Home » » “Shqiptarët e shpërngulur nga Lugina, banorë të “askujt”! (Video)” plus 9 more GazetaBlic

“Shqiptarët e shpërngulur nga Lugina, banorë të “askujt”! (Video)” plus 9 more GazetaBlic

“Shqiptarët e shpërngulur nga Lugina, banorë të “askujt”! (Video)” plus 9 more GazetaBlic

Shqiptarët e shpërngulur nga Lugina, banorë të “askujt”! (Video)

Posted: 12 May 2017 10:28 PM PDT

Shumë banorë të Luginës së Preshevës që mësynë Kosovën menjëherë pas luftës, kanë mbetur pa dokumente.

Komunat prej nga erdhën i kanë fshirë nga regjistrat e tyre, e Kosova nuk i ka regjistruar për shkak të disa ligjeve e procedurave për pajisje me dokumente.

The post Shqiptarët e shpërngulur nga Lugina, banorë të "askujt"! (Video) appeared first on GazetaBlic.

Heroi i Popullit Mentor Tolaj, tronditi një Jugosllavi

Posted: 12 May 2017 10:28 PM PDT

Erald Selca
Shqiptarët kurrë nuk e kanë duruar pushtuesin dhe atij çdo herë me shpatë e pushkë ja kanë treguar vendin .
Trimerinë , vlerat e popullit heroik shqiptar i tregoj 26 vite me parë Heroi i Kosoves dhe Kombit shqiptar i riu sypatrembur nga Poberxha e Deçanit kolosi Mentor Tolaj pjestar i një familje me traditë patriotike .
Deçani i tribunit popullor Ismajl Haradinaj , Jusuf Gervalles Sali Çekajt e pas rënies së Mentorit u bë bastion i atdhetarisë .
Pikerishtë në 13 maj në diten e policisë pushtuese me 13 maj 1991 ra hero i pavdekshmi trimi e biri i Shqipërisë Mentor Tolaj i cili e paguajti veten .
Deçani u trondit , por u trondit edhe Beogradi shqiptaret nuk shtypeshin ky ishte mesazhi .
Ashtu si Tahir e Nebih Meha që në Prekazin e lavdishem me 1981 turpëruan Jugosllavinë njejtë veproi edhe Mentori ynë varrimi i të cilit ishte madheshtor ishte dasem kushtrim lirie . Hakun Mentorit tonë ja mori kush tjetër pos e lavdishmja UÇK e cila mundi Serbinë dhe çliroi vendin nga okupatori shumëshekullor serbomadh .
SH.T .Z Hashim Thaçi ish drejtues i UÇK -së dhe President me të drejtë ka dekoruar trimin tonë Mentor Tolaj me titullin Hero i Kosoves . Lavdi jetës dhe veprës së ndritur të Mentor Tolajt , dhe mbarë dëshmorëve të kombit shqiptar fal tyre jetojmë shqip frymojmë shqip .

The post Heroi i Popullit Mentor Tolaj, tronditi një Jugosllavi appeared first on GazetaBlic.

Pushteti në funksion të fushatës së LDK e PDK!

Posted: 12 May 2017 10:21 PM PDT

Rënia e Qeverisë nëpërmjet mocionit e as shpërndarja e Kuvendit nuk ua ka hequr pushtetin dhe asetet shtetërore njerëzve të PDK-së e të LDK-së.

Veturat zyrtare shihen në aktivitete partiake të tyre, shkruan sot Koha Ditore.

Ndërkaq, nga pozitat zyrtare që janë duke i ushtruar, zyrtarë të këtyre subjekteve që ishin në koalicion po marrin vendime të mëdha për qëllime elektorale.

Këtë po e bëjnë duke shfrytëzuar mungesën e ndonjë norme kushtetuese e ligjore për t'ua kufizuar mandatin anëtarëve të Kabinetit qeveritar dhe atyre të Kryesisë së Kuvendit, të cilët, pas rrëzimit të Qeverisë dhe shpërndarjes së Kuvendit, ushtrojnë funksionet deri në formimin e institucioneve të reja.

The post Pushteti në funksion të fushatës së LDK e PDK! appeared first on GazetaBlic.

Reagon Uk Lushi: Kush sulmoi Xharrën më ka sulmuar edhe mua!

Posted: 12 May 2017 10:13 PM PDT

Uk Lushi, veprimtari nga Amerika dhe ish-luftëtari i brigadës së lavdishme shqiptaro amerikane "Atlantiku" në Amerikë, ka reaguar ashpër ndaj rrahjes së anetares sëe re të PDK-së duke e cilësuar si sulm ndaj lirisë dhe demokracisë së shqiptarëve.

Ja statusi i plotë

Kush e ka sulmuar sonte zonjën Arbana Xharra më ka sulmuar mua dhe çdo njeri që e do lirinë dhe demokracinë e shqiptarëve. Kushdo që është me sulmuesit apo sulmues(ë) janë kriminelë dhe duhet të marrin goditjen më të pamëshirshme të ligjit, shtetit dhe shoqërisë. Ky akt qyqar kundër Arbana Xharrës nuk guxon të na luhasë nga përcaktimi që liria e zgjedhjes dhe mendimit të jenë absolutisht të paprekshme për secilin njeri. Dhuna nuk është përgjigje ndaj mospajtimeve dhe tregon mbi të gjitha poshtërsi. Turp! Shtet vepro!

The post Reagon Uk Lushi: Kush sulmoi Xharrën më ka sulmuar edhe mua! appeared first on GazetaBlic.

Del nga shtypi numri i parë për këtë vit i revistës “Jeta e re”

Posted: 12 May 2017 09:03 PM PDT

Doli numri i ri i revistës letrare të traditës "Jeta e re" me një vëllim prej 400 faqesh.

Ky numër fillon me shkrimtarin e ndjerë Ramiz Kelmendi, i cili vdiq më 11 janar 2017 në Prishtinë. Në shenjë kujtimi e nderimi, ky autor, në një hapësirë prej 50 faqesh, është prezantuar me shkrimet "Origjina ime etnohistorike", "Treshet e mia", me tregimet "Abrakadabra" dhe "Tregim fantastik", me shkrimin diskursiv "Aspekte të shprehjes komike në art", pastaj me intervistën me titullin "Atdheu më ka lënduar", për të përfunduar me tekstin e kritikut Ali Aliut "Tri etapa krijuese të një prozatori".

Rubrika e prozës nis me "Me ditët e braktisjes" të autores italiane tashmë shumë të njohur, Elena Ferrante. Isabell Alende vjen me tregimet "Më e harruara e harresës" dhe "Toska", Musine Kokalari me "Kolla e vdekjes", Eqrem Basha me "Baladë dashurie" dhe Majlinda Bregasi me "Te guri i Bdekut".

Rubrika e poezisë sjell një numër autorësh të huaj të shquar, si Li Po, Juan Gelman, Pier Poalo Pasolini, Linda Hogan dhe Janis Ricos. Me nga një cikël poezish janë prezantuar autorët tanë: Alket Çani, Halil Matoshi, Erenestina Gjergji-Halili, Bardh Frangu, Petrit Ruka dhe Ardiana Salihu.

Elena Ferante sjell intervistën me titullin "Letërsia që u përshtatet shijeve të lexuesve është letërsi e degraduar", në të cilën ajo sjell gjëra interesante nga përvoja dhe procesi krijues i saj.

Ndërkaq në rubrikën Dossier për këtë numër është përzgjedhur Etgar Keret, shkrimtar i njohur izraelit, tashmë i përkthyer në dhjetëra gjuhë të botës.

Keret është prezantuar me shkrimin "Si shkruaj", me tregimet "Taksisti", "Vendlindja imagjinare", "Deri në fund të dunjasë", "Ngjitësi i çmendur", "Shiva" dhe "Papritur, dera trokiti", me intervistën me titullin "Nëse vërtet mund ta kuptosh se çfarë po ndodh, në njëfarë mënyre, duhet të ndihesh i dëshpëruar", për të përfunduar me një vështrim të Rebecca Abrams-it për pozën e Keret-it.

Rubrika e kritikës nis me tekstin "Narracioni në poezi dhe dramë" të autorëve Peter Huhn dhe Rog Somner dhe vazhdon me "Koha dhe narracioni" të Paul Ricouer-it, "Praktika poetike" të Charles Bernstein-it, "Rrëfimi" të E.M. Froster-it dhe "Mashtrues në një kostum dritash" të Michael Chabon-it".

Nga autorët tanë do të jetë Kujtim Rrahmani, i cili është prezantuar me tekstin "Musine Kokalari-Vetëm një fustan", Vehbi Miftari me "Etnoletra", Aleksandër Zoto me " Eqrem Basha ose lavdia e të rëndomtëve", Alma Dema me "Mbledhësit e përrallës shqipe nga Dozon te Elsie" dhe Mimoza Hasani me "Komunikimi i letërsisë dhe i gjuhës shqipe ma atë bullgare".

Përkthyesit që kontribuuan për këtë numër janë: Bajram Karabolli, Gëzim Aliu, Alfred Beka, Alket Çani, Arben Idrizi, Erion Karabolli, Ismail Ismaili, Sazan Kryeziu, Kujtim Morina, Meliza Krasniqi, Romina Mio, Rrahime Gashi dhe Demë Topalli.

The post Del nga shtypi numri i parë për këtë vit i revistës "Jeta e re" appeared first on GazetaBlic.

Reagon AKSH: nuk kemi dhënë urdhër për sulme në Maqedoni (Kumtesa)

Posted: 12 May 2017 09:00 PM PDT

Vjen reagimi i AKSH-së pas njoftimeve për sulmet e mundshme të kësaj organizate në Maqedoni.

Në emailin e redaksisë së Gazeta Blic ka ardhur njoftimi në fjalë të cilin po e transmetojmë pa ndërhyrje:

The post Reagon AKSH: nuk kemi dhënë urdhër për sulme në Maqedoni (Kumtesa) appeared first on GazetaBlic.

Nikoliq e quan Ramush Haradinajn “Qen i çartur”

Posted: 12 May 2017 08:30 PM PDT

Presidenti në largim i Serbisë, Timoslav Nikoliq, është shprehur me mllef e ofendime për liderin e Aleancës për Ardhmërinë e Kosovës, Ramush Haradinajn, duke e quaju edhe "qen i çartur".

Nikoliq, i inatosur me lirimin e Haradinajt nga gjykata e Kolmarit në Francë dhe me deklaratat e fundit të Haradinajt në mediat kosovare, ku ish-udhëheqësi i Ushtrisë Çlirimtare të Kosovës, tha se ai do të vazhdojë të ndjekë agjendën e shqiptarëve dhe do t'ua prishë sa herë të jetë nevoja agjendat atyre që duan të ndërhynë në çështjet e Kosovës e shqiptarëve.

"Serbia s'është kërkushi për mua, bash kërkushi – është vetëm fqinj nëse do që të jetë", ka thënë Haradinaj, duke shtuar se nëse Serbia e konsideron Kosovën të vetën me kushtetutë, atëherë edhe ai do ta konsiderojë Nishin, tani qytete në Serbi, pjesë të Kosovës, pasi siç tha Haradinaj, serbët "na e kanë marrë Nishin".

"Nëse ata mendojnë se mund të tallen, edhe ne vazhdojmë me metodat e njëjta", tha Haradinaj.

Nikoliq, duke komentuar këto deklarata të Haradinajt, tha për mediat serbe se ai "është një qen i çartur që ka shijuar mishin e njeriut dhe lëngu ende i rrjedh nëpër gojë".

"Ai duhet ndëshkuar", ka vazhduar Nikoliq.

"Pasi e liroi Franca mbase mendon se nuk do të dënohet asnjëherë".

Pos, Nikoliqit me deklaratat e Haradinajt janë marrë edhe politikanë të tjerë në Serbi, por edhe mediat ruse kanë raportuar deklarimet e tij të kohëve të fundit në raport me Serbinë.

The post Nikoliq e quan Ramush Haradinajn "Qen i çartur" appeared first on GazetaBlic.

Arbana Xharra kthehet në banesën e saj (FOTO)

Posted: 12 May 2017 06:44 PM PDT

Anëtarja më e re e Partisë Demokratike të Kosovës, Arbana Xharra është sulmuar sot rreth orës 1 pas mesnate.

Ende pa u bërë një javë në politikë, Arbana Xharra e ka gjetur vetën të sulmuar sot në një parking në Prishtinë.

E tërë ngjarja thuhet se ka ndodhur rreth orës 1 pasmesnatës kur Xharra ishte kthyer nga Tirana, ku ishte ftuar në emisionin "Oktapod" të Turjan Hyskajt që transmetohet në Vizion Plus.

Ajo u dërgua në gjendje të rëndë në spital ku ishte tërësisht e mbuluar, ndërkohë motivet e kësaj ngjarje ende mbeten të paqarta.

Megjithatë, motivet për këtë sulm ndaj Xharrës ende mbeten të paqarta derisa policia e Kosovës të dal me ndonjë deklaratë zyrtare për incidentin që ndodhi sot.

Ajo është dërguar në spital nga familjarët dhe bashkëpartiakë të partisë së saj, në të cilën ajo aderoi gjatë ditës së mërkurë.

Pas dhënies se tretmanit adekuat mësohet se Xharra është lëshuar nga spitali dhe ka shkuar në banesën e saj, ku gjendje e saj shëndetësore për momentin është stabile.

Xharra pritet që gjatë ditës së shtunë të deklarohet për incidentin që ndodhi në një parking pas kthimit të saj nga Tirana.

The post Arbana Xharra kthehet në banesën e saj (FOTO) appeared first on GazetaBlic.

Flet Policia e Kosovës: Arbana Xharra u rrah brutalisht

Posted: 12 May 2017 05:51 PM PDT

Policia e Kosovës ka konfirmuar rrahjen brutale të anëtares së re të PDK-së Arbana Xharra.

Në orët e para të së shtunës, Xharra është rrahur para banesës së saj në Prishtinë dhe tani është në QKUK.

Policia ka thënë për Koha.net se rasti ka ndodhur rreth orës 01:00 pas mesnate dhe në spital është sjellë nga bashkëpartiakë të saj.

Mësohet se gjendja e Xharrës është stabile.

 

The post Flet Policia e Kosovës: Arbana Xharra u rrah brutalisht appeared first on GazetaBlic.

Kjo është gjendja e Arbana Xharrës pas rrahjes (FOTO)

Posted: 12 May 2017 05:46 PM PDT

Anëtarja e re e PDK-së, Arbana Xharra, është në gjendje stabile pas rrahjes para banesës së saj në Prishtinë.

Gazetari i portalit Koha.net ka shkuar në QKUK dhe sipas informatave që ka marrë aty, mësohet se gjendja shëndetësore e Xharrës është stabile.

Për të përcjellë nga afër kanë ardhur familjarë të saj si dhe bashkëpartiakë nga PDK-ja, parti në të cilën ajo aderoi këtë javë.

Policia e Kosovës ka konfirmuar minuta më herët për Koha.net se rasti ka ndodhur rreth orës 01:00 dhe në QKUK Xharra është sjellë nga bashkëpartiakët e saj.

Koha.net ka siguruar fotografi nga gjendja aktuale e Xharrës.

The post Kjo është gjendja e Arbana Xharrës pas rrahjes (FOTO) appeared first on GazetaBlic.