministrin e Energjisë, Andrei Cherezov, për shkak të dërgimit të disa turbinave, Siemens nga Rusia në gadishullin e Krimesë, të cilin Rusia e ka aneksuar nga Ukraina.

Diplomatët evropianë, kanë thënë se zëvendësministri i Energjisë, Andrei Cherezov, dhe udhëheqësi i departamentit të ministrisë, Yevgeny Grabchak, janë shtuar në listën e të sanksionuarve për "aksione që cenojnë territorin e Ukrainës, sovranitetin dhe pavarësinë e saj".

Këshilli Evropian, ka thënë se personave të sanksionuar i'u ndalohet udhëtimi në vendet e BE-së dhe i'u bllokohen asetet që i kanë në kompani të territorit evropian.

Ministria e Jashtme e Rusisë, e ka quajtuar vendimin për zgjerimin e aksioneve, si hap "të pajustifikueshëm", i cili ka bërë vend për të marrë masa hakmarrëse.

Krimea, ka qenë qendër e sanksioneve evropiane, sa i përket teknologjisë energjetike, prej kur forcat ruse kanë marrë kontrollin në atë rajon nga marsi i vitit 2014.

Me vendimin e fundit, lista e sanksioneve arrin numrin e 153 personave të sanksionuar.

Sanksionimet kanë filluar nga marsi i vitit 2014.

Siemens ka thënë se turbinat janë dërguar "ilegalisht" në Krime dhe"pa dëshirën tonë", me ç'rast kompania i ka ndërprerë disa marrëveshje me Rusinë.

/Rel/

 

 

 

Të parët për lajmin e fundit. Ndiqni Oranews.tv në Facebook dhe në Twitter

Trafiku i 1.9 ton marijuane nga Shqipëria, zbulohet letra e trafikantëve

Posted: 04 Aug 2017 01:38 PM PDT

Llogaritë që lidhen me ngarkesën e marijuanës që shkon nga Shqipëria me destinacion Brindisin në Itali, janë raportuar në një letër që hetuesit italianë e kanë nën zotërim dhe që ju jep shumë informacion në lidhje me trafiku nëpërmjet detit.

Aktualisht, pesë persona janë arrestuar, ky tri ditë më parë përfunduan në pranga italianët Giuseppe Vantaggiato, Maurizio Muscogiuri dhe Maurizio Carratta, ndërsa më 11 janar janë arrestuar Domenico Pascariello dhe shqiptari Besmir Hameti.

Letra u zbulua gjatë përgjigjeve, menjëherë pas arrestimeve 7 muaj më parë kur Pascariello dhe Hameti janë gjetur në bordin e një gomoneje me 1.9 ton drogë marijuanë e ndarë 84 çanta.

Letra ka zbuluar lidhjet midis trafikantëve.

“Është e qartë se i ndaluari Pascariello është një kërcënim për shkak se, në bazë të një borxhi ndaj bashkëpunëtorëve të tij, do të zbulojë detajet e trafikut të paligjshëm që e çoi atë në pranga".

Mediat italiane shkruajnë se në letër jepen garancitë e marrjes në pyetje, shumat e trafikut, kostot e riparimit të një makine, etj.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Dedikimi i aktores për nënat dhe vajzat sapo ‘pushtoi’ rrjetin

Posted: 04 Aug 2017 01:34 PM PDT

Aktorja e njohur, Hilary Duff ka publikuar një fotografi në llogarinë e saj në Instagram, duke marrë mbështetjen e të gjithë femrave për mesazhin e saj.

Ajo mbante në krahë djalin e saj të vogël, teksa binin në sy strijat dhe celuliti në këmbët e saj, që konsiderohet si defekt në trupin e njeriut.

"Po e postoj këtë për vajzat e reja, gratë dhe nënat e të gjitha moshave. Po shijoj pushimet me djalin tim pas një sezoni të gjat xhirimesh dhe kam qëndruar larg tij për disa kohë. Që kur portalet dhe revistat pëlqejnë të shpërndajnë 'të metat e yjeve', unë i kam! Trupi im më ka dhënë dhuratën më të bukur në jetë: Luca, 5 vite më parë. Unë mbushy 30 vjec në shtator dhe trupi im është i shëndetshëm dhe më dërgon kudo që kam nevojë. Femra, le të jemi krenare për atë që kemi dhe të mos harxhojmë kohë duke qenë të ndryshme, më të mira dhe pa defekte. Për ju të tjerët (e dini mirë kush jeni), ia dolët të shkatërroni castet e bukura dhe jeni kritikues të linjave," – shkruajti ajo.

Hilary mori komente mjaft pozitive për këtë mesazh të sinqertë që i ka dhënë të gjithëve për të patur besim në vetvete.

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Ligji për përdorimin e gjuhëve mori dritë jeshile nga Qeveria

Posted: 04 Aug 2017 01:18 PM PDT

Qeveria në seancën e sotme ka miratuar propozim ligjin për përdorimin e  gjuhëve. Kështu propozim ligji në fjalë që ishte pjesë e marrëveshjes mes partnerëve të koalicionit qeveritarë mori dritë jeshile dhe si i tillë do të dërgohet në Kuvend për procedurë të mëtejme.

(1) Në gjithë territorin e Republikës së Maqedonisë dhe në marrëdhëniet ndërkombëtare gjuhë zyrtare është gjuha maqedonase dhe shkrimi i saj cirilik.

(2) Gjuhë tjetër që e flasin së paku 20 për qind e qytetarëve (gjuhë shqipe), gjithashtu është gjuhë zyrtare dhe alfabet i saj, në përputhshmëri me ketë ligj.

(3) Në të gjitha organet të pushtetit qendror në Republikën e Maqedonisë, institucionet shtetërore, ndërmarrjet publike, drejtoritë, komisionet, personat juridik  të cilët kryejnë autorizime publike në pajtim me ligjin dhe institucionet tjera, gjuhë zyrtare përskaj gjuhës maqedonase dhe shkrimit të saj është edhe gjuha që e flasin 20 për qind e qytetarëve të Republikës së Maqedonisë, në mënyrë të përcaktuar me këtë ligj.

Megjithatë sipas Ligjit në fjalë shqipja nuk përdoret në bankënota, por vetëm simbolet e kultit ku do të reflektojnë edhe ato shqiptare ndërsa sa u përket uniformave  te uniformat do jenë në shqip atje ku janë 20% shqiptarë, por jo edhe në uniformat e ushtrisë.

Ligji sipas gjitha gjasave do të shkoj edhe në Komisionin e Venedikut edhe përkundër që partnerët e koalicionit qeverisës janë ta ndarë nëse Ligji si tërësi do të shkojë në Komision, apo vetëm pjesë të saj. Jozyrtarisht bisedimet janë fokusuar në bankënotat dhe uniformat në dy gjuhë edhe pse nga gjë e tillë përpara formimit të Qeverisë së Re partnerët e koalicionit kishin hequr dorë.

/Alsat/

 

Të parët për lajmin e fundit. Ndiqni Oranews.tv në Facebook dhe në Twitter

Tronditet Emina Çunmulaj: Varfërinë që pashë në Shqipëri, s’e gjen mes shqiptarëve të Malit të Zi

Posted: 04 Aug 2017 01:13 PM PDT

"Unë kam pa varfëri nëpër botë, kam kenë në ndihmat humanitare në Indi dhe Afrikë, por kur një nanë shqiptare dridhet e të kërkon ndihmë, ajo të ther në zemër".

Janë këto fjalët e Emina Çunmulaj, modeles së famshme shqiptare nga Tuzi (Mal të Zi) ndërsa tenton të përshkruajë ndjenjat e saj pasi ka vizituar disa familje që jetojnë në varfëri ekstreme në rrethinat e Shkodrës. Emina vendosi t'i bashkohej Nismës "Fundjavë Ndryshe" për të ndihmuar disa familje në fshatrat në njësinë administrative të Postribës ku pa nga afër mjerimin e tyre.

