Posted: 07 May 2017 11:45 AM PDT

Kreu i Partisë Demokratike Lulzim Basha paralajmëroi se nëse zgjedhjet më 18 qershor do të mbahen pa opozitën do të konsiderohen moniste, ndërsa tha se është i hapur për dialog me mazhorancën. “Së bashku do të ndalim marrjen peng të vendit nga krimi dhe droga përmes asgjësimit të demokracisë me zgjedhje fasadë, zgjedhje moniste të diktuara nga droga dhe jo nga qytetarët shqiptarë” tha zoti Basha para përkrahësve ditën e dielë.
Ai shprehur gatishmërinë për dialog politik, por tha se ky dialog duhet të ketë premisën e së vërtetës të pranuar nga të gjitha palët. “Në qoftë se premisa e krimit dhe drogës refuzohet nga pala e qeverisë, atëherë premisat janë zero” tha zoti Basha. “Ne jemi të hapur që së bashku me dialog politik t'i japim shqiptarëve garancitë për zgjedhje të lira dhe ndershme. Nuk do të pranojmë as një dhuratë lëmoshë për Partinë Demokratike” shtoi ai.
Kreu i PD përsëriti se PD-ja kurrë nuk ka marrë dhe nuk do të marrë një vendim për bojkot të zgjedhjeve. “Kjo betejë bëhet që shqiptarët të zgjedhin të pa kërcënuar” tha ai. “Nuk ka mospjesëmarrje të zgjedhjeve, por ka luftë totale demokratike për të mos lejuar pengmarrjen e zgjedhjeve nga krimi dhe droga” nënvizoi kreu demokrat.

Deklaratat e tij vijnë ndërsa kryeministri Rama ka paralajmëruar se e diela është afati i fundit që PD të ulet në bisedime, por kjo e fundit bashkë me opozitën e djathtë këmbëngul në dorëheqejn e qeverisë Rama dhe krijimin e një qeverie teknike.

Posted: 07 May 2017 11:33 AM PDT

Emmanuel Macron është President i ri i Francës. Kandidati i pavarur centrist ka fituar 65.5 për qind të votave në raundin e dytë të votimit në zgjedhjet presidenciale, që u mbajtën të dielën më 7 maj, njoftoi televizioni kombëtar francez. Ai ka mposhtur ekstremisten e djathtë, Marine Le Pen, që ka marrë 34.5 për qind të votave, sipas sondazheve. Le Pen ka pranuar humbjen dhe ka uruar fituesin. Macron, 39 vjeç, bëhet presidenti më i ri në moshë në historinë e Francës. Ai është edhe presidenti i parë që nuk vjen nga dy partitë kryesore tradicionale franceze, që nga themelimi i republikës moderne franceze në 1958.

Rama: Shqipëria drejt 18 qershorit, PD nuk e merr dot peng!

Posted: 07 May 2017 10:37 AM PDT

Kryeministri socialist Edi Rama paralajmëroi se maxhoranca do të shkojë edhe pa PD në zgjedhjet e përgjithshm të 18 qershorit, ndërsa deklaroi se dy njerëz po e sakrifikojnë atë për interest personale. “Në mos ndodhtë mrekullia në orët e mbetura, ne nesër do nisemi drejt 18 qershorit pa PD, e cila do ta ketë shumë të qartë se Shqipërinë peng se merr dot kurrë dhe se bën dot një vatër të re gjullurdie ne rajonin e trazuar nga ndërhyrjet e aktorëve të tjerë kundër BE dhe NATO-s” tha zoti Rama në komunikimin e tij javor.
Pa ju përmendur emrat ai sulmoi ish kreun e PD berisha dhe kreun aktual Basha. “Lideri i vjetër dhe hakmarrës, që i friksohet drejtrësisë dhe kryetari i ri, kopjon të vjetrin, por lider nuk bëhet” tha kryeministri. “Sot është dita kur po shkon drejt përfundimit një proces i vështirë, përgatitjet për zgjedhjet e 18 qershorit, një proces i vështirësuar nga PD, një parti e cila lindi 27 vjet më parë si mishërimi i aspiratës kombëtare për Shqipërinë si gjithë Europa, ndërsa sot është kthyer në një bunker plastmasi” tha zoti Rama
Ndërsa të dielën do të duhet të zhvilloheshin zgjedhjet për Bashkinë e Kavajës, zoti Rama tha se “Ne u tërhoqëm për të shmangur derdhjet rrugës të Kavajës dhe për t’i krijuar PD mundësinë e fundit për përfshirjen me dinjitet në zgjedhjet e 18 qershorit”. “Është për të ardhur keq që dëshira, përpjekja dhe durimi im nuk mjaftoi se frikën nga drejtësia dhe humbja për këto zgjedhje s'ja heqim dot dy njerëzve që po sakrifikojnë partinë” tha sërish kryeministri Rama. “Zgjedhjet janë të popullit, jo të shërbëtorëve të tyre në qeveri apo në opozitë” shtoi ai.
Kryeministri dhe kreu socialist Edi Rama ftoi të gjithë anëtarët dhe simpatizantët e PD-së që të mos rrinë pa votuar në 18 qershor, pasi sipas tij vetëm kështu, ata do të bëhen pjesë e një Shqipërie që ecën drejt integrimit europian dhe një zbatimit të reformës në drejtësi.
Një thirrje ju ka drejtuar edhe shqiptarëve kudo që janë, që në pamundësi për të qenë të pranishëm në votimet e 18 qershorit, tu kërkojnë të afërmve të tyre në Shqipëri të votojnë për Shqipërinë si gjithë Europa.

KQZ gjobit PS, nuk respektoi kuotat gjinore në Berat

Posted: 07 May 2017 06:11 AM PDT

Komisioni Qëndror i Zgjedhjeve ka gjobitur të dielën me 1 milionë lekë Partinë Socialiste, partia më e madhe në Shqipëri, për mospërbushjen e kuotave gjinore në listën e qarkut të Beratit. Ndërsa miratoi listat emërore të kandidatëve për deputetë të socialistëve në 12 qarqe, komisioni vërejti se në listën prej 8 kandidatësh të qarkut të Beratit kishte vetë një kandidate. Ajo ishte Ermonela Felaj, ministrja aktuale e marrëdhënieve me parlamentin. Sipas ligjit shqiptar të paktën 30 përqind e kandidatëve që paraqesin partitë politike duhet të jenë gra ose vajza.

CookingFood.Org

RTSH: “Basha: Jo zgjedhje pa opozitën, të gatshëm për dialog!” plus 3 more

RTSH: “Basha: Jo zgjedhje pa opozitën, të gatshëm për dialog!” plus 3 more