Home » » RTSH: “6 fonde nga Aida, për sipërmarrjen e vogël e të mesme” plus 9 more

RTSH: “6 fonde nga Aida, për sipërmarrjen e vogël e të mesme” plus 9 more

RTSH: “6 fonde nga Aida, për sipërmarrjen e vogël e të mesme” plus 9 more

6 fonde nga Aida, për sipërmarrjen e vogël e të mesme

Posted: 01 Jun 2017 06:35 AM PDT

Ndërmarrjet e vogla e të mesme edhe këtë vit do të kenë mundësine të kërkojnë për një ndihme financiare përmes fordeve të vëna në dispozicion nga Agjencia Shqiptare e Zhvillimit të Investimeve në mënyrë që këto ndërmarrje të zhvillojnë më shumë bisnesin e tyre. Me qëllim rritjen e konkurrueshmërisë, forcimin e kapaciteteve prodhuese dhe daljen e tyre në treg, Aida menaxhon për vitin 2017 këto skema financiare nga buxheti i shtetit: Fondin Shqiptar të Konkurrueshmërisë, Fondin e Ekonomisë Kreative (Artizanatit), Fondin për SME-të në zonat turistike/historike, Fondin në mbështetje të Sipërmarrjeve të reja ”Start Up”, Fondin e Inovacionit dhe Fondin e Sipërmarrjes Turistike. Fondi total i vënë në dispozicion për sipërmarrjen e vogël e të mëse është rreth 70 milion lekë . Ndërsa për aplikuesit vlera e financimin nuk mund të jetë totale për të gjithë investimin apo projektin e tyre por vetëm një përqindje e caktuar në bazë të fondeve të përcaktuara. Që prej 1 Qershorit për këto fonde mund të aplikohet nga të interesuarit dhe data e fundit e aplikimit është 1 Nëntori i këtij viti.

Luan Rama: LSI del forcë e parë

Posted: 01 Jun 2017 06:24 AM PDT

Me fokus qytetarët, uljen e taksës, hapjen e vendeve të punës lëvizja socialiste për integrim është e sigurtë se ka një rritje të anëtarësisë. "LSI forcë e parë. Fokusi ynë, LSI forcë e parë. Drejtim i ri qeverie duke ulur taksat dhe rritur vendet e punës. Partitë që sot po vuajnë përçarjen, me pakënaqësi në listat e kandidatëve në deputetë janë në panik nga LSI që aspiron të dalë forca e parë politike pas 25 Qershorit". Nënkryetari lëvizjes socialiste për integrim Luan Rama i cili renditet i pesti në listën e kandidatëve të qarkut Tiranë, shprehet se forcë e parë LSI del në Berat dhe Gjirokastër. "Do dilja edhe i 10 në Tiranë. LSI në Tiranë e barabartë në garë me PS-në. Luftojmë për vendin e parë në Tiranë, Durrës, Fier. Jemi absolutisht të parët në Berat dhe Gjirokastër. "Të tjerët në panik, të çoroditur, të përçarë e demoralizuar për shkak të listave skandaloze që kanë. Ata shohin rritjen e LSI dhe nuk menaxhojnë dot panikun e tyre. Unë i ngushëlloj me vargjet e Migjenit" shtoi më tej Nënkryetari i LSI Luan Rama.

Sulejman Starova për Armand Dukën tek “Rubrika sportive”

Posted: 01 Jun 2017 06:23 AM PDT

Pas ndeshjes Tirana-Skënderbeu e vlefshme për Kupën e Shqipërisë, trajneri i Partizanit, Sulejman Starova, i ftuar në emisionin "Rubrika sportive" në RTSH, ka hedhur akuza të drejtpërdrejta ndaj Presidentit të Federatës Shqiptare të Futbollit, Armand Duka. Starova e ka akuzuar Dukën se e ka privatizuar institucionin e FSHF-së, duke marrë vetë vendime për çdo gjë, madje edhe duke vendosur fatet e të gjitha aktiviteteve të futbollit. Në këto kushte ai nuk denjon të vijë as në stadium për të dhënë trofetë kur ka ndeshej finale. Starova ka thënë se Duka është kthyer në një monark në FSHF, duke e lënë sekretarin e përgjithshëm, Ilir Shulku pa përgjegjësi. Po ashtu edhe Komiteti Ekzekutiv nuk bën asgjë pa urdhërin e tij. Trajneri i Partizanit bën thirrje për rrëzimin e Dukës dhe sistemit të tij. Sulejman Starova e mbyll flet edhe për konfliktin që ekziston midis Partizanit dhe Dukës, apo Dukës me presidentin e klubit të kuq, Gaz Demi.

ISHTI “ Kujdes me bombolat në verë”

Posted: 01 Jun 2017 05:59 AM PDT

Statistikat tregojnë se numri më i madh i zjarreve përgjatë verës vjen nga bombolat e gazit që familjarët përdorin për gatim. Nisur nga kjo situatë, Inspektoriati shtetëror teknik industrial i bën apel qytetarëve të tregojnë kujdes në përdorimin e gazit, si dhe të blejnë bombola vetëm në pikat e liçensuara. "Këshillat që ne ju japim qytetarëve është në radhë të parë të vazhdojnë të tregojnë kujdesin e duhur me bombulen e cilësinë e bombules pra të blejnë bombula vetëm në njësitë e tregtimit të lëndëve djegëse të cilat janë të liçensuara të cilat tregtojnë bombula brenda afateve të kolaudimit" tha Arjan Goshi drejtor i drejtorisë së inspektimit të pajisjeve nën presion. Me të njëjtin apel, inspektoriati i drejtohet edhe subjekteve jo familjare, kryesisht bare restorante që përdorin bombolat e gazit për gatim. "Në këto raste bombulat duhet të jenë gjithmonë jashtë ambjentit të gatimit pra edhe sikur një bombul e vetëm të jetë nuk duhet të jetë brenda por në kaseta metalike jashtë të mbyllura dhe instalimi të kryhet nëpërmjet tubave të bakrit" u shpreh Zoti Gashi. Një vit më parë qeveria miratoi një vendim që detajon rregullat e tregtimit të gazit të lëngshëm midis operatorëve në të gjitha hallkat, i cili përcakton se mbushja e bombolave duhet të bëhet vetëm nga shoqëritë e liçensuara të tregtimit me shumicë, por në gjithë vendin ende ka pika të paautorizuara të cilat ushtrojnë veprimtarinë e tyre në kushte të pasigurta.

Orkestra e RTSH sjell të madhin Prokofiev

Posted: 01 Jun 2017 05:54 AM PDT

Koncerti i së premtes i Orkestrës Simfonike të Radiotelevizionit Shqiptar do të ketë një emërues të përbashkët. Është fjala për krijimtarinë e kompozitorit të njohur rus Sergei Prokofiev, nga e cila janë përzgjedhur tri vepra simfonia nr. 1 "Klasikal", një koncert për piano si dhe suita e baletit “Romeo e Zhulieta”. Veprat do të vijnë nën dirizhimin e dirigjentit të Okrestrës Simfonike, Dr.Oleg Arapit si dhe pianistit nga Tetova Shkelzen Baftjari.
Oleg Arapi krahas dirizhimit në stinën koncertore të Orkestres Simfonike të RTSH-se, drejton dhe formacione të ndyshme orkestrale që nga Napoli e Salerno, Dibra e Madhe, Struga e Sarajeva, deri në Qendrën Ndërkombëtare të Muzikës në Moskë si dhe në Kapelen Perandorake në San Petersburg. Ndërsa pianisti Shkëlzen Baftjari krahas recitaleve brenda dhe jashtë Maqedonisë, ka luajtur si solist me Filarmoinë e këtij vendi si dhe Orkestren Simfonike të Fakultetit të Artit muzikor në Shkup.

Volejboll femra; Erblira Blici dhe Liga e Evropës

Posted: 01 Jun 2017 05:47 AM PDT

Volejbollistja shqiptare, Erblira Bici, luajti sezonin e shkuar me ekipin italian të LPM Mondovit në Serinë A2 dhe është shndërruar në një nga shtyllat e ekipit kombëtar. Në prag të pjesëmarrjes në Ligën e Evropës, ajo e çmon lart përvojën e përfituar në Itali duke thënë se i ka ndikuar shumë pozitivisht aq sa as nuk e kish imagjinuar. Për Bicin, Kombëtarja vjen në një tjetër stad të lojës së saj në pjesëmarrjen e dytë në Ligën e Evropës në volejboll për Femra. Kjo i jep 22-vjeçares optimizëm për rezultate pozitive në grupin A, ku Shqipëria do të përballet me Bjellorusinë, Finlandën dhe Austrinë. Ndeshjet e grupit A të Ligës së Evropës do të luhen nga data 9, deri më 11 qershor 2017 në Shqipëri dhe nga data 16, deri më 18 qershor 2017 në Bjellorusi.

Tiger Woods bën testin anti-alkool

Posted: 01 Jun 2017 05:33 AM PDT

Tiger Woods u arrestua në Florida të hënën, me akuzën se po i jepte makinës nën ndikimin e alkoolit ose drogës, sipas një raporti të Policisë së Qarkut në Palm Beach. Uds, i dyti në listën e sportistëve më të mëdhenj të të gjitha kohërave me 14 tituj botërorë të fituar në sportin e golfit, u arrestua në orën 7:18 të mëngjesit dhe u lirua disa orë më vonë. Aktualisht Uds nuk merr pjesë në kampionatet e golfit pasi në prill ka bërë operacionin e katërt, pas dëmtimit të pësuar dhe është në fazë rehabilitimi. Ai menjëherë pas lirimit ka bërë një deklaratë ku thuhet se alkooli nuk ishte faktor në arrestimin e tij. Por ka qenë një reaksion i papritur i ilaçeve që po pi tani që është në fazë rikuperimi pas operacionit. Pamjet e kamerave të Departamentit të Policisë tregojnë testin që ka bërë Tajgër Uds. Ai duket i qetë në testin horizontal, i cili kërkon që shoferët të ndjekin një dritë lëvizëse me sytë e tyre. Testi i ecjes dhe kthesës, i cili u kërkon drejtuesve të automjeteve, të ecin në këmbë përgjatë vijës së drejtë, qëndrimin me një këmbë duke numëruar me zë të lartë.

Futboll, Tirana fiton kokëulur Kupën e Shqipërisë

Posted: 01 Jun 2017 05:32 AM PDT

Tirana fiton e Kupën e Shqipërisë në futboll, por nuk ngushëllohet për sezonin më të dështuar në historinë gati 100 vjeçare të klubit bardheblu, që përfundoi me rënien e tij në kategorinë e parë.
Bardheblutë mundën në finale skuadrën e Skënderbeut me rezultatin 3-1, pas kohës shtesë 2 herë nga 15 minuta. Kjo është e 16-ta herë që Tirana fiton këtë trofe të rëndësishëm.
Takimi më shumë se një ndeshje futbolli, ishte shfaqje e një marrëdhënieje shumë të dhimbshme mes tifozëve të zjarrtë të dëshpëruar shumë me ekipin e tyre të zemrës. Në minutën e 24-t ata bojkotuan stadiumin duke kujtuar 24 titujt kampion që ekipi i tyre ka fituar nga Tirana. Edhe goli i shënuar nga Edeh në minutën e 20 të sfidës nuk i ngushëlloi tifozat fanatikë të cilët e larguan futbollistin ndonëse ai shkoi të festonte. Ndeshja nisi me protestën e paralajmëruar të tifozëve bardheblu, që u bë e dukshme dhe me parrullën drejtuar me ironi presidentit Halili.
Sa për histori, Tirana e nisi mirë sfidën dhe goli i shënuar nga Edeh i gjallëroi disi bardheblutë të cilët kontrollojnë Skënderbeun në gjysëmfushën e tyre dhe organizojnë kundërsulme, por pa arritur të gjejnë golin e sigurisë.
4 minuta nga fundi takimit Radas i Skënderbeut vendos ekuilibrin pas një goditje dënimi që shtang portierin Lika dhe çon ndeshjen në shtesë. Në minutën e 103-të pas një aksioni nga djathta Mervielle arrin të dërgojë topin në zonë, aty Shehi grushton duke çuar topin tek Moise që me portën e boshatisur nuk gabon.
Ndërsa goli i trete erdhi në minutën e 114 kur Merveille ekzekutoi 11 metershin e fituar nga Daja, e më pas shperthen në lot.
Tirana rikthehet tek fitimi një trofeu pas pesë vitesh mungesë dhe sërisht ndaj Skënderbeut, duke u bërë ekipi i parë që do të luajë njëkohësisht në Kategorinë e Parë dhe në Europa Ligë. Ndërsa për Skënderbeun Kupa e Shqipërisë mbetet ende një “Mollë e ndalume”.

NASA; Misioni në diell

Posted: 01 Jun 2017 05:21 AM PDT

Agjencia amerikane e hapësirës njoftoi nisjen e një misioni shkencor rreth Diellit. Misioni është i pari i këtij llojit dhe NASA shpreson që përmes tij të sigurojë të dhëna të rëndësishme mbi sipërfaqen dhe mënyrën sesi punojnë yjet si i yni. Sonda "Solar Probe Plus" pritet të niset nga Toka në verën e 2018-s dhe të orbitojë në një distancë prej 6.2 milionë kilometrash nga sipërfaqja e Diellit ku do t'u bëjë ballë temperaturave që shkojnë deri në 1400 gradë celcius. Misioni është menduar deri në detaje dhe inxhinierët, astronomët dhe shkencëtarët e agjencisë amerikane të hapësirës thonë se sonda do t'u mbijetojë kushteve ekstreme. Nëse ky mision do të realizohet, kjo do të ishte hera e parë që një objekt njerëzor i afrohet në të tillë distancë një ylli, por nuk do të ishte përpjekja e parë për të mësuar më shumë rreth tij. Misioni i parë njerëzor drejt Diellit ishte në vitin 1976, kur Helios 2 iu afrua yllit të sistemit tonë në 43 milionë kilometra.

Maqedoni; Votohet qeveria e re

Posted: 01 Jun 2017 05:15 AM PDT

Pas 11 vjet qeverisjeje me Maqedoninë, ka rënë pushteti i Nikolla Gruevskit të VMRO DPMNE-së i përballur me akuza të shumta si nga brenda ashtu edhe jashtë vendit, për qeverisjen autoritare me vendin, e në veçanti për ngjarjet e fundit të dhunshme në Kuvend. Me 62 vota për, 5 abstenime dhe 44 vota kundër, Kuvendi i Maqedonisë votoi Qeverinë e re që do të drejtohet nga kryeministri, Zoran Zaev dhe qe perbehet nga tri subjekte politike, Lidhja Sociale-Demokrate, Bashkimi Demokratik për Integrim dhe Aleanca për Shqiptarët. Partitë shqiptare do të drejtojnë shtatë ministri, ndërsa do të kenë edhe dy poste të zëvendëskryeministrave si dhe kryetarin e Kuvendit. Zgjedhjes së kabinetit të ri qeveritar i parapriu një debat i ashpër dyditor mes deputetëve të shumicës së re dhe VMRO-së opozitare të ish-kryeministrit, Nikolla Gruevski. Kreu i ri i Qeverisë, Zoran Zaev, tha se kabineti i tij do të do të punojë për kthimin e normalitetit në vend, sundimin e ligjit dhe të shtetit ligjor, zhvillimin ekonomik si dhe integrimin euroatlantik të vendit. Ndërkohë, ish-kryeministri, Nikolla Gruevski në paraqitjen e tij para votimit të Qeverisë drejtoi kritika të ashpra ndaj kabintetit të ri të Zaevit duke e vlerësuar si rrënues të asaj që është arritur në Maqedoni gjatë qeverisjes së partisë së tij me Maqedoninë. Gruevski kërkoi edhe zgjedhje të parakohshme parlamentare meqë sipas tij eshtë shkelur vullneti i qytetarëve që e nxori partinë e tij fituese të zgjedhjeve të 11 dhjetori të kaluar. Ai foli edhe për raportet ndëretnike duke thënë se VMRO-ja dhe ai personalisht asnjëherë nuk kanë bërë ndarje etnike duke i quajtur pretendimet e tilla si perceptime të gabuara. Gruevski tha se pas presioneve të shumta nga populli, Zaev u detyrua që para se të merrte mandatin të jepte garanci se do të heqe dorë nga ajo që njihet si "Platformë e Tiranës". Qeveria e re u votua më shumë se pesë muaj pas mbajtjes së zgjedhjeve parlamentare më 11 dhjetor. Fituese e zgjedhjeve ishte VMRO-ja me dy deputet më shumë se LSDM-ja, por lideri i saj Nikolla Gruevskit nuk arriti të formojë qeverinë për shkak se nuk gjeti partner tek partitë shqiptare por edhe për shkak të rezultatit të ngushtë zgjedhor.