Tepër e prekur dhe me lot në sy, Çunmulaj ka rrëfyer emocionet e saj në një intervistë ekskluzive për "Tirana Today". Modelja shqiptare ka treguar gjatë intervistës detaje mbi fëmijërinë e saj në malësinë e Tuzit, vështirësitë në vitet e para të karrierës në Itali dhe jetën që ka sot në Shtetet e Bashkuara të Amerikës ku është e martuar me miliarderin iranian Sam Nazarian. "Emina ka qenë një vajzë në një fshat të vogël, unë kam mjelë lopët deri sa kam pas 16 vjeçe. Unë kam kenë një vajzë shumë e thjeshtë dhe jam edhe tani. A kam vuajtur për fukarallik? Jo, s'kam vujt, këtë nuk mund ta them. Por, sidoqoftë më kujtohen hapat e para të modelingut kur kam qënë 15 vjeçare në Itali, kam në një dhomë me 5 vajza dhe kam hangër ushqime në konserva. Por kjo nuk është varfëri, në krahasim me atë ça kam pa sot."

Një pjesë nga intervista e Emina Çunmulaj me gazetaren Erjona Rusi
Emina ke ardh në zonat e thella të Shkodrës me ndihmu disa familje. Si u ndjeve kur pe atë lloj varfërie e mjerimi?
Po mirë në fakt më solli Arbri, faleminderit atij se disa zona të Shqipërisë nuk i kam shumë familjare, nuk i njoh. Pikërisht Shkodrën sepse e kam afër me Hanin e Hotit, ku jam me origjinë. Nuk dija se çka të prisja, ku do shkoja, në ça familje do hija. Por, në mënyrë naive, mbase duhet ta kisha përgatit veten. Sepse është tepër emocionuese kur sheh një nanë në moshë që jeton në atë varfëri.
Nuk e kishe imagjinuar që njerëzit që mund të jetonin në ato lloj kushtesh?
Jo të them të drejtën jo, sepse ti je në Shkodër, ku qendra është një vend shumë i bukur. Ka shumë njerëz që jetojnë jashtë dhe punojnë. Nuk e prisja, nuk e dija çka të prisja dhe kështuqë me të vërtet më ka qëllu rëndë.
Çfarë ndjeve? Pse u bëre keq?
Trishtim, trishtim sepse…ku ka ba vaki, ku ka ba vaki që plaka 70-80 vjeçare të jetojnë në një shtëpi pa kurrëfare kushtesh…ato nuk janë kushte as për kafshë. Kur u nisëm ajo tha: Hajdeni përsëri për Bajram dhe kjo më të vërtet më ka dhimbt. Ndoshta sepse ajo është nanë, unë kam humb nanën time, jam bërë nanë vetë dhe mbase jam ba ma e ndjeshme.
Dikush që të sheh nga Instagrami, nga larg duke parë jetën tënde të luksit, mundet edhe të thotë që Emina as e ka idenë çfarë është vuajtja. Është e vërtet? A din Emina se çfarë do me thanë me vujt?
Unë nuk mund të them që jeta që kam sot…është një jetë e mirë padyshim, por s'ka qënë kështu gjithmonë. Emina ka qënë një vajzë në një fshat të vogël, unë kam mjelë lopët deri sa kam pas 16 vjeçe. Unë kam kenë një vajzë shumë e thjeshtë dhe jam edhe tani. A kam vuajtur për fukarallik? Jo, s'kam vujt, këtë nuk mund ta them. Por, sidoqoftë më kujtohen hapat e para të modelingut kur kam qënë 15 vjeçare në Itali, kam në një dhomë me 5 vajza dhe kam hangër ushqime në konserva. Por kjo nuk është varfëri, në krahasim me atë ça kam pa sot. Unë kam pa varfëri nëpër botë, kam kenë në ndihmat humanitare në Indi dhe Afrikë, por prap se prap, është tjetër kur të thekson afër zemrës, kur e ndjen nanën shqiptare që dridhet e thotë: "Shihe ku flej, ku haj, ku rri.."
Të dhemb ma shumë nana shqiptare?
Po, bre, se jam shqiptare vetë. Gjaku s'asht ujë.
Pse ke këtë dëshirën për tu marrë me bamirësi? Pse kjo dëshirë për të ndihmuar të tjerët?
Nuk është thjesht dëshirë. Është gjë normale për tu bërë. Nëse unë jam rehat, kjo nuk do të thotë që kojshia që nuk asht rehat të më lejë me fjet në paqe. Kjo është e vetmja gjë që na dallon nga kafshët, edhe ato madje ndihmojnë njëra-tjetrën. Ne jemi njerëz. Bamirësia nuk është diçka që lind, e ke në shpirt, në zemër. Unë s'mund të rri rehat, nuk flej dot. Dhe ma fort më dhimbet se asht vendi im. Ti duhet të jesh vullnetar thjesht sepse e ndjen veten mirë dhe beson që të tjerët kanë nevojë. Ti ke pasuri, zemër, shpirt dhe ja jep tjetrit. Kështuqë mendoj se një ndër gjërat kryesore për ne si humanë, njerëz është vullnetaria sepse nuk ndihmojmë njëri-tjetrin, atëherë ça na ka mbet? S'ka më humanizëm.
Sa e njeh shoqërinë shqiptare në përgjithësi, në kuptimin e nevojave që kanë shqiptarët?
Në përgjithësi shqiptarët, qoftë në Shqipëri, Mal të Zi, Kosovë apo Maqedoni kanë vujt. Unë ndoshta kam mendu gjithmonë që shqiptarët jashtë Malit të Zi kanë vuajtur më shumë. Por unë të vërtetën, të them, atë që kam parë sot në Shqipëri, nuk ekziston tek shqiptarët në Mal të Zi. Se malësori nuk e len nanën të vuajë e të jetojë në kushte ashtu. Unë i thashë Arbrit, tan Malin e Zi me shëtit nëpër katunde e fshatrat shqiptare, ti s'mund ta shohësh nanën ashtu. 
Pse, si ka mundësi?
Nuk e di, nuk e di pse. Ndoshta sepse ne jemi detyruem. Se ne gjuhën kanë dash me na e ndryshu, fenë kanë dash me na e ndryshu, gjakun kanë dash me na e ndryshu, vendin kanë dash me na i marr, shtëpiat gjithashtu. Kështuqë kur je në një shtet tjetër ti i ndihmon njerëzit e tu sa më shumë. Ndoshta këtu liberimi, asht toka jote, vendi yt, gjuha jote, shpia jote dhe varfëria jote. Të gjithë e kemi varfërinë.
Mendon se shqiptari duhet me e ndihmu ma shumë shqiptarin?
Po 100 %, kudo. S'ka lidhje ku asht. Nëse unë kam një shpi dy katëshe me panele solare dhe nana pranë teje s'ka bukë të hajë. Ajo ecte në gurë, zbath. Turp, marre, gjynah.
Edhe shteti duhet me ba diçka normalisht, edhe institucionet duhet me funksionu apo jo?
Patjetër. Ne sado që të mundohemi privatisht të bëjmë, ka me qindra me mijëra njerëz që kanë nevojë. Kur ti e shef një nanë në moshë që s'ka kurrëfarë ndihme nga shteti, zero. Ajo tha që merrte 20 mijë lekë, 20 dollarë në muaj. Oh Zot, 20 dollarë në muaj dhe ja kanë hek. Burrin e verbër në shpi, vajzën me nevoja special dhe mos me ba kurrgja shteti? Unë nuk jetoj këtu, nuk përzihem në politikë por më vjen gjynah. Është turp që të lejojnë që një njeri që ndoshta ka vujt tan jetën e saj, mos e ndihmu me një ndihmë sociale, me diçka të thjeshtë? Nuk e di.
Shkojmë pak në Amerikë. Si i ndihmon Emina shqiptarët në Amerikë? Me emrin e madh që ka?
Gjëja kryesore është që nëse jemi të suksesshëm ne si popull shqiptar, unë, ti apo filani, mos të fshihemi pas kësaj që kam pasaportën amerikane dhe të them që unë jam amerikane. Sepse nuk jam. Unë jam shqiptare. Unë kam pasaportën malaezeze dhe atë amerikane por e ndjej veten shqiptare. Kur njerëzit më pysin, nuk u them çfarë feje kam, por u them që jam shqiptare dhe pikë. Thjesht nëse kemi pak pasuri, apo dukemi si të Evropës, mos e fsheh origjinën. Mos nisni me fol greqisht, italisht apo anglisht apo diçka tjetër. Unë shqipen nuk e flas perfekt, por ashtu si e flas, e flas. Unë popullin tim nuk e ndihmoj aq sa kisha pas qejf, por aq sa mundem e bëj. Qoftë duke thënë që jam shqiptare, apo bëj një debat me një kroat apo malazez, grekët, italianët. Pra çfarëdoqoftë, është një mbrojtje e titullit të ndjenjës time. Se unë jam kush jam dhe pikë. Por gjithësesi shqiptarët në Mal të Zi, ata që kanë dalë jashtë, që janë në SHBA, mendoj se deri diku, ata shumë bëjnë për vendin e vet, por mund të bëjnë edhe ma shumë. Ekziston mundësia. Dikush 5 dollarë, dikush 10, sa të kenë mundësi.
Ne shohim Eminën nga larg, po si është shqiptarja nga Tuzi me një multi miliarder si Sam Nazarian? Çfarë keni psh të përbashkët?
Shumë. Unë jam kokëfortë, ai është kokëfortë. Unë jam femër Alfa, ai është mashkull Alfa. Përgjithësisht ai vjen nga një familje shumë modeste dhe filantropike. Ai ka një prejardhje iraniane dhe nuk e kam dit se sa të përbashkëta kanë iranianët me shqiptarët, në kuzhinë, mikpritje dhe tradita. Krejt. Në fillim nuk i kuptova, por pastaj nga një muaj në tjetrin kuptova që kemi shumë gjëra të përbashkëta. Ai më përkrah në çdo gjë që bëj. Tani e kam sjellë për herë të parë në fshatin tim.
Dhe si ju duk fshati jot?
U kënaq, i pëlqeu kjo jeta një shtëpi buzë tjetrës, familja, kojshitë, a ke kafe, a ke sheqer. Këto i pëlqyen krejt.. (qesh).
Ngaqë vjen nga një familje filantropike, ai më përkrah në çdo formë, një njeri që më don, e du. Më përkrahi. Ky është partneri i jetës.
Ti je rrit në malësinë e Tuzit, besoj e ke dëgjuar atë shprehjen "me ta ngrënë zemrën"? Si ja ke hangër zemrën Samit?
Po, de. Kur i them: "Ta hangsha zemrën" më thotë: Ti je e çmendur. Si po don me ma hangër zemrën. Nuk i ka parasysh këto shprehje i shkreti, nuk i kupton. Nuk e di. Unë në fund të fundit jam një vajzë e thjesht. Jeta ime nuk asht ajo e rrjeteve sociale, jeta ime luksoze bla, bla. Unë hipi majë traktorit siç edhe hipi në avion. I kam njësoj. Jam kush jam. Urdho nëse don, nëse jo, ditën e mirë. Tani kur e solla në malësi, e pa se ne të gjithë bërtasim. Edhe qeshim.
Më the që ai të mbështet, po kohët e fundit e ke lënë modelingun apo jo?
Po, kohët e fundit, fëmija, familja.
Çfarë planesh ke?
Sa të kthehem jam për rrugë, kam një photo-shooting për një kompani gjermane.
Ai nuk është xheloz apo jo, dhe të thotë pse do shkosh andej apo këtej?
Jo, jo. Këtë problem nuk e ka. Ai më nxit edhe më shumë. Nëse nuk do të bësh këtë, hajde bëj diçka tjetër, unë të ndihmoj-më thotë.
Po ti s'ke nevojë të punosh më. Ti i ke të gjitha, pse duhet të punosh?
Truni i kresë. Unë kam nevojë me punu. Unë që kur kam dalë 15 vjeç prej shpie, unë vetëm punë kam ba. Unë të rri në shpi, kaloj në depresion. Ndihem mirë. Nuk e ndjej veten si një femër që mund të bëj diçka për veten, nëse nuk punoj. Sepse unë tan jetën nuk kam prit për një mashkull të vijë të më japë këtë, apo atë, të më blejë aeroplanin.
Unë dola 15 vjeç prej shpie dhe i thashë babit që prej sot unë nuk marr një cent prej teje. Ndodhi, ndoshta nga jeta e karriera që u njoha me një njeri të fuqishëm. Por besoj se deri diku edhe unë ja kam arrit fuqisë time.
Të pyeta sepse rinia shqiptare ka shumë problem, një pjesë është shumë e zhgënjyer dhe do të iki, një pjesë rri kot dhe nuk duan të punojnë. Dhe pastaj me kalu tek ato vajza shqiptare që mendojnë se mund të arrijnë gjithçka përmes një burri të fuqishëm. Ndërkohë ti i ke të gjitha dhe prap mendon se e ke të nevojshme me punu.
Patjetër, sepse mendoj që një femër që nuk respekton veten, që nuk i jep vetes mundësinë për të arritur atë që do, nuk do ta respektojë asnjë mashkull. Ti pastaj nuk e ndjen veten mirë. Ti je sepse ai të ka bërë. Unë jam kjo që jam, sepse ja kam dalë mbanë vetë. Është krenaria dhe gëzimi im. Nuk jam për shkakun tënd apo sepse me dhe diçka.
Pra, ti ndihesh mirë sepse i ke arrit të gjitha vetë?
Patjetër, sepse s'kam nevojë me i thënë kujt faleminderit përveç vetes dhe punës time. Pasuria vjen dhe shkon. Siç e ke fitu, do ta marrë dikush tjetër. Nëse ti je një 19 vjeçare dhe ke një burrë me para, ti nuk je e vetmja, vjen 19 vjeçarja tjetër pas teje. Kështuqë të lutem, bëj atë që mendon ti për veten, sepse kurrgja nuk është falas./TiranaToday/

Të parët për lajmin e fundit. Ndiqni Oranews.tv në Facebook dhe në Twitter

Ndjekja e çmendur e grabitësve shqiptarë me BMW përfundon me pasoja

Posted: 04 Aug 2017 01:06 PM PDT

Një ndjekje me pasoja të rënda për dy policë italianë i regjistrua mbrëmjen e shkuar në Parma.

Policia ishte vënë në ndjekje të një bande grabitësish prej tre personash, dy prej të cilëve janë arratisur tanimë dhe një i tretë, një 32 vjeçar shqiptar i quajtur Bardhok Lleshaj është arrestuar.

Bashkëpunëtorët e tij mundën të arratiseshin nëpër fusha pa lënë gjurmë, por identifikimi i tyre është çështje kohe.

Rritja e vjedhjes së shtëpive në zonën Correggio, bëri që policia të shtonte patrullimet dhe vetëm natën e kaluar, arritën të pikasnin grupin që kishte kryer grabitje të shumta si të bizhuterive, si dhe të një automjeti tip BMW, me të cilën qarkullonin. Makina është vjedhur në Parma në qershor.

Ndjekje mbrëmë, menjëherë pas mesnatës, ka krijuar alarm të madh në mesin e qytetarëve.

Mediat italiane e konsiderojnë si ndjekje të çmendur atë që ndodhi natën e shkuar, duke kulmuar me përplasjen e makinave të policisë dhe të grabitësve.

Nga përplasja e dhunshme, BMW-ja ka përfunduar në kanal dhe makina e policisë bllokoi rrugën. Për pasojë, dy policë mbetën të plagosur, njëri prej të cilëve është në spital, ndërsa tjetrit duhet të qëndrojë 10 ditë në shtëpi.


;

 

/Ora News.tv/

Të parët për lajmin e fundit. Ndiqni Oranews.tv në Facebook dhe në Twitter

Martin Shkreli shpallet fajtor

Posted: 04 Aug 2017 12:46 PM PDT

Biznesmeni kontrovers shqiptaro-amerikan, Martin Shkreli është shpallur fajtor për tri nga tetë akuzat federale të ngritura ndaj tij.

I konsideruar si "njeriu më i urryer në Amerikë" pasi shumëfishoi çmimin e barnave kundër HIV AIDS, u akuzua për mashtrim ndaj investitorëve.

Ai do të përballet me dënim deri në 20 vjet burg, ndonëse ekspertët ligjorë thonë se ai ka gjasa të marrë shumë më pak.

Ai u kishte deklaruar investitorëve se kishte 40 milionë dollarë fonde, kur në fakt kishte vetëm 300 dollarë në bankë.

I njohur gjithashtu me nofkën "Pharma Bro" për sjelljen e tij, 34 vjeçari u bë i famshëm në vitin 2015, për rritjen me 5 mijë për qind të ilaçit Daraprim, pasi kompania e tij bleu të drejtën e tregtimit.

Shkreli u arrestua në dhjetor të vitit 2015. Ai është akuzuar për drejtimin e bizneseve në stilin e skemave piramidale ose Ponzi, duke mashtruar investitorët pasi ka përdorur kapitalin e tyre për të paguar të tjerët dhe për të zgjidhur borxhet personale. Atëherë ai nuk u deklarua fajtor.

Ndihmësi i avokatit amerikan Jacquelyn Kasulis u dha jurisë në gjyqin njëmujor, një portret "përrallor" të Shkrelit, si një sipërmarrës i kujdesit shëndetësor hiper-inteligjent, i cili kurrë nuk i mashtroi investitorët me vetëdije.

Shkreli nuk zgjodhi të dëshmojë në mbrojtjen e tij. Avokati i tij, Benjamin Brafman, tha se të gjithë investitorët e klientit të tij kishin bërë para.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Qëllon me plumb armadilon për ta vrarë, e pëson rëndë  

Posted: 04 Aug 2017 12:36 PM PDT

Një burrë ka mbetur i plagosur rëndë, pasi qëlloi një armadilo. Plumbi i është rikthyer burrit duke e goditur në pjesën e fytyrës.

Një djali nga Teksasi qëlloi me armë kafshën në oborrin e tij rreth orës 3 të mëngjesit të së enjtes.

Sheriffi i Cass County Larry Rowe tha se njeriu, i cili nuk ishte identifikuar, doli jashtë shtëpisë së tij në Marietta, kur vuri re Armadilon në pronën e tij dhe hapi zjarr.

"Gruaja e tij ishte në shtëpi. Ai shkoi brenda dhe mori revolen e tij dhe e qëlloi tri herë në armadilon”, tha Rowe.

Zhgualli i kafshës shmangu një nga tre plumbat, duke e goditur sulmuesin në nofllu.

Burri u transportua në spital ku ju nënshtrua një ndërhyrje kirurgjikale.

Fati i kafshës është i panjohur.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Trafikanti më i madh i drogës ankohet ndaj SHBA: Kushtet shumë të këqija!

Posted: 04 Aug 2017 12:28 PM PDT

Joaquín Guzmán Loera i njohur si El Chapo, pretendon se qeveria meksikane e kishte ekstraduar në mënyrë të padrejtë në Brooklyn të Shteteve të Bashkuara.

Ai akuzohet si trafikanti më i madh i narkotikëve në botë. Gjykata Federale nuk e ka trajtuar pretendimin e tij.

Prokurorët e akuzojnë atë si shkaktar të vrasjes së mijërave gjatë drejtimit të kartelit të drogës Sinaloa, e cila ka trafikuar drejt Shteteve të Bashkuara së paku 200 ton kokainë nëpërmjet kamionëve, aeroplanëve, jahteve, anijeve konteniere dhe madje edhe nëndetëseve.

I konsideruar si një nga kriminelët më famëkeq në botë, “El Chapo” u ekstradua në Nju Jork më 19 janar dhe po mbahet në një izolim në Manhattan në pritje të gjyqit që nis në prill të vitit të ardhshëm.

Avokatët e tij mbrojtës thonë se ekstradimi shkeli kushtet e e marrëveshjes fillestare të Meksikës për të dërguar Guzman në Teksas ose Kaliforni dhe shkeli traktatin e ekstradimit Meksiko-SHBA.

Ata gjithashtu pretendojnë se Meksika kishte dijeni për “kushtet jashtëzakonisht të ashpra” të izolimit të tij amerikan.

“Këto kushte … janë të barabarta me torturën. Sikur Meksika të ishte këshilluar për këto kushte, pothuajse me siguri nuk do të kishte miratuar ndalimin dhe ndjekjen penale të z. Guzman në këtë rreth”, thanë avokatët.

Avokatët e tij po sfidojnë gjithashtu dëshirën e qeverisë amerikane për të sekuestruar 14 miliardë dollarë, fitimet e supozuara të drogës të Guzmanit, duke thënë se nuk kishte prova se Shtetet e Bashkuara kërkonin leje nga Meksika për të ndjekur një konfiskim të tillë.

Gjyqtari federal Brian Cogan ende nuk ka vendosur për kërkesën.

Në maj, Cogan pranoi të pushonte vetëm disa nga kushtet, duke i lejuar atij të shkëmbejë mesazhet me shkrim të paracaktuar me gruan e tij, por duke i mohuar atij vizita familjare dhe telefonata.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Related Posts: