Home » » Mesazhi.com: “Zjarret në Greqi, flakët i afrohen Athinës” plus 9 more

Mesazhi.com: “Zjarret në Greqi, flakët i afrohen Athinës” plus 9 more

Mesazhi.com: “Zjarret në Greqi, flakët i afrohen Athinës” plus 9 more

Zjarret në Greqi, flakët i afrohen Athinës

Posted: 31 Jul 2017 05:15 PM PDT

Dhjetra zjarrfikës u mobilizuan për të vënë nën kontroll flakët që kërcënuan banesat, në një lagje periferike, në juglindje të Athinës, në orët e vona të së martës.

Më shumë se 70 zjarrfikës dhe 30 automjete të asistuara nga helikopterë, luftuan për orë të tëra kundër zjarrit në periferinë e Kalyvia, rreth 35 kilometra në juglindje të Athinës.

Flakët u përhapën me shpejtësi përmes kodrave, duke djegur pemët dhe shkurret, e duke iu afruar banesave. Era e fortë që ka përfshirë vendin, ia vështirësoi edhe më shumë punën zjarrfikësve, që u vunë në garë me kohën, për të shuar flakët para rënies së natës.

Autoritetet thanë se puna do të vazhdonte edhe gjatë natës, pasi erërat nuk pritet të qetësohen dhe ekziston frika se flakët do të përhapen edhe më tej. Qarkullimi në rrugët rreth zonës është ndaluar.

Greqia preket shpesh nga erërat e forta dhe temperaturat e larta gjatë verës, ndërthurje kjo që shkakton zjarret./Mesazhi/

The post Zjarret në Greqi, flakët i afrohen Athinës appeared first on Mesazhi.com.

Si t`i largoni brengat dhe pikëllimet?

Posted: 31 Jul 2017 03:45 PM PDT

Kur çmenduria nervore ta pushtojë njeriun dhe kur zemra t'i mbingarkohet me brenga, ai mund t'i largojë ato duke u angazhuar me ndonjë punë ose me shkencë të dobishme.

Me këtë zemra do të lirohet nga mbingarkimi që e ka munduar. Kjo ndoshta do t'i mundësojë njeriut të harrojë shkaqet që e kanë çuar deri në atë brengë dhe depresion, andaj do të gëzojë dhe do të motivohet për angazhime të reja.

Kjo ka të bëjë me besimtarin dhe me të tjerët, mirëpo besimtari ka përparësi nga shkaku i imanit, sinqeritetit si dhe shpresës së tij në Allahun.

Tentimi i tij mbështetet në atë që të mësojë ose t'i mësojë të tjerët, të veprojë mirë ashtu siç duhet.

Po qe se është synuar të jetë ibadet (adhurim), atëherë është ibadet, e nëse është për këtë dynja ose nga traditat, atëherë vlerësohet sipas nijetit (qëllimit) të sinqertë. Kur di- kush dëshiron të ndihmojë nga nënshtrimi ndaj Allahut, subhanehu ue teala, ndihma e tij do të ketë efekt në largimin e brengës, depresionit dhe pikëllimit.

Sa e sa njerëz kanë qenë në situata të vështira dhe të shqetësuar, gjë që ka qenë shkak për sëmundje të ndryshme, por kanë gjetur ilaç efikas, kanë harruar shkakun e shqetësimeve që i ka çuar në vështirësi ose kanë qenë të preokupuar me punë interesante!

Sa jemi te zgjedhja e diçkaje që do të na shqetësonte, duhet pasur llogari që ajo të jetë punë të cilën e dëshiron shpirti dhe nga ajo të dalë dobia e pritur, ndërsa Allahu e di më së miri.

Nëse dëshirojmë ta largojmë ankthin dhe shqetësimin që në tërësi ka pushtuar mendjet tona, duhet t'u përkushtohemi detyrimeve tona ditore, e me këtë do të ndalemi së menduari mbi problemet e së ardhmes.

Pas kësaj, do të mundemi të mbisundojmë ndjenjën e më- parshme të mërzisë. Nga ky shkak, i Dërguari, salallahu alejhi ue selem, ka kërkuar nga Allahu mbrojtje nga brenga dhe pikëllimi.

Njeriu pikëllohet për atë që është larguar përgjithmonë dhe nuk mund ta pranojë se ajo gjë ka ndodhur dhe njëkohësisht është përplot brengë dhe frikë para të ardhmes jo të sigurt; prandaj ai nuk mund të jetë tjetër përveçse rob i kohës së kaluar ose i së ardhmes, ai do të duhet të përqendrohet në atë që ta përmirësojë gjendjen momentale, ngaqë kur përqendrohet me zemër në të, atëherë vetja nxit në kryerjen e asaj pune.

Kjo gjë i sjell humorin, ia largon brengën dhe pikëllimin, ndërsa Resulullahu, salallahu alejhi ue selem, duke bërë dua (lutje) dhe duke e mësuar Umetin e tij, e ka nxitur në kërkim të ndihmës nga Allahu, subhanehu ue teala, duke shpresuar që me këtë Allahu t'ia vlerësojë mundin dhe t'ia pranojë lutjen.

Njeriu bën mund që të braktisë atë për të cilën ka lutur Allahun që t'ia largojë. Në duanë e tij është lutja për sukses në qëllimin e tij, andaj lutja është e njëjtë, si vepra, ndërsa mun di i investuar i sjell njeriut dobi fetare dhe dobi të kësaj bote.

Ai kërkon nga Allahu ndihmë për atë punë, ngaqë Pejgamberi, salallahu alejhi ue selem, ka thënë: "Ano nga ajo, nga e cila do të kesh dobi dhe kërko ndihmë nga Allahu, e mos u anko dhe nëse të ndodh diçka mos thuaj: "Po të veproja kështu e ashtu do të ishte tnë ndtyshe", por thuaj: "Allahu ashtu e ka caktuar dhe Ai bën çfarë të dëshirojë", ngaqë me të vërtetë fjala 'po të…' i hap dyert e shejtanit" (Muslimi).

I Dërguari, salallahu alejhi ue selem, nga të gjitha gjërat, ka theksuar ato që janë më të do bishme në të gjitha gjendjet, e ato janë kërkimi i ndihmës nga Allahu, moslëshimi në dobësim, ngaqë ajo çon në brengë të dëmshme.

Më pas, ka sqaruar dallimin mes atij që çdo send e mbështet në veprimin dhe atij që të gjitha gjërat i vëzhgon përmes caktimit të Allahut – kada' dhe kaderit dhe i ndan gjërat në dy grupe. Të parat janë ato në të cilat njeriu mund të arrijë rezultate ose pjesë të atyre rezultateve, ose mund të largojë, ose të zbusë ndonjë vë- shtirësi. Kjo shihet në tentimin që të investo- het mund dhe të kërkohet ndihmë nga Zoti.

Të dytat, janë gjërat të lidhura me ato në të cilat rezultatet e caktuara nuk mund të realizo- hen. Kjo njohuri i sjell njeriut qetësim, kënaqë- si dhe e bën më të nënshtruar. Nuk ka dyshim se insistimi në këtë është bazë e një jete të lumtur dhe largim nga mërzia dhe depresioni./Mesazhi/

The post Si t`i largoni brengat dhe pikëllimet? appeared first on Mesazhi.com.

Faktet që si keni ditur për kafen turke

Posted: 31 Jul 2017 02:20 PM PDT

Në shtëpitë  tona kemi kafe të cilën me shumë dashuri dhe përkushtim prindërit tanë e pinë në mëngjes ose në mbrëmje.

Kemi dëgjuar aq shumë mbi kafenë turke e cila është e pranishme çdo ditë në shtëpi, por me shumë siguri nuk i dini këto "sekrete".

1. Nëse mendoni se kafeja turke quhet turke sepse e ka origjinën në Turqi, gaboheni. Provat historike tregojnë se kafeja turke ka nisur të konsumohet në Jemen në shekullin e 15-ë.

Më pas ajo u përhap në Kajro dhe Mekë. Historianë të njohur tregojnë se në vitin 1640 në Kostandinopojë është hapur kafeteria e parë.

2. Kafeja e mirë turke dallohet tek ajka që krijohet në krye të filxhanit. Ajka e ndihmon kafenë të qëndrojë e nxehtë për një kohë më të gjatë. Ajo duhet të jetë e butë dhe me bulëza.

3. Kafeja turke shoqërohet me një gotë ujë. Sepse uji do t'ju ndihmojë të ndjeni shijen e vërtetë të kafesë, dhe do të bëjë pastrimin e qiellzës nga llumi që ngelet në fund.

4. Rituali i kafesë turke nuk quhet i plotë nëse nuk konsumohet me një llokum. Ai i shton ëmbëlsinë dhe e plotëson.

5. Në kulturën turke nëse duhet të përcaktohet burrëria e dhëndrit atëherë në kafenë e tij shtohet kripë. Vajza bën kafenë dhe sasia e kripës tregon interesin.

Nëse kripa është e tepërt atëherë çifti nuk është për njëri-tjetrin. Nëse kripa është në nivele mesatare atëherë vajza ka interes, ndërsa kur vajza ka hedhur shumë pak kripë në kafe atëherë ajo është e gatshme për t'u martuar.

Dhëndri duhet ta pijë kafenë e përgatitur në mënyrë që të quhet i gatshëm për martesë.

6. Kafeja turke është vendosur në listën e trashëgimisë kulturore të UNESCO-s. Vendimi është marrë në seancën e 8-të të Komitetit ndërqeveritar të UNESCO-s të mbajtur në vitin 2013 në kryeqytetin e Azerbejxhanit, Baku./Mesazhi/

The post Faktet që si keni ditur për kafen turke appeared first on Mesazhi.com.

Kur fëmijët nuk hanë, a duhet të fajësojmë prindërit?

Posted: 31 Jul 2017 01:40 PM PDT

Çrregullimet e të ngrënit tek të sapolindurit dhe në fëmijërinë e hershme karakterizohen nga pamundësia e një të sapolinduri apo një fëmije për të konsumuar ushqim të mjaftueshëm.

Si rezultat, ky çrregullim i pengon ata për të shtuar në peshë dhe për t’u rritur në parametrat e duhura mjekësore të përcaktuara për një periudhë një-mujore ose më shumë.

Suela Sulo
Psikologe Këshillimi

Në shumicën e rasteve, të sapolindurit ose fëmijët që vuajnë nga ky çrregullim janë të irrituar, e kanë të vështirë të qetësohen në prani të ushqimit, si dhe qëndrojnë indiferent dhe të pabindur ndaj kërkesave të ndryshme të prindërve.

Ndonëse, çrregullimet e të ngrënit tek ne, nuk marrin vëmendjen e duhur, në nivel ndërkombëtar, studimet kanë treguar se 25% deri në 35% e fëmijëve me zhvillim normal përjetojnë të tilla çrregullime.

Në një pjesë të madhe të fëmijëve, këto çrregullime shpjegohen nëpërmjet shkaqeve të ndryshme mjekësore ose psikologjike.

Mirëpo, ekziston edhe një grup i konsiderueshëm fëmijësh, çrregullime t e të cilëve nuk përputhen me asnjë prej dy shkaqeve kryesore.

Në këtë rast, përveç sjelljes së vet fëmijës, humbja e madhe në peshë (brenda një muaji), është treguesi kryesor që ndihmon në identifikimin e këtij çrregullimi.

Edhe pse më parë, një pjesë e madhe e fëmijëve mund të mos hanin mjaftueshëm ose të refuzonin ushqimin, këto sjellje do të vinin shumë pak në vëmendje të specialistëve.

Në jo pak raste, këta fëmijë do të vlerësoheshin thjesht si një grup fëmijësh të llastuar dhe tekanjoz.

Fatmirësisht, sot më tepër studiues i fokusojnë interesat e tyre në shpjegimin e këtij çrregullimi, që në pamje të parë duket se ka të bëjë me temperamentin e fëmijës dhe me mënyrën se si prindërit i trajtojnë ata.

Megjithatë, shumica e studiuesve pohojnë se arsyeja kryesore për rritjen e interesit për këtë grup fëmijësh ka ardhur jo sepse numri i tyre është rritur, por sepse vetë prindërit i kushtojnë më tepër vëmendje sasisë së ushqimit që konsumojnë fëmijët e tyre.

Në fakt, në ditët e sotme edhe më shumë prindër ndjehen të përgjegjshëm për çdo gjë të ashtuquajtur negative që ndodh tek fëmijët e tyre.

Dhe ky fenomen mendohet të jetë edhe më i pranishëm tek prindërit e fëmijëve me çrregullime të të ngrënit.

Kjo sepse, kur mjekët apo psikologët nuk arrijnë të shpjegojnë arsyet e sjelljes refuzuese së fëmijëve ndaj ushqimit, të gjithë fillojnë të pyesin për rolin e prindërve, madje edhe prindërit vet.

Disa këshilla për prindërit e fëmijëve me çrregullime të të ngrënit:

* Shmangni argumentet dhe debatet familjare të çfarëdolloj natyre gjatë të ngrënit, dhe diskutoni vetëm për gjëra pozitive duke përfshirë edhe shijen e mirë të ushqimit.

* Fëmijëve u duhet kohë që të mësojnë se si duhet të sillen kur ulen për të ngrënë, kështu që jini të durueshëm ndaj sjelljeve jo të këndshme të tyre.

* Nëse fëmijët nuk hanë gjatë orareve të përcaktuara nga ju, ofrojini çdo dy orë ushqime të cilat kanë shumë vlera ushqimore, Por, kujdesuni që çdo herë, ushqimet që i ofroni t'i prezantoni në mënyrë që ri tërhiqni vëmendjen.

* Mos lejoni që fëmija të luaj me lodra, të shikojë libra ose televizor gjatë kohës kur do të ushqehet.

* Mos e kërcënoni ose ta shtyni me doemos për të ngrënë dhe mos e dënoni nëse nuk ha. Thjesht pranoni refuzimin e tij/saj dhe mos i tregoni mërzit jen tuaj.

Fëmija mund të refuzojë të hajë në mënyrë që të tërheqë vëmendjen tuaj dhe nëse ju tregoheni të pakënaqur nga sjellja e tij/saj, ai/ajo mund të përsërisë të njëjtën sjellje.

* Respektoni oraret e të ngrënit, kjo gjë i ndihmon fëmijët të kuptojnë rëndësinë e ushqimit dhe i bën më të disiplinuar.

* Informojeni fëmijën gjithmonë 10 deri në 15 minuta përpara se të shtroni për të ngrënë, kështu i jepni kohë që të largohen nga aktivitet që janë duke bërë në mënyrë të qetë.

* Mos harroni ri përsërisni fëmijës se sa e rëndësishme është kur të gjithë në familje hanë së bashku dhe se ai/ajo duhet të rrijë në tavolinë deri sa të gjithë të kenë mbaruar së ngrëni.

* Kur doni t'i jepni fëmijëve ushqime të reja, prezantojani ato disa herë në ditë. Shumica e fëmijëve mund të provojnë diçka vetëm pasi i është ofruar për të paktën 10-15 herë. /Mesazhi/

The post Kur fëmijët nuk hanë, a duhet të fajësojmë prindërit? appeared first on Mesazhi.com.

Virusi i ri mund të zbulojë të dhënat private WhatsApp

Posted: 31 Jul 2017 01:00 PM PDT

Përdoruesit e aplikacionit messenger WhatsApp rrezikojnë t'iu zbulohen disa të dhëna të rëndësishme të privatësisë së tyre.

Virusi i përhapur kohët e fundit sulmon të gjithë ata të cilët tentojnë të shkarkojnë aplikacionin e WhatsApp.

Gjatë shkarkimit mund t'iu merren të dhënat si mesazhet, kontaktet, historinë e kërkimit dhe vendndodhjen tuaj.

Virusi i quajtur GhostCtrl, kërcënimi më i fundit i internetit ka ardhur me disa forma të ndryshme duke përfshirë edhe aplikacionet popullore.

Deri tani, WhatsApp dhe Pokemon Go kanë qenë targeti kryesor i virueseve, i cili u lejon hakerave të ndryshëm të ndërhyjnë në sistemin e paisjeve të shumë përdoruesve.

GhostCtrl mund të ndërhyjë në sistemin e telefonit tuaj duke instaluar një software i cili vepron në paisjen tuaj pas shkarkimit të Whats App.

Pasi arrin të ndërhyjë në paisjen tuaj virusi mund të sigurojë disa të dhëna private si vendndodhja, mesazhet, kontaktet, telefonatat madje është i aftë të zbulojë edhe më shumë./Mesazhi/

The post Virusi i ri mund të zbulojë të dhënat private WhatsApp appeared first on Mesazhi.com.

Policia e Kosovës sqaron vozitjen në kah të kundërt në autostradë: Ndiqej vetura me persona të dyshuar

Posted: 31 Jul 2017 12:41 PM PDT

Policia e Kosovës ka sqaruar rrethanat në të cilat makina zyrtare e tyre është filmuar tek voziste në kah të kundërt në autostradën "Ibrahim Rugova". Sipas njoftimit të policisë, vetura ishte në ndjekje të disa personave të dyshuar për vjedhje.

"Policia e Kosovës përmes këtij njoftimi zyrtar informon qytetarët dhe opinionin e gjerë, lidhur me veprimet dhe masat e ndërmarra nga menaxhmenti i policisë ndaj zyrtarëve policor, të cilët kanë qarkulluar/drejtuar automjetin zyrtar të Policisë së Kosovës në anën e kundërt të rrugës në autostradën Dr. Ibrahim Rugova.

Zyrtarët policor me automjetin zyrtar Skoda, e cila i përket stacionit policor Suharekë, me datën 28.07.2017 rreth orës 16:22, në kilometrin 41 të autostradës drejtimi Vermicë–Prishtinë, kanë qarkulluar në kahjen e kundërt të rrugës, pasi të njëjtit gjatë detyrës zyrtare kanë qenë në ndjekje të një veture të dyshuar, në të cilën ndodheshin personat e dyshuar, për të cilët dyshohej se janë përfshirë në rast vjedhje.

Personat e dyshuar gjatë ikjes kanë shfrytëzuar qarkullimin me veturën e tyre në kahje të kundërt të rrugës dhe zyrtarët policor në vozitje emergjente janë vënë në ndjekje të tyre po në atë drejtim, me qëllim të arrestimit të personave të dyshuar.

Menaxhmenti kompetent i rajonit përkatës, ka ndërmarrë veprimet e menjëhershme për shqyrtim dhe hetim pre-eleminar të rastit, lidhur me marrjen e masave administrativo disiplinore, për shkeljen e ligjit mbi rregullat e trafikut rrugor", thuhet në njoftim.

The post Policia e Kosovës sqaron vozitjen në kah të kundërt në autostradë: Ndiqej vetura me persona të dyshuar appeared first on Mesazhi.com.

Pse hamë më shumë kur jemi nërvozë?

Posted: 31 Jul 2017 12:20 PM PDT

Truri i njeriut për të gjitha proceset që realizon ka nevojë për shumë energji, ashtu që shpesh shkon në kundërshtim me pjesën tjetër të organizmit.

Në situata stresuese, truri tërheq rreth 90 për qind të glukozës ditore, përkundër se truri përbën vetëm dy për qind të masës trupore.

Ai në fakt na detyron për konsumim më të madh të sheqerit dhe karbohidrateve.

Në mënyrë që organizmi të përballet më mirë me stresin, rritet niveli i sheqerit në gjak, ndërsa kjo ndodh duke ndërprerë prodhimin e insulinës.

Puna kryesore e insulinës është që të zvogëlojë nivelin e glukozës në gjak dhe ta bartë atë në inde.

Muskujt dhe indet yndyrore kanë nevojë për insulinë çdo ditë, sepse u mundëson marrjen e glukozës.

Nga ana tjetër, truri duke zvogëluar prodhimin e insulinës, merr për vete më shumë glukozë nga gjaku.

Kur njerëzit janë nën stres, ata reagojnë në dy mënyra: ose bëhen depresivë ose trashen.

Personat depresivë si pasojë e stresit harrojnë të hanë. Ndërsa ata që hanë më pak, automatikisht janë nën ndikim më të madh të gjendjes psikike.

Personat të cilët si pasojë e stresit hanë më shumë, janë të qetë sepse ushqimi në njëfarë mënyrë është katalizator i stresit.

Ata reagojnë mirë ndaj presionit dhe madje nxisin prodhimin e "preparateve vetjake të qetësimit", të cilat lehtësojnë pasojat e stresit, ndërsa kjo njëkohësisht do të thotë se nuk ndalet prodhimi i insulinës.

Truri vlerëson se nuk merr sheqer të mjaftueshëm dhe kërkon më shumë.

Nëse jeni nën stres të vazhdueshëm vjen deri te shtimi i konsumimit të ushqimit që do të thotë se çdo tentim i humbjes së kilogramëve është mision i pamundur.

Truri ynë drejton ndjenjën tonë të urisë dhe nevojën për sheqer dhe ai do të mundohet që ta sigurojë sasinë e nevojshme të sheqerit për vete.

Është lehtë të thuhet, zvogëlojeni presionin e përditshëm dhe stresin.

Megjithatë, ekzistojnë metoda të cilat mund ta lehtësojnë stresin. Ekspertët pohojnë se gjithmonë janë më të shëndetshme dhe si opsione më të mira, dietat e lehta në krahasim me ato që premtojnë rezultate në afat të shkurtër kohor.

Nëse dëshironi diçka të ëmbël, hani ëmbëlsirën tuaj të preferuar, por jo çdo ditë.Ushqimet ndërmjetëse tentoni t'i zgjidhni më të shëndetshme, siç janë pemët.

Merruni rregullisht me sport dhe qëndroni pranë njerëzve të këndshëm, sepse ata kanë aftësi t'ua largojnë stresin për disa minuta.

Mundohuni që sa më mirë të organizoheni në punë dhe në shtëpi mos e kërkoni gjithmonë të përsosurën.

Duke shmangur stresin në jetën e përditshme do të ndiheni më mirë, do të jeni më të shëndetshëm dhe do të humbni kilogramët e tepërt./Mesazhi/

The post Pse hamë më shumë kur jemi nërvozë? appeared first on Mesazhi.com.

A ndikon kafeja në produktivitet

Posted: 31 Jul 2017 11:40 AM PDT

Nuk është e pazakonshme që punëdhënësit dhe punonjësit të kërkojnë kafe kur ata duan të rrisin energjinë e tyre.

Dhe përderisa disa prej tyre mund të preferojnë kafeinën në formë të sodës ose pijes energjike, dhe të disa të tjerë rritësi i disponimit i preferuar është vetë kafeja.

Kjo varshmëri bëhet nga kafeina, e cila duket të ketë ndikim në qartësinë mendore dhe performancën.

Aspekti negativ? Përveç varshmërisë kafeja mund të inkurajojë shtimin e peshës.

Por kafeja ka edhe anët e saj të mira, gjithashtu. Së pari do të studiojmë popullaritetin e madh të kafesë, e cila natyrisht që është e mirë për biznes dhe ndërmarrësi.

Dhe, së dyti kjo pije e famshme është identifikuar edhe si antioksidant.Pra, a është kafeja e mirë për ju?

A e rritë me të vërtetë prodhimtarinë? Këtu janë çështjet që duhet të merrni parasysh kur dëshironi kafe.1. Përmirëson performancën mendore dhe vigjilencën.

Shkrimtari mjekësor Stephen Braun ka thënë se kafeja bllokon receptorët e adenosinë, një përzierje në trurin tuaj e cila shkakton përgjumjen.

Kjo shpjegon se pse shumica prej nesh ndihemi më pak të lodhur kur konsumojmë kafe.

Në doza të vogla, gjithashtu thuhet se kafeja përmirëson performancën mendore dhe vigjilencën.

Por kafeina nuk ndikon te të gjithë në mënyrë të njëjtë.

Reagimi juaj personal ndaj kafeinës mund të jetë ndryshe nga i dikujt që e njihni.

Të tjerë faktorë në reagimin tuaj personal gjithashtu përfshijnë dozën e konsumimit tuaj, peshën, moshën dhe madje edhe cilësinë e gjumit tuaj.

Duhet të jeni të vetëdijshëm se mund të ndërtoni tolerancë ndaj kafeinës gjatë kohës, kështu që një filxhan kafe mund të mos jetë i mjaftueshëm për të të dhënë energjinë me të cilën je mësuar.

Në fakt, disa njerëz nuk ndiejnë asgjë deri sa të pijnë dy filxhanë, por kjo nuk është diçka për t'u mburrur.

Do të thotë që jeni lidhur me kafenë për një kohë të gjatë.Kafeja mund të rrisë funksionet tuaja kognitive, memorien, vigjilencën dhe energjinë.

Por sikur ne të gjithë e dimë, ky efekt është i shkurtër, dhe ju mund të mos keni energji më vonë.

2. Mund të ketë ndikim në cilësinë e gjumit tuaj.Në doza të vogla, kafeina nuk duhet të ndikojë në orarin tuaj të gjumit.

Por nëse konsumoni shumë, mund t'a keni të vështirë të flini natën. Kjo për fat të keq mund të krijojë një cikël të pa shëndetshëm duke mos fjetur shumë, duke u stresuar dhe duke performuar dobët në punë.

Një rezultat më i gjatë mund të jetë rraskapitës ose sulm ankthi.

Përdorimi i tepërt i kafeinës, për më tepër, mund të rezultojë në stomak të trazuar, në nervozë dhe madje edhe në rrahje zemre.

Ka fokus më të madh të gjumit tani se në të kaluarën, e mbushur nga konfliktet e pikëpamjeve në mes të mentalitetit nxitues që ndërmarrësit si Gaary Vaynerchuck dhe Grant Cardone promovojnë, dhe pikëpamjeve të kundërta nga James Altucher dhe Arianna Huffington.

Vetëm ju mund të vendosni se çfarë është më mirë për ju, por është mirë të jeni të vetëdijshëm se gjumi juaj mund të ndikohet në mënyrë negative nga kafeina.

Kështu që, duhet të jeni të vetëdijshëm se përdorimi mesatar i kafesë është zgjidhja juaj më e mirë.3. Mund të rrisë vullnetin tuaj.

Për tani, është konkluzion i ditur se vullneti juaj zbrazet gjatë ditës përderisa merrni vendime.

Kjo mund të jetë një nga arsyet se pse Steve Jobs ishte i njohur për veshjen e tij të njëjtë çdo ditë.

Ai nuk kishte pse të mendonte se çfarë të vishte kur të zgjohej në mëngjes, dhe kështu ai ishte në gjendje të ruante vullnetin e tij për vendime më të mëdha.

Pra del se, kafeja mund të forcojë vullnetin dhe vetë-kontrollin tuaj, veçanërisht kur jeni të rraskapitur.

Të merrni një vendim të madh kur jeni të lodhur nuk është një gjë e mençur.

Mund të përfundoni duke rrezikuar vlerat e juaja, duke u dorëzuar ndaj presioneve ose të filloni projekte të reja në kohë të pa përshtatshme.

Mirëpo, pirja e kafesë mund të ju ndihmojë të qëndroni në tokë dhe të merrni vendime më të mira.

Kjo është një gjë e mirë për t'a mbajtur në mend nëse keni pasur një ditë të zënë dhe keni vendime të rëndësishme për të marrë.

4. Pirja e kafesë në kohë të gabuar mund të dërgojë në shtypje të lartë të gjakut dhe të niveleve të adrenalinës.

Ndërmarrësit vazhdimisht po përballen me sfida të reja. Në biznes, një mentalitet i fortë është kusht i domosdoshëëm, por edhe njerëzit më të mirë mund të stresohen dhe të rraskapiten.

Nëse kjo vazhdon gjatë, ju mund të dërrmoheni.

Tendenca është të bëheni edhe më shumë të sigurtë ndaj kafesë kur jeni të lodhur.

Pra del se, kjo është koha më e keqe për të mbushur trupin tuaj me kafeinë, sepse mund të rezultojë në rritje të shtypjes së gjakut dhe niveleve të adrenalinës.

Siç e kemi parë edhe më herët, kafeina bllokon adenosinën, duke ju bërë edhe më të lodhur.

Kjo mund të tingëllojë e pafajshme, por është një mënyrë e mirë për të tërhequr sulm paniku, dhe sapo të aktivizohet, ankthi shpesh duhet të menaxhohet nga kjo barrë e gjatë.

Ju madje mund të përfundoni me çrregullim ankthi.

Nuk keni nevojë për më shumë kafeinë kur jeni duke u përballur me nivele të larta të stresit, varësisht përfitimeve të saj kur nuk jeni nën presione të mëdha.

5. Mund të ju ndihmojë të mësoni më shpejt.Shumë ndërmarrës janë konsumatorë pjellorë të përmbajtjes, varësisht se a janë artikuj apo postime blogu, revista, gazeta, libra dhe video.

Kjo informatë i ndihmon ata të marrin vendime, të sjellin risi dhe të zbatojmë ide të reja në bizneset e tyre.

Studimet në vazhdim kërkojnë fokus dhe vëmendje, të cilat, si vullneti, mund të zvogëlohen gjatë ditës.

Është dëshmuar se 200 mg e kafeinës mund të ju ndihmojë të identifikoni fjalë dhe fraza më shpejt se sa do të mundeshit nëse s'do të pinit kafe.

Shumë ndërmarrës kanë për qëllim të fitojnë aftësi të reja, të mësojnë teknologjinë ose të kuptojnë më mirë se ku po qëndron kompania e tyre në mes tjerash në industrinë e tyre.

Një filxhan kafe ose dy mund të jenë ato që ju nevojiten për t'i dhënë vëmendjen e plotë materialit në të cilin po punoni.

Mendimet e funditËshtë e rëndësishme të jeni të vetëdijshëm për të mirat dhe të këqijat e kafesë.

Përdorimi mesatar, me vëmendje ndaj shprehive të gjumit dhe niveleve të stresit, mund të jetë përfitues.

Ndërkohë, jini të vëmendshëm se përdorimi i tepërt dhe keqpërdorimi mund të trazojë një problem ekzistues shëndetëësor ose të zhvillojë një sëmundje të re.

Në mënyrë tipike, abuzimi me kafeinë nuk ia vlen për shkak të problemeve që sjell, kështu që vendosni kufinjë dhe qëndroni të shëndetshëm/Mesazhi/

The post A ndikon kafeja në produktivitet appeared first on Mesazhi.com.

Rriten temperaturat, shtohen pacientët

Posted: 31 Jul 2017 11:34 AM PDT

Temperaturat e larta kanë përfshirë prej ditësh Kosovën e kështu besohet do vazhdojnë ende.Kjo ka bërë që numri i personave që kërkojnë ndihmë në Qendrat e Mjekësisë Familjare të rritet shumë.

Qendra Kryesore e Mjekësisë Familjare po punon me kapacitete të plota për të përballuar numrin e madh të pacientëve.

Myrvete Ajeti, specialiste në QKMF thotë se brenda ditës kërkojnë ndihmë brenda 150 persona.

Ajo ju bën apel te të gjithëve të qëndrojnë në vende të freskëta dhe të kenë kujdes në ushqimet që përdorin gjatë kësaj periudhe.

Nga ana tjetër qytetarët e paktë që shihen rrugëve të Prishtinës, tregojnë se si po i tajkalojnë orët e nxehtësisë.

Temperaturat mbi 34 gradë celsius besohet se do vazhdojnë në vendin tonë edhe gjatë gjithë javës së ardhshme.

The post Rriten temperaturat, shtohen pacientët appeared first on Mesazhi.com.

Maskë me mjaltë për mbrojtje ndaj akneve

Posted: 31 Jul 2017 11:00 AM PDT

Ndër problemet më shqetësuese për një pjesë të njerëzve, e sidomos të rinjve, mbetet fytyra me akne.

E të gjitha ata që duan të kenë një fytyrë të pastër, pa akne, mund të provoni të përdoreni maskën me mjaltë.

Pasi mjalti njihet për vetitë e tij shëruese dhe mbrojtëse ndaj lëkurës.
E për këtë maskë do të ju nevojiten: tri lugë çaj mjaltë i papërpunuar dhe ½ lugë çaji kanellë.

Pastaj do të duhet ti përzieni bashkë, mjaltin dhe kanellën, kurse maskën e krijuar e aplikojmë në fytyrë.

Atë duhet ta lëmë të veprojë për 10 deri në 30 minuta. Pas kësaj periudhe kohore, e pastrojmë fytyrën.

Lëndët që përmbajnë mjalti dhe kanella janë shumë të dobishme për fytyrat që ballafaqohen me akne.

Kanella mund të shkaktojë efekte negative në një lëkurë të ndjeshme, prandaj është e domosdoshme para se të vendosni të përdoreni këtë maskë të dini nëse jeni alergjik.

Duke e vendosur pak nga përzierja në pjesën e pasme të dorës, mund ta vërtetoni këtë./Mesazhi/

The post Maskë me mjaltë për mbrojtje ndaj akneve appeared first on Mesazhi.com.

Related Posts: