Home » » Ora News: “Ja si të shërojmë plagët e djegjes nga dielli” plus 9 more

Ora News: “Ja si të shërojmë plagët e djegjes nga dielli” plus 9 more

Ora News: “Ja si të shërojmë plagët e djegjes nga dielli” plus 9 more

Ja si të shërojmë plagët e djegjes nga dielli

Posted: 07 Aug 2017 12:16 AM PDT

Gusht, det, diell dhe… djegje nga dielli.

Edhe pse të gjithë e dimë sesa e rëndësishme është që të lyejmë trupin me krem për mbrojten ndaj diellit çdo dy orë dhe të përdorim llojin e duhur të kremit, shpesh e neglizhojmë këtë fakt dhe nuk mbrohemi kur i drejtohemi plazhit ndërsa temperaturat janë të larta.

Dhe si rezultat miliona njerëz çdo vit vuajnë nga djegja që rrezet e diellit shkaktojnë në trupin e tyre.

Por kjo është shumë e dhimbshme dhe mund të zgjasë për më shumë se një javë. Për të largur dhimbjet e tmerrshme që shkakton djegja nga dielli ju duhet që të ndiqni tre hapa kryesore.

Gjëja e parë që duhet të bëni është që të mos dilni në diell sa më shumë që të jetë e mundur të paktën për një javë. Kjo gjë duhet për shkak se trupi juaj është duke u përpjekur të vetëshërohet. Çdo ekspozim i mëtejshëm në diell do të dëmtojë AND-në e qelizave të trupit tuaj gjë që do t'ju shkaktojë më shumë dhimbje dhe plagë në trup. Djegja mund të rrisë rrezikun e kancerit të lëkurës.

"Ju mund të vendosi një copë pambuku të lagur me qumësht në një ftohës dhe më pas ta aplikoni në zonat e trupit ku dielli ju ka djegur më shumë,"-shprehet Erin Gilbert, dermatologe në Nju Jork. "Acidi laktik që përmban qumështi heq disa nga shtresat më të larta të lëkurës së vdekur. Pra nëse keni flluska, kjo metodë do t'ju përmirësojë plagët dhe do të shëroheni më shpejt."

Gilbert gjithashtu rekomandon që në trup të aplikohen ekstrakte aloe vera. Lëngu që përmbajnë gjethet  e kësaj bime mund të ndihmojnë në qetësimin e dhimbjes së djegies.

Megjithatë ajo thotë se është e nevojshme që të lexohet me kujdes etiketa që përmban përbërësit për të siguruar që nuk ka substanca që do të përkeqësojnë dhimbjen tuaj.

"Aloe vera që ju mund të merrni në treg përmban lidocaine dhe benzocaine. Këto përbërës mund të zvogëlojnë përkohësisht dhimbjen e djegjeve por sapo efekti të përfundojë do të ndiheni më keq dhe do e ndjeni më shumë dhimbjen."

Një tjetër rekomandim për të gjithë ata që kanë kruarje trupi nga djegja është përdorimi i aspirinës ose anti-inflamator.

/Oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter

Gjendet një sasi armësh e municioni në afërsi të kufirit greko-shqiptar

Posted: 07 Aug 2017 12:11 AM PDT

Policia greke ka sekuestruar një sasi armësh, municioni dhe eksplozivi, në afërsi të kufirit me Shqipërinë.

Sipas njoftimit zyrtar mbrëmjen e të dielës, (6 gusht 2017)  një patrullë policie diktoi tre persona që po ecnin me këmbë në tokën greke, në zonën e Mavromatit, në afërsi të pikës së kalimit kufitar të Qafë Botës.

Ata mbanin disa çanta udhëtimi dhe ecnin për në brendësi të territorit grek.

Kur patrulla tentoi t'i ndalonte, të tre ata i lanë përtokë çantat dhe u larguan drejt territorit shqiptar, duke shfrytëzuar terrenin e thyer, kumton komunikata e policisë greke.

Në vendngjarje u gjeten dhe u sekuestruan në cilësinë e provës:

-Tre armë automatike kallashnikov, me shtatë karikatorë,
-11 granata difensive,
-33 detonatorë,
-Pesë kallëpë me dinamit (TNT), me peshë 1,05 kilogramë,
-Një kuti me 10 ndezës granatash,
-1593 gishekë të kalibrit 7,62 mm.

Armët i janë dërguar laboratorit kriminalistik të Greqisë së veriut, për të kryer ekzaminimet e mëtejshme, si dhe analizat balistike.

Departamenti i sigurisë publike i Janinës, po vazhdon hetimet mbi ngjarjen.

/Oranews.tv/ 

Të parët për lajmin e fundit. Ndiqni Oranews.tv në Facebook dhe në Twitter

Barrikadohen partitë

Posted: 07 Aug 2017 12:08 AM PDT

Takimi i shefave të grupeve parlamentare të mërkurën nuk pritet të prodhojë asgjë konkrete për ta zhbllokuar situatën politike në vend. 

Politikanët nuk shohin dritë në fund të tunelit dhe paralajmërojnë zvarritje të situatës.

Anëtari i Kryesisë së PDK-së, Xhavit Haliti, i ka thënë gazetës "Zëri" se mbetet vetëm dëshirë krijimi i institucioneve këtë javë, pasi që aktualisht nuk po sheh as dritë në fund të tunelit.

"Nuk po shoh zgjidhje të situatës për shkak se votat janë të përgjysmuara", ka thënë Haliti, transmeton zeri.info.

Ndërkohë dy blloqet tjera politike në vend, lëvizja "Vetëvendosje" dhe koalicioni LAA, kanë vetëm një kërkesë për fituesit e zgjedhjeve.

"Të marrin pjesë në seancë dhe ta propozojnë kandidatin e tyre".

E këto "lojëra fjalësh" analistët kosovarë vlerësojnë se ia kanë humbur plotësisht kuptimin procesit të konsolidimit të institucioneve.

Sipas tyre, është krijuar situatë e tensionuar dhe zgjedhjet e reja së bashku me ato lokale do të ishin një opsion i daljes nga situata e tanishme. /Zëri/

Të parët për lajmin e fundit. Ndiqni Oranews.tv në Facebook dhe në Twitter

Biznes me ajrin

Posted: 07 Aug 2017 12:05 AM PDT

Sipërmarrës të shkathët kanë zbuluar prej disa vitesh një mall të ri: ajër të pastër. Biznesi me ajrin duket mjaft fitimprurës.

Kërkesa për oksigjen është më e lartë se kurrë. Sidomos në Kinë, ku sipas llogaritjeve të Institutit Max Planck vdesin çdo vit mbi një milion vetë nga efektet e ndotjes së ajrit. Për shkak të smogut në Pekin dhe Shangai banorët madje importojnë bombola me oksigjen, 20 dollarë copa. Një litër oksigjen mjafton për deri në 150 thithje, thotë prodhues i tyre nga Kanadaja.

Në Tokio, Nju Jork dhe Los Angeles ka të ashtuquajtura bare oksigjeni që janë gjithmonë plot me klientë.

Moses Lam, bashkëthemelues i kompanisë Vitality Air në Edmonton të Kanadasë, është krejt i befasuar nga suksesi i tij. Në një intervistë me stacionin televiziv CBC ai tha se çdo gjë filloi në fakt si një shaka. Por pasi ai shiti 100 shishe brenda katër ditësh, ai e profesionalizoi biznesin.

Më i kërkuari – ajri i maleve

Ndërkohë firma Vitality Air ka zyra jo vetëm në Kinë, por edhe në Indi, Kore dhe Vietnam. 20 vetë mblidhen çdo dy javë disa qindra-mijëra litra ajër në malet kanadeze, tregon Moises Lam.

Megjithatë prodhimi  është shumë i komplikuar për shkak se ajri përbëhet vetëm 20 për qind nga oksigjen i pastër. Prandaj duhet të pastrohet dhe të kompresohet në bombola. Përveç kësaj “bombolat duhet të përdoren brenda një deri në dy vjetësh”, rekomandon shitësi i ajërit.

Edhe sipërmarrja australiane Green & Clean nxjerr fitime milionëshe me shitjen e bombolave me ajër nga deri apo malet.

Oksigjen për të sëmurët

Për disa pacientë me disa lloj sëmundjesh bombolat me oksigjen janë me rëndësi jetike. Ndër prodhuesit dhe furnizuesit kryesorë në botë me bombola oksigjeni janë dy kompani gjermane: Grupi Linde në Mynih dhe Air Products në Nordrhein-Westfalen, në Hattingen. Kompania Air Products u themelua në vitin 1940 në SHBA dhe tani është i pranishme në 50 vende.

Edhe më i madh është grupi Linde në Mynih. Kompania e themeluar nga shpikësi i frigoriferit, Carl von Linde, në vitin 1880 është e përfaqësuar sot në më shumë se 100 vende. Shitjet e bombolave të gazit arritën vitin e kaluar në 3.74 miliardë euro.

/DW/

Të parët për lajmin e fundit. Ndiqni Oranews.tv në Facebook dhe në Twitter

Pence president i SHBA? The New York Times: Gati për të kandiduar në 2020

Posted: 07 Aug 2017 12:01 AM PDT

Zv/presidenti amerikan Mike Pence i ka quajtur "të pahijshme dhe ofenduese" lajmet që
sugjerojnë se ai po përgatitet për të kandiduar për president në zgjedhjet e vitit 2020. 

Në një artikull të të përditshmes amerikane The New York Times thuhet se disa republikanë 
kanë nisur një fushatë të fshehtë  me supozimin se Donald Trump nuk do të kandidojë sërish.

Duke cituar burime të shumta, artikulli shkruan se Mike Pence ka lënë të kuptohet se 
ai do të hyjë në garën e ardhshme presidenciale në rast se Trump nuk e bën.

Kaosi në Shtëpinë e Bardhë, sipas The New York Times, përfshi edhe hetimet mbi një 
marrëveshje të fshehtë mes fushatës Trump dhe Rusisë gjatë zgjedhjeve të vitit të kaluar, 
kanë nxitur disa republikanë të marrin hapa "të padëgjuara më parë në faza kaq 
të hershme të një administrate të re".

Por zv/presidenti Pence e ka konsideruar këtë lajm si një përpjekje për të përçarë 
administratën. 

Edhe këshilltarja e lartë e Shtëpisë së Bardhë Kellyanne Conway e ka konsideruar këtë 
histori si një trillim. 

Sidoqoftë, një zëdhënëse e të përditshmes Times e ka mbështetur artikullin si aktual dhe 
është shprehur se historia do të flasë vetë.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

“Ushtarakët” sulmojnë me armë bazën e ushtrisë, Maduro: Akt terrorist!

Posted: 07 Aug 2017 12:01 AM PDT

Të paktën dy ushtarë u vranë dhe tetë të tjerë u plagosën pasi një grup njerëzisht të armatosur dhe me uniforma ushtarake sulmuan një bazë ushtarake venezueliane. Presidenti i vendit Nicola Maduro e ka konsideruar sulmin një 'terrorizmi'.

Në orën 4:30, një grup prej 20 personash të armatosur sulmuan bazën ushtarake të Paramacay në qytetin e Valencias. Kryengritësit arritën tek depoja e armëve përpara alarmit, duke shkaktuar një betejë të ashpër me armë zjarri.

“Sot ne kishim për të mundur terrorizmin me plumba,” njoftoi Maduro në televizionin shtetëror, duke pohuar se sulmi ishte “paguar nga Miami dhe Kolumbia”, ku banojnë komunitetet e mëdha të jashtëzakonshme të Venezuelës.

Lajmi i sulmit erdhi pak pasi u lëshua pamjet në mediat sociale, duke treguar një grup njerëzish në uniforma ushtarake. Video gjithashtu tregoi një njeri që e identifikoi veten si Juan Carlos Caguaripano, një ish-kapiten i Gardës Kombëtare, i cili bëri thirrje për një kryengritje kundër qeverisë dhe duke kërkuar “formimin e menjëhershëm të një qeverie në tranzicion”.

Venezuela është prej muajsh në kolaps ekonomik, ku njerëzit kanë nisur masivisht të grumbullojnë ushqime nëpër plehra. e përgjithshme të zhvilluara së fundmi u fituar sërish nga Maduro, teksa opozita i bojkoti ato. Në zgjedhje morën pjesë vetëm rreth 20% e popullsisë sipas opozitës vendase.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Modelja përjeton horror, e rrëmbejnë dhe e drogojnë për 6 ditë

Posted: 06 Aug 2017 11:51 PM PDT

Modelja e njohur, Chloe Ayling është rrëmbyer dhe ka përjetuar horrorin më të madh të jetës së saj.

Ajo u mashtrua nga rrëmbyesit, të cilët ishin të supozuar se do ti bënin një set fotografik. 20-vjecarja u mbajt gjashtë ditë në Milano, derisa rrëmbyesit kuptuan se ishte nënë e dy fëmijëve dhe u liruan.

"Unë kam kaluar një eksperiencë të tmerrshme. Kisha frikë për jetën time në cdo sekondë," – tregoi ajo sapo u kthye në Britani.

Sipas saj, ato i kishin dhënë injeksione në krah për ta droguar, dhe kishin qëllim që ta shisnin online si skllave seksi për 350 mijë dollarë.

Pas gjithë kësaj historie, policia arriti të arrestonte një 30-vjecar që supozohet të jetë kreu i bandës.

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Erdogan: Të akuzuarit për grushtin e shtetit veshje si ata të Guantanamos

Posted: 06 Aug 2017 11:45 PM PDT

Presidenti turk Rexhep Tajip Erdogan ka thënë se të pandehurit në gjyqet që po zhvillohen ndaj të akuzuarve për grushtin e dështuar të shtetit vitin e kaluar dhe ata të dyshuar për terrorizëm duhet të veshin uniformë burgu standarde të kauzës.

Polemikat shpërthyen pasi një ushtar i akuzuar mbante një bluzë në gjykatë ku shkruhej "hero".

Duke folur në hapjen e një stadiumi të ri në provincën Malatya të shtunën, Erdogan njoftoi kodin e ri të veshjes, të cilin ai e kishte kërkuar më parë në 1 vjetorin e grushtit të dështuar të shtetit.

“Tani po fusim veshjen e njëjtë. Do të jetë me ngjyrë të errët bajame. Do të kenë kominoshe si dhe xhaketa dhe pantallona”, tha Erdogan. Ai shtoi se kominoshet  do të vishen nga “komplotët e grusht shtetit” ndërsa xhaketa dhe pantallonat do të vishen nga “terroristët”, siç citohet nga Hurriyet Daily News.

Gjatë një fjalimi në Stamboll përkujtimin e viktimave të përpjekjes së grushtit të shtetit të vitit të kaluar në mes të korrikut, Erdogan tha se të gjithë të dyshuarit që po gjykohen për përfshirje në grushtin e dështuar të vitit 2016 duhet të veshin uniforma të ngjashme me ato të veshur nga të burgosurit në burgun famëkeq të Guantanamos.

“Unë kam folur me kryeministrin tonë dhe i thashë kur ata shfaqen në gjykatë, ata duhet të veshin një lloj veshjeje, si në Guantanamo”, tha Erdogan.

Guantanamo është burgu famëkeq amerikan, ku janë torturuar të akuzuarit për terrorizëm, disa prej të cilëve janë shpallur të pafajshëm më vonë.

Mbi 240 vetë u vranë dhe më shumë se 2,000 u plagosën në përpjekjen e dështuar të grushtit të shtetit të korrikut 2016 sipas të dhënave zyrtare.

Mbi 50,000 njerëz janë arrestuar në një goditje të ashpër pas saj, duke përfshirë përkrahësit e dyshuar të grushtit të shtetit, si dhe figura të opozitës, mësues, gazetarë dhe nëpunës civilë.

Mbi 150,000 ushtarë, oficerë policie dhe zyrtarë janë shkarkuar ose pezulluar nga postet e tyre që prej atëherë. 

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter

Sonte eklipsi hënor, spektakël madhështor menjëherë pas perëndimit të diellit

Posted: 06 Aug 2017 11:38 PM PDT

Spektakli madhështor i eklipsit të hënës do të ndodhë sonte menjëherë pas perëndimit të diellit.

Eklipsi do të jetë i dukshëm nga një pjesë në Evropës, Afrikës, Azisë dhe Australisë menjëherë pasi hëna të dalë në horizont.  Mbrëmja e sotme do të sjellë një hënë të plotë verore. Ky fenomen ndodh rrallë dhe është mjaft interesant për tu parë.

Eklipsi hënor ndodh kur orbita eliptike e hënës së plotë është e pozicionuar në të njëjtën linjë me orbitën e Tokës dhe Diellit. Dhe në këtë mënyrë hëna do të kalojë përmes hijes së Tokës.

Më pas hija e hënës bie në sipërfaqen e e Tokës, duke u shfaqur përfundimisht për të zhdukur diellin tërësisht.  Hija përbëhet nga dy pjesë konike, të mbivendosura njëra mbi tjetrën. Hija e jashtme ose penumbra është një zonë ku hija e Tokës është e pjesshme dhe bllokon disa, por jo të gjitha rrezet e Diellit.

Ndërsa hija e brendshme ose umbra përfshin një zonë ku  Toka bllokon të gjitha rrezet e diellit.

Kur vetëm një pjesë e hënës kalon përmes hijes, shihet eklips hënor i pjesshëm. Ndërsa kur e gjithë Hëna e plotë kalon nëpër hijen umbrale atëherë do të jetë i mundur eklipsi i plotë.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

“Honda” përplaset me “Audin”, ajo që ndodh më pas është qesharake

Posted: 06 Aug 2017 11:02 PM PDT

Që të përplaset një makinë me një tjetër nuk është e pazakontë dhe madje ndodh shpesh, por që nga një makinë e vogël tip "Honda Civic", siç shihet edhe në video, të dalin plot 9 persona është e rrallë.

Pasagjerët mund të kishin shkuar në destinacion pa u vënë re, por përplasja shkaktoi thuajse një mizëri të zbritjes së tyre nga makina.

Britanikja "Metro" shkruan se pasagjerët dalin më shpejt se minjtë që kërcejnë nga një anije që po fundoset.

Videoja është bërë virale në internet, ndërsa incidenti ndodhi në zonën Belgrave të Britanisë të premten rreth orës 19:20 minuta.

Mjeti përplaset me një Audi të bardhë. Ikja masive habiti drejtuesin e mjetit tip Audi. Ende nuk dihet pse burrat largohen me shpejtësi nga vendi i aksidentit.

/Ora News.tv/

 

Të parët për lajmin e fundit. Ndiqni Oranews.tv në Facebook dhe në Twitter