Home » » RTSH: “Berisha: Abuzim 2 milion euro në inagurimin e “Sheshit Skënderbej”” plus 9 more

RTSH: “Berisha: Abuzim 2 milion euro në inagurimin e “Sheshit Skënderbej”” plus 9 more

RTSH: “Berisha: Abuzim 2 milion euro në inagurimin e “Sheshit Skënderbej”” plus 9 more

Berisha: Abuzim 2 milion euro në inagurimin e “Sheshit Skënderbej”

Posted: 10 Jun 2017 02:00 PM PDT

Ndërsa në “Sheshin Skënderbej” vazhdonte koncerti festiv inagural, ish kryeministri Sali Berisha akuzoi kryeministri Rama dhe kreun e Bashkisë së Tiranës Veliaj se kanë harxhuar 2 milione euro festime dhe inagurime elektorale në qendër të Tiranës. Sipas zotit Berisha këto janë “…shpenzime të jashtëzakonshme, në dhunim të plotë të ligjit elektoral, të kartës së Kopenhagenit për zgjedhjet e lira dhe të ndershme”.
Për ish kryemistrin dhe kreun e PD, projekti i ndërtimit të “Sheshit Skënderbej” ka pësuar një fiasko të madhe pas dhjetra kritikave te eksperteve vendas dhe te huaj. Sipas tij Rama dhe Veliaj “…duan ta paraqesin si sheshin e 70 mije luleve dhe 2200 pemve paçka se te numeruara lulet dhe pemet jane se paku 15 here me pak”. “I bej thirrje prokurorise se shtetit te nise me perparesi hetimin per kete abuzim korruptiv dhe shkelje madhore te ligjit elektoral dhe kritereve te Kopenhagenit per zgjedhjet e lira!” përftundon statusi i zotit Berisha në Facebook.

Përurohet “Sheshi Skënderbej”, “Amerika e vogël” e pas viteve ’90″

Posted: 10 Jun 2017 12:54 PM PDT

Me një cermoni madhështore, të paparë në Shqipëri, Bashkia e Tiranës ka inaguruar Sheshin "Skënderbej", sheshi kryesor i kryeqytetit shqiptar. Sheshi i cili ka e ka marrë këtë emër më shumë se një shekull më parë, i është nënshtruar ndër vite disa herë ndryshimeve. Por duket se ndryshimi i fundit është vërtetë mbresëlënës. Brenda më pak se një viti, sheshi me sipërfaqe 28 mijë metra katrorë, u shndërruar në një Shqipëri në miniaturë. Në të janë sjellë gurë dhe pemë nga të gjitha trevat shqiptare, duke e bërë atë sheshin e gjithë shqiptarëve.
Mes emocioneve kryetari i Bashkisë së Tiranës Erion Velia falenderoi përzemërsisht të gjithë kontribuesit për ndërtimin e kësaj vepre. “Ky është një nga sheshet më të bukura në botë” tha zoti Veliaj. “Kam sot një lajm shumë të mirë. Ne nga dje jemi ftuar zyrtarisht për ta çuar këtë shesh në bienalen e Çikagos, nga më të famshmet për arkitekturën, si një nga projektet më të bukura sot në botë! Kur ne shqiptarët bëjmë plane të mëdha ne gjithmonë ja dalim!” tha ai .
Ndërsa kryeministri Edi Rama e konsideroi “sheshi i “Amerikës" së vogël të pas viteve '90”. “Duke e parë sot këtë pamje të jashtëzakonshme të ardhur spontanisht dhe duke parë flamurin kuqezi që ngrihej më erdhi natyrshëm ta mbyllja fjalën time me vargjet e humbura të himnit tonë kombëtar: “Se Zoti vetë e tha me gojë se kombet s'shuhen përmbi dhe Shqipëria do të rrojë, për të luftojmë ne!” tha zoti Rama. Ndërsa në rrjetin social “Facebook” ai shkruajti “Shpaloset xhevahiri më i madh i kurorës së Rilindjes Urbane, “Sheshi Skënderbej”, që do të rrezatojë nga sot e për shumë mote të tjera, dritën e pasionit dhe forcën e ambicies sonë për Shqipërinë që duam”.
Përurimi i “Sheshit Skënderbej” u kthye në një festë të madhe për Tiranën. Mijëra banorë të saj ishin të pranishëm në koncertin e organizuar nga Bashkisë së Tiranës. Ndërsa për shqiptarët ai është ndjekur në një transmetim të drejtëpërdrejtë në RTSH1HD, por edhe në rrjetin social Facebook. Koncerti u mbyll me një spektakël fishekzjarresh.

Basha në Dibër: “72 minuta nga Bllata në Sheshin Skënderbej”

Posted: 10 Jun 2017 08:09 AM PDT

Kryetari i PD në opozitë, Lulzim Basha, u ka premtuar dibranëve ndërtimin brenda dy vjetëve të “Rrugës së Arbërit” një premtim i hershëm për zgjedhësit e kësaj zone nga të gjitha partitë. “Ju jap fjalën se brenda janarit të ardhshëm kantieri i rrugës së Arbrit në të gjithë gjatësinë e tij do të jetë në funksion të plotë dhe brenda dy viteve tuneli dhe rruga e Abrërit do të jetë një realitet ku do të qarkullojnë makinat e dibranëve dhe gjithë shqiptarëve. 72 minuta nga Bllata në Sheshin Skënderbej” premtoi zoti Basha.
Edhe më tej kreu i opozitës së djathtë, ka sulmuar ashpër partit e majta që janë në koalicionin qeverisës, duke i konsideruar ato si shushunja për popullin. “Asnjë votë për shushunjat. Koha e shushunjave në pushtet merr fund në 25 qershor. Janë bërë xhind!” tha zoti Basha. Më së shumti ai ju kundërvu ish kreut të LSI Ilir Meta, dikur aleat i PD në qeveri e më pas i PS. “E shikonte veten një dorë në bakllava, një dorë në sheqerpare. Por mesa shoh dorën në bakllava nuk ka për ta pasur kurrë më, por edhe këta të sheqerpares kanë ndërmend t'ia heqin dorën” tha zoti Basha.

Meta: “Të bëhemi 1 milionë! Forcë e parë, forcë e paparë, kjo është LSI-ja!”

Posted: 10 Jun 2017 07:55 AM PDT

Lëvizja Socialiste për Integrim, deri tani partia e tretë më e madhe në Shqipëri, po këmbëngul të dali forcë e parë në zgjedhjet e përgjithshme të 25 qershorit. Ish krijuesi i kësaj partie, aktualisht presidenti i zgjedhur Ilir Meta, gjatë një takimi entuziast me përkrahësit e LSI  në Sarandë, tha se garancinë e tij e mbështet tek 600 mijë të rinj që janë të vendosur që LSI të jetë forcë e parë. “Forcë e parë, forcë e paparë, kjo është LSI-ja! Vendimi tashmë është marrë: 600 mijë të rinj e të reja në Tiranë dhe në të gjithë Shqipërinë e kanë vendosur LSI-në forcë të parë!” tha zoti Meta. Ai shkoi edhe më tej kur bëri thirrje që të bëhen 1 milion deri më 25 qershor. Sipas zotit Meta një votë për LSI “…do t’u  japi një shans të gjithëve, në mënyrë që t'i themi jo një herë e përgjithmonë arrogancës, t'i themi jo një herë e përgjithmonë atyre që janë zhytur në vetkënaqësi nga arroganca dhe egoizmi i tyre dhe kanë harruar hallet dhe problemet e njerëzve të thjeshtë në Saranda në Delvinë, në Konispol dhe në të gjithë Shqipërinë”.

Rama: Të ndërtojmë një administratë shtetërore që të jetë krenari dhe jo turp

Posted: 10 Jun 2017 07:45 AM PDT

Kryeministri socialist Edi Rama vazhdon të kërkojë një votë masive nga shqiptarët, për të ndërtuar sipas tij një  administratë shtetërore që të jetë krenari dhe jo turp. Deklaratat e tij zoti Rama i ka bër gjatë takimeve me zgjedhësit në Librazhd dhe Belsh. “Ka ardhur koha,tha ai, të ndahmi nga partitë që marrin peng administratat” duke shtuar se duhet “Një administratë ku në çdo zyrë çdo shqiptarët të shërbehet”.
Për liderin dhe kryeministrin socialist “Në 25 qershor është një moment shumë i rëndësishëm që mund ta kthejmë në një vendim historik për Shqipërinë që duam. Në një vendim për të shkuar në votime, jo të ndarë, por të bashkuar me bindjen se është koha për tu ndarë nga politika që merr peng administratën dhe nga partitë që marrin peng zyra dhe tërheqin zvarrë popullin”.”Ne jemi gati ti marrim përsipër, na ndihmoni, më ndihmoni që të kemi fuqinë që na duhet për tju zgjidhur 1001 hallë që mbeten të pazgjidhur për shkak të sistemit që duhet të përmbysur në 25 qershor” tha zoti Rama.

Kosova në heshtje zgjedhore

Posted: 10 Jun 2017 04:55 AM PDT

Në mesnatë u mbyll zyrtarisht fushata zgjedhore e partive politike në Kosovë, para votimeve të së dielës për zgjedhjet e parakohshme parlamentare. Partitë mbajtën edhe takimet përmbyllëse duke bërë një përmbledhje të premtimeve dhe zotimeve. Sipas sondazheve, koalicioni mes partisë demokratike të Kosovës dhe Aleancës për ardhmërinë Kosovës pritet të dalë fitues, madje disa analistë thonë se mund ta formojë i vetëm qeverinë. PDK-ja deri në maj ishte pjesë e koalicionit qeverisës me Lidhjen Demokratike të Kosovës, por koalicioni ra pasi nuk arriti të miratohet në Kuvend demaracioni i kufirit me Malin e Zi. Një tjetër forcë që pretendon fitoren është edhe lëvizja Vetëvendosja e cila garon e vetme në këto zgjedhje. Cilido të jetë fituesi, e presin sfida të mëdha. Qytetarët e Kosovës janë të vetmit në ballkan që udhëtojnë ende me Viza në shtetet e Bashkimit Evropian. Kosova duhet të levizë ekonominë e ngrirë e të përmirësojë kushtet për punësim. Papunësia në Kosovë arrin në 33% ndërsa mes të rinjve 60%. Të drejtën e votës e kane 1 milion e 870 mijë qytetarë, mes të cilëve 118 mijë votojnë për herë të parë. Mbarëvajtjen e procesit zgjedhor do ta vëzhgojnë 29 mijë vëzhgues nga ambasadat, organizma ndërkombëtare dhe OJQ vendore. Për mbrojtjen e votës janë angazhuar 100 prokurorë dhe manipulimi apo shitblerja e votës përbën vepër penale.

Presidenti i Rumanisë Klaus Iohanis viziton Shtëpinë e Bardhë

Posted: 10 Jun 2017 03:12 AM PDT

Presidenti i Rumanisë Klaus Iohanis është udhëhehqësi i parë i Ballkanit që viziton Shtëpinë e Bardhë. Ai u prit nga presidenti Donald Tramp në kuadrin e vizitës së punës që po zhvillon në Shtetet e Bashkuara. Presdienti Tramp deklaroi se i mbështet fort përpjekjet e Rumanisë në luftën kundër korrupsionit. Do t’ju mbështesim gjithmonë në këtë drejtim. Mendoj se presidenti Rumun ka bërë një punë të madhe në këtë drejtim. Dhe jam i bindur që do ta fitoni këtë betejë. Kompanite amerikane që investojnë në Rumani pohojnë se është shënuar përparim i madh, tha zoti Tramp. Zoti Joanis pohoi se Rumania e cilëson si strategjik partneritetin me Amerikën, me qëllim konsolidimin e demokracisë dhe rritjes ekonomike. Dy presidentët folën edhe për NATO-n dhe kreu i shtëpise së bardhë pohoi angazhimin amerikan për Nenin 5 të traktatit të Aleancës për mbrojtjen e përbashket. Zoti Tramp deklaroi se muajin e ardhëshëm do të vizitojë Poloninë për të shprehur pikërisht këtë mbështetje të Amerikës ndaj partnerëve lindorë dhe NATO-s.

Merkel në Meksikë, deklaron se BE-ja kërkon bisedime të shpejta për daljen e Britanisë

Posted: 10 Jun 2017 02:56 AM PDT

Kancelarja gjermane Angela Merkel po viziton Meksikën për bisedime me presidentin e këtij vendi Enrikue Pena Nieto. Vizita kryhet me rastin e përmbylljes së vitit të posaçëm Meksikë-Gjermani, gjatë të cilit dy vendet aleate nxitën më tej marrëdheniet e shkëmbimet kulturore dhe tregtare mes tyre. Pavarësisht se ndodhet në tjetër kontinent dhe hemisferë, kancelarja deklaroi se dëshiron që bisedimet për daljen e Britanisë nga BE-ja të nisin sa më parë. BE-ja ka një plan të qartë për negociatat ndërsa pas ndarjes, ndoshta do të lidhë vetëm një marrëveshje tregtare me Britaninë, tha ajo. Merkeli kërkoi edhe zgjidhje për krizën e Katarit duke u bërë thirrje vendeve të Gjirit Persik dhe Turqisë të angazhohen në këtë drejtim. Në përmbyllje të vizitës dy ditore, zonja Merkel mori pjesë në një darkë për nder të saj. Presidenti i Meksikës u shpreh i bindur se kjo ishte hera e parë në botë që dy udhëheqës shtetesh ngrinin dolli me birrë, pijen tradiconale të Gjermanisë. Unë ngre dolli për begatinë e popullit gjerman dhe atij meksikan, tha presidenti Nieto.

 

Velipoja, një nga zonat më të frekuentuara të bregdetit shqiptar

Posted: 10 Jun 2017 02:36 AM PDT

Resurset natyrore të cilat sfidojnë problematikat që nisin me rrugën e amortizuar, bëjnë që plazhi i Velipojës, në bashkinë Shkodër, të mbetet një nga destinacionet e preferuara për pushuesit. Ashtu si vitet e mëparshme edhe në ditët e para të këtij sezoni shumica e pushuesve në këtë plazh vijnë nga Kosova. Në këtë fillim sezoni në Velipojë bashkia Shkodër e ka përqendruar vëmemendjen te pastrimi i territorit dhe ndarja e hapsirës për plazhet private dhe publike. Drejtuesit e njësisë administrative thonë se është e domosdoshme angazhimi edhe i policisë së rendit për të mos lejuar zënien e hapsirave publike nga shezllonet e privatëve. Me një siperfaqe prej 15 km plazhe ranore nga grykderdhja e Bunës deri në lagunën e Vilunit, Velipoja nl pikun e sezonit frekuentohet nga rreth 120 000 mijë pushues ditorë, me një numër gjithnjë dhe në rritje të turisteve të huaj.

 

Në Gjirokastër edhe për turizëm aventurë

Posted: 10 Jun 2017 02:19 AM PDT

Një grup prej 12 motoçiklistësh me motora sportivë, përshkuan ditët e fundit zonat turistike të Gjirokastrës. Pjesë e ketij grupi ishin motoçiklistë nga Shtetet e Bashkuara të Amerikës, Australia, Kanadaja etj. E një pjesë e adrenalinës dhe gëzimit të tyre mbeti tek qytetarët që u ndeshën me ta në rrugët e kalldrëmta të qytetit. Përgjatë udhëtimit të tyre ata vlerësuan resurset natyre të zonës së Gjirokastrës dhe mikpritjen e banorëve.
Tashme Gjirokastra nuk ka nevojë për çelje sezonesh turisike. Në çdo ditë të vitit ka dyert hapur për vizitorë të shumtë vendas e të huaj, të cilët veç historisë e kulturës, eksplorojne vendin në kërkim të së resë e aventurës.

Related Posts: