Mesazhi.com: “Vendosja e kripës në shampo zgjedhë një nga problemet më të mëdha me flokë” plus 9 more |
- Vendosja e kripës në shampo zgjedhë një nga problemet më të mëdha me flokë
- Parandaloni djersitjen përmes këtyre metodave
- Si t’ju respektojnë më shumë fëmijët
- Vjedhja spektakolare në Berlin, arrestohen disa persona
- Këto janë gënjeshtrat që ne do t’i besojmë gjatë gjithë jetës
- Sa i shëndetshëm është sistemi financiar global?
- Ky është ishulli ku ndalohet hyrja e grave
- 9 këshilla bazike për nënat gjidhënëse
- Sekreti i ruajtur për vite: Koha kur Hitleri dhe Tito ishin fqinj
- Lutje evangjeliste në Zyrën e Trump (FOTO)
| Vendosja e kripës në shampo zgjedhë një nga problemet më të mëdha me flokë Posted: 12 Jul 2017 08:13 PM PDT Kripa është përdorur vetëm në ushqim, por sot ka përdorim edhe më të gjerë. Për shembull, vendosja e kripës në produktet kozmetike mund te përmirësoj cilësinë e lëkurës ose të flokëve tuaja. Nëse keni flokë të yndyrshme, kripa mund të ju ndihmoj shumë, thjeshtë vendosni 2-3 lugë gjelle kripë, në shampon tuaj të preferuar, dhe flokët nuk do të jenë më aq shumë yndyrshme. Rezultatet do jenë të dukshme vetëm pas disa përdorimeve. Kripa po ashtu është skrub i mrekullueshëm edhe për lëkurën. Bleni krip të trashë dhe pëzijeni 2 lugë kripë me një lugë vaj kokosi, bashkoni mirë përbërësit dhe pasi që masa të jetë forcuar, përdoreni atë. Kripa është po ashtu një eksofiliant i cili i bënë shputat tuaja të buta nëse ju përzini pak krip dhe vaj ulliri të cilën masë pastaj e aplikoni në këmbë. The post Vendosja e kripës në shampo zgjedhë një nga problemet më të mëdha me flokë appeared first on Mesazhi.com. |
| Parandaloni djersitjen përmes këtyre metodave Posted: 12 Jul 2017 01:00 PM PDT Në verë djersitja është shumë e shpeshtë, për disa persona kthehet në një problem të rëndë. Një faktor që ndikon në djersitje është edhe stresi, ndërsa secili prej nesh eliminon 500-800 mililitra lëngje nga trupi i tij në ditë. Toksinat largohen nga uji Uji jo vetëm që pastron trupin tuaj, por pengon erën në sqetull. Së paku dy dushe në ditë do të ndihmojnë njerëzit të cilët djersen tepër për.. Vishni rroba pambuku Veshja me rroba pambuku ndihmon lëkurën tuaj për të marrë "frymë" dhe në këtë mënyrë nuk do të ketë djersë të tepruar. Shmangni pëlhurat që krijojnë acarim të lëkurës dhe të ngrohjes, duke rezultuar në djersitje e tepruar. Përdorni limon Limoni ndihmon në zvogëlimin dhe parandalimin e djersës, sidomos në sqetull. Ju mund ta vini një gjysmë limoni nën sqetull. Nëse ju përjetoni një acarim të butë, mos u shqetësoni, por në qoftë se ka një skuqje të lëkurës, duhet shmangur limonin. Deodorantët dhe shkopinjtë kundër djersës Deodoranti dhe shkopinjtë kundër djersës janë efektive në parandalimin e shfaqjes së erës së pakëndshme. Por ata nuk veprojnë në mënyrë të barabartë për të gjithë personat, dhe jo gjithherë është zgjidhja më e mirë. Ata mbyllin poret dhe parandalojnë akumulimin e djersës në sipërfaqe të lëkurës. Edhe pse këto veprojnë shumë shpejt, kimikatet në to të shkaktojnë efekte anësore të tilla si irritim dhe njollë e lëkurës. Hani shëndetshëm dhe humbni peshë Ngrënia e ushqimit të shëndetshëm dhe humbje peshe do të ndihmojnë për të luftuar djersitjen e tepruar. Nëse pesha juaj është normale, në dietën tuaj përfshini më shumë fibra dhe shmangni erëzat. Kjo do të shpëtoj trupin tuaj nga toksinat. Uthulla Ndoshta kjo është një surprizë për ju, por me të vërtetë uthulla ndihmon njerëzit të cilët djersën tepër. Është e nevojshme në mbrëmje para gjumit ta bëni lëkurën me uthull dhe ta lini të thahet. Në mëngjes, sigurohuni që të bëni një dush. Hiperhidroza Rreth 3% e popullsisë vuajnë nga një formë e tepruar e djersitjes, e quajtur hiperdroza. Nëse këto produkte nuk ua lehtësojnë punën, kjo mund të jetë koha që ta vizitoni një specialist. Gjatë vlerësimit, dermatologut do t'i duhet kohë për ta stabilizuar natyrën, peshën dhe djersitjen tuaj me ndikimin që ajo ka në jetën tuaj. Nëse diagnostifikoheni me hiperdrozë, dermatologu do t'ua rekomandojë disa tableta për të reduktuar aktivizimin e nervave dhe gjëndrave të djersës. Ose ai mund tu rekomandojë që të merrni trajtim ontofores, që përdor ujë dhe korrent të butë elektrik për trajtimin e pëllëmbëve të djersitura dhe shputave./Mesazhi/ The post Parandaloni djersitjen përmes këtyre metodave appeared first on Mesazhi.com. |
| Si t’ju respektojnë më shumë fëmijët Posted: 12 Jul 2017 12:40 PM PDT Respekti nuk fitohet dot me urdhra dhe komanda, edhe pse shumë prindër e provojnë pikërisht këtë. Mos gaboni më. Ekzistojnë mënyra për t'i detyruar fëmijët që t'ju respektojnë. Respektoni fëmijët: edhe pse kjo qasje mund të ndryshojë nga fëmija në fëmijë, mos i fyeni apo turpëroni. Nëse doni t'ju respektojnë, respektoni edhe ju ata. Bashkëshorti: prindërit duhet t'u tregojnë fëmijëve se e respektojnë njëri-tjetrin. Pikërisht kjo marrëdhënie në mes të babait dhe nënës luan një rol të madh në përcaktimin e sjelljes së mëtejshme të fëmijës. Kur fëmijët e shohin se prindërit e tyre e respektojnë njëri-tjetrin, pavarësisht nga dallimet apo pikëpamjet dhe qëndrimet e kundërta, vendoset një standard, dhe ata e pranojnë atë. Dashuria: kushtoni më shumë kohë shprehjes së dashurisë, sesa vendosjes së rregullave. Shumë pak do të zgjidhni nëse për çdo gjë i thoni fëmijës suaj "bëje këtë, sepse unë kam thënë kështu." Duhet të bisedojmë me fëmijët dhe t'u tregojmë atyre se pse është mirë që t'ju dëgjojnë. Përgjegjësia: tregojuni fëmijëve që jeni të përgjegjshëm, që i paguani faturat, që jeni profesionist, që i ndihmoni të tjerët, jepni këshilla, mos flisni thashetheme para tyre. Të gjitha këto gjëra pozitive dhe sjellja juaj korrekte do t'i bëjë fëmijët t'ju respektojnë edhe më shumë, edhe pse ndoshta këtë nuk e tregojnë aq shpesh. Kufijtë: fëmijëve, megjithatë, nuk duhet t'ua lejoni çdo gjë. Disa kufij duhet të përcaktohen ose ata do t'ju "shkelin". Nuk mund të lëshoni pe vazhdimisht apo t'ua lejoni gjithmonë që të manipulojnë me ju. Nëse e lejoni këtë, që t'ju shikojnë nga lart, nuk do të mund ta ktheni më dot respektin pas kësaj. Mos u lëshoni në nivelin e tyre: fëmijët do të jenë gjithmonë fëmijë, ata do të ankohen, do të mashtrojnë, do të jenë përtacë, por ju nuk guxoni të jeni si ata. Ju duhet ta mbani një nivel; qetësinë, forcën, vetëbesimin,… Në ndërhyrjet e tyre reagoni me qetësi, pa britma./Mesazhi/ The post Si t'ju respektojnë më shumë fëmijët appeared first on Mesazhi.com. |
| Vjedhja spektakolare në Berlin, arrestohen disa persona Posted: 12 Jul 2017 12:35 PM PDT Policia gjermane arrestoi disa persona në Berlin gjatë kontrolleve në apartamentet e tyre, si pjesë e hetimit për vjedhjen spektakolare të një monedhe të madhe ari, nga një muze në qytet. Mësohet se, si pjesë e operacionit u sekuestrua një makinë, ku u gjetën një thikë dhe një maskë. Personat e arrestuar dyshohet se janë hajdutët që hynë në muzeun "Bode" në mars dhe vodhën monedhën gjigante prej ari të pastër 24-karatësh. Gjethja e madhe e panjës është një monedhë prej ari që peshon 100 kg, e prodhuar nga Kanadaja. Gjithsej u prodhuan 5 të tilla në vitin 2007 dhe janë të shpërndara në muze të ndryshëm. Vlera e njërës prej tyre llogaritet në 4.1 milionë dollarë, shtysë mjaft e madhe për ta vjedhur. Policia gjermane tha se, pavarësisht arrestimeve, nuk mundi të gjejë monedhën e vjedhur, të cilën beson se hajdutët e kanë shkrirë dhe më pas shitur. Hetuesit thanë gjithashtu se ende nuk e kuptojnë sesi hynë hajdutët në muze, pavarësisht xhamave antiplumb dhe alarmeve të shumta. The post Vjedhja spektakolare në Berlin, arrestohen disa persona appeared first on Mesazhi.com. |
| Këto janë gënjeshtrat që ne do t’i besojmë gjatë gjithë jetës Posted: 12 Jul 2017 12:20 PM PDT Në jetë hasemi me një gamë të gjerë idesh klishe që supozohet të jenë të drejta ose të gabuara. Disa gjëra i dëgjojmë aq shpesh, saqë automatikisht fillojmë t'i pranojmë si të vërteta. Duke qenë se shumë nga këto ide të marra si të mirëqena janë të gabuara, ato mund të rëndojnë mbi ne për vite me radhë. Ja cilat janë 10 gënjeshtrat që ne i besojmë për të vërteta. Vetëm do të thotë vetmi Vetëm nuk do të thotë gjithmonë vetmi dhe marrëdhënie nuk do të thotë gjithmonë lumturi. Të qenët vetëm nuk shkakton asnjëherë vetmi sa një marrëdhënie e gabuar. Nëse gjerat nuk shkojnë siç duhet, merr një pushim dhe kalo pak kohë me numrin 1, veten tënde. Së pari gjej vetveten. Vlerëso vlerat e tua. Dhe, kështu që në lidhjen tjetër që mund të jetë duke u mbytur, do të jesh i përgatitur të 'notosh' i sigurt. Lumturua vjen kur ke gjithçka që do Të jesh i lumtur nuk do të thotë të mos kesh më asgjë ç'të dëshirosh; do të thotë të jesh mirënjohës për atë që ke dhe i duruar për atë që do të vijë më pas. Ndonjëherë jemi aq të përkushtuar për të arritur diçka të madhe saqë harrojmë gjërat e vogla që i japin jetës magjinë e saj. Kështu që vlerësoje të sotshmen me gjithçka të dhuron. Këto janë ditët e vjetra që do të mungojnë në vitet që të presin përpara. Dhimbja është diçka që mund ta shohësh Asnjëherë mos e nënvlerëso dhimbjen e një personi tjetër; është një gjë ndaj të cilës të gjithë luftojnë. Disa janë më të zotët për ta fshehur se sa të tjerët. Ti nuk e di ç'ndodh pas një dere të mbyllur. Të gjykosh të tjetrit është humbje kohe dhe energjie. Nëse ke kohë të mjaftueshme për të gjykuar të tjerët do të thotë se ke më shumë kohë se ç'duhet në duar; ngrihu dhe bëj diçka të vlefshme. Jeta duhet të bëhet mbi një farë rregulli Në fund të fundit, janë mendimet tona ato që na lëndojnë. Thjesht duke ndjerë atë që ndjen me sinqeritet mund të jetë një lloj shërimi. Ne kemi lirinë të zgjedhim se si duam t'i përgjigjemi asaj që jeta na servir. Le ta harrojmë se si do të dëshironim të ishte jeta jonë dhe të përqafojmë jetën e vërtetë që përpiqet të gjejë rrugën e saj në ndërgjegjen tonë. Ndrysho ç'të mundësh; ndrysho mendimet e tua për atë që s'mund të ndryshojë dhe ec përpara. Ti duhet të jetosh në bazë të një farë rregulli Kur të pushosh së krahasuari veten me versione të tjera të vetvetes, të vërteta apo imagjinare, dhe kur të pushosh të krahasuari veten me të tjerët, të vërtetë apo imagjinarë, atëherë do të shijosh një copë të vërtetë jete, jo imagjinare. Vetëm disa të privilegjuar kanë mundësi të jetojnë një jetë të bukur Nëse zgjohesh çdo mëngjes dhe thua: Po, sot do të jetë një ditë e bukur. Dhe, çdo mbrëmje gjen një arsye për të thënë: Po, sot ishte një ditë e bukur. Atëherë një ditë, shumë kohë pas kësaj, do të shohësh prapa, do të qeshësh me kujtimet e tua dhe do të thuash; Po, kam jetuar një jetë të bukur. Kohët e vështira janë të panevojshme Ndonjëherë, gjërat duhet të shkojnë keq përpara se të rregullohen. Ndonjëherë, duhet të lësh njerëzit e këqij të ecin përpara, para se njerëzit e mirë të bëjnë të njëjtën gjë. Ndonjëherë, duhet të ndihesh i dobët në mënyrë që ta kuptosh ç'do të thotë vërtetë të jesh i fortë. Ndonjëherë, duhet të takosh shumë njerëz që të pëlqejnë përpara se të gjesh atë që do. Ndonjëherë duhet të gjesh të mirën tek e keqja, duke e ditur se në fund të fundit, është eksperienca ajo që të mëson gjithçka. Të jesh i fortë do të thotë të mos ndjesh dhimbje Në të vërtetë, njerëzit më të fortë janë ata që ndiejnë dhimbje, e pranojnë atë, mësojnë prej saj dhe e kalojnë atë. Sekreti qëndron në gjetjen e kurajës për të marrë pak kohë, për të derdhur një lot dhe për të fshirë pluhurin nga vetja; që pastaj të rikthehesh në 'ring' e të luftosh siç nuk ke bërë kurrë më parë. Mund të shtiresh Ndieje dashurinë përpara se të thuash 'të dua', ndieje mirënjohjen përpara se të thuash 'faleminderit', ndieje përulësinë përpara se të thuash 'më fal'. Kur e ndien përpara se ta thuash, duhen më pak fjalë dhe shkon direkt e në zemër. Të ëndërrosh është humbje kohe Dhuratat më të bukura janë ato të padukshme për sytë, por që ndjehen thellë në zemër. Ajo që shohim është vetëm një fraksion i vogël i asaj që është e mundur. Imagjinata është të kesh vizion për të parë atë që gjendet poshtë sipërfaqes; pamja më e rëndësishme, por e padukshme për sytë. Ndonjëherë, diçka e paimagjinueshme pret të ndodhë; duhet vetëm të ëndërrosh shumë për ta zbuluar./Mesazhi/ The post Këto janë gënjeshtrat që ne do t'i besojmë gjatë gjithë jetës appeared first on Mesazhi.com. |
| Sa i shëndetshëm është sistemi financiar global? Posted: 12 Jul 2017 12:00 PM PDT LONDËR – Në javët e fundit, politikëbërësit në të dy anët e Atlantikut kanë pohuar se sistemi financiar është i shëndoshë dhe i qëndrueshëm. Federal Reserve (Banka Qendrore) e SHBA njoftoi në qershor se të gjitha bankat amerikane e kanë kaluar testin e fundit vjetor të stresit. Dhe kryetarja e Fed, Janet Yellen tani ka sugjeruar se ne mund të mos përjetojmë një tjetër krizë financiare "në jetën tonë". Në të njëjtën kohë, Bordi i Stabilitetit Financiar (FSB) – i cili monitoron praktikat rregullatore anembanë botës, për të siguruar përmbushjen e standardeve të miratuara globalisht – ka deklaruar, në një letër drejtuar udhëheqësve të G20, se "format toksike të paktikave bankare jotransparente" janë eliminuar. Me pak fjalë, masat e vazhdueshme për të mbështetur sistemin financiar botëror padyshim që kanë shpërblyer, sidomos kur bëhet fjalë për forcimin e masave mbrojtëse të kapitalit dhe pastrimin e bilanceve në pjesë të rëndësishme të sistemit bankar. Siguritë e dhëna së fundmi nga politikëbërësit janë ngushëlluese, për ata prej nesh, që shqetësohen se nuk është bërë mjaftueshëm për të reduktuar rrezikun financiar sistemik dhe për të siguruar që bankat t'i shërbejnë ekonomisë reale, në vend që të kërcënojnë mirëqenien e saj. Megjithatë, është shumë shpejt që t'i jepet sistemit financiar në tërësi, një recetë të pastër shëndetësore. Përpjekjet për të mbështetur sektorin bankar në disa pjesë të Evropës janë ende shumë prapa. Dhe, më e rëndësishmja, rreziqet financiare kanë vazhduar të migrojnë në aktivitete jobankare. Pasi marrja e papërgjegjshme e risqeve e futi ekonominë botërore në një depresion shumëvjeçar në vitet 2007-2008, rregullatorët dhe bankat qendrore në ekonomitë e përparuara nisën një përpjekje të madhe, për të forcuar sistemet e tyre financiare. Për këtë qëllim, ata u përqëndruan fillimisht tek bankat, të cilat që nga ajo kohë e kanë forcuar kapitalin e tyre të absorbimit riskut, kanë pastruar bilancet e paqarta, kanë rritur likuiditetet, kanë rritur transparencën, kanë ngushtuar shtrirjen e aktiviteteve me risk të lartë, dhe pjesërisht kanë rindërtuar stimuj të brendshëm për të dekurajuar sjelljet e pakujdesshme. Për më tepër, procesi i likuidimit të bankave të dështuara dhe të falimentuara është përmirësuar. Përveç forcimit të sektorit bankar, politikëbërësit kanë bërë përparim edhe në drejtim të standardizimit të tregjeve të derivateve, duke i bërë ato më të fuqishme dhe transparente, gjë që gjithashtu zvogëlon rrezikun e shpëtimit në të ardhmen të institucioneve të papërgjegjshme financiare, me paratë e taksapaguesve. Për më tepër, sistemi i pagesave dhe shlyerjes është bërë më i sigurt, duke ulur kështu kërcënimin e një "ndalimi të papritur" në aktivitetin ekonomik, si ai që ndodhi në tremujorin e katërt të vitit 2008. Ka qenë inkurajuese që të shikojnë autoritetet kombëtare të koordinojnë përpjekjet e tyre nën kujdesin e FSB-së. Bashkërendimi më i mirë ka zvogëluar rrezikun e arbitrazhit rregullator dhe adreson rrezikun që bankat të jenë, siç tha guvernatori i Bankës së Anglisë, Mervyn King, "ndërkombëtare në jetë, por kombëtare në vdekje". Shtetet e Bashkuara dhe Mbretëria e Bashkuar morën udhëheqjen në reformë, dhe Evropa po afrohet. Duke supozuar se ndodh, ashtu si kanë ndërmend politikëbërësit, siguria e Yellen për një "sistem shumë më të fortë" bankar në SHBA, do të përcillet edhe për të gjitha juridiksionet e tjera sistemike bankare në botën e zhvilluar. Dhe pohimi i besueshëm i FSB-së se "reformat kanë trajtuar linjat e gabimeve që shkaktuan krizën globale financiare" do të marrë më shumë mbështetje. Megjithatë, është shumë herët për të thirrur fitore. Megjithëse FSB e përshkruan sistemin financiar si "më të sigurt, më të thjeshtë dhe më të drejtë", ajo gjithashtu pranon "rreziqet e reja që, nëse nuk mbahen nën kontrolluar, mund të dëmtojnë objektivin e G20 për një rritje të fortë, të qëndrueshme dhe të ekuilibruar". Si një vëzhgues dhe pjesëmarrës në tregjet globale të kapitalit, tre prej këtyre risqeve janë për t'u veçuar. Së pari, teksa bankat e rregulluara më me kujdes kanë ndalur disa aktivitete, vullnetarisht ose jo, ato janë zëvendësuar nga jo-banka të cilat nuk u nënshtrohen të njëjtave standarte supervizimi dhe rregullatore. Së dyti, segmente të caktuara të sistemit jo-bankar tani janë mbërthyer nga një "deluzion i likuiditetit", në të cilin disa produkte rrezikojnë të premtojnë shumë më tepër likuiditet nga sa mund të ofrojnë për klientët që operojnë në disa fusha – siç janë bonot e korporatave me të ardhura të larta – që janë veçanërisht të ndjeshme ndaj paqëndrueshmërisë së tregut. Dhe në të njëjtën kohë, fondet e këmbimit të valutës janë përhapur, ndërkohë që ndërmjetësit financiarë janë zvogëluar, në krahasim me përdoruesit finalë, më të mëdhenj dhe më komplekse. Së treti, sistemi financiar ende nuk e ka ndjerë ndikimin e plotë të problemeve teknologjike të nxitura nga përparimet në "big data", inteligjencën artificiale dhe lëvizshmërinë. Dhe aktivitetet e teknologjisë financiare (fintech), të zgjeruara tashmë, janë të rregulluar në mënyrë jo të përshtatshme dhe ende duhet të testohen nga një cikël i plotë tregu.Bota.al Për të qenë të sigurt, një tjetër krizë sistematike financiare që kërcënon rritjen dhe prosperitetin ekonomik në mbarë botën, ka gjasa të mos burojë nga sistemi bankar. Por do të ishte e parakohshme të pohonim se i kemi lënë pas, të gjitha rreziqet që kanë lidhje me sistemin financiar. Për shkak se rreziqet kanë ndryshuar – dhe kanë migruar nga sistemi bankar – rregullatorët dhe mbikëqyrësit do të duhet të shtojnë përpjekjet dhe të zgjerojnë fokusin e tyre, për të parë përtej bankave. Në fund të fundit, siç thoshte Greg Ip i Wall Street Journal në vitin 2015 "Të shtrydhësh riskun nga ekonomia mund të jetë si shtypja e një dysheku me ujë: rreziku shpesh rishfaqet diku tjetër. Kështu ndodh edhe me përpjekjet për ta bërë sistemin financiar më të sigurt, pas krizës financiare". Nga Mohamed A. El-Erian The post Sa i shëndetshëm është sistemi financiar global? appeared first on Mesazhi.com. |
| Ky është ishulli ku ndalohet hyrja e grave Posted: 12 Jul 2017 11:43 AM PDT Ishulli japonez Okinoshima të dielën e kaluar ishte marrë nën përkujdesjen e UNESCO's, edhe pse në këtë ishull, gratë e kanë të ndaluar të hyjnë. Përveç bukurisë, ishulli karakterizohet edhe me faktin që aty mund të hyjnë vetëm burrat – dhe atë me një kusht – të pastrohen më parë në ujin e detit. 200 meshkuj vijnë më 27 maj të çdo viti dhe u nënshtrohen procedurave për të hyrë në isull, ndërsa aty banon vetëm një prift i sektit Shinto, i vetmuar.. Arsyet e ndalimit të grave shpjegohen në mënyra të ndryshme. Për gratë thuhet se 'janë të papastra' për shkak të ciklit të tyre menstrual. Thuhet që hyrja e grave në Okinoshima është e rrezikshme pa meshkujt që i mbrojnë ato. Ky ishull ishte më parë pikë shumë e rëndësishme e tregtisë së jashtme japoneze. Aty u gjetën 80 mijë objekte – ornamente e stoli – të cilat janë deklaruar pasuri kombëtare nga Japonia. ./Mesazhi/ The post Ky është ishulli ku ndalohet hyrja e grave appeared first on Mesazhi.com. |
| 9 këshilla bazike për nënat gjidhënëse Posted: 12 Jul 2017 11:29 AM PDT Shumë nëna pas lindjes së fëmijës mund të kenë probleme me qumështin e gjirit, dhe nuk është për tu habitur pse prindërit fillojnë të shqetësohen nëse bebeja duhet të pijë qumësht gjiri apo qumësht artificial (formula). Gjithmonë ka ndryshime mes fëmijëve që pinë qumësht gjiri, krahasuar me ata që ushqehen me qumësht artificial. Këto dy lloje ushqimi janë të ndryshme, duke filluar nga fakti se qumështi i gjirit përvetësohet e tretet shumë më mirë se ai artificial. Për këtë arsye fëmijët që pinë qumështin e nënës uriten më shpesh. Për fëmijën është më e vështirë të thithë qumështin nga gjiri i nënës sesa nga biberoni, kështu fëmija që pi qumështin e nënës mund të marrë sasi më të vogël qumështi sesa ai që pi formula, e rrjedhimisht ndryshon edhe pesha në këto dy raste. Pediatrit kanë hartuar 9 këshilla bazike për nënat lidhur me ushqyerjen e foshnjeve, dhe lista është si më poshtë
The post 9 këshilla bazike për nënat gjidhënëse appeared first on Mesazhi.com. |
| Sekreti i ruajtur për vite: Koha kur Hitleri dhe Tito ishin fqinj Posted: 12 Jul 2017 11:15 AM PDT Si u bë Hitleri përbindësh? A ka ndodhur diçka në fëmijërinë e tij të hershme që e ka shkatërruar atë në mënyrë të pakthyeshme, ose disa njerëz thjeshtë lindin me të keqen?! Këto fakte mund të ju japin përgjigje në disa prej këtyre pyetjeve. Sort nuk ka nevojë për shumë spjegime se kush ishte Adolf Hitler. Për shkak të luftës që e kishte nisur, gjashtë milionë hebrenj u vranë gjatë Holokaustit dhe 70 milion njerëz vdiqën në konfliktin më të përgjakshëm që bota kishte parë ndonjëherë. Megjithatë, çfarë nuk dini rreth Hitlerit? Këtu janë disa fakte të çuditshme në lidhje me njeriun më famëkeq në historinë e njerëzimit. -Hitleri është dashur të quhet Adolf Siklgruber. Babai i tij ndryshoi mbiemrin e tij në vitin 1877. – Hitleri udhëhoqi fushatën e parë anti-duhan në historinë moderne. – Hitleri kishte portretin e Henry Ford, industrialistit të famshëm amerikan dhe themelues i "Ford Motor Company", i cili qëndronte mbi tavolinën e tij. Ai shumë herë kishte thënë se biznesmenin e famshëm e kishte frymëzim të madh. – Ndërsa ishte në burg, Hitleri i shkroi kompanisë Mercedes duke u kërkuar atyre t'i japin kredi për blerjen e makinave. -Dikur ishte një mjek hebre nga Austria i cili, për shkak të gjendjes së keqe financiare të familjes së Hitlerit, nuk u u mirrte para për mjekim. Pasi, vite më vonë, filluan persekutimet ndaj hebrenjve, Hitleri kishte mbrojtur këtë njeri duke e quajtur "çifut fisnik". – Hitleri në vitin 1939 ishte nominuar për Çmimin Nobel të Paqes. – Në vitin 1938, ai u emërua Personaliteti i Vitit sipas revistës "Time". – Aleksandri i Madh, Napoleoni, Musolini dhe Hitleri vuanin nga Ailurophobia, frika nga macet. – Hitleri kishte planifikuar të mbledhë mijëra objekte personale të hebrenjve të vrarë në kampet e përqëndrimit në mënyrë që pas luftës të themelojë muzeun e "Specieve të zhdukura". Në anën tjetër, diktatori nuk ka vizituar asnjë kampin e përqëndrimit. Në vitin 1913, Hitleri, Stalini, Tito, Trocki, dhe Frojdi në një periudhë jetuan disa kilometra larg nga njëri-tjetri në Vjenë. Disa prej tyre rrinin edhe në të njëjtat kafene. Trocki dhe Stalini fshiheshin aty, ndërsa Frojdi ishte tashmë i njohur në publik. I riu Josip Broz ka punuar në një fabrikë makine në Wiener Neustadt, dhe në afërsi të tij jetonte edhe Adolf Hitleri, i cili në atë kohë ëndërronte të regjistrohej në Akademinë e Arteve të Bukura në Vjenë. The post Sekreti i ruajtur për vite: Koha kur Hitleri dhe Tito ishin fqinj appeared first on Mesazhi.com. |
| Lutje evangjeliste në Zyrën e Trump (FOTO) Posted: 12 Jul 2017 11:13 AM PDT Presidenti amerikan Donald Trump mirëpriti sot drejtuesit evangjelist në Zyrën Oval, për një seancë “lutjesh”. Fotografitë e postuara nga disa nga të ftuarit tregojnë grupin që rrethon Trump, te cilet vendosin duart mbi shpatullat e tij, ndërsa kreu i shtetit është në qender te lutjeve. Fotoja është postuar fillimisht nga Johnnie Moore, ish-zëvendëspresident i lartë në Universitetin Liberty, një universitetet kryesore evangjeliste në Virxhinia. Ne fotografi shihet edhe zevendespresidenti Mike Pence, teksa mbanë sytë të mbyllur, duke marrë pjesë në seancën e lutjeve në Zyrën Ovale. /MESAZHI/
The post Lutje evangjeliste në Zyrën e Trump (FOTO) appeared first on Mesazhi.com. |
| You are subscribed to email updates from Mesazhi.com. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |