Home » » Ora News: “As një gjurmë nga vrasësi i mjekut, dyshohet të jetë futur në Mal të Zi” plus 9 more

Ora News: “As një gjurmë nga vrasësi i mjekut, dyshohet të jetë futur në Mal të Zi” plus 9 more

Ora News: “As një gjurmë nga vrasësi i mjekut, dyshohet të jetë futur në Mal të Zi” plus 9 more

As një gjurmë nga vrasësi i mjekut, dyshohet të jetë futur në Mal të Zi

Posted: 01 Jul 2017 12:22 AM PDT

Ende as një gjurmë nga autori i vrasjes së mjekut 40 vjeçar në Shkodër, Ilir Aliaj.

Forcat RENEA dhe ato të Ndërhyrjes së Shpejtë në Shkodër janë tërhequr nga rrethimi i banesës së 26 vjeçarit Dritan Ymeraj rreth orës 05:30 të mëngjesit të sotëm pas 5 orësh qëndrim, pasi ka rezultuar se nuk ishte në banesë.

Ymeraj jetonte i vetëm në banesën ngjitur me atë të viktimës. 26-vjeçari ishte parë ti drejtohej banesës menjëherë sapo kishte qëlluar dy herë me pistoletë mjekun Aliaj në sy të djalit të tij 16 vjeçar.

Kjo ka bërë që edhe policia të dyshojë se ai ishte mbyllur brenda. Por ka rezultuar që ai fill pas vrasjes është larguar me mjetin e tij në drejtim të paditur.

RENEA dhe FNSH janë pozicionuar në pika të ndryshme të Shkodrës, pasi dyshohet se Ymeraj mund të jetë fshehur tek ndonjë i afërm i tij.

Policia nuk përjashton mundësinë që 26-vjeçari të jetë larguar në drejtim të Malit të Zi për shkak të afërsisë me Shkodrën.

Por bëhet fjalë në mënyrë ilegale, pasi zyrtarisht në sistemin TIMS thonë burime policore nuk rezulton të ketë kaluar në asnjë nga pikat kufitare, as në Muriqan dhe as në Han të Hotit.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Albi Nako dhe Klaudia Pepa konfirmojnë ndarjen: Nuk jemi bashkë prej një viti

Posted: 01 Jul 2017 12:19 AM PDT

Historia e dashurisë midis koreografit Albi Nako dhe balerinës Klaudia Pepa ka marrë fund. Lajmi është konfirmuar për revistën Class nga vetë çifti i njohur të cilët kanë deklaruar se prej një viti nuk janë më bashkë.

Sipas tyre, shkaku se përse i kanë dhënë fund martesës është distanca e madhe, por kanë theksuar se gjithçka mes tyre është mbyllur me mirëkuptim, si edhe po vijojnë me zbatimin e projekteve personale por në drejtime të ndryshme.

Albi gjihmonë ka qenë një mbështetje e madhe për karrierën e Klaudias, e cila arriti një sukses shumë të madh në Itali duke u spikatur si një nga balerinat më të mira.

Klaudia tashmë jeton në Itali dhe ka vendosur që ta ndërtojë atje jetën e saj pasi ka hapur edhe një shkollë baleti me emrin e saj.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Dasma e vitit, Lionel Messi i jep fund beqarisë

Posted: 30 Jun 2017 11:59 PM PDT

Ylli i Barcelonës  Lionel Messi i ka dhënë fund beqarisë dhe u martua me dashurinë e fëmijërisë së tij  Antonella Roccuzzo të premten me anë të një ceremonie në qytetin argjentinas Rosario.  E veshur me një fustan të bardhë të ngushtë mbas trupit bukuroshja 29 vjeçare dukej e mrekullueshme.

Më shumë se 250 miq dhe familjarë, duke përfshirë edhe disa prej emrave më të mëdhenj të futbollit, ishin të ftuar në "dasmën e vitit".

Të ftuar ishin këngëtarja e muzikës pop Shakira dhe bashkëshorti Gerard Pique, si edhe kolegë si Neymar dhe Luis Suarez.

Futbollisti dhe bashkëshortja e tij janë takuar  në Rosario  kur ai ishte vetëm 9 vjeç dhe pikërisht për këtë arsye kanë vendosur ta kurorëzojnë dashurinë e tyre po në këtë qytet.

Pas ceremonisë martesore e cila ishte private çifti doli në tapetin e kuq përpara qindra gazetarëve.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Autoambulanca që transportonte viktimën pëson defekt, e shtyjnë policët e banorët

Posted: 30 Jun 2017 11:44 PM PDT

Vrasja e mjekut mbrëmjen e së premtes në Shkodër risolli në vëmendje gjendjen skandaloze të mjeteve të shërbimit të urgjencës.

Autombulanca që kishte shkuar në vendngjarje dhe po transportonte viktimën pësoi defekt sapo nisej.

Është dashur ndihma e policëve dhe banorëve për ta shtyrë.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Digjet makina në Tepelenë

Posted: 30 Jun 2017 11:25 PM PDT

Një automjet është përfshirë nga flakët gjatës natës së mbrëmshme në Tepelenë.

Siç shihet nga fotoja, mjeti i djegur ndodhet në një zonë të banuar dhe ka vënë në rrezik banesat përreth.

Denoncuesi thotë për Ora News se nuk ka shkuar zjarrëfikësja për të shuar makinën e djegur dhe pse ndodhej vetëm 100 metra larg pasi nuk ka ujë.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Juncker nuk ka smartfon, Presidenti i BE-së besnik i Nokias

Posted: 30 Jun 2017 11:10 PM PDT

Mund të duket e çuditshme por jo të gjithë politikanët kanë raporte të mira me teknologjinë.

Një prej tyre është dhe Jean-Claude Juncker, kryetari i Komisionit Evropian, i cili deklaroi të premten se nuk ka smartphone.

“Nuk duhet ta thoja, por unë do të tregoj që ende nuk kam një smartphone”, tha 62-vjeçari në një konferencë shtypi.

Rrëfimi erdhi në një konferencë për media në Bruksel, së bashku me kryeministrin e Estonisë, Juri Ratas, vendi i të cilit nga 1 korriku merr presidencën e radhës së BE-së.

Juncker, duke bërë shaka, tha se Ratas i ka dërguar ftesë për të shkuar në Talin në formë të kartolinës, “sikurse në shekullin 19”.

Sipas burimeve të BE, telefoni që përdor Juncker është një celular i vjetër Nokia.

Shefi i BE-së është ish-kryeministër i Luksemburgut, por tha se me tendenca të tilla teknikofobe, ai “nuk mund të bëhej Kryeministër i Estonisë, do të ishte krejtësisht e pamundur”.

Estonia është një nga vendet më digjitale në botë dhe vendi i parë që ka prezantuar votimin në internet.

Ajo shpreson të shtyjë përpara çështjet dixhitale gjatë presidencës 6 mujore të BE-së, drejtimin e së cilës e merr nga sot, 1 korrik 2017.

Megjithatë, Juncker nuk është zyrtari i parë i lartë që i reziston teknologjisë së avancuar.

Kancelarja gjermane, Angela Merkel, e cila është në pushtet që nga viti 2005, nuk ka ende llogari në Twitter.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Konflikt me fqinjin për pronën, vritet mjeku. Autori në kërkim

Posted: 30 Jun 2017 10:10 PM PDT

Konflikti për pronën shkaktoi viktimën e radhës në vendin tonë, ku i vrarë mbeti mjeku Ilir Aliaj.

Ngjarja ndodhi rreth orës 23.40 minuta të mbrëmjes së të premtes (30 qershor 2017) në lagjen "Qemal Stafa" në Shkodër dhe gjithçka mësohet se ka ardhur pas një konflikti mes viktimës dhe autorit të dyshuar të ngjarjes, Dritan Ymeraj.

Mësohet se fqinjët kishin patur edhe më herët debate mes tyre për një shtesë që po ndërtohej mbi katin e tretë të pallatit ku jetonin Aliaj dhe Ymeraj.

Konfliktet kishin agravuar mbrëmjen e së premtes deri në tone të ashpra e fyerje, saqë në një moment Ymeraj ka marrë armën e zjarrit dhe ka shtënë dy herë në drejtim të Aliaj, në prezencë të djalit të tij, duke e lënë të vdekur në vend.

Forca të shumta policie dhe FNSH e Shkodres mbërriti në vendngjarje ku nisen hetimet dhe u vunë në kërkim të autorit.

Megjithëse deklarimet e familjareve të viktimës por edhe fqinjëve ishin se autori ishte larguar pas ngjarjes me automjetin e tij, policia kishte dyshime se ai ndodhej në banesë dhe për këtë kërkoi përforcimet e forcave RENEA nga Tirana.

Ardhja e tyre shënoi plot 5 orë kërkime dhe thirrje në banesën e autorit të dyshuar që jetonte i vetëm për dorëzim, por në fund rezultoi se ato kishin qenë të kota, pasi ai nuk ndodhej brenda.

Orët e pritjes dhe përqëndrimi i policisë përreth banesës i kanë dhënë mundësinë këtij të fundit të largohej edhe më shumë vendit të ngjarjes për t'iu fshehur forcave policore.

Mjeku i ndjerë Aliaj dhe autori i dyshuar Demiraj sipas raportimeve të familjarëve dhe fqinjeve kishin patur disa herë debate të forta mes tyre rreth shtesës në pallatin parafabrikat, i cili prej tyre ka pësuar ndryshime duke i shtuar 1 kat më shumë, e ku mjeku Aliaj kishte programuar shtimin edhe të katit të katërt.

Këtu mësohet se ka qenë edhe zanafilla e konfliktit mes palëve që degjeneroi mbrëmjen e së premtes në përdorimin e armës duke lënë të vdekur mjekun Aliaj.


/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Përkujtohet Agim Neza, promovohen tre librat e fundit

Posted: 30 Jun 2017 01:49 PM PDT

Në 55 vjetorin e lindjes, së gazetarit, analistit, pedagogut dhe shkrimtarit Agim Neza janë promovuar tri librat e tij të fundit. Personalitete të politikës, kolegë e të afërm vlerësuan kontributin e Agim Nezës në gazetarinë shqiptare.

Në 55-vjetorin e lindjes së Agim Nezës, të afërm, kolgë dhe bashkëpuntorë përkujtuan kontributin e çmuar të tij në gazetari e botën akademike.

Në këtë përvjetor u promovuan tre librat e tij të fundit, "Diplomacia publike", "Marrwdhënia publike strategjte dhe taktikat" si dhe "Dashuri e trishtim në një vend komunist".

Agim Neza njihet edhe si këshilltar i disa prej figurave kryesore të politikës e në këtë drejtim profesionalizmi i Nezës u vlerësua nga Presidenti i zgjedhur Ilir Meta si dhe ish-kryetarja e Kuvendit Jozefina Topalli.

Ndërsa akademiku Artan Fuga, vlerësoi figurën e Agim Nezës si pedagog

Të afërmit shprehën mirënjohje ndaj atyre që u qëndruan pranë pas largimit nga jeta të Agim Nezës.

Në fund të aktivitetit, u shfaq edhe një dokumentar mbi jetën e Agim Nezës. Ai u largua nga jeta në moshën 54 vjeçare pasi vuante nga një sëmundje e rëndë.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Lirohet Shukri Xhelili, ish-kryebashkiaku i Dibrës përfundon dënimin

Posted: 30 Jun 2017 01:45 PM PDT

Lirohet nga burgu ish-kryetari i bashkisë së Dibrës, Shukri Xhelili, i cili ka lënë qelinë rreth dy javë më parë pas përfundimit të dënimit.

Xhelili u arrestua në 2016, pas publikimit të një videoskandali në Ora News, ku ai kërkonte favore seksuale në këmbim të një vendi pune.

Vendimin e gjykatës së shkallës së parë që e dënonte me 2 vite e 8 muaj burg, Xhelili e ka apeluar duke fituar një dënim më të lehtë.

Apeli i Krimeve të Rënda ndryshoi akuzën ndaj tij në prill të këtij viti duke e dënuar vetëm me 1 vit e 8 muaj burg për veprën penale "marrëdhënie seksuale duke shpërdoruar detyrën e mbetur në tentativë" dhe jo për korrupsion pasiv.

Por Apeli la të pandryshuar dënimin plotësues, atë të heqjes së të drejtës për të ushtruar funksione publike për 5 vite.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Meta thyen heshtjen për zgjedhjet: Së shpejti e vërteta e 25 qershorit

Posted: 30 Jun 2017 01:32 PM PDT

Ilir Meta, Presidenti i zgjedhur dhe ish-kreu i LSI-së ka thyer heshtjen duke folur për herë të parë pas zgjedhjeve të 25 qershorit.

Sëbashku me deputetin e LSI-së Lefter Kokën, ata kanë falënderuar votuesit e LSI-së në Durrës.

Presidenti i zgjedhur Ilir Meta ka paralajmëruar se shumë shpejt do të zbardhet e vërteta e 25 qershorit.

Meta: "Mirënjohës të gjithë votuesve të LSI në Durrës e Shqipëri. Shumë shpejt do zbardhet e vërteta e 25 qershorit. Votuesit heroikë të LSI shpëtuan demokracinë dhe të ardhmen e vendit. Krenar që kam punuar me ju".

/Oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter