Home » » RTSH: “Arrin në 12 numri i viktimave nga zjarri në Londër” plus 9 more

RTSH: “Arrin në 12 numri i viktimave nga zjarri në Londër” plus 9 more

RTSH: “Arrin në 12 numri i viktimave nga zjarri në Londër” plus 9 more

Arrin në 12 numri i viktimave nga zjarri në Londër

Posted: 14 Jun 2017 01:17 PM PDT

Ka shkuar në 12 numri i viktimave nga zjarri gjigant që përfshiu një ndërtesë shumëkatëshe në Londër natën e së mërkurës duke u gdhirë e enjte. Por autoritetet kanë frikë se bilanci mund të përkeqësohet. Të plagosur kanë mbetur 68 persona. Zjarrfikësit shpëtuan 65 vetë nga "Grenfell Tower" në veri të Kensingtonit.
Dëshmitarët okularë thanë se kishin dëgjuar britma të shumta për shpëtim dhe ku njerëzit bërtisnin për të shpëtuar fëmijët e tyre. Zjarri shpërtheu menjëherë pas mesnatës dhe shumica e banorëve ishin duke fjetur. Arsyet e këtij zjarri ende nuk dihen.

Basha takohet me Trampin

Posted: 14 Jun 2017 10:28 AM PDT

Kreu i PD në opozitës Lulzim Basha sapo ka njoftuar në rrjetin social Fejsbuk një takim me presidentin amerikan Donald Tramp. “Takim i jashtëzakonshëm me Presidentin Donald Trump! Vizioni dhe kauza e tij janë frymëzim dhe inkurajim kolosal për lëvizjen tonë për një Republikë të qytetarëve, me ekonomi të fortë dhe të nesërme të sigurt për të gjithë shqiptarët” shkruan zoti Basha në statusin e tij.
Sipas kreut të opozitë shqiptare, takimi u zhvillua gjatë një vizitë dy ditore në Shtetet e Bashkuara të Amerikës gjatë Javës së Shtëpisë së Bardhë për Zhvillimin e Fuqisë Punëtore ku po diskutohen iniciativat e administratës Tramp mbi uljen e taksave, trajnimin profesional, stazhet e punës dhe financimin e studimeve. “Mirënjohje të pakufishme Presidentit Trump dhe SHBA për mbështetjen për Shqipërinë dhe shqiptarët!” e mbyll zoti  Basha statusin e tij në Fejesbuk.

Rama në Peshkopi: Nëse votoni PS do të bëjmë katërfishin e atyre që janë bërë deri tani!

Posted: 14 Jun 2017 10:06 AM PDT

Kryeministri dhe kreu socialist Edi Rama vazhdon të këmbënguli se PS, prej katër vitesh në pushtet, është e vetmja forcë politike që mund të çojë Shqipërinë përpara. “Të tjerët nuk kanë as vizion, as program, as skuadër, as lider. Të tjerët kanë vetëm një mundësi: të na kthejnë mbrapa” tha zoti Rama të mërkurën para banorëve të Peshkopisë.
Ai tha se në 44 muaj në qeverisje “ne kemi bërë gjithçka kemi mundur, por jo gjithçka duhej, sepse nuk mund të zhbëhej ajo që është bërë në çerek shekulli”. Zoti Ramai premtoi se nëse populli i beson PS pushtetin, qeveria do të bëjë në 4 vitet e ardhshme, 4-fishin e atyre që janë bërë deri tani.
Zoti Rama ju kthye edhe njëherë çështjes së reformimt të administratës. “Ne kemi mundësitë që të hapim portat e një administrate që t’iu shërbejë njerëzve e jo partive” tha ai.
Në Dibër një zonë e njohur bujqësore kryeministri Rama premtoi dhe investime për bujqësinë. “Ne do të financojmë 238 milionë dollarë për bujqësinë dhe fshatin, ndërsa me 100 milionë të tjera do të fokusohemi për rrugët që lidhin fshatin me tregun” tha ai.
“Kemi dhënë provën se e kemi bërë Shqipërinë një vend të denjë, që mund ta çojë flamurin e Ismail Qemalit në oborrin e familjes europiane. Kemi ndërmarrë reforma që kanë vendosur themelet e shtetit modern dhe vota e 25 qershorit do të vendosë nëse ne do të vazhdojmë ta ndërtojmë këtë shtëpi” u tha zoti Rama banorëve të Peshkopisë.

Kukës, një tjetër rast helmimi

Posted: 14 Jun 2017 07:20 AM PDT

Pas helmimit të rreth 100 personave në Peshkopi pak ditë më parë, një tjetër helmim, por në përmasa më të vogla ndodhi mbrëmë, këtë rradhë në dalje të qytetit të Kukësit. Policia ka njoftuar për 15 studentë të intoksikuar lehtë të cilët pasi janë kthyer pas një tubim elektorale kanë konsumuar sanduiçe në një "Fast Food" pranë tunelit të Kalimashit. Ministria e Shëndetësisë njofton se studentët kanë përjetuar dobësi, të vjella, heqje barku. Ata kanë marrë ndihmë mjeksore gjatë natës në spitalin e Rrëshenit, atë të Fushë Krujës dhe së fundmi në orën 5 të mengjesit në spitalin infektiv të QSUT. Sipas mjekëve situata nuk është problematike.

Mjeku infeksionist Tritan Kalo, paralajmëron se nëse ushqimet e tregtuara ambulatorisht do të shkelin kriteret e përgatitjes dhe ruajtjes, këto ngjarje do të shtohen. Dr. Kalo thotë se me rritjen e temperaturave në urgjencën e QSUT çdo ditë kërkohet ndihmë mjeksore për helmimet nga ushqimet ndaj ai tërheq vëmendjen.

Sipas ISHP, numri i salmonelozave ka ardhur në rritje. Problem sipas epidemiologëve, është përfshirja e disa strukturave shtetërore kur kemi shpërthime epidemike. Sipas ligjit të inspektimit, Inspektoriati Shëndetësor kontrollon vetëm dokumentacionin që lidhet me higjenën, ndërsa kontrolli i ushqimit bëhet nga Autoriteti Kombëtar i Ushqimit dhe Instituti i Sigurisë Ushqimore e Veterinare. Duke qenë se secili ka kompetencat e veta, shpesh herë inspektimi çalon.

LSI e pakënaqur nga KQZ dhe policia

Posted: 14 Jun 2017 06:53 AM PDT

Komisioni Qendror i zgjedhjeve hodhi shortin për numëruesin e tretë për zgjedhjet e 25 qershorit, që do të ndahet mes Lëvizjes Socialiste për Integrim dhe Partisë për Drejtësi Integrim dhe Unitet.
Por ndonëse edhe pas shortit të hedhur nga KQZ që mori edhe shtatë votat e anëtarëve në komision, LSI u shpreh e shqetësuar. Nënkryetari Luan Rama në një dalje për mediat tha se në bazë të rezultatit të zgjedhjeve të 2013-ës numëruesi i tretë i takon LSI-së , dhe për këtë janë informuar edhe ambasadorët e akredituar në vendin tonë.
"Objekti i këtij takimi ishte informimi për situatën politike në vend. Së pari, veprimin arbitrar të kundraligjshëm të taks force e cila në përpjekje për të bërë spastrime poltike nga administrata publike,…është parathënie e një tentative për të kontaminuar dhe deformuar të gjitha parimet kushtetuese dhe zbatimit të ligjit në funkson të fushatës së zgjedhjeve” tha zoti Luan Rama.
Nënkryetari i LSI e konsideroi si “keqpërdorim politik dhe në kundërshtim me ligjin të strukturave të policisë së shtetit, e cila e fokusuar tek ndjekja politike e simpatizantëve, kandidatëve për deputetë të LSI, ka lënë jashtë vëmendjes grupe kriminale, njerëz me precedent penal të mbajtur nën sqetull apo të liruar nga burgu kohët e fundit për t'i përdorur ata si pjesë të stafeve të tyre politike”.

Basha premton ulje taksash, rritje punësimi dhe liberalizim të ekonomisë

Posted: 14 Jun 2017 06:32 AM PDT

Kryetari i Partisë Demokratike Lulzim Basha ka prezantuar me banorë të Klosit dhe Bulqizës projektin ekonomik të opozitës. Ai premtoi premtoi ulje taksash, rritje të punësimit dhe liberalizim të ekonomisë. “Çmimin e naftës do ta ulim, do të heqim atë 240 lekëshin shtesë. E dyta, të premtoj që dy rrugët do të rregullohen, edhe ajo e Rreshenit edhe rruga e vjetër. Me kismet të Zotit, kur të mbarojmë Rrugën e Arbrit do të bëjmë edhe lidhjen e Klosit dhe Burrelit” tha kreu i PD.
Zoti Basha u takua edhe me minatorët Bulqizës. Ai u premtoi atyre kushte më të mira pune, ndërsa tha se renta minerare do të ndahet mes pushtetit qendror dhe atij vendor. “Ju jap fjalën që mineralet nuk kanë për të funksionuar më vetëm për një grusht oligarkësh dhe politikanët që janë të lidhur me ta. Një grusht oligarkësh dhe një grup banditësh i kanë marrë galeritë. Do ti japim fund. Renta minerare do të ndahet mes pushtetit vendor dhe pushtetit qëndror me destinacion të veçantë mirëqënien e njerëzve dhe në veçanti të minatorëve” tha zoti Basha. Ai premtoi ndërkohë një status minatorësh në përputhje me standartet europiane.

Blushi: Rishikim të kontratave të naftes

Posted: 14 Jun 2017 06:31 AM PDT

Kryetari i Libras Ben Blushi ka vijuar takimet elektorale në Fier, Lushnje, Roskovec dhe Marinze. Blushi ju kërkoi qytetarëve  votën për Libran,  si e vetmja mundësi që do ti mbroje ata  nga korrupsioni, varfëria dhe  abuzimi me pushtetin. "Ka vetëm vjedhje, korrupsion. Nuk do ndihmojmë tregtarët e mëdhenj por ju prodhues e tregtarë të vegjël.Kta kanë ndihmuar vetëm tregtarët shumë të mëdhenj të cilët iu financojnë fushatat" tha Blushi. Tregtarëve të vegjël të Lushnjes Blushi iu tha se Libra do të ketë politika që do mbrojnë prodhuesit dhe tregtarët dhe jo një grusht oligarkesh klientë  të qeverive, siç ka ndodhur deri tani. Në takimin me naftëtarët e Marinzes Blushi premtoi se Libra do të rishikoje kontratat që qeveritë e kaluara kanë bërë me kompanitë e mëdha duke mos ruajtur interesin e banorëve të zones e duke i lënë ata në mjerim. Në Roskovec kryetari i Libra-s Ben Blushi zhvilloi ecje në qytet ku kërkoi votën për Libra-n si një vote pro popullit dhe kundër Edi Ramës e Sali Berishes.

Guardia di Finanza: Nuk ka parcela të mbjella me kanabis!

Posted: 14 Jun 2017 06:05 AM PDT

Guardia di Finanzia deklaron se për këtë vit ka kryer rreth 23 orë fluturime mbi territorin shqiptar për evidentimin e parcelave me kanabis të mbjella në të gjithë territorin e vendit. Në një takim të zhvilluar me drejtuesit më të lartë të Policisë së Shtetit Kolonel Xhiovani Konti konfirmoi se deri tani bazuar në fluturimet ajrore nuk janë identifikuar parcela të kultivuara me Cannabis Sativa. Pas takimit, Drejtori i Përgjithshëm Haki Çako së bashku me drejtuesit e tjerë nga pala italiane zhvilluan një vizitë në laboratorin e ngritur për misionin e fluturimeve nga ana e Policisë Italiane në Shqipëri.

Londër: Zjarr në një godinë 24-kate, 6 viktima e 50 të plagosur

Posted: 14 Jun 2017 05:57 AM PDT

Zjarri që përfshiu në mesnatë një kullë residenciale në Londër ka shkaktuar të paktën gjashtë të vdekur dhe 50 të plagosur, ndërkohë që shumë persona rezultojnë të zhdukur. "Mund të konfirmoj se ka të paktën gjashtë të vdekur, por bilanci pritet të rëndohet gjatë operacioneve të kërkimit që njoftohen të vështira dhe pritet të zgjasin disa ditë", deklaroi në një deklarate Stuart Kandy, komandant në "Metropolitan Police". "Të mbijetuari kanë treguar se kanë parë banorë të hidhen nga dritaret për t'iu shpëtuar flakëve që kanë përfshirë këtë kullë që kishte 120 apartamente në 24 kate. Dëshmitarë të tjerë kanë parë prindër duke hedhur fëmijët e tyre nga dritaret për t'i shpëtuar. Zjarri është përhapur shumë shpejt, sipas tyre. "Kam dëgjuar të bërtitura kudo dhe kam parë njerëz duke u hedhur nga dritaret. Kulla ishte përfshirë plotësisht nga flakët. Ishte tmerr", tregon Miller, që banonte në ndërtesën ngjitur dhe u evakua për siguri. "Të paktën 50 persona janë shtruar në spital", sipas shërbimeve spitalore. "Shumë persona rezultojnë të zhdukur", deklaroi kryetari i Bashkisë së Londrës, Sadik Kan duke lënë të kuptohet se bilanci i viktimave pritet të rëndohet. Kulla "Grenfell", që daton që prej vitit 1974 ishte pothuajse plotësisht e djegur sot në mëngjes pasi një pjesë e madhe e saj u përfshi nga flakët. Ndërkohë që ekzistonte rreziku i shëmbjes, shefja e "London Fire" Deni Cotton deklaroi se ndërtesa ishte stabilizuar dhe se një ekip inxhinierësh po inspektonte strukturën e ndërtesës. "Zjarrëfikësit kanë mbërritur deri në katin e 20-të të ndërtesës dhe kanë arritur të evakuojnë një grup të madh banorësh", shtoi shefja e sektorit të zjarrfikseve në Londër. Alarmi u dha rreth orës 01:00 të mëngjesit në këtë ndërtesë residenciale që ndodhet në perëndim të kryeqytetit.

Equus, rikthehet në Teatrin Kombëtar

Posted: 14 Jun 2017 05:55 AM PDT

Teatri Kombëtar risjell në skenë shfaqjen "Equus" në kalërimin e shfaqjeve të fundit. Konsideruar një vepër shumë kontroverse e autorit Petter Shaffer e me regji të boshnjakut Dino Mustafic, "Equus" në Shqipëri korri një sukses jashtëzakonisht të madh si vepër e teatrit bashkëkohor.  Ende nuk ka kaluar jehona e intepretimit të aktorëve Timo Flloko, Igli Zarka, Ema Andrea , Arben Derhemi, Krist Lleshi , Luli Bitri Lulzim Zeqja, Erjona Kakeli, Ermir Z. Jonka . Balerinët janë Robert Nuha , Fjorald Doci, Akreoma Saliu . Skenografia vjen nga Broz Dragutin, kostumografia nga Blerina Kokona, koreografia Gjergj Prevazi, muzika Endri Sina dhe përkthyes Artur Lena . Rikthimi i Equus me 5 shfaqjet e fundit i jep mundësinë të gjithë shikuesve që e humbën kohën kur premiera u vu në skenë, një vepër që provokon artistikisht me idenë, konceptin dhe zgjidhjen regjisoriale. Nga data 14 deri më 18 Qershor, Equus kalëron në Teatrin Kombëtar.