Home » » RTSH: “Rama në Xarrë: Rilindja Urbane ka sjellë transformime dhe energji pozitive!” plus 9 more

RTSH: “Rama në Xarrë: Rilindja Urbane ka sjellë transformime dhe energji pozitive!” plus 9 more

RTSH: “Rama në Xarrë: Rilindja Urbane ka sjellë transformime dhe energji pozitive!” plus 9 more

Rama në Xarrë: Rilindja Urbane ka sjellë transformime dhe energji pozitive!

Posted: 08 Jun 2017 08:56 AM PDT

Në fushatën për zgjedhjet parlamentare të 25 qershorit, kryeministrin Edi Rama vazhdon të këmbënguli se vetëm Partia Socialistë mund të bëjë shtet. Në një takim me banorët e Xarrës në Sarandë, në jug të Shqipërisë, zoti Rama tha se vetëm nga programi i Rilindjes Urbane janë punësuar deri tani rreth 50 mijë persona. “Këto transformime sjellin energji pozitive, sjellin turizëm, sjellin dëshirë për të bërë biznes, rrisin vlerën e pasurisë së njerëzve” tha ai.
Zoti Rama gjeti rastit të komentonte edhe ankimimin e Shoqatës së Gjyqtarëve kundër Ligjit të Vettingut. Zoti Rama deklaroi se ata që kanë frikë të provojnë se s’kanë lidhje me krimin e organizuar duan ta heqin këtë ligj. “Thonë që është antikushtetuese që të hysh në veting nëse ke apo nuk ke lidhje me krimin e organizuar. A e kuptoni ju këtë? Gjykatës që kanë frikë të provojnë se nuk kanë frikë me krimin e organizuar” tha zoti Rama mes ironisë dhe revoltës.

Mediu: I bëj thirrje çdo republikani të votojë Partinë Demokratike!

Posted: 08 Jun 2017 08:27 AM PDT

Kryetari i Partisë Republikane Fatmir Mediu ftoi qytetarët e Kavajës të votëbesojnë me 25 qershor kandidatin demokrat për kryetar të Bashkisë, sikundër të japin votë masive për projektin e Republikës se Re. Zoti Mediu tha se e djathta përfaqësohet me model vlerash dhe alternativash, përkundrejt të majtës, që në katër vite sipas tij është sinjifikuar me krimin dhe trafiqet.
“Ne duhet t’i tregojmë qeverisë e ata që gënjejnë një herë, ata që mashtrojnë dhe vjedhin, ata që kriminalizojnë shoqërinë nëpërmjet trafikut të drogës nuk mund të jenë pjesë e të ardhmes tonë” tha zoti Mediu. Kreu i republikanëve mbështeti kandidatin demokrat për kryetar bashkie Isa Sakja, dhe tha sëbashku me Lulzim Bashën si kryeministër janë një shans për familjet në Kavajë. “Ne duam të ndërtojmë raportet e njerëzve të thjeshtë, një parlament të përgjegjshëm, një parlament i cili i përgjigjet kërkesave tuaja” tha zoti Mediu. “Mund të ndryshosh parti për xhepin tënd, mund të ndryshosh politike për xhepin tënd, por turpin më të madh e ke me ata njerëz që të kanë vlerësuar, të kanë votuar. Prandaj i bëj thirrje çdo demokrati të kthehet në shtëpinë e vet, i bëj thirrje çdo republikani të votojë Partinë Demokratike” tha kreu republikan Fatmir Mediu. Ai tha se e majta vjen në këtë fushatë me premtime të pambajtura, si dhe me mungesë vizioni për të ardhmen.

Basha në Korçë: 100 milionë euro subvencione për bujqësinë!

Posted: 08 Jun 2017 07:19 AM PDT

Pretendenti për kryeministër pas zgjedhjeve parlamentare të 25 qershorit, kreu i opozitës Lulzim Basha, ka paraqitur me fermerët e Korçës, projektin për zhvillimin e bujqësisë. Sipas zotit Basha ai parashikon rritje investimesh për infrastrukturën si edhe mbështetjen për fermerët.”Partë do të shkojnë tek të gjithë fermerët që punojnë tokën në bazë të prodhimit që ju gjeneroni. Plot 100 milion euro në vit do të mundësojë zerimin e kosotos së mekanikës bujqësore. Së dyti do të tentojnë uljen dhe zerimin e plehërave dhe inputeve të tjera buqësore” tha zoti Basha.
Nisur nga modeli Trump, i huazuar nga Basha për t’i dhënë mbështetje prodhimit vendas duke mos lejuar konkurencën e pandershme me mallrat që importohen, zoti Basha ka zbuluar edhe një takim të afërt me Presidentin amerikan. “Nga e more vesh që do takoj presidentin Tramp?” ju drejtua e humor një prej të pranishmëve. “Puna jote nga e more vesh, por mos na i hap sekretet se do mërzitet Ed Rama se nuk e takoi dot” shtoi ai.
Kryetari i Partisë Demokratike kërkoi votëbesim maksimal për projektin e Republikës së Re i cili synon sikundër tha të mbështesë qytetarët, në dallim nga Republika e Vjetër që shfrytëzoi pushtetin për interesa personale. “Do të votoni që toka e bukës të lirohet dhe votojë për ju, po do lini moçalin me pesë zhabat e politikës? Unë them ta thajmë moçalin” tha zoti Basha.

Policia e Vlorës; Vazhdon asgjësimi i bimëve narkotike

Posted: 08 Jun 2017 07:08 AM PDT

Policia e Vlorës ka asgjesuar mbi tre mijë bimë narkotike të mbjella në disa parcela. Gjatë kontrollit të ushtruar në fshatin Treblovë, pranë vendit të quajtur "Përroi i Madh", janë gjetur 4 parcela toke publike e papunuar me 3404 bimë narkotike të llojit Cannabis Sattiva, me gjatësi 30-100 cm. Policia dyshon se këto bimë kanë mbirë vetë për shkak se vitin e kaluar janë asgjësuar bimë të ngjashme të mbjella në të njëjtin vend dhe që mendohet të jenë favorizuar nga kushtet klimaterike.

Volejboll; Martiri dhe Pëllumbi: Liga e Evropës, një bast i fituar

Posted: 08 Jun 2017 06:01 AM PDT

"Finishi i një maratonë, që tashmë duhet kurorëzuar me rezultatet në parket." Kështu e ka cilësuar presidenti i Federatës Shqiptare të Volejbollit, Erlind Pëllumbi, pjesëmarrjen e Shqipërisë në Ligën e Evropës, e cila do ta luajë fazën e parë të grupit A në Tiranë. Pas javësh të tëra përgatitjesh, Kombëtarja e Volejbollit të femrave ka mbërritur në prag të pjesëmarrjes së saj të dytë në Ligën e Evropës, ku Shqipëria do të përballet në grupin A me Bjellorusinë, Finlandën dhe Austrinë. Duke folur për Televizionin Shqiptar, trajnieri Altin Martiri thotë se skuadra është gati si në aspektin organizativ, ashtu edhe në atë sportiv: " Jemi në fazën përmbyllëse të stërvitjeve, gjendja e ekipit është e mirë. Kemi pasur disa probleme jo te lehta, por me optimizëm do të tentojmë që në ndeshjen e parë të arrijmë fitoren Kemi mjaft lojtare të zonjat, deri në 14 që janë gati për të dhënë maksimumin në fushë." Për Pëllumbin, vajzat kuqezi kanë një objektiv të qartë; Fitoren duke u përpjekur me gjithë forcat. Ndeshjet e grupit A të Ligës së Evropës, ku Shqipëria do të përballet me Finlandën, Austrinë dhe Bjellorusinë, do të sillen për sportdashësit drejtpërdrejt nga Rrjeti i Radio-Televizionit Shqiptar.

Blushi: Mbështetje për personat me aftësi të kufizuara!

Posted: 08 Jun 2017 05:36 AM PDT

Kryetari i LIBRA-s, Ben Blushi, parti e cila po konkurron për herë të parë në zgjedhjet parlamentare, ka vijuar ecjen elektorale nën moton “100 km, derë më derë”, në njësitë 9 dhe 11 në Tiranë. Në fokus të takimeve të tij ishte mbështetje e kësaj force politike ndaj personave me aftësi të kufizuara. “Të vjedhësh ata që janë me aftësi të kufizuara është mëkati më i madh” tha zoti Blushi. Sipas tij “Kjo qeveri dhe ajo para saj e kanë bërë në mënyrë konstante. Kanë vjedhur edhe njerëzit me aftësi të kufizuara”. “Kjo praktikë do të marri fund. Do të ndëshkohet çdo njeri që prek atë që i takon dhe ato që meritojnë njerëzit me aftësi tëkufizuara” paralajmëroi zoti Blushi.
Gjatë takimeve të tij me qytetarët, Blushi ka shpjeguar programin e LIBRA-s dhe ka kërkuar votën më 25 Qershor, sipas tij kundër Ramës dhe Berishës. “Të votosh Edi Ramën dhe Sali Berishën tani që janë bërë bashkë është tradhëti kombëtare. E kishim një herë njërin në kurriz, pastaj erdhi tjetri. Tani i ke të dy në kurriz” tha zoti Blushi.

Promovimi i fuqizimit të të rinjve në Ballkanin Perëndimor

Posted: 08 Jun 2017 05:14 AM PDT

Zhvillohet të premten në Durrës konferenca “Promovimi i fuqizimit të të rinjve në Ballkanin Perëndimor – një iniciativë progresive për Strategjinë e Rinisë në BE me pjesëmarrjen e eurodeputetëve Viktor Boshtinaru, Tanja Fajon, Knut Fleckenstein e Tonino Picula.
Sipas zotit Boshtinaru anëtar rumun i Parlamentit Europian, qëllimi i takimit është dhënia e mesazheve të qarta për rininë sa i përket zgjarimit, dhe shpresa që aktiviteti të mos përdoret nga partitë, ndërkohë qe shefja për zgjerimi zonja Fajon vë në dukje se “largimi i trurit” duhet ndalur e shtuar besimi tek politikat e zgjerimit në një moment kyç edhe për vetë BE.
Gazetarja e RTSH Arta Tozaj zhvilloi me ta këtë intervistë.

RTSH: Ju mbërrini në Shqipëri në mes të fushatës elektorale dhe keni ftuar, kryeministrin Rama, ashtu dhe nga partia tjetër simotër, presidentin e sapozgjedhur Meta. A nuk druheni se kjo konferencë mund të keqpërdoret nga njëra palë, ose tjetra?

V.Bostinaru: Le të jemi të sinqertë, kur ne vendosëm për të bërë këtë konference, askush nuk e dinte se kur do të mbaheshin zgjedhjet egzaktësisht. Jam i bindur se të dy liderët, të cilët ndajnë përgjegjësitë më të rëndësishme në këtë vend kandidat, do të sillen me përgjegjësi të plotë përkundrejt detyrave të tyre për popullin shqipëtar. Ka shumë rëndësi që ne të përcjellim mesazhin e përgjegjshmërisë, në një kohë kur çdo gabim mund të kushtojë tepër shumë dhe ky çmim nuk paguhet nga elita politike por nga populli, nga njerëzit e zakonshëm, për të cilët ne kujdesemi edhe më shumë "

T. Fajon: Me gjithë repektin ndaj forcave politike, ne presim mbajtjen e zgjedhjeve të lira e të ndershme. Me këtë event për të rinjtë e rajonit, duam të bëjmë të qartë se zgjerimi dhe perspektiva e të rinjve në Ballkanin Perëndimor janë ekstremisht të rëndësishme për ne. Ka tepër shqetësim për perspektivën e BE në të ardhmen, për punësimin dhe arsimimin jashtë vendit, e këto janë tema që dhe ne progresistët duam t'i trajtojmë në Durrës.

RTSH: Përse e diskutoni me të rinjtë e rajonit perspektivën, në një kohë kur "lodhja nga zgjerimi" më shumë se në Ballkan, haset brenda BEsë ?

V.Bostinaru:  Mesazhi ynë do të jetë i qartë për këtë. Ne duam të shohim se zgjerimi po bëhet i prekshëm. Ne jemi aty për të premtuar një përshpejtim të procesit, ndërkohë që respektohen të gjitha kriteret e standartet, që duhet të përmbushen nga të gjitha vendet kandidate. Nderkohe, për të dhënë mbështetje materiale, të paktën për projektet infrastrukturore, të cilat gjatë viteve të ardhshme do të shihen të integruara brenda  tregut të BE-së, për të cilën do të bisedohet edhe në Washington, në kuadrin e mbështetjes për to.

Sa do të ndikojnë atentatet terroriste në zgjedhjet në Britani?

Posted: 08 Jun 2017 04:54 AM PDT

Ende është e paqartë se cili ka qenë motivi vendimtar me më shumë ndikim në votën e qytetarëve britanikë. Atentatet në Londër dhe Mançester ndikuan në fushatën zgjedhore në Britaninë e Madhe, sikurse më parë në Madrid apo Paris. Pas atentateve në Londër partitë e ndërprenë fushatën. Por ato i nxitën edhe më tej diskutimet e zjarrta për kryeministren konservatore Tezreza Mei dhe sfiduesin e saj Xheremi Korbin nga partia liberale e majtë e laburistëve. Kryeministrja Mei u shpreh për një kurs të rreptë tani e tutje, por kur ishte ministre e Brendshme ajo kishte shfuqizuar në vitin 2010 kontrollet nga ana e organeve të policisë mbi të dyshuarit si ekstremistë. Edhe zoti Korbin, i cili është simpatizant i IRA-s dhe deri në kohën e atentatit në Mançester shprehej për bisedime me terroristët, thotë se duhet ndjekur një politikë më e rreptë sigurie. Nga ana tjetër, gjendja në Britaninë e Madhe cilësohet nga analistët si e pështjelluar. Britanikët votuan pro daljes nga BE-ja pa e ditur se çfarë do të thoshte kjo. Vendi është në një gjendje konstante krize, në një rreth politik vicioz dhe kjo e bën te lehtë për t'u sulmuar. Por njohësit e zhvillimeve takohen në një pikë kur thonë se cilido që do të dalë fitues, puna e vërtetë fillon pikërisht pas zgjedhjeve.

Borisov: Dëshirojmë të japim perspektivë evropiane për Ballkanin Perëndimor

Posted: 08 Jun 2017 04:41 AM PDT

Gjermania dhe Bullgaria deklaruan edhe një herë mbështetjen për Ballkanin Perëndimor dhe integrimin e rajonit në BE. Pasi priti kryeministrin bullgar Bojko Borizov në Berlin, kancelarja Angela Merkel tha: “Bullgaria meriton mirënjohjen tonë sepse, pavarësisht që nuk është ende anëtare e zonës Shengen, i ruan shumë mirë kufijtë e jashtëm të Bashkimit Evropian. Bullgaria ka rol të madh në stabilitetin e Ballkanit. Do t’u japim shpresë dhe do t’i mbështesim këto vende sepse të gjithë partnerët politikë janë të interesuar për marrëdhënie të mira. Dëshirojmë të theksojmë se mbështetja jonë për Ballkanin Perëndimor nuk do të ndryshojë”, tha zonja Merkel, duke pohuar se Gjermania do ta ndihmojë me përvojën e saj Bullgarinë, kur kjo të marrë kryesinë e radhës së BE-së.
Kurse zoti Borisov tha: “Kjo kryesi 6 mujore ofron mundësi të shkëlqyera për aktivizim te procesit të inkuadrimit të vendeve të Ballkanit. Falë pozicionit gjeografik dhe kryesisë së radhës së BE-së vitin e ardhshëm, Bullgaria mund të bëjë shumë për të ndihmuar Ballkanin. Kjo përputhet edhe me planet e Berlinit. Dëshirojmë të japim perspektivë evropiane për njerëzit e zakonshëm të Ballkanit Perendimor”, tha kryeministri bullgar Bojko Borisov.

Britanikët votojnë sot në zgjedhjet e përgjithshme të parakohshme

Posted: 08 Jun 2017 03:55 AM PDT

Britanikët votojnë sot në zgjedhjet e përgjithshme të parakohshme, të cilat do të përcaktojnë shefin e qeverisë së re që do të udhëheqë edhe negociatat për daljen e vendit nga Bashkimi Evropian. Zgjedhjet e përgjithshme, që në afat normal do të mbaheshin në maj të vitit 2020, u caktuan për më 8 Qershor pas vendimit të kryeministres Tereza Mei për të shkuar në zgjedhje të parakohshme me qellim sigurimin e stabilitetit dhe unitetit në negociatat për Brexit-in. Mes partive kryesore që zënë vend në Dhomën e Ulët të Parlamentit të Mbretërisë së Bashkuar, e cila përbëhet nga Anglia, Uellsi, Skocia dhe Irlanda e Veriut, janë Partia Konservatore e kryeministres Mei, Partia Laburiste e Xheremi Korbinit, Partia e Liberal Demokratëve e Tim Farronit, Partia e Pavarësisë e Mbretërisë së Bashkuar (UKIP) e Pol Njutollit dhe Partia Nacionale Skoceze e Nikola Starxhionit. Sipas sondazheve të fundit, partia konservatore e zonjës Mei mund të marrë 45% të votave, e ndjekur nga laburistët me 36% kurse pjesa e mbetur do të ndahet mes tri partive të vogla. Zonja Mei thotë se i duhet të rrisë fuqinë e Partisë Konservatore, me qëllim që të forcojë pozicionin e saj në negociatat me BE-ne. Këto negociata do të ndikojnë mbi punësimin në Britani, pagat, çmimet e banesave, normat e interesit, emigrimin, nivelin e tregtisë, mbrojtjen dhe sigurinë, financat dhe shërbimet pubike por Mei është e vendosur të zbatojë vullnetin e votuesve. Sidoqoftë, edhe laburistët kanë thënë se nuk do të përhiqen nga dalja prej BE-së, nëse i fitojnë zgjedhjet. Analistët parashohin ndërkaq se një mbështetje më e fuqishme për Partinë Kombëtare Skoceze do t'i rritë mundesite që Skocia të mbajë referendum për pavarësi.