Home » » “Voton edhe Adian Sejdiu nga Partia e Drejtësisë pjesë e koalicionit PDK-AAK-Nisma” plus 9 more Ferizaj Press

“Voton edhe Adian Sejdiu nga Partia e Drejtësisë pjesë e koalicionit PDK-AAK-Nisma” plus 9 more Ferizaj Press

“Voton edhe Adian Sejdiu nga Partia e Drejtësisë pjesë e koalicionit PDK-AAK-Nisma” plus 9 more Ferizaj Press

Voton edhe Adian Sejdiu nga Partia e Drejtësisë pjesë e koalicionit PDK-AAK-Nisma

Posted: 11 Jun 2017 07:57 AM PDT

Pas procesit të votimit, nga fshati i lindjes, Gaçkë, Ardian Sejdiu ka përcjellë një mesazh falënderimi për mediat dhe për qytetarët e Kosovës për mbështetjen që i dhanë gjatë fushatës në cilësinë e kandidatit për deputet.
“Let mbetët kjo ditë, dita e fitorës së madhe për Shtetin dhe qytetarët !” ka thënë Sejdiu

Në orët e pasditës ka votuar edhe Faton Topalli

Posted: 11 Jun 2017 07:38 AM PDT

Ferizaj.11.06.2017.  Sot në orët e pasditës ka votuar edhe Faton topalli ,kandidat për deputet në listën e Lëvizjes Vetëvendosje.

“Sot një ditë e mbarë për Kosovën.” ka shkruar  Faton Topalli

AAK: Organet monitoruese dhe ato të sigurisë të jenë në nivel të detyrës

Posted: 11 Jun 2017 07:27 AM PDT

Ferizaj.11.06.2017. Pas rastit të arrestimit të një vëzhguesi në Koshare të Ferizajt ka reaguar edhe AAK dega në Ferizaj.AAK ka kërkuar nga të gjitha organet që e monitorojnë zgjedhjet, organet e sigurisë që të jenë në nivel të detyrës, me qëllim që procesi zgjedhor të shkon në rregull

Reagimin e AAK të plotë mund ta lexoni në vazhdim:

REAGIM

Sot, nga raportimet e terrenit, bëhet e ditur se në shkollën "Dëshmorët e Koshares"- Qendra e Votimit në Koshare, është ushtruar presion dhe shantazh ndaj votuesve nga Lidhja Demokratike e Kosovës në Koshare.

LDK po i bënë presion dhe shantazh votuesve, duke e parë humbjen e thellë, e cila do të ndodh sot, dhe po i përdor çdo metodë dhe mjet në mënyrë të paligjshme, për ti bindur qytetarët që të votohet LDK-ja, kjo për ne është shkelje ligjore dhe veprim i pa pranuar.

AAK në Ferizaj, kërkon nga gjithë organet që e monitorojnë zgjedhjet, organet e sigurisë që të jenë në nivel të detyrës, me qëllim që procesi zgjedhor të shkon në rregull, dhe pa ekcese, në mënyrë që sot të tregojmë një shembull, se si organizohen zgjedhet sipas standardeve dhe ligjeve.

AAK dega Ferizaj.

Në mesditë votoi edhe kandidati tjetër i PDK-së në Ferizaj z. Agim Aliu.

Posted: 11 Jun 2017 04:46 AM PDT

Në mesditë votoi edhe kandidati tjetër i PDK-së në Ferizaj z. Agim Aliu.

“Sapo kreva obligimin ligjor dhe kushtetues, si dhe ftoj qytetarët e Ferizajt dhe të Republikes që ta japin votën e tyre sot. Sot është dita e vendim marrjes së tyre për Kosovën e së ardhmes më të mirë. Urime…!!” tha Aliu.

Votoi kryetari i komunës së Ferizajt Muharrem Svarqa me familjen e tij

Posted: 11 Jun 2017 04:43 AM PDT

Procesit zgjedhor që po zhvillohet sot në të gjithë Kosovën, iu bashkua edhe kryetari Lidhjes Demokratike të Kosovës – Dega në Ferizaj, njëherit kryetar i komunës së Ferizajt zotëri Muharrem Svarqa.

Në vendvotim ai u paraqit bashkë me familjen e tij në fshatin Sazli dhe me këtë rast bëri thirrje për një proces zgjedhor sa më demokratik.
"Sot, me familjen time ku të gjithë kanë të drejtë vote, e krymë obligimin tonë qytetar dhe ftoj të gjithë qytetarët që të dalin sot në zgjedhje dhe të kryejnë obligimin e tyre qytetar në mënyrë që të bëhen pjesë rrjedhëse me pjesëmarrjen dhe votimin e tyre duke u bërë kështu pjesë e rezultatit të këtyre zgjedhjeve. Unë jam shumë i sigurtë që do të fitojnë më të mirët nga ata, që po kërkojnë legjitimitetin për të qeverisur me Kosovën në katër vitet e ardhshme. Me këtë rast apeloj që zgjedhjet të zhvillohen ashtu siq ju ka hije ferizajasve, qetë dhe në frymën demokratike, sepse vetëm kështu ne mund të realizojmë misionin për të ardhmen tonë të përbashkët, të ardhmen e fëmijëve tanë dhe të gjeneratave që vijnë. Jam shumë i sigurtë që qytetarë tanë do të vazhdojnë të thellojnë demokracinë." – u shpreh kryetari Sëvarqa.
Kryetari Svarqa shprehu bindjen se nga ky proces zgjedhor do të dalin njerëzit që do të kenë në rend të parë interesin qytetar.
Kryetari Svarqa gjatë votimit u shoqërua me familjen , me bashkëshorten, dy vajzat dhe djalin. Vajza e tij Laburina për herë të parë shfrytëzoi të drejtën për të votuar me ç'rast u shpreh e lumtur që po jep kontributin e saj për zhvillimin e shtetit,kurse edhe vajza e madhe Aulona theksoi se ka ardhur enkas për të votuar nga Gjermania.

Voton kandidati për deputet, Elmi Reçica

Posted: 11 Jun 2017 04:41 AM PDT

Në orët e paradites sot votoi kandidati i Partisë Demokratike të Kosovës nga Ferizaj
z. Elmi Reçica. Mesazhi i z Reçica ishte që Zgjedhjet të jenë të qeta, si dhe të tregojmë kulturë të demokracisë Evropiane. Le të fitojë Kosova – shtoi ai në fund.

Voton kandidati për deputet, Xhavit Zariqi

Posted: 11 Jun 2017 03:27 AM PDT

” I uroj të gjithë qytetarëve të Kosovës zgjedhje të lira dhe demokratike, dhe që të fitojë ai i cili i mbron më së miri interesat e qytetarëve të Kosovës.

#KohapërFillimineRi” shkruan Zariqi.

 

 

Arrestohet Halim Halimi – vëzhguesi i LDK-së – vëllai i Kryetarit të nëndegës së LDK-së në Koshare

Posted: 11 Jun 2017 03:15 AM PDT

“Sot, nga raportimet e terrenit, bëhet e ditur se në shkollën "Dëshmorët e Koshares"- Qendra e Votimit në Koshare, është ushtruar presion dhe shantazh ndaj votuesve nga vëllau i kryetarit të nëndegës së LDK-së në Koshare, Halim Halimi.

Halim Halimi është vëllau i kryetarit të nëndegës së LDK-së në Koshare, Valon Halimi, punonjës i administratës Svarqa.
Vlen të theksohet se për shkak të keqpërdorimit të autorizimeve si vëzhgues, presionit dhe shantazhit të ushtruar ndaj votuesve, ai është arrestuar nga Policia e Kosovës dhe presim që edhe organi i akuzës të procedoj rastin zyrtarisht, kjo për shkakun se ky presion, shantazh për të votuar kandidatët e LDK-së për Kuvendin e Kosovës, është ushtruar në cilësinë e vëzhguesit të zgjedhjeve nga ana e LDK-së.
Këto raste janë përpjekje për dështimin e procesit zgjedhor, manipulimin e votave si dhe frikës së pushtetit komunal që me direktivat e kryetarit Svarqa të minohet procesi i rregullt zgjedhor.
PDK në Ferizaj, kërkon urgjentisht nga gjithë monitoruesit e zgjedhjeve, organet e sigurisë dhe të akuzës që të ngrisin rastet e tilla në nivel zyrtar dhe të procedohet me to sipas parashikimeve ligjore. Njëkohësisht, ftojmë qytetarët që të përmbahen nga akte të tilla provokuese dhe dashakeqe për një proces të rregullt zgjedhor.” raporton shtabi zgjedhor, PDK- Ferizaj

Në Ferizaj të gjitha qendrat e votimit hapen me kohë

Posted: 10 Jun 2017 11:01 PM PDT

Ferizaj.11.06.2017. Në Ferizaj të gjitha qendrat e votimit kanë qenë të përgatitura  dhe  janë hapur me kohë .

Këtë e ka konfirmuar edhe kryetari i KKZ në Ferizaj Shaban Rexha .

Rexha tha se të gjitha përgatitjet e nevojshme janë bërë me kohe, materialet janë shpërndarë sipas dinamikës së paraparë  dhe  të gjitha qendrat e  votimit janë hapur me kohë.

Tani kur gati ka kaluar një orë nga hapja e vendvotimeve nuk është lajmëruar asnjë problem . Numri i votuesve  duket i vogël por kjo edhe po arsyetohet  edhe për shkak të reshjeve të cilat  mund të kenë shtyrë  edhe daljen në votime të qytetarëve në orët e hershme të mëngjesit.

Jetullah Sylejmani në rezidencën për art bashkëkohor në Itali

Posted: 10 Jun 2017 01:36 PM PDT

Këtë të premte në Galerinë Kombëtare të Kosovës u hap ekspozita "AR 2017"  ku Jetullah Sylejmani u shpërblye me çmimin e dytë, të cilin e ndau me Altin Krasniqin, kurse çmimi i parë i takoi Shpend Havollit. Ky është edicioni i dytë i çmimit "Artistët e rinj", ku pas një konkursi të hapur nga Galeria Kombëtare e Kosovës, dhe shqyrtimit të dosjeve të artistëve konkurrues, u zgjodhën 6 artistë finalist, të cilët në finale u vlerësuan për çmime nga juria ndërkombëtare Basak Senova dhe Ivan Moudov.
Pas këtij çmimi, artisti Jetullah Sylejmani, për një periudhë dyjavore do të qëndroj në një rezidencë për art bashkëkohor në Biella të Italisë dhe Shkodër, konkretisht në platformën edukative multimediale UNIDEE (Universiteti i ideve) që ofron module rezidenciale për artistë. UNIDEE është iniciuar nga Cittadelarte /Fondacioni Pistoletto në bashkëpunim me Art House në Shkodër e themeluar nga artisti i mirënjohur Adrian Paci. Vetë ideja e Cittadelarte, e themeluar nga artisti i njohur me famë botërore Michelangelo Pistoletto, është të krijohet një model edukativ që bazohet në teorinë kritike, aktivizmin dhe praktikën artistike me nivele të ndryshme të interaksionit dhe shkëmbimin e njohurive dhe përvojave, ku theksi vihet në marrëdhënien midis artit dhe sferës publike.
UNIDEE ofron moduleve specifike të seminareve mbi artin që do të mbahen nga mentorë ndërkombëtarë, dhe tematikat ku do të përqendrohet edicioni i këtij viti janë: Revolucioni, Dëshira, Ndërmjetësimi, i cili do të finalizohet me ekspozimin e veprave të artistëve pjesëmarrës në rezidencë.

Jetullah Sylejmani ishte finalist edhe në edicionin e parë të çmimit "AR 2016", e cila pas suksesit në Galerinë Kombëtare të Kosovës, në vitin 2017 u hap edhe në Galerinë Nacionale të Maqedonisë. Edhe në edicionin e parë si finalist ishte përzgjedhur nga juria ndërkombëtare Natacha Guibeau, Ibro Hasanovic, Leutrim Fishekqiu, Sislej Xhafa, Adrian Paci dhe Maksut Vezgishi.

Gjithashtu Jetullah Sylejmani këtë vit përfaqësoi Kosovën në një ndër ngjarjet më të rëndësishme ndërkombëtare të artit, konkretisht në Bienalen e Artistëve të Evropës dhe Mesdheut për arte pamore "MEDITERRANE 18", ku për herë të parë në historinë e artit pamor të qytetit të Ferizajt, një artist nga ky qytet përfaqëson Kosovën, në ekspozitën më të njohur të artit pamor në Evropë, ku marrin pjesë shtetet e ndryshme nga Evropa dhe Mesdheu, BJCEM ("Biennale des Jeunes Créateurs de l'Europe et de la Méditerranée").

Jetullah Sylejmani ka marrë pjesë në shumë ekspozita në Kosovë dhe jashtë vendit si SHBA, Francë, Itali, Kroaci. Maqedoni, Shqipëri.